DİN-in Nəqliyyatı İntellektual İdarəetmə Mərkəzi paytaxtın Heydər Əliyev prospektində baş vermiş ağır qəzanın görüntülərini yayıb.

Baş prokuror Kamran Əliyevin müvafiq əmrinə əsasən:

● Azərbaycan Respublikası Hərbi prokurorunun müavini Şəfahət İmranov Abşeron rayon prokuroru vəzifəsinə təyin edilib.

● Azərbaycan Respublikası Hərbi prokurorunun sabiq müavini Fuad Məmmədov Tərtər rayon prokuroru vəzifəsinə təyin edilib.

● Tərtər rayon prokuroru Əli Qurbanov Tərtər hərbi prokuroru vəzifəsinə təyin edilib.

● Şəfahət İmranov və Fuad Məmmədov həqiqi hərbi xidmətdən ehtiyata buraxılıblar.

⚡️ İran Prezidenti Məsud Pezeşkian ABŞ ilə danışıqlara başlamaq əmri verib.

📍 Mənbələrə görə, Amerika tərəfi ilə əlaqələr yaxın günlərdə Türkiyədə baş tuta bilər.

Bu barədə "Fars" xəbər agentliyi İran hökumətindəki mənbəyə istinadən məlumat yayıb.

⚡️ Azərbaycanda sahibkarlıq sahəsində aparılan yoxlamalar 2027-ci il yanvarın 1-dək dayandırılacaq.

🇦🇿🇦🇿🇦🇿 Azərbaycanın hərb tarixində “Atəş ramı” (təyyarəni düşmən hədəfinə çırpmaq) edən ilk pilot Vətən Müharibəsi Qəhrəmanı, polkovnik Zaur Nudirəliyevdir.

O, 4 oktyabr 2020-ci ildə Cəbrayıl istiqamətində döyüş tapşırığını yerinə yetirərkən təyyarəsini düşmənin canlı qüvvəsinin cəmləşdiyi sığınacağa çırparaq qəhrəmancasına şəhid olmuşdur.

Zaur Nudirəliyev 1941-ci ildə sovet pilotu N. Qastellodan sonra bu addımı atan yeganə pilot kimi hərb tarixinə düşüb.

"Atəş ramı" zamanı pilot döyüş sursatı bitdikdə təyyarəsini düşmən mövqesinə çırparaq onu məhv edir.

O, ölümündən sonra "Vətən Müharibəsi Qəhrəmanı" adı ilə təltif edilib.

🇺🇸🎤 Tramp "Qremmi"ni sərt tənqid edib, aparıcını məhkəmə ilə hədələyib

ABŞ Prezidenti Donald Tramp “Qremmi” mükafatlandırma mərasimini kəskin tənqid edərək tədbiri “dözülməz şou" və “zibil” adlandırıb.

Tramp həmçinin mərasimin aparıcısı, komediya ustası Trevor Noanı prezidentin Epşteynlə əlaqəsi barədə səsləndirdiyi qalmaqallı zarafata görə məhkəməyə verə biləcəyi ilə hədələyib.

2026-cı ildə ölkələr üzrə İQ - Zəka əmsalı açıqlanıb.

Axar.az xəbər verir ki, bu barədə rəsmi “Beynəlxalq İQ Test” məlumat yayıb.

137 ölkənin yer aldığı siyahıda Cənubi Koreya, Çin və Yaponiya ilk üçlükdə qərarlaşıb.

İlk onluğu isə İran, Avstraliya, Rusiya, Sinqapur, Monqolustan, Yeni Zelandiya, Vyetnam tutub.

Azərbaycan siyahıda 57-ci, Gürcüstan 21, Ermənistan 26, Türkiyə isə 69-cu sırada yer alıb.

🥀 Bakı Dövlət Universitetinin müəllimi vəfat etdi

Bakı Dövlət Universitetinin (BDU) Coğrafiya fakültəsinin müəllimi, coğrafiya üzrə elmlər namizədi Firəngiz Eyyub qızı Qasımova vəfat edib.

O, uzun sürən onkoloji xəstəlik səbəbindən dünyasını dəyişib.

Fevralın 3-4-də Bakıda və Abşeron yarımadasında, eyni zamanda əksər bölgələrdə gözlənilən küləkli hava şəraiti ilə bağlı sarı və narıncı xəbərdarlıq verilib.

Bildirilib ki, Bakıda və Abşeron yarımadasında, Xızı, Quba, Qusar, Şabran, Xaçmaz, Siyəzən, Mingəçevir, Qazax, Ağstafa, Tovuz, Şəmkir, Samux, Gəncə, Naftalan, Goranboy, Kəlbəcər, Qobustan, Daşkəsəndə narıncı xəbərdarlığa uyğun olaraq şimal-qərb küləyi əsəcək, küləyin sürəti 20.8-28.4 m/san-dək güclənəcək.

Ölkənin digər bölgələrində isə sarı xəbərdarlığa uyğun olaraq şimal-qərb küləyi əsəcək, küləyin sürəti 13.9–20.7 m/san təşkil edəcək.

Türkiyə kinosunun “Yaşılçam” dövrünün tanınmış aktyoru Nəcdət Kökeş vəfat edib.
Kult.az xəbər verir ki, məlumatı Türkiyə mediası yayıb.
Bildirilib ki, aktyor son vaxtlar ağciyərində yaranan problemlərlə bağlı traxeostomiya əməliyyatı keçirib. O, bu gün 82 yaşında dünyasını dəyişib.
Qeyd edək ki, N. Kökeş kino karyerasına 1970-ci ildə çəkilmiş “Bütün sevgilər şirin başlayır” filmi ilə başlayıb. Karyerası ərzində təxminən 100 filmdə rol alan aktyor, xüsusilə Cüneyt Arkınla birlikdə çəkildiyi “Battal Qazi” filmlində canlandırdığı “Zıpzıp” obrazı ilə tanınıb.
Aktyor həmçinin “Dəli Domrul”, “Şaban əsgərdə”, “Haqanlar toqquşur”(Hakanlar çarpışıyor), “Ləbləbi tozu” və “Avropalı” kimi filmlərdə də rol alıb.

Gəncə şəhərində kanalizasiya quyusu yaxınlığında qaynaq işi görülən zaman partlayış olub

Hadisə nəticəsində 1984-cü il təvəllüdlü Anar Zamanov, 1989- cu il təvəllüdlü Mahir Bağırov və daha bir nəfər müxtəlif dərəcəli bədən xəsarətləri alıblar.

Faktla bağlı araşdırma aparılır.

Azərbaycan Xəzər Dəniz Gəmiçiliyi (ASCO) QSC-də kadr islahatları aparılıb.
Axar.az Unikal-a istinadən xəbər verir ki, bu barədə ASCO-nun sədri Əfqan Cəlilov əmrlər imzalayıb.
Belə ki, ASCO-nun Daxili nəzarət departamentinin rəisi Vaqif Quliyev təqaüd yaşına çatması ilə əlaqədar, Maliyyə və uçot departamentinin rəisi Fəxrəddin Həsənov isə öz ərizəsi əsasında vəzifələrindən ayrılıblar.
Xatırladaq ki, Əfqan Cəlilov bu il yanvarın 16-da ASCO-nun sədri təyin olunub.

Prezident İlham Əliyev Birləşmiş Ərəb Əmirliklərinə işgüzar səfərə gəlib.