🔥🔥 Bakıda avtomobil hərəkətdə olarkən yanmağa başlayıb.

Hadisə paytaxtın Ziya Bünyadov prospektində baş verib.

➡️ Məlumata görə, BYD markalı avtomobil qəfil alovlanıb. Sürücü maşının yanmasına baxmayaraq, bir müddət hərəkəti davam etdirib.

🔴 Neftçalada avtomobilin kanala aşması sürücünün ölümü ilə nəticələnib.

Hadisə Neftçala rayonunun Qırmızıkən kəndi ərazisində qeydə alınıb.

Belə ki, Neftçala rayon sakini Yaşar Kərimovun idarə etdiyi "Toyota" markalı avtomobili idarəetməni itirərək kanala aşıb. Sürücü hadisə yerində ölüb. Faktla bağlı araşdırma aparılır.

🔴🔴🔴Abşeron rayonunun bir sıra ərazilərində işıq olmayacaq

Bu gün Abşeron Rayon Enerji Təchizatı və Satışı İdarəsi (RETSİ) ərazisində 110 kV-luq “Masazır-1” və “Xırdalan-5” hava xətlərində təmir işləri aparılacaq.

Bu barədə Azərişıq ASC məlumat verib.

Bildirilib ki, görüləcək işlərlə əlaqədar saat 09:00-dan 15:00-dək Xırdalan şəhərində Hacı Zeynalabdin Tağıyev, Mehdi Hüseyn küçələri, Müşviq qəsəbəsi, 28 May qəsəbəsinin bir hissəsi, eləcə də Sumqayıt yolunun ətrafında elektrik enerjisinin verilişində müvəqqəti məhdudiyyət yaranacaq.

Qeyd olunub ki, təmir işləri başa çatdıqdan sonra sözügedən ərazilər daha keyfiyyətli və dayanıqlı elektrik enerjisi ilə təmin ediləcək.

🔴 Tərtərdə ana və oğul dəm qazından zəhərlənib

Tərtər rayon sakinləri 1973-cü il təvəllüdlü Əzimov Müşviq Əsəd oğlu və anası - 1955-ci il təvəllüdlü Əzimova Sahibə Salman qızı yaşadıqları Famil Qulami küçəsi döngə 1, ev 7 ünvanında sobadan sızan dəm qazından zəhərlənib.

Hadisə nəticəsində Müşviq Əzimov ölüb, Sahibə Əzimova isə xəstəxanaya yerləşdirilib.

🔴Milli Məclisin deputatları gələn həftə məzuniyyətdən qayıdacaqlar.

Onların tətil müddəti yanvarın 15-də başa çatacaq.

Parlamentin Daxili Nizamnamənin birinci maddəsinə (Milli Məclisin fəaliyyətinin əsasları) əsasən, səlahiyyəti dövründə Milli Məclis ildə iki dəfə - iyul ayının 15-dən avqust ayının 30-dək və yanvar ayının 1-dən 15-dək tətilə buraxılır. Bu dövrdə deputatlar məzuniyyətdə sayılırlar.