#شهادت_حضرت_زهرای_مرضیه_سلام_الله_علیها


نه شورِ قیامت بو نه ماتم نه عَزادی
سُکّانِ سَماوات و زمین نوحه سُرادی

دریای مُصیبت مُتلاطم دی دمادَم
مُستغرقِ طوفانِ بلا آلِ عَبادی

ریحانۀ پیغمبر ئولوب، عالمِ اِسلام
ماتم زدهء دخترِ مُحبوبِ خدادی

عَرشه اوُجالوب شُور و نواسی حَسَنَینین
باخ بیر آنا وای ناله سینه گُور نه صدادی

بیر فاطمه که مَریم و سارادی کنیزی
مَحشر گُونی مُحتاج اوُنا هر شاه و گدادی

اِنصافیدی قالسون در و دیوار آراسیندا
گُل تک بویانا قانه بو نه ظلم و جَفادی

اوُد ووردی لا درگاهی نه بی شَرم جَماعت
رحم اِئتمدی لر یاسلیدی مَشغولِ عَزادی

یاندی قاپوسی سندی قولی مُحسنی ئولدی
قان اوُلسا گُوزوم یاشی بو ماتم دَه سَزادی

بیر عُورتین اوُن سگّیز اِیل عمری اوُلا یارَب
قَدّی بوکُولوب زلفی آغارسون نه قَضادی

زَهرانی گِئجه وقتی علی اِیلدی مَدفون
حَشره کیمی نسگل بیزه یو سِرِّ خَفادی

یا صاحب الاِسلام آنان فاطمه قَبری
اِیتگین قالا مَین اوُچ یوز اِیلی بو نه روادی

بو ماتمِ صِدّیقهء کُبرادی بو گُوندَه
قان آغلا اَبُوالفَضله گُوزوم خَتمِ عَزادی

زَهرایه قیامت گُونی اَسبابِ شَفاعت
بیر جُفت کُسوک اَللّری بیر قانلی لَوادی

هر چند گُنه کاری دی #صحاف دل اَفکار
یوخ دور غمی چون خادمِ شاهِ شُهدادی

التماس دعای فرج


#شادروان_صحاف_تبریزی

#مجموعه_کانالهای_ادبیات_آئینی_عاشورایی

#اعیاد_فضیلت_ماه_شعبان


چوخ مُعظّمدی بو مهِ شَعبان
شأننه ماسوا قالوب حِیران

نچه مُولودیلَه وِیروب زینت
مهِ شَعبانه خالقِ رَحمان

بیری میلادِ سیّدالشُهدا
سَبطِ طاها شَهنشهِ عَطشان

مَقدمی عَرش و فرشه زیب و شَرف
یِر یُوزین اِیلیوبدی رَشگِ جنان

دَسته دَسته اُولوب یِره نازل
گُویلَرین اهلی تَهنیت گُویان

دولانان شاهِ کربلا باشنا
تاپدى بیر امتیاز و عزّت و شأن

بیزه دَه بیر بَراتِ کرب و بلا
لطف قیل ای خدای عالمیان

دولاناخ بیزدَه قَبرینون باشنا
بیر بیله وَقفه دیده سی گریان

عَرض اِئداخ السّلام ای شهِ دین
ای اُولان دینه تَشنه لَب قربان

اَلسَّلام ای یاتان کُول اُوستندَه
کُوفه دَه خُولیه اُولان مهمان

اُوخیان نیزه لَردَه قانلی باشی
لبِ مُعجز بیانیله قرآن

گه آقاجدان کَسُوک باشی آسیلان
گه اُولان چوبِ خیزرانه نشان

بیریدَه بو آیون فَضیلتنه
سوزیمون اوّلیندَه کی عُنوان

عیدِ میلادی دور ابُوالفضلین
اُولدی زینت دِهی زمین و زَمان

که جَمالیله اِیلدى روشن
سطحِ غَبرانی چون مهِ تابان

وِیردیلَر مُرتضایه مُژده او دَم
بیر اُوغول لطف اِئدوب سنه یَزدان

آلدی قنداقین اَللّری أوسته
قوللاریندان أؤپوب شهِ مَردان

کربلا وَقعه سین مُجسّم اِیدوب
سیل تک اُولدی اشگِ چشمی رَوان

چون بُلوردی او قُوللاری سالاجاق
سُو کناریندَه فُرقهء عُدوان

آناسی فاطمه او اَللّریله
سالاجاق مَحشره اَنین و فَغان

بو آیون بیردَه پنجمندَه قدَم
قویدی دنیایه خُسروِ دوران

حجّة الله سیّد السّجاد
خلفِ پاکِ شاهِ تَشنه لَبان

آدی بیمارِ کربلادی، اُوزی
چاره سیز دردَه اِیلین دَرمان

شامه عُریان جمازه اُوسته گِیدَن
قوللاری باغلى گُوزلَری گریان

مَقدمی وِیردی ماسوایه صَفا
یِر یوزن اِیتدی روضهء رِضوان

نه روا دور بو شأن صاحبینون
وِیرا زَنجیر بُویننا دونان

دوه نون قارنی آتدا باغلیالار
اَیاقین کُوفیانِ بی ایمان

کربلادَن دیارِ شامه کیمی
دولانا کُوه و دشتی سَرگردان

چَکه لَر بزمِ شُربه عمّه لَرین
غُنچه تَک باغری غصّه دَن آلقان

عاقبت ظلمله اُولا مَسموم
جان وِیره سینه داغلی دل سُوزان

قِیترم اوّله گینه سُوزیمی
یِتمسُون اَصلِ مَطلبه نُقصان

دولاناخ صاحب الزَمان باشنا
اوُدی غوث الَانام کَهفِ اَمان

مهِ شعبان فَضیلتین تَکمیل
اِیدوب اُول شَهریارِ کُون و مَکان

کنزِ مَخفی اُوزین نشان وِیرسون
سرّ اَجبت قالماسُون پنهان

قویدی بو عالمِ شُهودَه قدَم
صبحِ صادقدَه نیمهء شَعبان

قطبِ عالم وَلىّ حقّ شهِ دین
حجة اِبن الحَسن امامِ زَمان

گُون کیمی روشن اِیتدی دنیانی
نورِ خلّاق قادرِ مَنّان

زَهق الباطل اُولدی جاءالحَق
قَلمِ صُنع کِبریادَن عَیان

وِیردی ذات حَقه شَهادتنی
وَحدَه وَحدَه ذکرین اِیتدی بیان

سایدى اَجدادینون آدین بیر بیر
مظهرِ قدرتِ حقِ سُبحان

تا یتوردی اُوز اِسمِ اَعظمنه
گُوز یاشی آخدی چون دُرِ غَلطان

عَرض اِئدوب ای خدای فَرد و صَمد
کُنه ذاتیندَه ماسوا حیران

سَن اُوزون وِیرمی سن منه وَعدَه
نوح تَک عالمه سالام طُوفان

کُفردَن پاک اِئدم بو یِر أوزینی
حَقّی دنیایه اِیلیم اِعلان

عَدل و دادین نتیجه سندَه أولا
گلّهء گوسفنده گُرگِ شَبان

جدّیمون بیردَه اِنتقامین آلام
وِیرمیم قُومِ بی اَمانه اَمان

ای خدا تئز یِتور او ساعتی من
دوشه تأخیره قویما بو پیمان

آه یابن الحَسن امامِ زَمان
ای آدی شیعیانه وِردِ زَبان

اِیله شاها ظهوریوه تَعجیل
اِنتظارون چَکیلّه مُنتظران

اِیندی مین اُوچ یُوز اِیلدی یِردَه قالوب
جدّیون قانی ای شهِ دوران

جدّیوه سندَه آغلاسان بیزدَه
اِیدروخ ناله نِی کیمی هر آن

دیروخ وای سُوسوز ئولَن آقا وای
فرشدَن عَرشه اُوج اِیدر اَفغان

نجه یاددان چخار او حالی سُوسوز
ظلملیه کَسدیلَر یاشین دالیدان

وردیلار نیزیه یارالی باشین
اُولدی گُل جسمی زینتِ میدان

قالدی اُوچ گُون او پاره پاره بدَن
گُون قبافندَه قاننه غَلطان

خَس و خاشاکِ کربلا اُولدی
کفنِ شاهِ عالمِ اِمکان

سَن او شاهین #صحاف نُوکری سَن
کانِ رَحمتدی مَنبعِ اِحسان

اَلى بُوش سائلى یُولا سالماز
بیر شَهی که اوُلا مَلَک دَربان

اوُلسا هر حاجتون رَوا اِیلر
دلدَه کی مُشکلون اِئدر آسان

التماس دعای فرج


#شادروان_صحاف_تبریزی

#مجموعه_کانالهای_ادبیات_آئینی_عاشورایی

#احوالات_دفن_امیرالمؤمنین_حضرت_علی_علیه_السّلام_آمدن_مرد_نقابدار_گریز_به_قتلگاه


تَرک اِیلدی بو عالمی چون شاهِ اُولیا
غَرق اُولدی بَحرِ ماتَمه سُکان و نُه سَما

اَفلاکه دودمانِ وِلایتدَن اُوج اِیدوب
شُور نَوا و غُلغلَه فَریادِ وا اَبا

بیر یاندا مُجتبی تُوکر اَشگین عُذارینه
بیر سَمتدَه آچوبدی باشین شاهِ کربلا

بیر یاندا زینبون اُوجالوب عَرشه شیونی
بیر یاندا گَلوبدی نالیه کُلثوم بینَوا

شیرِ خدا وَصیتنه اِیلدی عَمل
غُسله مُباشر اُولدی گُوز یاشلی مَجتبی

غُسلین وِیروب وَلیّ حَقه اِیتدیلَر کَفن
گُوز یاشلی سینه داغلی جَوانان مُرتضا

تابوته قویدیلار او مُقدس جَنازه نی
تا حَمل مَدفن اُولسون او نَعشِ شَهِ وِلا

یِردَن اُوجالدی گُوردیلَه تابوتین اللّری
مَبهوت اُولوب او عالمه اَرواحِ اَنبیا

تابوتونین اَیاق طرفندَن یاپوشدیلار
شیرِ خدا عزیز لَری دلدَه آه و وا

قَصد اِیلدی نََجَف چُولنی رَهسپار اُولوب
یُولاندی نَعشِ طَیبِ سُلطانِ لافَتی

اَثنای راهدَه یِتشوب بیر نِقابدار
اوّل وِیروب سَلام جَواب اِیتدیلَر اَدا

آلدی خَبر مَگر دَگی بو نازنین بدَن
نَعشِ علی وَصیّ بِلافصلِ مَصطفی

وِیردی جَواب اِمامِ حَسن کی بو دور بَلی
جِسمِ شََریفِ واقفِ اَسرارِ کِبریا

تَسلیم اِیدون دیدی مَنه سیز بُو جَنازه نی
حِیرتلَه مُجتبی اُونا وِیردی جَوابِ لا

بیز وِیرمَروخ جَنازه نی اِلا اِیکی نَفر
یا جَبرَئیل یا بو تَمنادَه خِضر اُولا

سَن خِضر سَن و یا که بیور جَبرَئیل سَن
وِیر بیر اُوزون نشان اَله گَلسُون بو مُدعا

رَد اِیلدی نِقابی یُوزیندَن عَیان اُولوب
وَجهِ جَمیلِ سُورهء وَالشَمس و اَلضُحا

گُوردی آتالارین حسنین عَرض اِیدوب او دَم
ای خُسروِ وِلایت و مِصداق هَل اَتی

تابوت اِیچندَه پیکرون اَمّا سَواره سَن
اُوز نَعشون اُوسته حاضر اُولورسان گِنه بابا

اِیتدی تَبسم اُول شَهِ عالم دِیدی اُوغول
جای عَجب دَگُول سیزه بو سّر اِختفا

عالمدَه شَرق و غَربدَه هر کیمسه جان وِیره
حاضر اُولار آتاز باشی اُوستندَه بَر مَلا

هر مُحتَضر آچوب گُوز علینون یُوزن گُوره
اُوز باشی اُوسته گَلمیه آیا اُولور رَوا

عَرض اِیلیوم اَیا شَهِ عالم وَلیّ حقّ
ای مَعدَنِ کَرامت و وِی مَنبعِ سَخا

هر جان وِیرن گُورور باشی اُوسته جَمالوی
سُکراتِ مُوت اُولور اُونا آسان تاپور صَفا

علّت نه دور عاشرِ شَهر الحَرامدَه
کرب و بلایه گَلمدون آیا ندَن شَها

گُودالِ قَتلگهدَه حسینون وِیرندَه جان
یالقوز سُوسوز یارالی نه بیر یار و آشنا

آلمشدی دوره سین اَلینه اُوخ قلج گلَن
هر سَمتدَن ووراردی یارا قُومِ اَشقیا

ضَعف اِیلیوب قلجلارین آلتندا ضَعفدَن
حاله گَلندَه پادشَهِ کُلِِّ ماسوا

سسلردی یاندی لبلَریم ای قُوم العَطش
رَحم اِیلیون وِیرون منه سیز برجَه شَربه آب

اِیریلدی شِمر لشگرِ اَشراردَن او دَم
دوشدی هَراس و وَحشته سُکانِ نُه سَما

چخدی او وَقته زینبِ کُبرا خیامدَن
یوز قویدی قَتلگاهه طرف دلدَه وا اَخا

بُولمم یِتوب نه گُوردی یوزی گُلمین خانم
یوخ تاب دلدَه شَرحنه واضح دی ماجرا

هولَه دوشوب یوگُوردی دوتوب شِمر دامنین
سَسلندی ساخلا ظالم اَلون اِیتمه چوخ جَفا

آخر یارالیدور گُوروسَن جان وِیرور اُوزی
اِنجتمه رَحمه گَل اُوتان ای زادهء زِنا

وِیر بیر منه اوقدَری اَمان باغلیوم گُوزین
پیغمبرین عزیزیدی بو شاهِ نِینوا

زینب نَقدری اِیلدی فَریاد شِمرِ دُون
آرتوردی ظلمین اِیلمدی هرگز اِعتنا

اِیش یِتدی بیر مَقامه دوغراندی اللّری
قانه بویاندی ظلمله اُول مَعدنِ وَفا

شِمریلَه قیل قالدَه زینب او حالدَه
جان اُوسته آچدی گُوزلرینی حُجّتِ خدا

فَرمایش اِیتدی چِخما اُوزوندَن آنام باجی
یالوارما شِمره اِیتمه بو بی رَحمه اِلتجا

گِیت خیمگاهه دوره دَه دشمنلَریم باخور
صَبر اِیت بلایه من کیمی وِیر هر غَمه رضا

جَمع اِیله باشوا باجی باش سیز عیالیمی
گَلمه نَوایه نِی کیمی ای کانِ اِبتلا

آچما باشوی ورما یُوزه یُولما زلفوی
گُورسَن اُولوب یارالی باشیم زینتِ جِدا

مندَن صُورا بَلالی باشون چوخ بَلا گُورر
یوخدور جَفای قُومِ ستمگردَه اِنتها

#صحاف اُوزین سالوبدی نَمک زاره کَلب تک
مغفودور اگر چه بیر عُمر اِیلیوب خطا

اِیتمز هدَر بو خدمتنی خالقِ رَئوف
هر بِیتنه جَزا گُونی بیر بِیت اِیدر عَطا

التماس دعای فرج


#شادروان_صحاف_تبریزی

#مجموعه_کانالهای_ادبیات_آئینی_عاشورایی

#مدح_توسل_و_ورود_حضرت_معصومه_سلام_الله_علیها_به_قم_و_غربت_ایشان_گریز_ورود_به_شام


اِی دَردِ غُربتیلَه اُولان باغری قان خانیم
دِلدَن شَرارِ آتَشِ هِجرَه یانان خانیم

اَهلِ قَبیلَه اِئل وَطنیندَن جُدا اُولان
قارداش جَمالینَه گُوزی حَسرت قالان خانیم

کانِ حَیا و عِصمت و گَنجینهء وَفا
خورشیدِ چَرخِ عِفت و عَرش آستان خانیم

مَعصومهء زَمانه و مَظلومهء جَهان
رِیحانهء پِیمبرَه هَمنام اُولان خانیم

گَلمَز مَقام و شأن و جَلالون تَصوّره
وار کیمدَه بُو جَلالَت و عِزّ و شَرَف خانیم

بِنتِ اِمام اُختِ اِمام عَمّهء اِمام
حِیراندی عَقل شاُنیوه اِی باغری قان خانیم

اِیلَر طَواف قَبرون ئوپر آستانه وی
شام و سَحر مَلائکِ هَفت آسمان خانیم

بُو صَحن و بُو رَواق بُو اِیوانِ زَرنِگار
اِیلوب بُو قُم دیارینی رَشگِ جِنان خانیم

قَبرین گُورَن بِهشتِ بَرین اِئتمز آرزو
دوشمَز خیالِ جَنتَه تا وار جَهان خانیم

یاد اِیلدوقجا حالیوی قانه دونَر گُوگُول
بی اِختیار اُولور یُوزه اَشگیم رَوان خانیم

شَهریزدَن آیریلاندا سَنی سالدیلار یُولا
چوخ عِزت و جَلالیلَه پیر و جَوان خانیم

طِیّ مَنازل اِیلدون آغلار گُوزیلَه سَن
باشدا هَوای وَصلِ اِمامِ زَمان خانیم

قارداش دالینجا چُوللّره دوشدون فَغانیلَه
هم نالَه اُولدولار سَنه لاهُوتیان خانیم

وارد اُولاندا عِزَتیلَه قُم دیارینَه
چخمیشدی پیشوازیوَه مَرد و زَنان خانیم

اَلدَه گُلاب شیشه لَری عُودِ مَجمَری
شا باش اِیلردیلَر باشیوا گُول عَیان خانیم

آلمیشدیلار کِجاوَه وُون اَطرافینی تَمام
بَعضی دعا و بَعضی وِیرردی اَذان خانیم

قرآن اوخوردولار قاباقونجا نِظاملَن
آچمیشدیلار تَلاوتَه نِطق و بَیان خانیم

دوشمُوشدی بیر مُنادی قاباقدا چَکُوردی جار
شَهر اَهلینه وِیروردی سَنی کیم نِشان خانیم

آگاه اُولون بُو شَهره اِمام عَمّه سی گَلور
مُوسی الرضا باجیسی مَلک پاسبان خانیم

باب الحَوائجون قیزی دور اِحترامینی
واجِب اِیدوبدی خَلقه حَقِ مُستعان خانیم

امّا اُولاندا واردِ شام آلِ مُصطفی
چخمشدی پیشوازه هامی شادمان خانیم

عَمَّه ن بَتولَه نایبه زِینَب علی قیزین
بیر پیشواز اِئتدی او گُون شامیان خانیم

اَللّردَه چَنگ و بَربَط و طَنبور نای و نِی
آغلار او حاله اِیندیدَه قُدّوسیان خانیم

گَه کُول تُوکَردیلَر باشینا گاه اُودلی نِی
وِیران اُولیدی کاش بُو کُون و مَکان خانیم

گاهی دِیردیلَر که بُولار خارجی دیلَر
نه حالَه دوشدی اُوندا او بی خانمان خانیم

قرآن اُوخوردی نیزه دَه لَحنِ حِجازیلَه
رأسِ مُنیرِ پادشه اِنس و جان خانیم

بیر داش آتوب عَجوزه دَگوب سَجدَه گاهینَه
دِلدَن دوشوب آخوب یُوزونَه تازه قان خانیم

گُوردی او حالی زینبِ عُلیا مُخدرَه
عَرشه اُوجاتدی شیوَن و داد و فَغان خانیم

بی اِختیار چالدی باشین چُوبِ مَحملَه
قانَه بُویاندی زُلفی یُوزی لاله سان خانیم

#صحّافه اِیلَه گُوشهء چِشمُونلَه بیر نَظر
مدّتدی دَرد اَلیندَن اُولوب ناتوان خانیم

وِیرّم سَنی اِمامِ رضا جانینه قَسم
قیل چارَه دَردیمه ئوزون اِِی مِهربان خانیم

دریای لُطف سَن صِله می اِیلَه تِئز عَطا
تا وار حَیات اُولوم سَنه من نُوحه خوان خانیم

اُولما رضا حُضُورِ امامِ رضادَه من
سندَن آچوم شکَایتَه بیردَه زَبان خانیم

صِدقیلُه پاک دَرگهیوَه دوشمُوشَم دَخیل
مأیُوس اُولوب بیری بُو قاپُودان هاچان خانیم


#شادروان_صحاف_تبریزی

#مجموعه_کانالهای_ادبیات_آئینی_عاشورایی

#ورود_به_کربلا_فرمان_امام_به_حضرت_ابوالفضل_علیه_السلام


ای آتام نشانی با وَفا ابولفضل
کوی عشق دور بُو کربلا ابوالفضل

قانه من باتان یِر دور پرچمیم یاتان یِر دور کاروان دایانسُون

وِیر خَبر بُو یِردَه لَشگریم دایانسُون
عُون و فُضل و قاسم جَعفریم دایانسُون
جَدّیمُون شَبیهی اَکبریم دایانسُون
بو دِیارِ غَم دور نِینَوا ابوالفضل

ای مَنیم بو غَملو چُولدَه سَر سپاهیم
مَقصدیم بُو یِر دور حَقه شاهراهیم
نَصب اُولا چو خُور بیر یِردَه خیمَه گاهیم
گِیچمَرم بُو یِردَن مُطلقاً ابوالفضل

وار بو سَر زمینون غَم فَزا هَواسی
اُود سالُور جَهانه غَملی ماجَراسی
باشلانور بو گُوندَن باشمُون بَلاسی
هر بَلایَه اُولام من رِضا ابوالفضل

سُو یُولین کَسه لَر فُرقهء سِتَمگَر
اُودلانُور سُوسُوزدان عِترتِ پِیمبَر
غَش اِیدر آناسی اَللّریندَه اَصغر
بو غَمَه دوزر گُور بیر آنا ابوالفضل

گر خَلیل آپاردی بیر فَدا مِنایه
گُوندروب عَوض حَقّ فِدیَه اُول فَدایه
من وَلی گَتوردوم دَشتِ کَربَلایه
باشدا حَقه یِتمیش بیر فَدا ابوالفضل

وار فَدالَریمدَه اُوزگه رُوحِ اِیمان
شُوقلَه اِیدَه لَر جان فَدای جانان
دوغرانُور بو چُولدَه اَکبریم لَب عَطشان
فَخر اِئدَر مِنایه کَربَلا ابوالفضل

ظلمدَه اِیدَر چوخ اَهلِ کینه طُغیان
قاسمُون اِئدَه لَر طُوی حُناسنی قان
قانلَه آناسی زُلفین اِیلَر اَلوان
باش آچار عَروسی بر مَلا ابوالفضل

اِیلَرم سَنی من اَهلِ بِیته سَقا
اِیلمَزلَه حَقدَن اَهلِ کینه پَروا
قولارون سالولار سُو یُولندا اَعدا
جِسمُوه وِرالار چوخ یارا ابوالفضل

باشمی کَسه لَر تَشنه لَب قَفادَن
اُوج اِیدر سِپهره ناله کَربَلادن
عَرش اِیدر تَزَلزُل قان یاغار سَمادَن
غَملَنور بو غَمدَه ماسوا ابوالفضل

غارتَه آچار اَل لَشگرِ ضَلالَت
خیمه لَردَه قارداش باشلانور قیامَت
گُور قالور نَه حالَه عِترتِ رِسالت
اَل آچار اُوتوزمین اَشقیا ابوالفضل

دِلدَه وار #صحافون چوخ غَم و مَلالی
غَملرین حِکایَت اِئیلَر اَشگِ آلی
روز و شَب فَرامُوش اِیلَمَز بو حالی
وِردی یا حسین دور ذِکری یا ابوالفضل


#شادروان_صحاف_تبریزی

#مجموعه_کانالهای_ادبیات_آئینی_عاشورایی