🗣XİN: Azərbaycan dövləti və xalqı hər zaman Türkiyənin yanındadır

Azərbaycanın Xarici İşlər Nazirliyi (XİN) Türkiyənin Kahramanmaraş bölgəsində baş verən zəlzələnin ildönümü ilə bağlı paylaşım edib.

"Qardaş Türkiyənin Kahramanmaraş bölgəsində baş vermiş ağır zəlzələnin ildönümündə bu böyük fəlakətin yaratdığı dərin ağrını və kədəri bir daha xatırlayır, minlərlə insanın həyatına son qoymuş, genişmiqyaslı dağıntılara səbəb olmuş bu faciənin qurbanlarının əziz xatirəsini dərin hüznlə yad edirik.

Azərbaycan dövləti və xalqı hər zaman Türkiyənin yanındadır və bu ağrını öz ağrısı kimi bölüşür.

Qardaş Türkiyə dövlətinə və xalqına daim rifah, firavanlıq və əmin-amanlıq arzu edirik".

Xatırladaq ki, Türkiyədə 53 mindən çox insanın ölümünə səbəb olan dağıdıcı zəlzələlərdən üç il ötür. 2023-cü il fevralın 6-da ölkənin cənub-şərqindəki Kahramanmaraş vilayətində 7,7 və 7,6 bal gücündə zəlzələlər baş verib.

❗️📢 “İdrak” liseyində silahlı insident — Son məlum olanlar:

▪️Fevralın 6-da saat 09:00 radələrində Bakının Binəqədi rayonunda yerləşən özəl “İdrak” liseyində silahlı insident baş verib. Daxili İşlər Nazirliyinin məlumatına görə, 10-cu sinif şagirdi Ə.Ş məktəbə atasına məxsus ov silahı ilə gələrək müəllimə atəş açıb.

▪️Hadisənin tənəffüs zamanı baş verdiyi bildirilir. Şahidlərin sözlərinə görə, açılan atəş nəticəsində güllə müəllimənin boyun nahiyəsinə dəyib. Zərərçəkən liseyin riyaziyyat müəllimi, 29 yaşlı Şəhla Kamilovadır.

▪️Respublika Təcili və Təxirəsalınmaz Tibbi Yardım Mərkəzinin məlumatına əsasən, müəllimə dərhal Kliniki Tibbi Mərkəzə hospitalizasiya olunub. Ona odlu silah yarası diaqnozu qoyulub, zəruri tibbi yardım göstərilib. Hazırda vəziyyəti orta-ağır qiymətləndirilir, müalicəsi Cərrahiyyə şöbəsində davam edir.

▪️Polis əməkdaşları hadisəni törədən şagirdi saxlayıb, ov silahı maddi sübut kimi götürülüb. Faktla bağlı cinayət işi başlanıb, araşdırma aparılır.

▪️Məlumata görə, şagirdin atası Samir Şirinov əvvəllər Sumqayıt Şəhər İcra Hakimiyyətinin Mənzil Kommunal Təsərrüfat Birliyində rəis müavini vəzifəsində çalışıb, hazırda işsizdir. Eyni zamanda, müəlliməyə atəş açan şagirdin əvvəllər davranış problemləri olduğu, kompüter oyunlarına həddindən artıq maraq göstərdiyi və hadisənin bu təsirin nəticəsi ola biləcəyi ehtimal edilir.

📢📢📢 UEFA Çempionlar Liqasının pley-off mərhələsində İngiltərənin "Nyukasl" komandası ilə üz-üzə gələcək "Qarabağ" klubu iştirak ərizəsində dəyişiklik edib.

Kris Kuakunun adı iştirak ərizəsindən çıxarılıb. Onu Kadi Borges əvəzləyib. "Köhlən atlar"ın yeni transferi Jeremi Qnali isə heyətdə yer almayıb.

"Qarabağ"ın UEFA Çempionlar Liqası üçün iştirak ərizəsi:

Qapıçılar

89. Amin Ramazanov

97. Fabiyan Buntiç

99. Mateuş Koxalski

Müdafiəçilər

2. Mateus Silva

3. Sami Mmae

13. Bəhlul Mustafazadə

18. Dani Bolt

30. Abbas Hüseynov

44. Elvin Cəfərquliyev

55. Bədavi Hüseynov

81. Kevin Medina

Yarımmüdafiəçilər

8. Marko Yankoviç

9. Joni Montiel

10. Abdullah Zubir

15. Leandro Andrade

20. Kadi Borges

21. Aleksey Kaşuk

27. Toral Bayramov

32. Hikmət Cəbrayılzadə

35. Pedro Bikalyo

Hücumçular

7. Nəriman Axundzadə

11. Emmanuel Addai

17. Kamilo Duran

22. Musa Qurbanlı

"Qarabağ" və "Nyukasl" arasında ilk matç fevralın 18-də, saat 21:45-də Bakıda, cavab qarşılaşması isə fevralın 24-dən 25-nə keçən gecə, saat 00:00-da İngiltərədə baş tutacaq.