❗️Bakı şəhəri, Qaradağ rayonu ərazisində dənizdə nəzarətsiz ərazidə vətəndaşlar köməksiz vəziyyətdə qalıb.

Bu barədə Fövqəladə Hallar Nazirliyi məlumat yayıb.

Bildirilib ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb olunub.

Həyata keçirilən operativ xilasetmə əməliyyatı sayəsində balıqçı qayığının mühərrikində yaranan nasazlıq səbəbindən sahildən təqribən 1 km məsafədə dənizdə köməksiz vəziyyətdə qalan vətəndaşlar, 1994-cü il təvəllüdlü Məmmədov Rəhman Mərifət oğlu, 1986-cı il təvəllüdlü Əliyev Əli Ramiz oğlu, 1981-ci il təvəllüdlü Məmmədov İntiqam İslam oğlu və 1980-cı il təvəllüdlü Quliyev İlkin Şakir oğlu xilasedicilər tərəfindən xilas edilərək sahilə çıxmaları təmin edilib.

Bu gün Suraxanının bəzi ərazilərində elektrik enerjisinin təchizatında fasilə yaranacaq.

Buna səbəb Suraxanı Rayon Enerji Təchizatı və Satışı İdarəsi (RETSİ) ərazisində təmir işlərinin həyata keçirilməsidir.

Qeyd olunub ki, bununla əlaqədar olaraq saat 10:00-dan 16:00-dək Əmircan qəsəbəsi Səttar Bəhlulzadə, Bülbülə qəsəbəsi Çingiz Nəsirov, Nəriman Nərimanov, Vüqar Bədəlov küçələrində elektrik enerjisinin verilişində məhdudiyyət yaranacaq.

Dünya bazarlarında neft ötən günlə müqayisədə ucuzlaşıb.

Axar.az xəbər verir ki, hazırda “Brent” markalı neft 67,89 dollara, yüngül neft isə 63,66 dollara təklif edilir.

Azərbaycan Premyer Liqasının 21-ci turu çərçivəsində keçiriləcək "Neftçi" - "Qarabağ" matçının təxirə salınması ilə bağlı məsələ yenidən gündəmə gəlib.

Axar.az Teleqraf-a istinadla xəbər verir ki, bu dəfə qarşılaşmanın təxirə salınma ehtimalı olduqca yüksəkdir.

Oyunun təxirə salınma təklifi ilə əvvəldən razılaşmayan "Neftçi" tərəfi artıq məlumatlandırılıb. Matçın təxirə salınması ilə bağlı məlumatın Peşəkar Futbol Liqası tərəfindən tezliklə açıqlanacağı gözlənilir.

☄️ABŞ-nin vitse-prezidenti Cey Di Vens fevralın 9-da Ermənistana səfər edəcək, növbəti gün isə Azərbaycana səfər həyata keçirəcək

Bu barədə Ermənistan KİV-i məlumat yayıb.