من فتره اقنعت اخويا يعمل شعره كيرلي هيليق عليه اوي
عمل شعره كيرلي وبقي تحفهه بجد، ف دخلنا لماما نوريها اللوك وكدا

ماما اتصدمت وزعقتله وقالت ليه يبني تعمل كدا، الناس هيقولوا شعرك طالع أكرت ل امك

والله يماما؟
هو كدا اكرت؟
سيبك بجد هو دا اللي فارق معاكي يعني

تسكت ع كداا، لاا طبعاً
قالتله هي أروى الفاسده دي اللي قالتلك تعمل كدا ( معاها حق اه بس ليه الاهانه )

بس عادي عادي لازم نقابل ناس كدا اعداء نجاح

احمد بقا نازلي من فوق ب شورت وتيشرت كان تحفه بجد،
ولكن للأسف الشورت فوق الركبه
ف بيقولي اطلع عادي بيه،
قولتله اطلع عادي محدش واخد باله، اصل كان شكله حلو خسار والله😂

بابا شافه برا رجعه تاني ودخل نفخه جوا
ونا لغايه دلوقتي قافله ع نفسي الاوضه عشان ميدخلش ينفخني 🚶‍♀

__

﴿وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا﴾

• سبحان الله
• الحمد لله
• لا إله إلا الله
• الله أكبر
• سبحان الله وبحمده
• سبحان الله العظيم
• لا حول ولا قوة إلا بالله
• أستغفر الله العظيم وأتوب إليه
• لا إله إلا أنت سبحانك إني كنت من الظالمين.

💗"

والله عيب لما خلاص بقيت الميس ولسه بقلّق من الجبر برضو 🚶‍♀

جوايا بندهلك
ياترى بتسمعني.!؟

عندي محاضرات متراكمه وشيتات ودروس عاوزه احضرها عشان عندي مدرسه الصبح
الحزن اللي سايبه دا كله وبقرأوا =

عموماً انا بجدد كرهي ل شهر نوفمبر وللشتاء
اسوأ شهر واسوأ فصل بيعدي عليا.

مع كل يوم بيفوت بتكبر أكتر، وبتتعلم أكتر إن الكنز الحقيقي ف ان صحتك،
وعلاقتك بربنا، ودايرتك القريبه القليله جداً يكونوا بخير..

دول أهم، وأغلى، وأقيم حاجات يستحقوا يحتلوا كل أولوياتك
واللي لو خسرت واحده منهم خسارتك بتبقى مضاعفه..

باقي ما باقي سواء ناس أو أماكن والله ما مهمين وبيتعوضوا.

امبارح كنت رايحه اجيب شوكليت شيبس عشان اعمل كوكيز، لقيت معايا فلوس زياده
جبت علبتين كوكيز العبد وروحت

اصل الكوكيز اللي هعمله هيبقي احلي من كوكيز العبد يعني؟؟

ويقولك الفلوس مش كل حاجه

المهم النهارده جابولي شوكيلت شيبس وعملت كوكيز لأني مرضيتش اديهم من اللي جبته امبارح 🤡

في الجُمعة
اجمع عليكَ شتاتَ نفسكَ!

سوره الڪهف، مشارى العفاسي'))

متنسوش تقرأوا سوره الكهف يولادد 🫵

مخرج يجدعان مخرج 😂

بجد يولاد
سؤال بجد يعني
ليه اغلب الناس اللي كل ريبوستاتها وبوستاتها دينيه وقرآن ومواعظ وحكم وبيبقوا دارسين دين وفقه وعلمهم ب دينهم مش قليل وببستشهد ب آيات واحاديث وتشوفوا تقول ما شاء الله وش هذا
، وتحسه ملاك نازلنا من السماء
وتحس الدنيا فيها خير وتشوف فراشات وعيونك تطلع قلوب وتشوفوا مثلك الأعلي

وبعدين تكتشف انه اسوأ واوسخ حد فالدنيا ( دي اقل كلمه ممكن تتقال حقيقي )

بجد ليه!!

عارفه انه ممكن نقابل عينات من دي
وانه الكوكب فيه سبعه مليار ومش كلهم زي بعض وكل الكلام الجميل دا

بس الناس دي كتير اوي بجد وقابلت كتير اووي كدا