⚡️⚡️İsrailin xarici işlər naziri:

● İlham Əliyev xalqını təsirli nailiyyətlərə aparan uzaqgörən bir liderdir.

● Mən Bakıya bir çox sektorları təmsil edən İsrail şirkətlərindən və iqtisadi təşkilatlarından ibarət yüksək səviyyəli biznes-iqtisadi nümayəndə heyəti ilə gəlmişəm.

● Qarşılıqlı məqsədimiz enerji, müdafiə, su, kənd təsərrüfatı, turizm və digər sahələrdə tərəfdaşlığımızı dərinləşdirməkdir.

● Azərbaycanla strateji münasibətlərimizi gücləndiririk!

Braziliyada hazırda həbsdə olan keçmiş prezident Jair Bolsonaroya dəstək aksiyası zamanı etirazçıları ildırım vurub.

İmişlidə yanan evdə kişi meyiti aşkar edilib.

Axar.az APA-ya ya istinadən xəbər verir ki, İmişli sakini Sürahi Quliyevaya məxsus 3 otaqlı evdə yanğın baş verib.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin İmişli Yanğından Mühafizə hissəsinin texnikası və canlı qüvvəsi cəlb edilib. Yanğın söndürülüb, ətraf ərazilərə keçməsinin qarşısı alınıb.

Yanğın yerinin kəşfiyyatı zamanı kişi meyiti aşkarlanıb. Meyit müayinə olunmaq üçün Məhkəmə Tibbi Ekspertiza və Patoloji Anatomiya Birliyinin İmişli rayon mərkəzinə yerləşdirilib.

Ölən şəxsin həmin evdə kirayədə yaşayan İmişli rayonunun Qaradonlu kənd sakini, 1957-ci il təvəllüdlü Sədrəddin Qüdrət oğlu Fərəcov olduğu müəyyən edilib.

Faktla bağlı araşdırma aparılır.

Yeni “Yığ, apar!” lotereyası artıq satışda

Ölkənin qanuni lotereya təşkilatçısı və idman mərc oyunları operatoru “Azərlotereya” bir-birindən maraqlı və əyləncəli yeni “Poz-Qazan” oyunları ilə sevindirməyə davam edir.

Bu dəfə “Azərlotereya” “Yığ, apar!” lotereyasını təqdim edir. Biletlər artıq satışdadır.
Qiyməti 1 manat olan lotereya biletlərinin ümumi sayı 20 000 000 ədəddir. Onlardan 4 815 750 ədədi uduşludur. Cəmi uduş məbləği isə 12 646 000 (63,23%) təşkil edir

“Yığ, apar!”da sadəcə 1 manata toplam 12 milyon manatdan çox uduş şansı var. 10 ədəd biletdə isə 5000 manatlıq böyük uduş sahiblərini gözləyir.
Çoxlarının sevimlisi olan digər “Poz-Qazan” oyunlarında da 5 000-dən 500 000 manatadək böyük uduşlar qazana bilərsiniz.
Biletləri “Azərlotereya” satış nöqtələri, “Misli” məntəqələri, "Azərpoçt" şöbələri, “Araz” və OBA marketlər şəbəkəsi, eləcə də digər mağaza və köşklərdən əldə etmək mümkündür.

Bakıda yanvarın 27-də bəzi yerlərdə çiskinli yağış, rayonlarda isə qar yağacağı gözlənilir.

Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə çiskinli yağış yağacağı ehtimalı var. Arabir güclənən şimal-qərb küləyi gündüz şimal-şərq küləyi ilə əvəz olunacaq.

Havanın temperaturu gecə 2-4, gündüz 4-6 dərəcə isti olacaq.

Azərbaycanın rayonlarında bəzi yerlərdə arabir yağıntılı olacağı, qar yağacağı gözlənilir. Lənkəran-Astara zonasında yağıntıların intensiv olacağı ehtimalı var. Ayrı-ayrı yerlərdə arabir duman olacaq. Qərb küləyi bəzi dağlıq və dağətəyi rayonlarda arabir güclənəcək.

Havanın temperaturu gecə 2 dərəcə şaxtadan 3 dərəcəyədək isti, gündüz 5-9 dərəcə isti, dağlarda gecə 6-11 dərəcə şaxta, gündüz 3 dərəcə şaxtadan 2 dərəcəyədək isti olacaq.

Gecə və səhər bəzi dağlıq rayonlarda yolların buz bağlayacağı ehtimal olunur.

Sumqayıtdakı alma olayı “Komedixana”da

⚡️İsrailin XİN rəhbəri: İran rejimi öz xalqını qırır. Onlar öz insanlarına qarşı belə davranırlar. Onlardan digər ölkələrə qarşı necə münasibət gözləmək olar? Heç vaxt imkan vermək olmaz ki, kütləvi qırğın silahı onların əlində olsun.

İsrail xarici işlər naziri Gideon Saar:

· Azərbaycanda hər zaman yəhudilər sülh şəraitində yaşayıb və yaşamağa davam edir.

· Biz Azərbaycana investisiya yatırmaq istəyirik.

İran ölkədə beynəlxalq internetə çıxışla bağlı bütün məhdudiyyətləri ləğv edir. (TASS)

58 yaşlı Kanada vətəndaşı 4,5 saatdan çox plank vəziyyətində qalaraq qadınlar arasında Ginnes rekorduna imza atıb.

UEFA Çempionlar Liqasının Liqa mərhələsinin son turunda "Liverpul" - "Qarabağ" qarşılaşmasında futbol komandamızı dəstəkləyəcək azarkeşlərin sayı açıqlanıb.

Bu barədə Axar.az-a klubun mətbuat xidmətindən məlumat verilib.

Bildirilib ki, İngiltərədə keçiriləcək matçda "Qarabağ"ı 1250 nəfərə yaxın azarkeş müşayiət edəcək. Komanda bu gün saat 15:00-da İngiltərəyə yollanacaq.

Qeyd edək ki, "Liverpul" - "Qarabağ" oyunu yanvarın 29-da Bakı vaxtı saat 00:00-da start götürəcək.

⚡️İsrail və Azərbaycan arasında birbaşa aviareyslərin sayı artırılacaq

Anar məşhur telepatdan danışdı: 1952-ci il idi, biləyimdən tutdu...

ƏTRAFLI : https://axar.az/news/kult/1055833.html

“UTair” aviaşirkətinə məxsus Moskva–Gəncə istiqamətində həyata keçirilən UTA-743 saylı reys, təyinat məntəqəsində müşahidə olunan əlverişsiz hava şəraiti – duman səbəbindən hava gəmisinin kapitanının qərarı ilə ehtiyat hava limanı olaraq Heydər Əliyev Beynəlxalq Aeroportuna yönləndirilib.

Axar.az xəbər verir ki, bu barədə Heydər Əliyev Beynəlxalq Aeroportunun mətbuat xidməti məlumat yayıb.

"Boeing 737" tipli hava gəmisi yerli vaxtla saat 11:05-də Heydər Əliyev Beynəlxalq Aeroportuna təhlükəsiz eniş edib.

Sərnişinlərin və uçuşun təhlükəsizliyi prioritet olaraq təmin olunub. Uçuşun davamı ilə bağlı qərar hava şəraitindən asılı olaraq “UTair” aviaşirkəti tərəfindən veriləcək.

Heydər Əliyev Beynəlxalq Aeroportu tərəfindən bütün zəruri əməliyyat prosedurları operativ şəkildə icra olunub.