‍ مولودیه حضرت ثامن الحجج علیه السلام

💠التماس دعای فرج

در آهنگ بال ملائک وا شده....
#ارسالی از سعادتی قم المقدس #


ملکلر نزول ایلیور عرش کبریادن
روشن اولوب ارض و سما مقدم رضادن
وقت تماشا گلوب/ یار دل آرا گلوب
مژده ویرون ایل لره/شافع عقبا گلوب

یا علی موسی الرضا



بلبل لر اولوب نغمه خوان گلدی وقت شادی
پای ویردی خدا نجمیه گل آدی رضادی
مهر منیر ولا/سرور ارض و سما/
ای گل گلزار عشق/آدیوا جانلار فدا
یا علی موسی الرضا

جلوه ی جمال خدا نور لم یزلدی
گل یوزون گورنلر دیور واقعا گوزلدی
مهر جهانتابیدی/گوهر نایابیدی/
حضرت موسی الرضا/شیعه نین اربابیدی

یا علی موسی الرضا



من عشقیوی دایم آقا دیلیمده بسله میشم
دیلده اولاندا هر غمیم آدیوی سسله میشم درگیوه نوکرم/گل منه ایله کرم/
آقالیق ایله اوزون/قبریوی تز تز گورم

یا علی موسی الرضا



(بیکَسم) اوزون لطف ایله دوت منیم الیمدن
غم وغصه نی زایل ایت بو یانان دیلیمدن
ای منه آرام جان/اولدوم آقا باغریقان/
یولدا قالیب گوزلریم/گلمدی صاحب زمان

یا علی موسی الرضا


التماس دعای فرج
الاحقر مهدی عبادی



💠کانال کربلایی فریدون بهره‌مند

#یا مهدی عج#
#ارسالی از سعادتی قم المقدس #



گل ای ساقی عنایت قیل تمام ائت دور هجرانی
ندن جان آلماقا صف صف دوزوبسن فوج مژگانی

پریشان ایلدون زلفون منی پابند کفر ائتدون
داخی تا حشره تک ای جان تاپانمام دار ایمانی

کمان ابرویه خم وئردون دل نالانی قصد ائتدون
خدنگ جانسِتانیله شکار ائتدون بو شیدانی

لب لعلون هواسیله گجه صبحه کیمی اشکیم
آلوب میگون لبون رنگین اولوب چون لعل رمّانی

صبا تا پردۀ زلفی کنار ائتدی عذاروندن
منوّر ایلدی مهر جمالون کون و امکانی

اورک معموره سی ویران اولور موج نگاهوندان
دولاندیرما سنه قربان اولوم اُول چشم شهلانی

نه تک تسخیر ائدوبسن گویلومی، رمز نگاهیله
گوزون هر نَظرَه ده دوره گتورموش جام روحانی

کرم قیل چشم مستیله دل زار و پریشانه
صفا و شوریله دولدور عزیزیم ملک جانانی

مریض عشقه یوخ چاره طبیبان مجازیدن
بو دردون سنده‌دور آرام جان دارو و درمانی

منی کوی محبّتده گدا فرض ایله ای ساقی
گتور پیمانه، ویر مِی، قویما سینسون عهد و پیمانی

دیمه نامحرمه اسرار جام باده نی ای دل
عجب ‌دور درک ائده زاهد بو رمز و راز عرفانی

گرک حور و جنان فکرین چخاتماق باشدان ای زاهد
کی تا درک ایلیاق دلدن بهای جام و صهبانی

مشوّشدور ئورک محشر گونی فوج معاصی ‌دن
کرم قیل کئچ گناهیمدن قبول ائت بو تمنّانی

فانی تبریزی


‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

حضرت رقیه (س)
#ارسالی از سعادتی قم المقدس#

هاردائیدون قشون گلوب خیمه نی یاندیران زمان
آت قباقنداقزلارون چولده دولاندران زمان
معجروگوشواره دن اوتری قووب یوران زمان
رختیمزی سویان زمان قمچی ایلن ووران زمان
وئرمدون ائیلرم گله ناله مزه صدا حسین

ایتمه رقیه جان گله من نیه داده گلمدیم
غرقیدی خاک وخونیده نعشیم اراده گلمدیم
کوینگیمی آپاردیلار سینه گشاده گلمدیم
ناظریدیم اوحالوزه نوک جداده گلمدیم
فکرایلمه دمشقه جک سیزدن اولا جدا حسین

قوزانوب ایستدیم گلم آتلار ایاقی قویمادی
دوتدی منی چوخوریئرون قانلی قوجاقی قویمادی
قلبده نوجوانیمون سوزش داغی قویمادی
نیزه قلج سنق لاری کسدی قباقی قویمادی
اولدی بوسیر راهده مانعه مبتلا حسین

از گروه مذهبی عاشقان اهلبیت عصمت و

طهارت

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

کوفه
زبانحال حضرت زینب (س)
#ارسالی از سعادتی قم المقدس #


مرحوم جوانشیر (خادم)

هاردا بویانوب گل یوزون آیا کوله قارداش
کول سوزشی تاثیر ایلیوبدور گله قارداش


ای گل یوزی دین گلشنینه مایه ی نزهت
وی سنده هویدا هامی اسرار حقیقت
هانسی شل اولان ال اوزونه ویردی جسارت
آغشته جمالون ایلیوبدور کوله قارداش


ای جان جهان فخر زمان آیت سبحان
ای وجهه ی دین مظهر حق هیکل ایمان
ای جانین ایدن شوقیله اوز دینینه قربان
دردون گله ای کاش بو خونین دله قارداش


عرشه یری وار اوج ایلسین ناله ی جانکاه
بیر بیله جفالر که ایدور فرقه ی گمراه
ای ایسّی کول اوستونده خسوفه چکیلن ماه
حالوندی پوزان حالیمی نه سلسله قارداش


کیم گتدی وجوده یارالی باشدا بو حالی
کول بدر جمالوندا سالوب نقش هلالی
دردوندن اولور ایلیه سن زینبی حالی؟
ممکندی اگر لطف ایله گل بیر دله قارداش


گر زینبیوه ایلمیسن لطف و عنایت
گل فاطمه نین حالینی سن ایله رعایت
دیندیر بو صغیره قیزون ای رحمته آیت
قالمور او قدر شدّت غمدن اُله قارداش


ای کعبه ی جان قبله ی دل قائد والا
وی جایگهون دوش نبی عرشیدن اعلی
بیر جلوه ویروب عترتیوه غمده تسلّی
گورجاق سنی جان تاپدی سنق قافله قارداش


ای ایزد یکتایه اولان آیت اعظم
تکریمینه ای قامت افلاک اولان خم
بیکارون اولوب گور نجه آلامیله همدم
هر محنته وار اوندا عجب حوصله قارداش


هرچند که سجّاده اولوب ظلم مکرّر
امّا دلینی شکویه آچموبدی برادر
دیندیر اونی آل گوگلونی ای عالمه سرور
یوخ درد دلین سن کیمی بیر کس بوله قارداش


یوخ بیر نفر امداد ایلیه آل عبایه
یوخ باشیمیز اوسته سالینا مهریله سایه
بو غمده نوامیس حرم دلده نوایه
هرچند گلوب، ایتمیوب امّا گله قارداش


منده گله حاشا ایلیم درد و المدن
هرقدر ستم یتسه اگر اهل ستمدن
امّب خبرون واردی شها صاحب علمدن؟
شهلر یانیجا خوشدی وزیری گله قارداش


انصافیدی باشوندا اولا تازه جراحت
محملده قالا زینبیوین باشی سلامت
گوردوم بو دگل رسم مواسات و شراکت
ووردوم باشیمی شدّتیله محمله قارداش


جانیم اولا قارداش یارالی بیر باشا قربان
خشکیده لبیله اوخوری نیزه ده قرآن
بو طرزیله اوز نیّتینی ایلیه عنوان
جان ویردی سوسوز اگمدی باش باطله قارداش


هر کیمسه که دنیاده گرفتار بلادی
وار بیزده گوزی دردینه محتاج دوادی
«خادمده» بو دربار شه عشقه گدادی
بیر پای اوزون احسان ایله اول سائله قارداش


از گروه مذهبی عاشقان اهلبیت عصمت و طهارت

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

پندیات ترکی
در فقدان مادر
#ارسالی از سعادتی قم المقدس #


سنسيز اولدي اورگيم غملره كاشانه آنا
گوز ياشيم زينت اولور هر گجه دامانه آنا

سونمه اي عشقي منه عمريده عزّت چراغي
منده شوقيله اولوم باشووه پروانه آنا

گنج قاروني اگروئرسه لر عالمده منه
وئرمرم بير باخشون آند اولا يزدانه آنا

دامن همّتون اولدي بالانون معراجي
سنده آري واريمش همّت مردانه آنا

نَفَسون عين شفادور باخشون درده دوا
بيرده باخ لطفيله بو ديده سي گريانه آنا

سنيدون موج حوادثده منه ساحل اولان
دوشموشم سندن اوزاق گور نجه طوفانه آنا

آيريلق فصلي بو گُل صورتي بير حاله ساليب
دوشموشم برگ خزان مثلي گلستانه آنا

من اوجا لديقجا قوجالدون بو حقيقتدي وليك
اهلي آنلاربوني، ئوزگه بيلر افسانه آنا

گجه لر ياتماميسان تا كه ياتام نازيله من
ياتميان گوزلروين دردين آليم جانه آنا

چوخ گجه بالش ائدوبسن قولووي صبحه كيمي
جان دئيوبسن منه اي عشقيده جانانه آنا

ايوون آباداولا اي قلب ايوين اباد ائلين
سن گيدن وقتن اولوب قلب ايوي ويرانه آنا

چوخ دوتوبسان اليمي تا كه دوروب يول يئريم
اينديده لطف ائله بو قامتي لرزانه آنا

از گروه مذهبی عاشقان اهلبیت عصمت و طهارت

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

امام زمان (عج)

#ارسالی از سعادتی قم المقدس #


اللهم عجل لولیک الفرج
😔😔😔😔😔😔😔😔😔😔😔😔😔
هارداسان یابن الحسن دنیانی غم آلدی آقا
😔😔😔😔😔😔😔😔😔😔😔😔😔

هارداسان یابن الحسن سینمه ماتم قالانوب
کاسه صبریم آقا آیریلیغینان جالانوب

هارداسان یابن الحسن صبریمی غم کسدی آقا
سنی زهرا جانی گل آیریلیغون بسدی آقا

هارداسان یابن الحسن گوزلیور عالم یولووی
گل ظهورایله آلا شیعلرون ساغ صولووی

هارداسان یابن الحسن شیعه نی غم درده سالوب
یول گودن چوخلی جوانین کچوب عمری قوجالوب

گلمدون سن غم اوخی قلبیلری بولدی آقا
قوجالانلار قوجالوب چوخلاریدا ئولدی آقا

قورخورام منده ئولم گورمیم اما سنی من
الله عالیمدی کی قورخوم بودی کی گلمیه سن

گلمسن گُل یوزووی گورمسم اوندا نِئدرم
نجه سن سیز آقاجان خانه قبره گئدرم

مین دَنه غصه و غم ساخلاموشام من یادّا
بولورم گلمگیوین چاره سی تک اللّهدا

گرک الله بویورا سنده ظهور ایلییه سن
تا کی دنیانی آقا مملوء نور ایلییه سن

گرک الله بویورا سنده شها تا گله سن
تا کی ظلمون اورگین فاطمه اوغلی دله سن

گرگ الله اولا راضی سنه فرمان الییه
یر گویه تا کی ظهورون اوزی اعلان الییه

گرک الله بویورا سنده کی تعجیل ائده سن
دینی ناقص الیوبلر اونی تکمیل ائده سن

گرک الله بویورا سنده اجابت ائده سن
تا ظهور ایلیه سن عالمی راحت ائده سن


‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

#_زینب_س_#

#ارسالی از سعادتی قم المقدس #


السلام علیک یا اباعبدالله
السلام علیک یا صاحب الزمان

یا صاحب الزمان ..الغوث الامان

صاحب الزمان نیتیلن دست توسل ووراخ بی بی زینب اتگینه...بی بی زینب دن دردیمیزه درمان آلاق

سلام اولسون الینی خنجره آتان خانوما😭

بلا چولونده یامان گونه قالان خانوما

سلام.اولسون شجاعتده قارداشی اباالفضله اوخشیان خانوما

جان یا زینب
به یاد او زمانی کی عقیله العرب
بی بی زینب بستره احتضاره وارد اولدی...دیدی صولدی چمنیم قارداش
ئولدی ئولنیم قارداش😭😭😭

شامین غربا باغی اولدی وطنیم قارداش
الله سنی آندورم زینبین داغلی اورگینه
هیچ کس غریب یرده جان ورمسین

یدی قارداشی اولان زینب غریب یرده
آدامسیز قالوب

آمان ...آمان ..امان غریبلیق الیندن

امان امان آدامسیزلیق الیندن😭😭

اما آی بی بی زینبه آغلیانلار
بورسمیدی بیری کی احتضار حالیندا اولسا
اونی دوندره لر قبله سمتینه
اما جانلار زینبه قوربان
زینبی دوندر دیلر کربلا سمتینه

آی کربلانین آرزوسین چکنلر😭😭

زینب آغلار گوزیلن بیر باخدی ساقا

بیرده صولونا..بیر نظر سالدی کربلانین یولونا

(آلله هیچ باجی قارداش یولونا ناامید باخماسین😭😭)

دیدی بو غربتده الله گوزیم یولدادی

کی دردیم دواسی اوزون قولدادی
خبر یوخ الیمدن...دوتار کیم الیمدن ئوزوم گولمدی

جان یا زینب
دیدی باجی جان ورنده باخار قارداشا

ولی غملی زینب باخار داغ داشا
منه داغلار آغلار...😭منه داشلار آغلار
منه کربلاده کسیک باشلار آغلار😭😭😭😭😭😭😭

القصه اجل زینبین طاقت و آرامین آلدی
زینبین غملی الی غملی اورگی باشیندا قالدی😭
آلله هیچ کسین اولین عزیز
آخرین یامان گونه قویماسین
اما آی زینبه دملی سوزی اولانلار

باجنین ایکی یرده قارداش دان چوخ انتظاری اولار

بیری اودی کی بایرام اولاندا اگر دنیایی ده ثروتی اولسا گوزی قالار
یولدا بیرده جان ورنده دیر آلله قارداشیم گلیدی
جنازم قارداشیم چیگنینده گیدیدی
بیر اوندا گوردیلر زینب
حسینین قانلی کوینگین باسوب اورگینین باشینا😭😭😭

دیدی شام اهلی دیور بونا هیچ ال یتورن یوخ

ائل صاحبیدور دردینه درمان یتیرن یوخ
وار یدی نفر..قارداشی یئردن گوتورن یوخ

سسلن دردیوه یاحسییییییین😭😭😭😭😭😭😭😭



‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

نوحه عرض ارادت به محضر امام زمان(عج)
در آهنک شبانگاهان

#ارسالی از سعادتی قم المقدس #
🌹
گل رضوان صاحب دوران،
هارداسان مهدی، هارداسان مهدی
سنه حیران، عالم امکان
هارداسان مهدی، هارداسان مهدی

اولوب آدون ازبریم مهدی
سنه قربان گوزلریم مهدی
هارداسان تزگل، هارداسان تزگل
🌹
بو هجرانون قان ائدوب قلبِ
زاریمی مولا، ای گل زهرا
یتیش داده دردلره درمان
هارداسان مهدی، هارداسان مهدی

اولوبدور گوزیاشیمیز القان
یوسف زهرا، یوسف زهرا
ظهور ایله، ای مه تابان
هارداسان مهدی، هارداسان مهدی

اولوب آدون ازبریم مهدی
سنه قربان گوزلریم مهدی
هارداسان تزگل، هارداسان تزگل
🌹
فراقونده هرگجه گوندوز،
شیعه‌لر آغلار، شیعه‌لر آغلار
یوبانما گل ای شه خوبان
هارداسان مهدی، هارداسان مهدی

قدم قوی سن گوزلریم اوسته
نور عینیم گل، نور عینیم گل
سنه مولا انس و جان قربان
هارداسان مهدی، هارداسان مهدی

اولوب آدون ازبریم مهدی
سنه قربان گوزلریم مهدی
هارداسان تزگل، هارداسان تزگل
🌹
باخور حسرت شیعه‌لر یولووا
آغلیور مولا، آغلیور مولا
اولوب غمنن گوزلری گریان
هارداسان مهدی، هارداسان مهدی

عیان ایله گل جمالووی سن
یا اباصالح، یا اباصالح
یولون گوزلور ساکنان جهان
هارداسان مهدی، هارداسان مهدی

اولوب آدون ازبریم مهدی
سنه قربان گوزلریم مهدی
هارداسان تزگل، هارداسان تزگل
🌹
#کربلایی_حسن_طیبان

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

┏━━━🍃🍂━━━┓

یا مهدی
#ارسالی از سعادتی قم المقدس #


حاج اسماعیل زرین


✅سبک👈کوچه لره سو سپمیشم....

ای صاحب عصر و زمان
مهدی امام انس و جان
میر هدا شاه جهان
یابن الحسن یابن الحسن


ای خسرو ملک وقار
سلطان عزّ واعتبار
قلبی یوروبدور انتظار
یابن الحسن یابن الحسن


سن سن شها صاحب زمان
معصومدن باقی قالان
دنیا یوزون نظمه سالان
یابن الحسن یابن الحسن


گون تک آقا تابنده سن
هر بیر زمان پاینده سن
مولالقا زیبنده سن
یابن الحسن یابن الحسن


ای جود و احسان مایه سی
دینون اساس و پایه سی
وی سایه ن الله سایه سی
یابن الحسن یابن الحسن


سن سن کریم اوغلی کریم
ای صاحب لطف عمیم
آگاهسن چوخدور غمیم
یابن الحسن یابن الحسن


هر لحظه درد تازه دن
دردیم گچوب اندازه دن
ایشلر چخوب شیرازه دن
یابن الحسن یابن الحسن


من تیر غم آماجیم
لطف نگاره راجیم
احسانوون محتاجیم
یابن الحسن یابن الحسن


قیل دردیمه شاها دوا
ای منبع جود و سخا
به حرمت خَیرالنَسا
یابن الحسن یابن الحسن


شاها اوزون امداد ایله
بو دللری گل شاد ایله
راه حقه ارشاد ایله
یابن الحسن یابن الحسن


دللر دولی قاندور آقا
دنیا پریشاندور آقا
اخیار گریاندور آقا
یابن الحسن یابن الحسن


دردی کیمه اظهار ایداخ
بو ورطه غمده نیداخ
سن سیز کیمه داده گئداخ
یابن الحسن یابن الحسن


دنیا بیزه زندان اولوب
کفّار ایچون میدان اولوب
منبع سرگردان اولوب
یابن الحسن یابن الحسن


اوزسؤدوقون کفار ایدور
مومنلره آزار ایدور
بدعتلره وادار ایدور
یابن الحسن یابن الحسن


کاخ ستم آباد اولور
دین خانه سی بر باد اولور
فسق و فجور آزاد اولور
یابن الحسن یابن الحسن


خلق ایچره شایعدور ربا
یاددان چخوب شرم و حیا
حاکمدی ارباب خطا
یابن الحسن یابن الحسن


بلبل گلستان سیز نولار
ملک اولسا سلطانسیز نولار
دین اهلی قرآن سیز نولار
یابن الحسن یابن الحسن


بلبل کوچوب گلزاریدن
رنجور جور خاریدن
دل لال اولوب گفتاریدن
یابن الحسن یابن الحسن


قالمش ایاق آتدا چمن
سولموش هامی سرو و سمن
نه گل نه مُل نه یاسمن
یابن الحسن یابن الحسن


شاها اماندور داده گل
گونلر یاماندور داده گل
مشکل زماندور داده گل
یابن الحسن یابن الحسن


دل شوق ایدور تعریفوه
مایلدی گوز تلطیفوه
چوخ طالیبوخ تشریفوه
یابن الحسن یابن الحسن


ای مفخر کلّ امم
عالَم حضضورنده خدم
لطفونله گل ایله کرم
یابن الحسن یابن الحسن


بیز طالب دیداریوخ
محتاج اول گفتارییوخ
آخر سنون بیماریووخ
یابن الحسن یابن الحسن


گل آل حسینون قاننی
آل اصغر انتقامنی
سال رُعبه دشمن جاننی
یابن الحسن یابن الحسن


بیر شربه سو ویرموب عدو
جاری اولوب چوللرده سو
گور وار بوردا آبرو
یابن الحسن یابن الحسن


اُلدی سوسوزدان سود امر
اولدی بلورسن که نَلَر
ایمدیده آغلار شیعه لر
یابن الحسن یابن الحسن


«زرّین» شها بی چاره دور
هر بارده دن اواره دور
محتاج بو درباره دور
یابن الحسن یابن الحسن

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌
از کانال رسمی مدح و مرثیه اهلبیت عصمت و طهارت...🦋🦋🦋🦋🦋

🌺🌹🥀

سلام علیکم
#ارسالی_پایانی


قامتی مطابق با شکیبایی

از دمشق تا کربلا، فاصله‌ای در دل نیست. فرقی نمی‌کند؛ زینب علیهاالسلام هرجا که باشد، فاتحانه بر بلندای هستی ایستاده است و از حسین علیه السلام می‌گوید.
روبروی زینب علیهاالسلام، هرچه که بوی قدرت بدهد، مرده است.
نام زینب علیهاالسلام که می‌آید، تکلیف انسان با خودش روشن می‌شود؛ می‌داند با آنچه که باید باشد، چقدر فاصله دارد؛ پی می‌برد چند جام عرفان لازم است تا «زیبا دیدن مصیبت‌ها.»
امروز، اگرچه از زینب علیهاالسلام می‌گوییم و از زینب علیهاالسلام می‌نویسیم و خود را زینبی می‌دانیم؛ اما تنها خود اوست که از رویارویی با گونه‌های مختلف داغ، سربلند آمده است.
دمشق، در بهت فرو رفته است، پیش روی این همه عفت و صلابت.
تاریخ، کجا زنی را سراغ دارد این چنین؟!
زینب علیهاالسلام، توان روشنی است که همه مردان روزگار، او را می‌ستایند.
یک زن، با آن همه رنج و کارهای فراوان دیگر بر دوش:
حمایت پررنگ از بازمانده ظهر عطش؛ پناه‌دِهیِ یتیمان عاشورا، بیان مفاهیم تیغ‌های کربلایی.
زینب علیهاالسلام، یعنی چکامه‌های روشن غم؛ بیانیه‌ای پر از سوز؛ اما همچنان استوار.
زینب علیهاالسلام، پیام صبر و رضا را از کربلا به دمشق و از آنجا، به همه جهان نشان داد.
عاشورا، ادامه دارد؛ حتی استقامتی بالاتر از نمازهای نشسته‌اش نیست. امتداد نینوا، نام زینب است که تبلوری است در همه دقایق.


خدایا بحرمت شیر زن دست کربلا
دختران ما را پرچمدار حرمت چادر و حجاب و عفاف فاطمی قرار بده


شب تون ستاره باران ستاره از جنس رحمت الهی

#شب_بخیر_عزیز_فاطمه