Milli Məclisin yaz sessiyası çərçivəsində ilk plenar iclası başlayıb.

❗️ABŞ prezidenti Donald Tramp Trevor Noahın onunla bağlı səsləndirdiyi iddiaları yalan adlandırıb.

Tramp bildirib ki, Trevor Noah onun və Bill Klintonun guya Ceffri Epşteynə məxsus adada vaxt keçirməsi ilə bağlı səsləndirdiyi fikirlər həqiqətə uyğun deyil.

“Bu, tamamilə yalandır. Bill Klintonun adından danışa bilmərəm, lakin mən nə Epşteyn adasında, nə də onun yaxınlığında olmuşam”, – deyə Tramp qeyd edib.

Azərbaycan şahmatçısı Teymur Rəcəbovun ölkə çempionatına qatılmamasının səbəbi müəyyənləşib.

Axar.az Report-a istinadən xəbər verir ki, 38 yaşlı qrossmeyster özü yarışda iştirakla bağlı qeydiyyatdan keçmək istəməyib.

O, turnir şahmatın klassik növündə təşkil olunduğu üçün bu addımı atıb. Son vaxtlar klassik şahmat oynamayan Rəcəbov adətən rapid və blits yarışlarında mübarizə aparır.

Bundan əlavə, Teymur Rəcəbov Azərbaycan millisinin kapitanı kimi fəaliyyətinə davam etmək niyyətindədir. Onun kapitanı olduğu yığma ötən il Avropa çempionatında gümüş medal qazanıb.

Qeyd edək ki, Teymur Rəcəbov 2025-ci ilin əvvəlində Azərbaycan çempionatında iştirak edib. Yarımfinalda Rauf Məmmədova uduzan şahmatçı səhhətindəki problemə görə bürünc medal uğrunda görüşdə iştirak etməyib.

☁️Yanvar ayında ölkə ərazisində temperatur əsasən iqlim normasından yuxarı olub

2026-cı ilin yanvar ayında ölkə ərazisində havanın temperaturu iqlim norması ilə müqayisədə 19 gün normadan yuxarı (0.9–8.8 dərəcə), 10 gün normadan aşağı (0.7–1.9 dərəcə), 2 gün isə norma daxilində olub. Orta aylıq temperatur 6,2 dərəcə isti olub ki, bu da iqlim normasından 1,8 dərəcə yuxarıdır.

Qarabağın UEFA Çempionlar Liqasında qarşılaşacağı “Nyukasl”la oyun öncəsi hazırlanmış yumoristik montajda pinqvin buzluqlardan ayrılaraq təkbaşına dağa doğru irəliləyir. Dağın üzərində isə “Newcastle” yazısı yer alır.

Videoda pinqvinin hamının getdiyi istiqamətin əksinə, sakit və qətiyyətlə bu “dağa” doğru yürüməsi Qarabağın çətin rəqibə doğru addımlamasına bənzədilir. Paylaşım qısa zamanda azarkeşlər arasında maraqla qarşılanıb və sosial şəbəkələrdə geniş yayılıb.

Montaj həm məşhur viral trendə, həm də qarşılaşma öncəsi yaranan gərgin və emosional ab-havaya ironik toxunuş kimi qiymətləndirilir.

❗️Ödənişli yolda baş verən qəzada iki nəfər ölüb

Bakı-Quba-Rusiya Federasiyası sərhədi ödənişli avtomobil yolunda ölümlə nəticələnən avtomobil qəzası baş verib.

Fevralın 1-i gecə saatlarında “Chevrolet” markalı avtomobil yolun Siyəzən rayonu ərazisindən keçən hissəsində eyni istiqamətdə hərəkətdə olan yük avtomobilinə çırpılıb.

Qəza nəticəsində avtomobildə olan iki sərnişin dünyasını dəyişib.

Faktla bağlı araşdırma aparılır.

Rusiyanın Orenburq vilayətində təlim təyyarəsi qəzaya uğrayıb.

Axar.az xəbər verir ki, bu barədə Rusiya mətbuatı məlumat yayıb.

Məlumata görə, təyyarədə Sankt-Peterburq mülki Aviasiya Universitetinin 2 kursantı və təlimatçısı olub.

Hər üçünün öldüyü bildirilir.

Qəzanın hansı səbəbdən baş verdiyi barədə məlumat verilməyib.