Шунингдек, мужтаҳид (агар бор деб фараз қилсак) ўзига ҳақдан зоҳир бўлган далилга эргашиши фарз бўлади, аммо мужтаҳиддан бошқасига келсак, тақлид(мазҳаб уламоларига эргашиш)и фарз бўлади.

Ибн Ражаб Ал-Ҳанбалий роҳимаҳуллоҳ

📚الر على من اتبع غير مذاهب الأربعة

19/10/1447ҳ
@AVROQULHIKAM

*Тарбия*

48 йил аввалги бошланғич синф ўқитувчисини паркда кўриб, уялибгина ёнига борди:

— Устоз, мени танидингизми? — деди титраб.

Кексайган ўқитувчи бир қараб қўйди:
— Йўқ, болам, танимадим, — деди мулойим оҳангда.
— Қандай танимайсиз, устоз? Мен сизнинг ўқувчингиз эдим. Эсингиздами, синфимизда бир куни соат йўқолган эди. Ана ўша соатни мен олган эдим. Сиз эса: “Ҳамма ўрнидан турсин, қўлларини партага қўйсин, кимнинг чўнтагида бўлса топамиз”, дегандингиз. Ўша куни мен шунчалик уялган эдимки, юрагим музлаб кетганди. Сиз ва синфдошларимнинг юзига қандай қарашни билмай, совуқ терга ботгандим.

Шунда сиз яна шундай дедингиз: “Болалар, ҳаммангиз кўзингизни юминг.” Мен ўртадаги партада эдим. Навбат менга келганда, титраб, қўрқувдан нафасим ҳам чиқмай қолганди. Сиз эса тинчгина чўнтагимдаги соатни олиб, ҳеч нарса демай, жимгина охирги ўқувчигача текшириб чиққансиз. Сўнг бизни ўрнимизга ўтқазиб, индамай соатни эгасига қайтариб бергансиз.

Йиллар ўтди, мен улғайдиму, лекин ўша кунни унутмадим. Энди мен 60 ёшдаман, лекин ҳалигача ҳаётимдаги энг катта сабоқни мен сиздан ўша куни олганимни эслайман. Ҳар сафар эслаганимда юрагим ларзага келади. Чунки сиз менга “уялтиришни”ни эмас, “уялтирмаслик” муҳимлигини ўргатгансиз. Сиз мени уялтирмадингиз, устоз. Агар ўша куни мени шарманда қилганингизда, балки бугун бу сўзларни айтолмасдим. Аммо сизнинг мени уялтирмаганлигингизни мен бутун умр унутмадим. Энди танидингизми, устоз?

Кексайган ўқитувчи, ёнидаги собиқ ўқувчисига секин суянди:
— Ҳа, энди эсладим. Лекин ўша воқеани мен эртаси куниёқ унутган эдим, болам. Фақат ҳозир сен эслатгандан кейин эсладим. Ўша пайтда болаларга “кўзингизни юминг” деганимда, ўзим ҳам кўзларимни юмган эдим. Чунки ўша ёшдаги болалар хато қилиши табиий, лекин мен юрагимда унга нисбатан бирор ёмон фикр пайдо бўлишини истамаган эдим. Ўша бола сен эканингни билмасдим, болам.

Дарс бериш — бу фақатгина таълим эмас, балки қалбга кириб, руҳни тарбиялашдир.

Кўчирилди

Аёллар ва кўпхотинлилик

Жидда шаҳрида бўлиб ўтган китоб ярмаркасида қизиқарли, ҳатто ғалати бир воқеа юз берди.

Бир гувоҳнинг ҳикояси:

"Китоб муқоваси ташриф буюрувчиларга қаратилган ҳолда турибди. Бир аёл келиб, сарлавҳани ўқийди-да, шу заҳоти китобни эҳтиёткорлик билан орқа томони билан ағдаради. Мен индамай, унинг кетишини кутаман ва китобни секин қайтариб қўяман. Бир-икки дақиқадан сўнг бошқа аёл келади, муқовани кўради ва худди шундай қилади: китобни ағдаради-да, чиқиб кетади. Мен эса яна тузатиб қўяман.

Эрлари билан келган аёллар эса бутунлай бошқа ҳикоя: китобни кўришлари биланоқ, дарҳол эрларининг қўлидан ушлаб, уларни орқага буриб, ҳатто сарлавҳани ўқишга ҳам улгурмай қочиб қолишади. Шу тарзда кун бўйи, тўхтовсиз давом этди...

Бу китобнинг номи нима эканлигини топа оласизми?"

📔 ㅤ Китоб:
كيف تتزوج زوجة ثانية بدون مشاكل
بعض النصائح وأربعون قصة من الواقع
"Иккинчи хотинга муаммосиз уйланиш йўллари.
Баъзи маслаҳатлар ва ҳақиқий ҳаётдан олинган қирқта ҳикоя"

Кўчирилди...

06/06/1447ҳ
@AVROQULHIKAM

📚 “Ўқишнинг 5 офати”

1️⃣ Таффакурсиз ўқиш — кўз ишлайди, ақл ухлайди.
2️⃣ Муҳимни ёдламаслик — билимни шамолга топширишдир.
3️⃣ Қимматли маълумотни қайд этмаслик — хазинанинг эшигини ёпишдир.
4️⃣ Ёдланганини такрорламаслик — илмни секин йўқотишдир.
5️⃣ Яхши китобни қайта ўқимаслик — мавжуд фойдaни ташлаб кетишдир.

📚 Илм кўп ўқишда эмас, тўғри ўқишда барака топади.