Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin 4-dən 5-nə keçən gecə və axşam bəzi yerlərdə yağıntılı olacağı, qar yağacağı ehtimalı var. Arabir güclənən şimal-qərb küləyi gündüz şimal-şərq küləyi ilə əvəz olunacaq. Havanın temperaturu gecə 2 dərəcə şaxtadan 1 dərəcəyədək isti, gündüz 2-4 dərəcə isti olacaq.

Gecə və səhər saatlarında bəzi şəhərətrafı ərazilərdə yolların buz bağlayacağı ehtimal olunur.

Azərbaycanın rayonlarında bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Səhər yağıntılar tədricən kəsiləcək, gündüz əsasən yağmursuz keçəcək. Bəzi yerlərdə arabir duman olacaq. Mülayim qərb küləyi əsəcək.

Havanın temperaturu gecə 1-5, gündüz 5-9 dərəcə isti, dağlarda gecə 3-8 dərəcə şaxta, yüksək dağlıq ərazilərdə 8-13, gündüz 0-3 dərəcə şaxta olacaq.

Əsasən dağlıq və dağətəyi rayonlarda yollar buz bağlayacaq.

Bakıda qar intensivləşdi

⚡️Fransa parlamentinin aşağı palatası Azərbaycanda hərbi cinayətlərə görə həbsdə olan ermənilərin dərhal azad edilməsinə çağıran qətnamə qəbul edib

⚽️⚽️“Qarabağ” UEFA Çempionlar Liqasının pley-off mərhələsində “Nyukasl”la qarşı keçiriləcək səfər matçına yaxşı hazırlaşmaq üçün PFL-ə müraciət edib.

Ağdam təmsilçisi İngiltərəyə yollanmamışdan öncə Misli Premyer Liqasının 21-ci turunda “Neftçi”yə qarşı keçiriləcək matçın təxirə salınmasını istəyib.

“Köhlən atlar” bununla bağlı PFL-ə məktub göndərib.

Çempionatın təşkilatçısı olan qurum da öz növbəsində razılıq üçün “Neftçi”yə müraciət edib. Lakin Bakı klubu “Qarabağ”ın bu istəyini geri çevirib.

“Neftçi”nin Media üzrə koordinatoru Rüstəm Əfsərli də saytımıza açıqlamasında bunu təsdiq edib: “Qarabağ”dan belə bir təklif gəlmişdi, amma biz bundan imtina elədik. Çünki komandamızın qarşısında hədəflər var, mövsüm sona yaxınlaşır, həlledici mərhələyə qədəm qoyuruq. Bu hədəflərə uyğun olaraq da hazırlıq planı nəzərdə tutulub. Hər hansı matçın vaxtının, yerinin dəyişdirilməsi planlara mənfi təsir göstərə bilər. Buna görə də fikirləşdik ki, oyunun təxirə salınması məqsdəuyğun deyil. Ən yaxşısı elə təqvimlə nəzərdə tutulan həftədə matçın oynanılmasıdır”.

Tiktoker Velizarın neçə gün həbsdə qalacağı məlum olub.

Axar.az xəbər verir ki, sosial şəbəkələrdə tiktokerin həbsi ilə bağlı saxta xəbərlər yayılır. Bildirilir ki, Velizar 10 günlük həbs edilib.

Lent.az-ın məlumatına görə, Velizar məhkəmənin qərarı ilə 30 gün müddətinə həbs edilib.

🇷🇺🇨🇳 Rusiya və Çin liderləri arasında video görüş baş tutub.

Yasamal rayonu, MİDA Yaşayış Kompleksində təhlükəli vəziyyət yaranıb.

Axar.az Sfera.az-a istinadən xəbər verir ki, artıq 3 ildir istismara verilmiş binada ciddi təhlükəsizlik problemi qeydə alınıb.

Belə ki, MİDA-2 Yaşayış Kompleksinin 19-cu binasının fasad örtüyü güclü küləyin təsiri nəticəsində qoparaq bina ərazisinə səpələnib.

Hadisə zamanı xoşbəxtlikdən xəsarət alan olmayıb, lakin qopan üzlük hissələrinin avtomobillərin üzərinə düşməsi nəticəsində nəqliyyat vasitələrindən birinə maddi ziyan dəyib. Sakinlərin sözlərinə görə, hadisə daha ağır nəticələrə yol aça bilərdi və bu cür vəziyyət xüsusilə küləkli havalarda ərazidə yaşayan insanlar üçün real təhlükə yaradır.

Yaşayış kompleksində yaşayan vətəndaşlar bildirirlər ki, bina nisbətən yeni olmasına baxmayaraq, fasad elementlərinin bu qədər qısa müddətdə sıradan çıxması tikintinin keyfiyyəti və təhlükəsizlik standartlarına əməl olunub-olunmaması ilə bağlı ciddi suallar doğurur. Onların sözlərinə görə, oxşar problemlərin digər binalarda da baş vermə ehtimalı narahatlıq yaradır.

Sakinlər məsələ ilə bağlı aidiyyəti qurumların təcili araşdırma aparmasını, binanın texniki vəziyyətinin yoxlanılmasını və mümkün risklərin aradan qaldırılmasını tələb edirlər.

Qeyd edək ki, baş verən hadisə ilə əlaqədar Mənzil İnşaat Dövlət Agentliyinə rəsmi sorğu ünvanlamışıq. Qarşı tərəfin mövqeyi və açıqlaması olduğu təqdirdə, tərəfimizdən ictimaiyyətə təqdim ediləcək.

Cəlilabadda qardașı uşaqlarını öldürən Əli Hüseynbala oǧlu Naǧıyev saxlanıldığı müəssisədə təkbaşına qaldığı kameradakı çarpayının 2-ci mərtəsindən bașı üstə özünü yerə atıb.

Report-un əldə etdiyi məlumata görə, bundan sonra o, Respublika Neyrocərrahiyyə Xəstəxanasına yerləşdirilərək orada müalicə olunub, göstərilən tibbi yardımlara baxmayaraq Naǧıyev Əli Hüseynbala oǧlu fevralın 3-də müalicə olunduğu xəstəxanada ölüb.

Xəstəxanadan bildirilib ki, fevralın 3-ü saat 00:10 radələrində1977-ci il təvəllüdlü kişi Cəlilabad Rayon Mərkəzi Xəstəxanasından ağır vəziyyətdə Respublika Neyrocərrahiyyə Xəstəxanasının Anesteziologiya, reanimasiya və intensiv terapiya şöbəsinə yerləşdirilib.

Pasiyentə açıq kəllə-beyin travması, baş beynin ağır dərəcəli əzilməsi, sol gicgah payının beyindaxili hematoması, soltərəfli kəskin subdural hematoma, dislokasion sindrom, sol təpə sümüyünün gicgah sümüyünə dəvam edən xətti sınığı, sol təpə gicgah nahiyəsinin dərialtı hematoması, sol periorbital hematoması diaqnozları təyin edilib.

Sol alın təpə gicgah nahiyədə dekompressiv trepanasiya, sol alın gicgah epidural, sol alın təpə gicgah subdural, sol gicgah payının beyindaxili hematomasının xaric edilməsi, sərt qişanın plastikası üzrə cərrahi əməliyyat icra olunan pasiyentin aparılan reanimasiya tədbirlərinə baxmayaraq, onun 04.02.2026-cı il tarixində 01:00 radələrində bioloji ölüm faktı qeydə alınıb.

ABŞ Ədliyyə Nazirliyi tərəfindən yayımlanan Epşteyn sənədlərində zərərçəkənlərdən birinin Federal Təhqiqat Bürosuna verdiyi ifadə:

“Genişmiqyaslı insan alverinə məruz qaldım. Bu, mən hələ çox kiçik yaşlarda olarkən başladı. Vəkillər, hakimlər, nazirlər, kral ailələri, siyasətçilər, biznesmenlər tərəfindən dəfələrlə təcavüzə uğradım. Məni Epşteynə satdılar, o da məni seks köləsi etdi. Mənimlə uşaq p….. çəkdilər. İşgəncə edib, beynimi öldürməyə çalışdılar. Norveç kral ailəsinin üzvləri, Gunhild Stordalen, Petter Stordalen, Kjell Inge Rokke, Jens Stoltenberg, Jonas Gahr Store və digərləri mənə dəfələrlə təcavüz edib, komaya salmaq istədilər. Birlikdə hərəkət edirdilər.”

Adıçəkilənlər:

• Mette Marit - Norveçin vəliəhd şahzadəsi
• Gunhild Stordalen - məşhur norveçli həkim və xeyriyyəçi
• Peter Stordalen - norveçli milyarder
• Kjell Inge Rokke - Norveçin ən varlı biznesmeni
• Jens Stoltenberg - Norveçin maliyyə naziri, NATO-nun keçmiş baş katibi
• Jonas Gahr Store - Norveçin baş naziri
• Frederik - Danimarka kralı
• Sofia - İsveç şahzadəsi
• Thorbjorn Jagland - Norveçin keçmiş baş naziri
• Mona Juul - norveçli səfir və diplomat, BMT-dəki nümayəndə

İran İslam İnqilabı Keşikçiləri Korpusunun (SEPAH) 8-9 fevral tarixlərində Hörmüz boğazında planlaşdırdığı döyüş atışlı təlimləri ABŞ-ın xəbərdarlıqlarından sonra ləğv edilib.

Axar.az xəbər verir ki, bu barədə “Voll Strit Jurnal” məlumat yayıb.

Məlumata görə, qərar ABŞ-ın F-35 döyüş təyyarəsi tərəfindən Ərəbistan dənizi üzərində vurulan İran dronu və İran gəmilərinin ABŞ tankerini dayandırmaq cəhdləri fonunda qəbul olunub.

Türkiyə Prezidenti Rəcəb Tayyib Ərdoğan Misirə səfər edib.

İcazə verin diqqətinizə çatdraq ki, ABŞ-İran danışıqlarının İstanbuldan Omana dəyişdirilməsi strateji səhvdir.

Axar.az xəbər verir ki, bunu iranlı media fəalı Qurbanəli Sələvatian özünün X hesabında yazıb.

“Türkiyə NATO-nun üzvüdür və Trampın yanında Ərdoğanın nüfuzu böyükdür. Türkiyə və Ərdoğanın beynəlxalq səviyyədə reytinqi və etibarı Omanla müqayisə olunmayacaq dərəcədə yüksəkdir”, - o əlavə edib.

Qeyd edək ki, fevralın 6-da baş tutması gözlənilən ABŞ-İran danışıqlarının məkanının Tehranın təkidi ilə İstanbuldan Omana dəyişdirildiyi haqda məlumat yayılıb.