مرات المشكلة ما بتكون في التعلّق ذاته، المشكلة بتكون إنك اتعلّقت بزول ما كان مستاهل كل الحاصل دا.
أديتو من وقتك وقلبك واهتمامك، وفي النهاية لقيت إنك كنت شايل علاقة براك 💔
أديتو من وقتك وقلبك واهتمامك، وفي النهاية لقيت إنك كنت شايل علاقة براك 💔
❤1
#الامان !!🌏❤
الامان ما فُسح وهدايا ومصاريف ولا هو كلام ووعود !!
الامان هو اكبر من كل دا بي كتير وفي نفس الوقت ابسط من كل دا .. الامان هو انك تبقي عارف ان في شخص في حياتك حيفضل موجود
وانه جمبك وقت ماتحتاجه حتلاقيه جنبك سند و امان ليك وانت ف أسوء حالاتك وانك وقت ما تختلف معاه تتكلم وانت عارف انه ما حيفهمك غلط وان مهما وصل الخلاف بينكم تبقي عارف انه ما حا يجرحك بكلامه لان في الاخر دا مجرد خلاف وحيروح لحاله انما انتوا مكملين ..
الامان انك ماتبقي خايف وانت بتقول الجواك ..
الامان انك ما تحس انك علاقتكم ببعض علي كف عفريت لأ
انت تبقي متأكد انو لو الدنيا كلها اتجمعت علي انكم متكملوا انتوا تكملوا غصب عن اي حد ..
الامان انك تكون قاعد ومطمن وعارف انه حيدافع عنك لو وسط مليون واحد غلطوا في حقك .. الامان هو نظره عين منه وكأنه بيقولك انا هنا ،، انا موجود عشانك ،، انا فاهمك صح ،، والاهم من كل دا انا ما ممكن اخذلك
الامان انو الشخص دا يطمنك بوجوده ما يهددك بغيابه الامان والاحتواء هو اجمل احساس ممكن تحسه في الدنيا.
سلام عليكم "طبتُم من الحزن آمنين"❤️..
#زول_ساي
الامان ما فُسح وهدايا ومصاريف ولا هو كلام ووعود !!
الامان هو اكبر من كل دا بي كتير وفي نفس الوقت ابسط من كل دا .. الامان هو انك تبقي عارف ان في شخص في حياتك حيفضل موجود
وانه جمبك وقت ماتحتاجه حتلاقيه جنبك سند و امان ليك وانت ف أسوء حالاتك وانك وقت ما تختلف معاه تتكلم وانت عارف انه ما حيفهمك غلط وان مهما وصل الخلاف بينكم تبقي عارف انه ما حا يجرحك بكلامه لان في الاخر دا مجرد خلاف وحيروح لحاله انما انتوا مكملين ..
الامان انك ماتبقي خايف وانت بتقول الجواك ..
الامان انك ما تحس انك علاقتكم ببعض علي كف عفريت لأ
انت تبقي متأكد انو لو الدنيا كلها اتجمعت علي انكم متكملوا انتوا تكملوا غصب عن اي حد ..
الامان انك تكون قاعد ومطمن وعارف انه حيدافع عنك لو وسط مليون واحد غلطوا في حقك .. الامان هو نظره عين منه وكأنه بيقولك انا هنا ،، انا موجود عشانك ،، انا فاهمك صح ،، والاهم من كل دا انا ما ممكن اخذلك
الامان انو الشخص دا يطمنك بوجوده ما يهددك بغيابه الامان والاحتواء هو اجمل احساس ممكن تحسه في الدنيا.
سلام عليكم "طبتُم من الحزن آمنين"❤️..
#زول_ساي
❤🔥1❤1
العِوض أحيانًا ما بكون مال، ولا فرصة، ولا نجاح... العِوض بيكون إنسان.
إنسان يجي بعد خيبات كثيرة، يرمم الجزء الاتكسر جواك بدون ما يحاول. يطمن قلبك بعد ما اتعود على الحذر، ويخليك تحس إنو كل الوجع الفات كان مجرد طريق وصلك ليهو.
العِوض هو الزول البتلقى معاهو السكينة ، والاهتمام البجي من غير طلب، والوجود البخفف عنك أعباء الحياة.
زول يخليك تؤمن إنو بعض الناس رزق، وإنو ربنا أحيانًا بعوضنا بإنسان أجمل من كل الأماني الكنا متمسكين بيها.
لمن يجيك العِوض الحقيقي، بتفهم ليه بعض الأبواب اتقفلت، وليه بعض الناس مشوا... لأنو ما كان في مكان للعوض الجميل إلا بعد ما فضت المساحة ليهو❤️
إنسان يجي بعد خيبات كثيرة، يرمم الجزء الاتكسر جواك بدون ما يحاول. يطمن قلبك بعد ما اتعود على الحذر، ويخليك تحس إنو كل الوجع الفات كان مجرد طريق وصلك ليهو.
العِوض هو الزول البتلقى معاهو السكينة ، والاهتمام البجي من غير طلب، والوجود البخفف عنك أعباء الحياة.
زول يخليك تؤمن إنو بعض الناس رزق، وإنو ربنا أحيانًا بعوضنا بإنسان أجمل من كل الأماني الكنا متمسكين بيها.
لمن يجيك العِوض الحقيقي، بتفهم ليه بعض الأبواب اتقفلت، وليه بعض الناس مشوا... لأنو ما كان في مكان للعوض الجميل إلا بعد ما فضت المساحة ليهو❤️
❤4
" الإنفصال "
الإنفصال بيكون صعب جدآ لو أنت حبيت شخص و حلمت بمستقبل سعيد معاه !
لأن العقل لما بيعيش في مستقبل سعيد بيكون رافض يرجع للواقع و يشوف أي حقيقة عكس الل هو حلم بيها و بالتالي لما العلاقة تنتهي عقلك بيرفض بشدة الواقع و بيرفض أنه يتخلى عن الحلم الل عاشه و صدقه و حس بيه
أنا مؤمن أن أول خطوة على طريق التعافي لو بتمر بإنفصال عاطفي .. !
أنك تشوف الحقيقة و تصدق أن قصة الحب ده أنتهت و أن أي تواجد جسدي أو نفسي فيها ما هو إلا تدمير لقلبك و تضيع لوقتك بدون أي فائدة
أنا متفهم جدآ أن احيانآ كثير الحقيقة بتكون مؤلمة و عكس رغبتك و لكن من غير ما تشوفها و تصدقها و تعترف بيها و تتصرف على أساسها و تتخلى عن حلمك الل انت بنيته في خيالك هيكون التعافي مستحيل
المتسببون في الألم ليسوا مسؤوليين عن التعافي..
التعافي دا حقك براك ...
#زول_ساي
الإنفصال بيكون صعب جدآ لو أنت حبيت شخص و حلمت بمستقبل سعيد معاه !
لأن العقل لما بيعيش في مستقبل سعيد بيكون رافض يرجع للواقع و يشوف أي حقيقة عكس الل هو حلم بيها و بالتالي لما العلاقة تنتهي عقلك بيرفض بشدة الواقع و بيرفض أنه يتخلى عن الحلم الل عاشه و صدقه و حس بيه
أنا مؤمن أن أول خطوة على طريق التعافي لو بتمر بإنفصال عاطفي .. !
أنك تشوف الحقيقة و تصدق أن قصة الحب ده أنتهت و أن أي تواجد جسدي أو نفسي فيها ما هو إلا تدمير لقلبك و تضيع لوقتك بدون أي فائدة
أنا متفهم جدآ أن احيانآ كثير الحقيقة بتكون مؤلمة و عكس رغبتك و لكن من غير ما تشوفها و تصدقها و تعترف بيها و تتصرف على أساسها و تتخلى عن حلمك الل انت بنيته في خيالك هيكون التعافي مستحيل
المتسببون في الألم ليسوا مسؤوليين عن التعافي..
التعافي دا حقك براك ...
#زول_ساي
❤1
أنا استحملت كمية ( إنت أكيد مرتبط، بس ما عايز تقول لي زول) مافي زول إتحملها والله.
.
.
🌴مزاج سوداني 🌴
Photo
نتوسد أكتاف الصُحاب، تنجينا من كُل التعب...♥️
في زحمة الدنيا نكون شايلين همّ بكرة، وهمّ الليلة،
و نحاول نضحك، لكن الهم قاعد في العيون، بنلقى في حُضن الصحبة مُتّكانا.
لكن رغم كل دا.
بجيك صوت صاحبك في نص الزُحام، و بضحكة جميلة من زول بعرفك أكتر من نفسك، و ونسة بسيطة، كلمة حنينة، ونظرة فيها “أنا معاك”.
أنا كحمد بشوف إنو أكتاف الصحاب ما بس للونسة، دي محطات أمان، أماكن بنرتاح فيها من خوف الحياة، بنحس معاهم إنو نحنا ما وحيدين،
و إنو مهما الدنيا ضلمت، لسه في ناس بتنور لينا الطريق.
في حضرة الصحاب،
الضحكة في عز الونسة بتكون حقيقية، و الظروف بتكون أهون، و المحبة ما بتحتاج تتقال.
نقعد سوا في القهوة، نتونس في التفاصيل لكن مليان حياة، و نقلب الذكريات، ونحكي عن بكرة،
نضحك، نقول حكاية كانت في الزمن الجميل.
و ننسى الزمن، وننسى التعب.
كلل التعب.
الصحبة الحقيقية بتخليك ترجع تلقى نفسك، ترجع تحس إنو فيك حياة لسه... و حياة حلوة كمان، بس كانت مُستنية حضن بسيط من رفيق غالي.
فـالحمد لله على الصُحاب، الحقيقيين، السند،
القلوب البتشيلك من غير ما تقول، الضهر البنتكيء عليهُ وقت الحُزن والتعب.
#بعض_من_اللطف
و كُل ما الدنيا تضيق… خلونا نرجع نتوسد أكتاف الصُحاب، عشان فيها راحة… وفيها إطمئنان… وفيها حُب..♥️
#زول_ساي
في زحمة الدنيا نكون شايلين همّ بكرة، وهمّ الليلة،
و نحاول نضحك، لكن الهم قاعد في العيون، بنلقى في حُضن الصحبة مُتّكانا.
لكن رغم كل دا.
بجيك صوت صاحبك في نص الزُحام، و بضحكة جميلة من زول بعرفك أكتر من نفسك، و ونسة بسيطة، كلمة حنينة، ونظرة فيها “أنا معاك”.
أنا كحمد بشوف إنو أكتاف الصحاب ما بس للونسة، دي محطات أمان، أماكن بنرتاح فيها من خوف الحياة، بنحس معاهم إنو نحنا ما وحيدين،
و إنو مهما الدنيا ضلمت، لسه في ناس بتنور لينا الطريق.
في حضرة الصحاب،
الضحكة في عز الونسة بتكون حقيقية، و الظروف بتكون أهون، و المحبة ما بتحتاج تتقال.
نقعد سوا في القهوة، نتونس في التفاصيل لكن مليان حياة، و نقلب الذكريات، ونحكي عن بكرة،
نضحك، نقول حكاية كانت في الزمن الجميل.
و ننسى الزمن، وننسى التعب.
كلل التعب.
الصحبة الحقيقية بتخليك ترجع تلقى نفسك، ترجع تحس إنو فيك حياة لسه... و حياة حلوة كمان، بس كانت مُستنية حضن بسيط من رفيق غالي.
فـالحمد لله على الصُحاب، الحقيقيين، السند،
القلوب البتشيلك من غير ما تقول، الضهر البنتكيء عليهُ وقت الحُزن والتعب.
#بعض_من_اللطف
و كُل ما الدنيا تضيق… خلونا نرجع نتوسد أكتاف الصُحاب، عشان فيها راحة… وفيها إطمئنان… وفيها حُب..♥️
#زول_ساي
Forwarded from خواطر سوداني 🌚... (زول_ساي)
الرسول صلى الله عليه وسلم انقطع عنه الوحي فترة المشركين شمتوا فيه ، وكان متضايق جداً فربنا نزّل سورة الضحى وقال ليه فيها " ماودّعك ربُك وما قلى " ، في أعظم من إنه ربنا يجبر ويطّيب خاطرك ؟ ويقول ليك انا معاك وما نسيتك ا !
ورجع قال ليه
" ولسوف يعطيك ربُك فترضى "
ودا ملخص الأمان الفي العالم كله ..
كريم ، قريب ، مابنسى ، ولابودعنا ، ولا بقسى علينا ، وبجبرنا ولو بعد حين .. سبحانه.
ورجع قال ليه
" ولسوف يعطيك ربُك فترضى "
ودا ملخص الأمان الفي العالم كله ..
كريم ، قريب ، مابنسى ، ولابودعنا ، ولا بقسى علينا ، وبجبرنا ولو بعد حين .. سبحانه.
إلى زوجتي المستقبلية :
هو في الحقيقه انا عمري م حا اغسل ليك عده ولا ح اقطع طماطم ولا بساعد بي اي شي مطبخياً...
كل مساعدتي ح تنحصر في " أكلك حلو ، ي سلاام على الشوربه اتفضلي الالف دولار دي و تسلم يدك " ..
وعشان حلي التراميسو طلع ظابط جبت ليك احفظ مالك " خاتم دهب" دا هدية..
وعشان رفعتي راسي بي أكلك الحلو وقت عزمت اهلي اتفضلي مفتاح الباترول دا .
وشكرا.
هو في الحقيقه انا عمري م حا اغسل ليك عده ولا ح اقطع طماطم ولا بساعد بي اي شي مطبخياً...
كل مساعدتي ح تنحصر في " أكلك حلو ، ي سلاام على الشوربه اتفضلي الالف دولار دي و تسلم يدك " ..
وعشان حلي التراميسو طلع ظابط جبت ليك احفظ مالك " خاتم دهب" دا هدية..
وعشان رفعتي راسي بي أكلك الحلو وقت عزمت اهلي اتفضلي مفتاح الباترول دا .
وشكرا.
❤1
أول ما ألمحك جايي، قلبي بسبقني ليك قبل عيوني.
القهوة ذاتا بتبقى مجرد سبب عشان أقعد قريبة منك.
ولمن يدك تلامس يدي، بحس الدنيا كلها سكتت.
أمسك يدك بي هدوء، وكأني لقيت الحاجة الكنت بفتش عليها من زمان.
نتونس ونضحك، وأنا بين كل كلمة وكلمة بسرق نظرة لي عيونك.
ريحة القهوة حلوة، لكن قربك أحلى منها ألف مرة.
والزحمة الحولينا كلها بتختفي، وما ببقى شايفة غيرك.
أصابعك بين أصابعي بتحسسني بالأمان والونس.
وأتمنى اللحظة دي تتمدد وما تنتهي.
عشان الحقيقة ما كانت قهوة ولا جلسة ساي.
كان العذر قهوة... والمقصد أشوفك وأشبع من حضورك.
القهوة ذاتا بتبقى مجرد سبب عشان أقعد قريبة منك.
ولمن يدك تلامس يدي، بحس الدنيا كلها سكتت.
أمسك يدك بي هدوء، وكأني لقيت الحاجة الكنت بفتش عليها من زمان.
نتونس ونضحك، وأنا بين كل كلمة وكلمة بسرق نظرة لي عيونك.
ريحة القهوة حلوة، لكن قربك أحلى منها ألف مرة.
والزحمة الحولينا كلها بتختفي، وما ببقى شايفة غيرك.
أصابعك بين أصابعي بتحسسني بالأمان والونس.
وأتمنى اللحظة دي تتمدد وما تنتهي.
عشان الحقيقة ما كانت قهوة ولا جلسة ساي.
كان العذر قهوة... والمقصد أشوفك وأشبع من حضورك.
❤3
المطر والجو الظابظ دا ظاهرية طبيعية تسمي الخريف
عشان ما اشبكونا انا بس طريتك جاء المطر وجو يشبه ضحكتو 🚮
عشان ما اشبكونا انا بس طريتك جاء المطر وجو يشبه ضحكتو 🚮
🤣1
الانتظار المُهلك💔
أقسى أنواع الانتظار، لما تكون واقف عند باب إنت عارف إنو ما ح يتفتح، لكن قلبك رافض يمشي.
تنتظر رسالة إنت متأكد ما ح تجي، ووعد انتهى من زمان، وشخص بقى ذكرى أكتر من واقع.
كل يوم تقول يمكن، وكل مرة الـ"يمكن" تكسر فيك حتة جديدة.
المشكلة ما في الغياب، المشكلة في الأمل البعيش رغم كل الأدلة.
وفي لحظة ما ، بتكتشف إنو الحاجة البتوجعك ما كانت الفقد ، كانت الانتظار ذاته.
لأنو مرات النجاة ما في إنك تواصل تنتظر، النجاة في إنك تقفل الباب بنفسك، وتمشي لقدّام من غير ما تلتفت ❤️🩹
أقسى أنواع الانتظار، لما تكون واقف عند باب إنت عارف إنو ما ح يتفتح، لكن قلبك رافض يمشي.
تنتظر رسالة إنت متأكد ما ح تجي، ووعد انتهى من زمان، وشخص بقى ذكرى أكتر من واقع.
كل يوم تقول يمكن، وكل مرة الـ"يمكن" تكسر فيك حتة جديدة.
المشكلة ما في الغياب، المشكلة في الأمل البعيش رغم كل الأدلة.
وفي لحظة ما ، بتكتشف إنو الحاجة البتوجعك ما كانت الفقد ، كانت الانتظار ذاته.
لأنو مرات النجاة ما في إنك تواصل تنتظر، النجاة في إنك تقفل الباب بنفسك، وتمشي لقدّام من غير ما تلتفت ❤️🩹
❤🔥1