سئوگیلیمین وصلی عمر جاوداندان یاخشیدی #غزل_سیدبشیرحسینی_میانجی

➖➖➖➖➖
➖➖➖➖➖

ترجمه منظوم #غزل حافظ
«وصال او ز عمر جاودان بِه»
.
سیدبشیرحسینی میانجی
.
سئوگیلیمین وصلی عمرِ جاوداندان یاخشیدی
وئر منه یارب! او بیر زادی کی هر آن یاخشیدی
.
بیر قیلیج وُردی منه هئچ کیمسیه بیلدیرمَدیم
یولداشین گیزلین قالا سرّی عیاندان یاخشیدی
.
درگهینده بنده‌‌لیق داغیله ئولماقلیق منه
آند اولا اؤز جانینا ملک جهاندان یاخشیدی
.
تانریا خاطر طبیبیمدن سورون، بو بیر یازیق
پس هاچان یاخشی اولار؟ یاخشی یاماندان یاخشیدی
.
سَرومیزیله ایاقلاندی او گول کی باغیده،
قاره توپراقی قیزارمیش ارغواندان یاخشیدی
.
جنّته ائتمه منی دعوت سن ای زاهد! دایان
بو زنخ آلماسی چون اؤ بوستاندان یاخشیدی
.
ای دل! اُول دلدار کویینده همیشَه یولچو اُول
جاودانْ‌ دولت بو بیر اَمره نشاندان یاخشیدی
.
ای جاوان! دؤندرمه اؤز عمرونجه پیرین پندینه
کی قوجانین هر سؤزی بخ ...
➖➖➖➖➖

#غزل


یانان شَمعه پَروانه یانسون گرک
او سوزِ شراره دایانسون گرک

اُولا هر کیم عاشق، وَفا مُلکنه
گِیدوب کوچه کوچه دولانسون گرک

قویان راهِ عشقه قدَم رنگ رنگ
خُمِ درد و غمدَه بویانسون گرک

کیم اِیستور دورولسون گُویول چشمه سی
یَمِ مُحنتیله بُولانسون گرک

او کسلر که دنیایه بِل باغلیوب
دیر پول، پول اُوسته قالانسون گرک

یغوب مالِ دنیانی کیم ظلمیله
عَدالت اَلیله تالانسون گرک

وِلای علیدور که حِصنِ حَصين
وِلایت سؤينلَر اِینانسون گرک

علینون مُحبّی علی عشقنه
گُوره هر بلا، سَهل سانسون گرک

علی نُوکری اُولسا #یعقوبی کیم
اُونون ظِلّينه دالدالانسون گرک


#استاد_یعقوبی

#مجموعه_کانالهای_ادبیات_آئینی_عاشورایی

شکوه نه ایچون جفا سنیندور #غزل_قوسی_تبریزی

➖➖➖➖➖
➖➖➖➖➖

سنیندور ...
.
.
ملا علیجان قوسی تبریزی
.
شکوه نه ایچون؟ جفا سنیندور
قربانون اولوم! رضا سنیندور
.
باشینا دؤنوم! منیم باشیمدا
گر آز و چوخ اول هوا سنیندور
.
سن غنچه ایسن صبا منیمدور
من بلبل ایسم نوا سنیندور
.
هانسی اثر ائتسه مطلب اولدور
چون درد سَنین دوا سنیندور
.
گر پست ایسه صبریمون بناسی
گر ناله ایسه رسا سنیندور
.
هر چند آرتوق بلالاریم وار
گلسون منه هر بلا سنیندور
.
یارب! ساخلا یامان نظردن
اُول ماه ملک لقا سنیندور
.
آل کونلومی سرگرانلیق ائتمه
کیم قوسی بینوا سنیندور
.
.

﷽

گذرین دوشسه درِ دلبره، ای باد صبا #غزل_سیدعظیم_شروانی

➖➖➖➖➖➖

➖➖➖➖➖

#غزل #سیدعظیم_شروانی
.
.
سید عظیم شیروانی
.
گذرین دوشسه درِ دلبره، ای باد صبا
یئتیر عرضیم او گولِ احمره، ای باد صبا
.
گولِ جعفر کیمی رنگیم سارالیب فیرقتدن
دئ بو حالی او گول جعفره، ای باد صبا
.
تلخکام اولدوغومو زهر غم هیجریندن
عرض حال ائت او لب شکره، ای باد صبا
.
تابدان سالدی کتان تک بو دل بیتابی
نئیله میشدیم او مه انوره، ای باد صبا
.
پیکریم پیکر جوزا کیمی گؤر اولدو دو نیم
وئر خبر اول بت مه پیکره، ای باد صبا
.
بو قارا گون کی منیم باشیما هیجرینده گلیب
حق نصیب ائیلمه سین کافره، ای باد صبا
.
لاله تک داغ دل سینه ی سوزانیمی گؤر
وئر خبر ...
➖➖➖➖➖➖

#غزل_میلاد_امام_‌حسین_ع❤️
ــــــــــــــ
شادم که حسین‌بن‌علی آمده بهبه
سرچشمهٔ عشق ازلی آمده بهبه

زد بوسه علی تا به لب لعل حسینش
فرمود چه شیرین عسلی آمده بهبه

عالم شده چون باغ جنان از گل رویش
بهبه چه گل بی‌بَدلی آمده بهبه

در عشق و فداکاری و ایثار و شهامت
الحق که چه ضرب‌المثلی آمده بهبه

از آذریان پرسی اگر مدحت او را
گویند: گوزللر گوزلی آمده بهبه

همراه حَسن تحت لوای پدر خویش
فرماندهٔ جنگ جَمَلی آمده بهبه

او میگذرد از سر و جان، در رَهِ جانان
زهرا و علی را چه یَلی آمده بهبه

عامل به فرامین خداوند جلیل است
بی‌واهمه مَرد عَملی آمده بهبه

خورشید بُوَد محو تماشای جمالش
سرمنشأ انوار جَلی آمده بهبه

از کُلّ جهان، پیر و جوان عاشق اویند
شاهنشهِ بین‌المللی آمده بهبه

در مدح و ثنای پسر حضرت زهرا
بر دفتر شعرم غزلی آمده بهبه

(فیضی) چه دل‌انگیز بُوَد سوّم شعبان
شادم که حسین‌بن‌علی آمده بهبه

#رحیم_فیضی_اردبیلی

ـ┅┅❅🍃🌺🍃❅┅┅┄

﷽

منه اول دلبر آهو نگه مدّتدی رام اولماز #غزل_غافل_شیروانی

➖➖➖➖➖➖

➖➖➖➖➖

#غزل #غافل_شیروانی
.
.
.
علی اکبر غافل شاماخی
(١٣٠٩ -١٢٤٤ ه.ق )
.
.
منه اول دلبر آهو نگه مدّتدی رام اولماز (1)
نه بیر وصلی منه مقدور، نه ده عؤمروم تمام اولماز
.
کؤنول او دلبر خودکامه دن کئچ کامه یئتمکدن
نئچون ناکاملیقدان یاخشی هئچ عالمده کام اولماز
.
حبیبم کعبه ی کویوندا سرگردان اولان عاشق
دولانیب باشینا قوربانین اولسا، بی مقام اولماز
.
حرام اولموش اگر قان تؤکمک، ای مه! لئیک عشّاقین
گؤزون قوربانی، تؤک قانین، حلالیندیر، حرام اولماز
.
اولا هر ملک دل کیم، لشکر غمزه ن گذرگاهی
دوشر رؤونقدن اصلا، اوندا قانون و نظام اولماز
.
وئریب جانانا جان، غافل! گل ایندی سنده بیر آد ائت
کی اهل عشق نامیندان سوا عالمده نام اولماز
.
.
(1)در استقبال از غزل #فضولی سروده است
طریق فقر توتسام، طبع تابع، نفس رام اولماز
غنا قیلسام طلب، اسباب جمعی ...
➖➖➖➖➖➖

‍ ‍ #غزل_ترکی
#امام_زمان_عج


من او بلبل کیمی گلزار و بهار آختارورام
گل و گلزار آرا بیر نازلی نگار آختارورام

گه دوشوب چولری حیران گزیرم هجرینده
چکیرم دشت و بیابانیده جار آختارورام

سالموشام یکسر ایاقدان هامی دشت و دمنی
باغ و راغ ایچره نه چون سرو کنار آختارورام

صبریمی الدن آلوب صبر و قراریم یوخدی
چرپنان قلبیمه من صبر و قرار آختارورام

تک نه من عاشقیم مینلر اونا عاشقیدی
من ولی یاریمی هر لیل و نهار آختارورام

بیلمیرم هاردا قوروب خیمه سینی، کیم بولسه
منه ده فاش ایلسین لحظه شمار آختارورام

بیله فکر ایلمیون اولمیا دیوانه دی بو
گنج عشقی گزیرم دار و ندار آختارورام

کوچه کوچه دولانوب هر یره من باش چکورم
اولمیا بوردادی من گوشه کنار آختارورام؟

سیزی تاری خبروز اولسا نهان ایلمیون
دویمشام جانه داخی راه فرار آختارورام

کیم گتیررسه خبرین مژده سی جانیمدی منیم
نقد جان الده اونی با دل زار آختارورام

گوزلریم نوری گیدوبدور بو غم عظماده
گوزومون نورینی با دیده تار آختارورام

وار یوخوم غارت اولوب بیرجه اونون عشقینده
گینه بو حالیله من دهریده یار آختارورام

دوشوب اولسم سر کوینده اونون دفن ایلیون
مقدمیندن گورلر گرد و غبار آختارورام
.
((سادیم)) صادقم عشقونده منه بیر باش چک
عمردور که سنی من قلبی فکار آختارورام


#طهمورثی_ساده
#با_اجرای_مداح_اهل_بیت_ع_حسن_فرجی



💠کانال کربلایی فریدون بهره‌مند

#غزل_یامهدی


هیچ قَلبیدُه قَلبیمدَه اُولان غُلغلَه یوخدی
بیر چاره منِ‌ زار و پَریشان دِله یوخدی

روحیم اِیلَه جِسمیمدَن اِیدوب تَرکِ عَلاقه
گُویا که داخی مِیل بو آب و گِله یوخدی

دوتقون گُویولی گُلشن آچار گُللّر آچاندا
بُلمم ندی گُلزاریدَه مِیلیم گُله یوخدی

یاریم اِیله کَاشانه دَه مَنزل اِیلیوبدی
هیچ فکر و خیالین یُولی اُول مُنزلَه یوخدی

بیر یوسفِ گُمگشته نین آواره سیم من
کاشانهء صبریم تالانوب حُوصلَه یوخدی

بیر دامُه سالوب سِلسلهء زُلفِ کَمالی
عالمدَه اِیله دامَه سالان سِلسلَه یوخدی

بیر یارِ سَفر کردَه گِرفتاریم آخِر
دَردیم اُودی اُوندان صُورا بیر مَسئله یوخدی

آخِر نه قَدَر من سُوروشُوم قافلَه لَردُن
آیا نه خَبر واردی دِیسُونلَر هَله یوخدی

بیر عُمریدی حَسرت گُوزومی یُولّارا تیکَدیم
هر قافلَه گِیچدی او اُولان قافلَه یوخدی

عاشق اُولاسان یاره اَلون چاتمیه هرگز
عاشق لَره مُوندان دا چَتین مَرحلَه یوخدی

امّا بو گِلایه اُوزومُوزدَن گرک اُولسون
یُوخسا او گُوزل صاحبیمیزدَن گِله یوخدی

یاریلَه عَمللّر آرادا فاصله سالمُوش
یُوخسا آرامیزدا اِیله بیر فاصله یوخدی

نیلوم؟ عَملیم اُولماسادا عاشقیم من
بو عِشقیدَه آرامشیم اَفکاریلَه یوخدی

عالمدَه گُنهکار مَگر عاشق اُولانماز
بو باره دَه که جای مَذمّت دِلَه یوخدی

بیز هیچ آناوین خاطرینه گَل بیزه باش چَک
زَهرا آدی گَلسه داخی بیر مَسئله یوخدی

گَل سُوداَمرین قانینی آل خَسته رُبابین
تابیلَه توانی بو قدَر نِسگلَه یوخدی

#زرّین_قلم عاجزدی گُوزَل یازماقا امّا
بو مَسئلَه لَر #عابدیله #خوندله یوخدی


#زرین_قلم

#مجموعه_کانالهای_ادبیات_آئینی_عاشورایی

#غزل_یامهدی


منی نازونلَه ای جانان گَتوردون جانه نِیلوم بَس
اِیله بیر دَردَه سالدون حَسرتَم دَرمانه نِیلوم بَس

جَهان اَهلی طَبیب اُولسا تاپولماز دَردیمه چاره
سنق نِی تَک اُولور گُور گَلمیم اَفغانه نِیلوم بَس

بوتون عُشّاق آفاقه بُو دَردی اِیتسَلَر قسمت
دِیه لّر تَک تَکی اُولدوم خدا دیوانه نِیلوم بَس

اِیدورسن وَصلوَه نایل غَمیم دِلدَن اُولور زایِل
گِیدندَه یاندورورسان قَلبیمی هِجرانه نِیلوم بَس

منی عِشقون چُولَه سالدی اِیدوب دور بی سَر و سامان
گُورور هر کس گُولور من بی سَر و سامانه نِیلوم بَس

فراقون سَنگی سندیردی بُو قَلبیم شیشه سین دِلبر
یخوب صَبریم اِیوین اِیتدی عَجب وِیرانه نِیلوم بَس

زَمانه باشمی قاتدی چخاتدی هر زادی یاددان
آیردی یاریدَن لَعنت گَله دورانه نِیلوم بَس

نِگارین دَردی بیر یانه وِجودیم دَردی بیر یانه
او دَردَه یا بو دَردَه یِتمور اَل دَرمانه نِیلوم بَس

شماتتلَر اِیشتدیم چوخ بُلنَّن بُلمین لَردَن
طَعامیم شَربتیم زَهر اُولدی گَلدیم جانه نِیلوم بَس

دِرختِ عشقیمه هر گُون سِرشکیلَه سُو وِیردیم من
جُوانه وِیرمدی، اَشگیم دونوب عُمانه نِیلوم بَس

دایان #یعقوبی چوخ اِیتمه گِلایه قانمیان قانماز
دِیمه قَلبیم یانوب تَشبیه اُولوب بِریانه نِیلوم بَس


#حاج_حسن_یعقوبی

#مجموعه_کانالهای_ادبیات_آئینی_عاشورایی

#امام_حسن_مجتبی_علیه_السلام
#غزل

مانده بودم بدهم دل به علی یا به حسن
دیدم اصلا گره خورده دل مولا به حسن

با علی محکمم و با حسن آرام ، ببین
کوه دل را به علی داده و دریا به حسن

شانه اش خالق کوه است تعجب نکنید
تکیه داده است اگر حضرت زهرا به حسن

سرّ لا حول و لا قوه الا بالله
هست لا حول ولا قوه الا بحسن

زنده شد مرده اگر با دم قدسی ، عیسی
شک ندارم که قسم داده خدا را به حسن

ذکر من هر سحر این است : الهی به حسین
دم افطار خرابم که خدایا به حسن

شیعیان حسن از کفر تبرّی جُستند
بیش از آنقدر که جستند تولّا به حسن

همه از اهل بهشتیم و به محشر برود
هرکه از یک در و من می روم از بابِ حسن


#ميلاد_امام_حسن_عليه_السلام