➍ የእውቀት መጨመር - አንድ መጽሐፍ ባነበብን ቁጥር ቢያንስ አንድ አዲስ ነገርን ስለምንኖርባት ዓለም እናውቃለን፡፡ ብዙ ስናነብ ደግሞ ብዙ እውቀትን እያጠራቀምን እንሄዳለን፡፡ ብዙ እውቀትን እያጠራቀምን በሄድን ቁጥር ደግሞ የሚያጋጥሙንን ነገሮች በተሳካ ሁኔታ ለማለፍ የበለጠ የተዘጋጀን ስለሚያደርገን ለስኬት እየቀረብን እንሄዳለን፡፡

➎ የትኩረት መሰብሰብ - በአሁኑ ሰዓት፣ በዚህች በምንኖርባት ዓለም ውስጥ፣ ትኩረታችንን በየአቅጣጫው የሚበታትኑ ነገሮች እጅግ ብዙ ናቸው፡፡ ሰዎች በብዙ ነገሮች ከመጨናነቃቸው የተነሳ በተመሳሳይ ሰዓት ቴሌቪዥን ለመመልከት፣ አጠገባቸው ያለውን ሰው ለማዋራት፣ በሞባይላቸው የከፈቷቸውን ብዙ ሶሻል ሚዲያዎች (ፌስቡክ፣ ዋትሳፕ፣ ቫይበር፣ ኢሞ፣ ትዊተር…) ላይ የሚገኙ ሰዎችን ለማዋራትና ዜናዎችን ለማንበብ እና የተሰጣቸውን የቤት ሥራ ለመሥራት ሲሞክሩ ማየቱ እንግዳ አይደለም፡፡ ይህ አይነቱ ጭንቀትን ከመፍጠር በተጨማሪ የሥራችንን ጥራት በእጅጉ ይቀንሰዋል፡፡

መጽሐፍ አንባቢዎች ግን ብዙዉን ጊዜ ዐሳባቸውን ሁሉ በመጽሐፉ ላይ አድርገው ስለሚያነብቡ ትኩረታቸው የተሰበሰበ ነው፡፡ ይህንን ለመሞከር ከፈለጋችሁ - ሥራችሁን ከመጀመራችሁ በፊት ወይንም ደግሞ በትራንስፖርት ውስጥ እየተጓዛቸው ከ 15-20 ደቂቃ ለማንበብ ብትሞክሩ፤ በሥራ ላይ ያለችሁ ትኩረት ሲጨምር ታስተውላላችሁ፡፡

✔ እንዴት የማንበብ ልምዱን ላዳብር?

ከላይ ያለውን አንብቦ የተስማማ ሰው “ማንበብ ብዙ ጥቅም እንዳለው ተረድቻለሁ፤ ሆኖም ግን እኔን የቸገረኝ እንዴት አድርጌ የማንበብ ልምዱን ማዳበር እንዳለብኝ ነው” ሊል ይችላል፡፡ የማንበብ ጥቅምን ተረድታችሁ የማንበብ ልምድን ለማዳበር ለምትፈልጉ፤ ከታች ያሉትን አምስት ነጥቦች በመጠቀም ልምዳችሁን ማዳበር ትችላላችሁ፡፡

➊ ጊዜ መመደብ - በብዙዎች ዘንድ የሚታየው ችግር ማንበብን “የትርፍ ጊዜ ሥራ” አድርጎ ማየት ነው፡፡ ይህ ፍጹም ትክክል አይደለም፡፡ ለሰውነታችን ጥንካሬ ስፖርት መሥራት ‹የትርፍ ጊዜ ሥራ› ካልሆነ የሁሉ የበላይ የሆነው አእምሯችንን ለማዳበር የሚደረገውን የአእምሮ ስፖርት የትርፍ ጊዜ ሥራ ማድረግ የለብንም፡፡ አንድ ሰው የማንበብ ልምዱን ማዳበር ከፈለገ ከሁሉ ቀድሞ ንባብ ‹የትርፍ ጊዜ› ሥራ እንዳልሆነ ተረድቶ ሰዓትን ሊመድብለት ይገባል፡፡ ለንባብ ሰዓትን ከመደብንለት ደግሞ ከአስፈላጊ ነገሮች ተርታ ስላስቀመጥነው ለማንበብ ጥሩ መነሳሳትን ይኖረናል፡፡ በመሆኑም የንባብ ልምድን ለማዳበር የሚፈልግ ጀማሪ በቀን ውስጥ ከ 15-20 ደቂቃ ድረስ ሌሎች ሥራዎችን የማይሰራበትና ንባቡ ላይ ብቻ ትኩረት የሚያደርግበት ጊዜ ያስፈልገዋል፡፡ በዚህች 15-20 ደቂቃ ውስጥ ሞባይልን ሳይለንት አድርጎ ከአጠገብ ማራቅ፣ ድምጽ ካለበት ቦታ ገለል ማለት እና ሌሎች ሥራዎችን ገለል አድርጎ ንባብና ንባብ ላይ ብቻ ሊያተኩሩ ይገባል፡፡

➋ ማጣራት - ጀማሪው አንባቢ ጥሩ የሆነን 15-20 ደቂቃን የሚደርስ ጊዜን ለንባቡ ብቻ ከመደበ በኋላ ስለ መጻሕፍት ማጣራት አለበት፡፡ ፍላጎቱን አውቆ የሚሆነውን መጻሕፍት መፈለግ ይኖርበታል፡፡ የፍቅር ታሪኮች ደሰ ይሉታል ወይስ የፖለቲካ? ልብ አንጠልጣይ ታሪኮች ወይስ ፍልስፍና? የወንጀል ታሪኮች ወይስ የሥነ-ልቦና? እነዚህን ካጣራ በኋላ ከአንባቢዎች ወይም ከመጽሐፍ ሻጮች ዘንድ በመቅረብ የትኞቹ መጻሕፍት እንደሚመከሩ በማጣራት ጥሩ የሆነ መጽሐፍን መምረጥ አለበት፡፡ መጽሐፍ ማንበብ ደስ እያለን ልናደርገው የሚገባ ተግባር ነውና በተቻለ መጠን ሊያስደስተን የሚችል መጽሐፍን መምረጥ ይኖርብናል፡፡

➌ መጽሐፍትን ይዞ መጓዝ - መጽሐፍን በእጃችን ወይንም በቦርሳችን ይዘን የምንጓዝ ከሆነ ለማንበብ ቅርብ እንሆናለን፡፡ የፌስቡክ አካውንታችንን በቀን ውስጥ ሠላሳ ጊዜ ደጋግሞ ከማየት ፋታ ባገኘንበት ወቅት አንድም ሆነ ሁለት ገጽ የማንበብ ልምዱን እንድናዳብር ያግዘናል፡፡ ከዚህ በተጨማሪ መጽሐፍ ይዞ መጓዝ የሌሎች አንባቢዎችን ዓይን ስለሚስብ አንባቢዎችን የመተዋወቁን እድልም ሊያመቻችልን ይችላል፡፡ በተጨማሪም እየተሸራረፉ የሚጠፉ ደቂቃዎችን ጥቅም ላይ እንድናውል ያግዘናል፡፡

➍ አንባቢዎችን መወዳጀት - የማንበብ ልምድን ለማዳበር ሌላው መንገድ አንባቢዎችን መወዳጀት ነው፡፡ ብዙ ጊዜ አንባቢዎች ወሬያቸው የሚሆነው ‹ተራ› ከሚባሉት ነገሮች ባሻገር ስላነበቧቸው መጽሐፍት እና ስላገኟቸው ዐሳቦች ነው፡፡ ይህም ደግሞ በእኛ ላይ ትልቅ የሆነ ተጽእኖን የማሳደር፤ አልፎም ደግሞ በውይይት ወቅት የተወሰኑ ዐሳቦችን እንኳን ለመወርወር ያስችለን ዘንድ በማለት የማንበብ ባህላችንን እንድናዳብር ሞራል እና ተጨማሪ ስንቅም ይሆነናል፡፡ ከዚሀ በተጨማሪ አንባቢዎችን ከተወዳጀን ምን አይነት መጽሐፍ ማንበብ እንደሚኖርብን ጥሩ ጥቆማን የምናገኝበት ሌላው መንገድ ይሆናል፡፡

➎ ለሌሎች ማንበብ - የማንበብ ልምዳችን እንዲዳብር የሚያደርገው ሌላው ነገር ለሌሎች ማንበብ ነው፡፡ ጓደኞቻችን፣ ታላቅና ታናሽ ወንድሞች/እህቶች፣ አረጋውያን ወይንም ዓይነ-ስውራን በቤታችን ወይም በአካባቢያችን ካሉ አንብበን ደስ ያለንን ወይም የገረመንን ነገር ለእነርሱ ማንበብ እንችላለን፡፡ ይህ መንገድ የራሳችንን የማንብ ልምድ ከማዳበር አልፎ የምናነብለት ሰው እንዳከበርነው ስለሚገባው ደስ ይለዋል፡፡ በተጨማሪም የንባብ ልምዳችንን እያዳበርን ሌሎችን ለመርዳት እና ማኅበረሰባዊ ተግባቦታችንን ለመገንባት ሁነኛ መንገድ ይሆነናል፡፡

በዚህም መሰረት የንባብ ልምዳችንን በማዳበር፥ የእውቀት እና የአስተሳሰብ አድማሳችንን እናስፋ!

✒ አ.ሳሊብ

Fresenbet GY Adhanom (Facebook)

ሀዋሳ የመጻሕፍት ውይይትና ዳሰሳ ክበብ 📚
Hawassa Book Club 📖

፳፫ኛ ዙር (በአዲሱ ዓመት ፪ኛው) የመወያያ መጽሐፍ የትዕግስት ዋልተንጉሥ እና ቴዎድሮስ ተ/አረጋይ "ምን ሆኛለሁ?" ነው

ቀን:- ዛሬ እሑድ መስከረም ፳፭ ፣ ፳፻፲፰  ዓ.ም

አወያይ:- ጀማል ዳውድ

ሰዓት: 9:30

ቦታ:- ኢዮብ መጻሕፍት ሀዋሳ (Eyob Books)

የከሰዓት ሰው ይበለን 🙏

ሀዋሳ የመጻሕፍት ውይይትና ዳሰሳ ክበብ 📚
Hawassa Book Club 📖

24ኛ ዙር የመጽሐፍ ውይይት

ቀን- ጥቅምት 9/2018 ዓ.ም

ርዕስ - The Personal MBA

ፀሐፊ - JOSH KAUFMAN

አወያይ - ይኹን አበበ

ሰዓት- 9:30

ቦታ: ኢዮብ መጻሕፍት ሀዋሳ (Eyob Books)

በዛ ያለ ገፅ ያለው መጽሐፍ ስለሆነ ቀድመን ማንበብ እንጀምር  ... 🙏 ሰላም ያድርሰን

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

፳፭ኛ ዙር (በአዲሱ ዓመት ደግሞ ፬ኛው) የመጽሐፍ ውይይት

ቀን-  የፊታችን እሑድ ጥቅምት ፳፫/፳፻፲፰ ዓ.ም

ርዕስ - "አዎ! እሱ ጋ ያመኛል!"

ፀሐፊ - አድኃኖም ምትኩ

ሰዓት - 9:30

አወያይ - አደመ ስሜ

ቦታ: Eyob Books

ሰላም ያገናኘን 🙏

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

26ኛ ዙር (በአዲሱ ዓመት ደግሞ 5ኛው) የመጽሐፍ ውይይት

ቀን- ኅዳር 7/2018 ዓ.ም
ርዕስ - "ቀይ ባሕር ሲቀላ"
ፀሐፊ - ዶ/ር ፍርድአወቀ ማሞ
ሰዓት - 9:30
አወያይ - ኢዮብ ፅጌ

ሰላም ያገናኘን 🙏

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

28ኛ (በአዲሱ ዓመት ደግሞ 7ኛው) ዙር የመጽሐፍ ውይይት

ርዕስ: "Born a crime"

ፀሐፊ: Trevor Noah

አወያይ: ዶ/ር ሊዲያ  ስለሺ

ቀን: ዛሬ እሑድ ጥር 3

ሰዓት: 9:00

ቦታ: ኢዮብ መጻሕፍት ሀዋሳ (#EyobBooks)

ሰላም ያውለን 🙏

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

9ኛ ዙር የሀሳብ ላይ ውይይት

ርዕስ: "Functional Illiteracy (ፊደል ቆጠር ማይምነት/መሃይምነት)"

አወያይ: ኢዮብ ፅጌ

ቀን: ዛሬ እሑድ ጥር 17

ሰዓት: 9:00

ቦታ: ኢዮብ መጻሕፍት ሀዋሳ (#EyobBooks)

ሰላም ያውለን 🙏

የካቲት ፲፪ 

፹፱ኛ

የሰማዕታት መታሰቢያ

የካቲት 12 ፣ 1929 ዓ.ም ከአርባ አንድ ዓመታት በኋላ (ከዛሬ 89 ዓመታት በፊት) ተመልሶ ለወረራ የመጣው በማርሻል ሩዶልፍ ግራዛያኒ በሚመራው የፋሺስት ጦር ከየካቲት 12 ቀን እስከ የካቲት 14 ድረስ ባሉት ሦስት ቀናት ከ30ሺህ በላይ ሰላማዊ ኢትዮጵያን በግፍ ተጨፍጭፈው ሰማዕታት ሆነዋል፡፡

የካቲት ፳፫ ፣ ፳፻፲፰ ዓ.ም

፻፴ኛ የዐድዋ ድል 💚💛❤️

እንኳን አደረሳችኹ አደረሰን! 🙏🥰

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

11ኛ ዙር የሀሳብ ላይ ውይይት 

ርዕስ:  "ካፒታሊዝም፣ ሶሻሊዝም፣ ፊውዳሊዝም እና ሌሎች የአስተዳደርና የኢኮኖሚ ስርዓቶች ውስጥ የሚኖር የህዝቦች ባህሪ እና ማህበራዊ ምስቅልቅል"

አወያይ: ሚካኤል ክፍሌ

ቀን:  እሑድ የካቲት 29

ሰዓት: 9:00

ቦታ: ኢዮብ መጻሕፍት ሀዋሳ (#EyobBooks)

የነገ ሰው ይበለን 🙏

ሀዋሳ የመጻሕፍት ውይይትና ዳሰሳ ክበብ 📖
Hawassa Book Club 📚

30ኛ (በያዝነው ዓመት ደግሞ 9ኛው) ዙር የመጽሐፍ ውይይት

ርዕስ: "Limitless"

ፀሐፊ:  Jim Kwik

አወያይ: ትርሲት ቢሻው

ቀን: እሑድ መጋቢት 13/2018 ዓ.ም

ሰዓት: 9:00

ቦታ: ኢዮብ መጻሕፍት ሀዋሳ (#EyobBooks)

የነገ ሰው ይበለን 🙏