𝗧𝗼𝘆 𝗦𝘁𝗼𝗿𝘆 𝟯 (𝟮𝟬𝟭𝟬)
#Animation #Adventure #Comedy
IMDb - 8.3/10

ဒီဇာတ်ကားက ၂၀၁၀ မှာ ထွက်ရှိခဲ့တာဖြစ်ပြီး animation တွေရဲ့ Villain စာရင်းမှာ ထိပ်ဆုံးနားအထိ စာရင်းချိတ်နိုင်တဲ့ ပန်းရောင်မွေးပွဝက်ဝံရုပ်ကြီး လော့ဆိုက ဒီဇာတ်ကားရဲ့ အမှတ်အသားလို ဖြစ်ခဲ့ပါတယ်။

ဒါ့အပြင် ဒီဇာတ်ကားက အန်ဒီဆိုတဲ့ ကောင်လေးတစ်ယောက်နဲ့ ဝူဒီတို့အရုပ်တွေကြားက နွေးထွေးတဲ့ ဆက်ဆံရေးကို အကောင်းဆုံး အဆုံးသတ်ပေးနိုင်ခဲ့တဲ့ ဇာတ်လမ်းဆိုရင်လည်း မမှားပါဘူး။

အရွယ်ရောက်လာတဲ့ အန်ဒီက ကောလိပ်ကျောင်းကို သွားရတော့မှာမို့လို့ ဝူဒီကလွဲလို့ ကျန်တဲ့အရုပ်တွေကို ထပ်ခိုးထပ်ပေါ် ထားခဲ့ဖို့ လုပ်ခဲ့ပေမဲ့ မိသားစုချင်းနားလည်မှုလွဲကာ အမှိုက်ပုံးထဲကို ရောက်သွားခဲ့ပါတယ်။

ဒါကိုအထင်လွဲသွားတဲ့ အရုပ်တွေက
အမှိုက်ကားထဲ လိုက်သွားမယ့်အစား မူကြိုကျောင်းကိုသွားလှူမယ့်
ပစ္စည်းပုံးထဲကို လိုက်သွားခဲ့ကြပါတယ်။

ဒီလိုနဲ့ ဆန်နီဆိုက်ဒ်ဆိုတဲ့
မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆိုတို့အရုပ်အဖွဲ့ရဲ့ ကြိုဆိုမှုကြောင့် သူတို့တွေပြန်အဆင်ပြေတော့မှာလို့
ထင်ခဲ့ပေမဲ့ လက်တွေ့မှာ လော့ဆိုက မင်းသားမျက်နှာဖုံးနဲ့ ဘီလူးတစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီဆီ
ပြန်ထွက်ပြေးလာဖို့ ကြိုးစားရပါတော့တယ်။

သူတို့ရဲ့ကြိုးစားမှုကအရာထင်ပါ့မလား၊ ကောက်ကျစ်ယုတ်မာတဲ့
လော့ဆိုတို့အဖွဲ့က ဘယ်လိုမျိုး ဒုက္ခပေးကြမလဲဆိုတာ ကြည့်ရှုရမှာပါ။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/526

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/527?single

𝗧𝗼𝘆 𝗦𝘁𝗼𝗿𝘆 𝟰 (𝟮𝟬𝟭𝟵)
#Animation #Adventure #Comedy
IMDb - 7.7/10

ရုပ်ရှင်ချစ်သူတွေထဲမှာ တွိုင်းစတိုရီကို မကြည့်ဖူးဘဲ ကြီးပြင်းလာတဲ့သူဆိုတာ အတော်ရှားပါလိမ့်မယ်။

ငယ်ငယ်တုန်းကတည်းက တွိုင်းစတိုရီကိုကြည့်ပြီး ကိုယ့်အရုပ်လေးတွေ ဘယ်လိုများ အသက်ဝင်မလားမလဲတောင် ချောင်းကြည့်ဖူးကြတဲ့သူတွေ ရှိမလားမသိဘူး။

ဝုဒီတို့ ဘက်ဇ်တို့နဲ့ မိတ်ဆွေတစ်သိုက်ဟာ မိတ်ဆွေတွေတိုးရင်း စွန့်စားခန်းတွေ ဖွင့်ရင်း နေလာခဲ့တာနှစ်ပေါင်းတွေ ကြာလာခဲ့ပါပြီ။

အရုပ်တွေအတွက် သူတို့ရဲ့ ပိုင်ရှင်ကလေးငယ်ဆိုတာ ဘဝကြီးပါပဲ။

ဒါပေမယ့် အဲဒီပိုင်ရှင်တွေရဲ့ သက်တမ်းက တိုတောင်းပါတယ်။

သေဆုံးသွားတာ မဟုတ်ပေမယ့်လည်း ကြီးပြင်းလာတဲ့အချိန်မှာ အရုပ်တွေကို စွန့်ပစ်ကြတာ၊ ဒါမှမဟုတ် အခြားကလေးကို ပေးပစ်ကြတာတွေ လုပ်ကြတာပေါ့။

ဒီလိုနဲ့ ဘိုပိ ဟာလည်း အခြားပိုင်ရှင်တစ်ယောက်ဆီကို ရောက်သွားပြီး ဝုဒီတို့နဲ့ ကွဲကွာသွားခဲ့ပါပြီ။

ဒီတစ်ခေါက်မှာလည်း အန်ဒီဟာ ဘွန်နီဆိုတဲ့ ကလေးမလေးဆီကို သူ့ရဲ့အရုပ်တွေပေးပစ်လိုက်တာကနေ စတင်ပါတယ်။

ဘွန်နီဟာ အရုပ်လေးတွေကိုချစ်ပြီး နေ့တိုင်းကစားတတ်ပေမယ့် သူ ရွေးနေကျမဟုတ်ဘဲ ချန်ထားခဲ့တဲ့အရုပ်လေးတွေ ရှိတတ်ပါတယ်။

အဲဒီအထဲမှာ တစ်ချိန်က အန်ဒီရဲ့ အချစ်တော်ဝုဒီလည်း ပါနေတာပေါ့။

ဒီလိုနဲ့ ဘွန်နီလေး ပထမဆုံး မူကြိုကို ကြောက်ကြောက်လန့်လန့်နဲ့ သွားရင်း ဇွန်းခရင်း တစ်ခါသုံးလေးကို ဖော့ကီဆိုတဲ့ အရုပ်အဖြစ် ဖန်တီးလိုက်မိပါတယ်။

ပြီးတော့ အဲဒီ ခရင်းရုပ်လေးက ဘွန်နီရဲ့ မူကြိုကျောင်းမှာအားပေးမယ့် အဖော်လေးဖြစ်လာပါတော့တယ်။

ဒါပေမယ့် ဖော့ကီဟာ မထင်မှတ်ဘဲ ဘွန်နီနဲ့ကွဲကွာသွားတဲ့အခါမှာတော့ ဝုဒီဟာ ဖော့ကီကို လိုက်ကယ်ဖို့ သူ့မိတ်ဆွေတွေနဲ့အတူ စွန့်စားခန်းတွေ ဖွင့်ရပါတော့မယ်….

တွိုင်းစတိုရီ-၄ ဟာလည်း အရင်ကားတွေလိုပဲ မိတ်ဆွေစိတ်တွေ၊ အရုပ်တွေနဲ့ကလေးတွေရဲ့ သံယောဇဉ်တွေကိုလှလှပပ ပုံဖော်ထားတာပဲမို့ ကြည့်တဲ့သူတွေ ကြိုက်ကြမှာပါ။

ရုပ်ရှင်ကားကို Little Neo က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/532

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/533?single

𝗣𝗲𝗿𝘀𝗲𝗽𝗼𝗹𝗶𝘀 (𝟮𝟬𝟬𝟳)
#Animation #Biography #Drama
IMDb - 8.0/10

French-Iranian ဝတ္ထုရေးဆရာ “Marjane Satrapi” က ၂၀၀၀ ခုနှစ်မှာ ကိုယ်တိုင်ရေးအတ္ထုပ္ပတ္တိဖြစ်တဲ့ “Persepolis” ကို
စာအုပ်ထုတ်ဝေခဲ့ပါတယ်။

ဒီဇာတ်လမ်းကတော့ ၂၀၀၇ ခုနှစ်မှာ ထွက်ရှိခဲ့တဲ့ film adaptation ဖြစ်ပါတယ်။

သူ့ဘဝခရီး အနိမ့်အမြင့်အတက်အကျအကြောင်းတွေ ကြည့်ရမယ်ဆိုတာထက်
အဓိကထူးခြားနေတဲ့အချက်က သူဟာ အီရန်နိုင်ငံသူတစ်ဦးပါ။

သူတွေ့ကြုံခဲ့ရတဲ့ အီရန်နိုင်ငံရဲ့နိုင်ငံရေးအခြေအနေတွေနဲ့ယှဉ်ပြီး
သူ့ဘဝ ဘယ်လိုကြုံတွေ့ခဲ့ရလဲဆိုတာကို ပုံဖော်ရိုက်ကူးထားပါတယ်။

အီရန်နိုင်ငံရဲ့စစ်ပွဲတွေနဲ့၊ အကျိုးဆက်အရ အီရန်ပြည်သူတွေ နှစ်ရှည်လများစွာ ဆင်းရဲဒုက္ခတွင်းကျရတာတွေကို မီးမောင်းထိုးပြထားပါတယ်။

အီရန်အစိုးရရဲ့ဖိနှိပ်ချုပ်ချယ်မှုတွေနဲ့ ပြည်သူတွေ ခေါင်းမထောင်နိုင်အောင်
ပြားပြားဝပ်ခဲ့ရတာတွေ၊ နေ့ရက်တိုင်းမှာ
ကြောက်လန့်စိတ်နဲ့နေရတာတွေကို ပုံဖော်ပြသထားပါတယ်။

အီရန်နိုင်ငံမှာ လူသားအရင်းအမြစ်တွေ၊
လူ့အခွင့်အရေးတွေဆုံးရှုံးရတဲ့အကြောင်းကို
သူ့ကိုယ်တွေ့ဖြစ်ရပ်တွေနဲ့ပြသထားပါတယ်။

အထူးသဖြင့် အစ္စလာမ်မစ်ဘာသာရေးအစွန်းရောက်တွေက
အမျိုးသမီးတွေအပေါ် ဘယ်လောက်ထိချုပ်ချယ်ဖိနှိပ်လဲဆိုတာတွေ
ကမ္ဘာသိအောင် ချပြထားပါတယ်။

ဇာတ်လမ်းအကျဉ်း....

သူဟာ နိုင်ငံရေးစိတ်အားထက်သန်တဲ့မိသားစု၊မဟုတ်မမှန်တာကို
ရပ်ထိုင်ကြည့်မနေနိုင်တဲ့ မိသားစု၊ လူသားဆန်တဲ့ ပညာတတ်မိသားစုကနေ မွေးဖွားလာတဲ့သူပါ။

အီရန် နိုင်ငံ ရဲ့ ခေတ်ဆိုးစနစ်ဆိုးမှာ
မွေးဖွားလာခဲ့တော့ ကျောင်းစတက်တဲ့အချိန်တည်းက မင်းစိုးမင်းညစ်ကို သစ္စာရှိဖို့ မှိုင်းတိုက်ခံခဲ့ရတယ်။

အသက်ငယ်ငယ်လေးနဲ့ အစ္စလာမ်မစ်တော်လှန်ရေးနဲ့ တွေ့ကြုံခဲ့တယ်။

အစ္စလာမ်မစ် ဘာသာရေးအစွန်းရောက်
အီရန် အစိုးရရဲ့ ဖိနှိပ်ချုပ်ချယ်မှုမှာ မဟုတ်မမှန်တာကို ခေါင်းငုံ့မခံနိုင်၊ထုတ်ဖော်ပြောတတ်တဲ့ Marjane ကို သူ့မိဘတွေက ပညာကောင်းကောင်းသင်နိုင်ဖို့
ဩစတီးယား၊ ဗီယင်နာမြို့ကို ပို့လိုက်ကြရတယ်။

နိုင်ငံရပ်ခြားမှာ ယဉ်ကျေးမှုမတူတဲ့လူမျိုးတွေကြား အသက်ငယ်ငယ်နဲ့ အီရန်နိုင်ငံဖွားမိန်းကလေးတစ်ယောက်အနေနဲ့
ရပ်တည်နေနိုင်ဖို့ သူကြိုးစားခဲ့ရတယ်။

Animation အနေနဲ့ရိုက်ကူးထားတာဖြစ်ပါတယ်။ Oscar ဆုအတွက် ဇကာတင်ရွေးချယ်ခံခဲ့ရပြီး တခြားဆုတွေအများကြီးရရှိထားပါတယ်။

ဗဟုသုတတွေ အပြည့်ပေးစွမ်းမယ့်ဇာတ်လမ်းဖြစ်တာမို့
လက်မလွှတ်ဘဲ ကြည့်ရှုလိုက်ကြပါဦးနော်၊
CM ပရိတ်သတ်ကြီးအတွက် တင်ဆက်ပေးလိုက်ပါပြီ။

ဒီဇာတ်လမ်းရဲ့အညွှန်းနဲ့ ဘာသာပြန်ရေးသားသူက Orika ဖြစ်ပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/544

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/545?single

𝗧𝗵𝗲 𝗠𝗮𝗴𝗶𝗰 𝗥𝗼𝘂𝗻𝗱𝗮𝗯𝗼𝘂𝘁 (𝟮𝟬𝟬𝟱)
#Animation #Adventure #`Comedy
IMDb - 5.2/10

2005 ခုနှစ်ကထွက်ရှိခဲ့တဲ့ ငယ်ဘ၀ကိုပြန်လည်လွမ်းဆွတ်စေမဲ့
ကာတွန်းကားလေး တစ်ကားကိုတင်ဆက်ပေးလိုက်ပါတယ်။

ဒီကာတွန်းကားလေးရဲ့နာမည်ကတော့ The Magic Roundabout :The Movie ဖြစ်ပြီး IMDb Rating 5.2 ရရှိထားပါတယ်။

ဒူဂယ်ဆိုတဲ့ ခွေးလေးက အဝိုင်းရွာမှာ နေနေတဲ့ခွေးလေးတစ်ကောင်ဖြစ်ပြီး သူ့သခင်ကတော့ ဖလောရန့်စ်ဖြစ်ပါတယ်။

သူက အချိုအရမ်းကြိုက်တတ်ပြီး အချိုမစားရရင် မနေနိုင်မထိုင်နိုင်ကိုဖြစ်နေတာပါ။

ဒီလိုနဲ့ တစ်နေ့မှာ သကြားလုံးရောင်းတဲ့ လူဆီကသကြားလုံးတွေ စားရဖို့ကြံရင်းနဲ့ အလွဲလွဲအချော်ချော်တွေဖြစ်ကုန်ပြီး ကလေးတွေကစားနေတဲ့ ဆုံလည်မြင်းကြီးပျက်စီးသွားပါတော့တယ်။

အဲ့ဒီအချိန်မှာ အဲ့ထဲမှာပိတ်လှောင်ထားခြင်းခံရတဲ့ ရေခဲမကောင်းဆိုးဝါးဇီးဘတ် လွတ်မြောက်လာခဲ့ပြီး ဖလောရန့်စ် အပါအဝင် တခြားကလေးတွေကို ဆုံလည်မြင်းကြီးထဲမှာ အေးခဲနေအောင် ပိတ်ထားခဲ့ပါတော့တယ်။

ဇီးဘတ်ရဲ့ အကြံအစည်ကတော့ နေကိုခဲအောင်လုပ်ပစ်ပြီး တစ်ကမ္ဘာလုံးကို သူ့စိတ်ကြိုက်ရေခဲတွေနဲ့ ဖုံးလွှမ်းအောင်လုပ်ပစ်ဖို့ပဲရှိပါတယ်။

သူ့ကိုတားဖို့အတွက် ဇစ်ဘဒီဆိုတဲ့ ရွာရဲ့သူရဲကောင်းရှိပေမဲ့ သူ့ကို အနိုင်မယူနိုင်တဲ့အခါမှာတော့ ဒူဂယ်နဲ့ သူ့သူငယ်ချင်းတွေရဲ့အကူအညီကို လိုအပ်လာပါတော့တယ်။

ဇီးဘတ်ရဲ့ အကြံအစည်အောင်မြင်ဖို့ မှော်စိန်သုံးလုံးကို လိုအပ်ပြီး အဲ့ဒီစိန်တွေကို ဇီးဘတ် မရသွားအောင် ဒူဂယ်နဲ့သူငယ်ချင်း တိရစ္ဆာန်လေးတွေက ဘယ်လိုတားဆီးသွားမယ်ဆိုတာကို ပေါ့ပေါ့ပါးပါးကြည့်ရှုရမဲ့ ကာတွန်းကားလေးပဲဖြစ်ပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/550

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/551?single

𝗧𝗵𝗲 𝗣𝗲𝗮𝘀𝗮𝗻𝘁𝘀 (𝟮𝟬𝟮𝟯)
#Animation #Drama #History
IMDb - 7.8/10

The Peasants ဇာတ်ကားဟာ ၁၉၄၂ ခုနှစ်မှာ စာပေဆိုင်ရာ နိုဘယ်ဆုရရှိခဲ့တဲ့ ပိုလန်ဝတ္ထုတစ်ခုကို အခြေခံရိုက်ကူးထားတဲ့ဘောင်ဝင်တန်းဝင် ဇာတ်ကားကြီး ဇာတ်ကားကောင်းတစ်ခုဖြစ်ပါတယ်....

အခုလို ရိုက်ကူးထွက်ရှိလာတဲ့အခါမှာလည်း ဆုတွေအများကြီး ဆန်ကာတင်စာရင်းတွေထဲ အများကြီးဝင်ထားတဲ့ အရမ်းကိုအနုပညာဆန်တဲ့ ရုပ်ရှင်ကားတစ်ကားဖြစ်ပါတယ်..

ဒီဇာတ်ကားက သူများနဲ့ မတူတာကတော့ တစ်ကားလုံးကို rotoscoped oil painting စတိုင်မျိုးနဲ့ ပြုလုပ်ထားတာဖြစ်လို့ ဇာတ်ကားရဲ့ ဘယ်နေရာကိုပဲ pause pause ပန်းချီကားတစ်ချပ်ကိုခံစားနေရသလိုမျိုး မြင်နေရမှာ ဖြစ်ပါတယ်.

ဇာတ်လမ်းကိုတော့ ကြည့်ရပေါ့သွားမှာစိုးလို့ အများကြီးမပြောတော့ဘူးနော်.

အဓိကကတော့ Jagna ဆိုတဲ့ ပိုလန်ရွာလေးတစ်ရွာက အရမ်းချောမောလှပတဲ့ မိန်းကလေးတစ်ယောက်ရဲ့ဇာတ်ကြောင်းပါ.

ချောမောသူဖြစ်တဲ့အလျှောက် ရွာထဲက လူပျိုလူအို မုဆိုးဖို စတဲ့သူ အကုန်လုံးက သူနဲ့ လက်ဆက်ချင်ကြပါတယ်.

ပိုလန်ရိုးရာတွေကို အသားပေးရိုက်ပြထားပြီး သူမရဲ့ အချစ်ရေးအိမ်ထောင်ရေး ဇာတ်လမ်းတွေ ဘယ်လိုရှုပ်ထွေးမလဲ…

အဆုံးသတ်မှာ သူဘယ်လိုဖြစ်သွားမလဲဆိုတာကို ပန်းချီပြခန်းထဲ လမ်းလျှောက်သွားသလို ကြည့်ရှုခံစားနေရမှာဖြစ်လို့ ကြည့်ကိုကြည့်ရမဲ့ကားလေး ဖြစ်ကြောင်း အသိပေးပါရစေ…

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/556

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/557?single

𝗞𝘂𝗻𝗴 𝗙𝘂 𝗣𝗮𝗻𝗱𝗮 𝟰 (𝟮𝟬𝟮𝟰)
#Animation #Action #Adventure
IMDb - 6.4/10

ကွန်ဖူးပန်ဒါ ၄ ကားမြောက် ရုပ်ရှင်ထွက်လာပါပြီ....

မင်းသား ဂျက်ဘလက်ပဲ အသံသရုပ်ဆောင်ထားပြီး မင်းသမီး Awkwafina က ကျန်းအဖြစ် သရုပ်ဆောင်ပေးထားပါတယ်။

အရင်ထွက်ခဲ့တဲ့ ၃ ကားလုံးကိုလည်း
ချန်နယ်မြန်မာ web နဲ့ app တွေမှာ ကြည့်နိုင်ပြီဖြစ်ပါတယ်။

ဇာတ်လမ်းအကျဉ်း...

ဒီ ၄ ကားမြောက်မှာတော့ ပိုဟာ ရန်သူပေါင်းစုံကိုနိုင်ပြီး နဂါးစစ်သည်တော်လည်း ဖြစ်နေတာကြာပြီဆိုတော့ ပိုခက်တဲ့ ရန်သူနဲ့ တာဝန်တွေ ပေါ်လာပါပြီ။

ပိုဟာ ဆရာအူးဂွေးရဲ့ ပညာရှိခေါင်းဆောင်နေရာကို ဆက်ခံရတော့မှာဖြစ်ပြီး သူ့ရဲ့ နဂါးစစ်သည်တော်နေရာမှာ ဆက်ခံဖို့လည်း လူသစ်ရွေးရတော့မှာဖြစ်ပါတယ်။

အပြောင်းအလဲတွေ မလုပ်ချင်တဲ့ ပိုအတွက်တော့ တကယ့် ပြဿနာကြီးပါပဲ။

အဲဒီအချိန်မှာပဲ ခမီလီရန် ဆိုတဲ့ မှော်ဆရာမကလည်း ပိုရဲ့ ရန်သူအားလုံးပေါင်းထားတဲ့အစွမ်းတွေကို ရအောင်ကြိုးစားပြီး ကမ္ဘာကြီးကို သိမ်းပိုက်ဖို့ ကြိုးစားလာပါတယ်။

ခမီလီရန် နဲ့ ရင်ဆိုင်ရင်း ပိုတစ်ယောက် ဘယ်လိုထပ်ပြီး အလင်းတွေရ အဆင့်တွေမြင့်လာမလဲ ကြည့်ရမှာပဲ ဖြစ်ပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/563

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/564?single

𝗧𝗵𝗲 𝗖𝗮𝘀𝗮𝗴𝗿𝗮𝗻𝗱𝗲𝘀 𝗠𝗼𝘃𝗶𝗲 (𝟮𝟬𝟮𝟰)
#Animation #Adventure #Comedy
IMDb - 5.8/10

Netflix က အသစ်ထွက်ရှိလာတဲ့ 2D ကာတွန်းကားလေးဖြစ်ပြီး အတော်လေးရယ်ရမယ့် family comedy ပါ

ဇာတ်လမ်းအကျဥ်းကတော့....

ဆယ်ကျော်သက်အရွယ် (နှစ်ပေါင်း ၁၂၀၀၀) သက်တမ်းရှိတဲ့ demigod မင်းသမီးလေး ပွန်ဂွာရီ က နတ်ဘုရားတစ်ပါး ဖြစ်ချင်ပေမယ့် သူ့မယ်တော်က မရင့်ကျက်သေးဘူးဆိုပြီး တားမြစ်တာကို လက်မခံပဲ မျက်နှာတစ်ထောင်မျက်နှာဖုံးကို ခိုးယူပြီး နတ်ဘုရားအသွင် ပြောင်းလိုက်ရာမှာ

ကမ္ဘာမြေ ဟက်တက်ကွဲပြီး ကမ္ဘာပျက်မယ့် အရေးကနေ ကာကွယ်ဖို့အတွက် မင်းသမီးလေးကို မိခင်ဖြစ်သူက “တောင်တစ်လုံး” အသွင် ဖန်ဆင်းထားခဲ့တယ်

၁၂ နှစ်ပြည့်သွားတဲ့ ကောင်မလေး ရိုနီအန်းန်က ၁၂ နှစ်ပြည့်ပြီဆိုပြီး သူငယ်ချင်းနဲ့အတူ လွတ်လွတ်လပ်လပ် လုပ်ချင်တာလုပ်ဖို့ ကြံရွယ်နေတဲ့ ဂျစ်ကန်ကန် ကောင်မလေး တစ်ယောက်ပါ

ဒါပေမဲ့ သူ့အမေက သူတို့ Casagrandes တစ်မိသားစုလုံး မက္ကဆီကိုက မွေးရပ်မြေဒေသလေးကို ခရီးထွက်ဖို့ အမိန့်ချတာနဲ့ ရိုနီအန်းန် တစ်ယောက် မငြင်းသာပဲ အမေ့စကားကို နားထောင်လိုက်ရတယ်

ဒါပေမဲ့ သူတို့မိသားစုခရီးထွက်မယ့် နေရာလေးက တောင်နတ်သမီးလေး ပိတ်မိနေတဲ့ နေရာဖြစ်နေတဲ့အခါမှာ

ဘယ်လိုတွေ ဆက်ဖြစ်မလဲ
ရယ်ရယ်မောမော ကြည့်ရမှာဖြစ်သလို အမေနဲ့ သမီး ပဋိပက္ခတွေကိုလည်း သားသားမီးမီးတို့ မေမေတို့အတူတူ ခံစားလို့ရဦးမှာပါ.....

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/569

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/570?single

𝗔𝗹𝗹 𝗖𝗿𝗲𝗮𝘁𝘂𝗿𝗲𝘀 𝗕𝗶𝗴 𝗔𝗻𝗱 𝗦𝗺𝗮𝗹𝗹 (𝟮𝟬𝟭𝟱)
#Animation #Adventure #Comedy
IMDb - 5.8/10

ဒီတစ်ခါက​တော့ ကာတွန်းကားပရိသတ်​လေး​တွေအတွက် 2015 ကထွက်ရှိထားတဲ့ ကမ္ဘာပျက်သုဥ်းချိန် ​သတ္တဝါအားလုံးကို​ သင်္ဘောကြီးနဲ့ ကယ်တင်တဲ့ ဇာတ်​လမ်းကို ​ကျောရိုးယူပြီးရိုက်ပြထားတဲ့ ကာတွန်းကား​ကောင်း​လေး All Creatures Big And Small ပဲဖြစ်ပါတယ်

ဇာတ်လမ်းအညွှန်း....

Nestrian မျိုးစိတ်ဖြစ်တဲ့ ဖင်နီတစ်​ယောက် အ​​​ဖေဖြစ်သူနဲ့ ​နေရပ်အမှန်ကို လိုက်ရှာ​နေခဲ့ပါတယ်

ဖင်နီမှာ မိတ်​ဆွေဖွဲ့တတ်တဲ့ စိတ်​လေးရှိ​ပေမယ့် ​နေရပ်အမှန်ကိုလိုက်ရှာရတဲ့အတွက် ခဏခဏ ​နေရာ​​ပြောင်း​နေရတဲ့အတွက် သူငယ်ချင်းမရဖြစ်​နေပါ​တော့တယ်

​တစ်ဖက်မှာလည်း တော​ကြောင်မျိုးရိုးက​ပေါက်ဖွားလာတဲ့ လီယာတစ်​ယောက် မိမိမျိုးစိတ်ဓ​လေ့အရ အုပ်စုဖွဲ့မ​နေရဘူး အ​ကြောက်တရားဆိုတာမရှိရဘူးလို့ မိခင်ဖြစ်သူက ဆုံးမထားတာ​ကြောင့် အတွင်းစိတ်က ​ပျော့​ပြောင်း​နေ​ပေမယ့် အပြင်ပိုင်းမှာ မိခင်အလိုအရ ခက်ထန်ပြ​နေရပါတယ်

တစ်​နေ့ ကမ္ဘာကြီး​ရေလွှမ်းမှု​အောက်ကို​ရောက်မယ့်အချိန် သတ္တဝါအားလုံးကို ကယ်တင်ဖို့ သင်္ဘောဆီ အားလုံးကိုဖိတ်​ခေါ်လိုက်ပါတယ်

ကံမ​​ကောင်းစွာနဲ့ပဲ ဖင်နီတို့သားအဖနှစ်​ယောက် သင်္ဘောပေါ်တက်ရမယ့်စာရင်းထဲမှာမပါခဲ့ပါဘူး

သားဖြစ်သူကို သင်္ဘော​ပေါ်လိုက်ရမယ်ဆိုတဲ့ ကတိ​ကြောင့် ​တော​ကြောင်​တွေအဖြစ်အ​ယောင်​ဆောင်ကာ သင်္ဘော​ပေါ်တက်ရင်း လီယာတို့သားအမိနဲ့ သွားဆုံကြပါတယ်

လီယာတစ်​ယောက် အ​မေဖြစ်သူစကားကို မယုံလို့ ​ရေတကယ်ကြီးမကြီးကို သွားကြည့်ရင်း ကံဆိုးစွာပဲ သင်္ဘော​​ပေါ်မ​ရောက်ပဲ ဖင်နီနဲ့အတူကျန်ခဲ့ရပါတယ်

ဖင်နီနဲ့ လီယာတို့ ​ရေလွှမ်းမိုးတာက​နေ ဘယ်လို အသက်ရှင်ကျန်ရစ်​အောင်ကြိုးစားခဲ့ရလဲ

သူတို့မိဘ​တွေက​ရော သားသမီး​တွေကို သင်္ဘောဆီပြန်​ခေါ်ဖို့အတွက် ဘယ်​​လောက်ကြိုးစားခဲ့ရလဲဆိုတာ​တွေကို ရယ်ရယ်​မော​မောကြည့်ရှုရမယ့် ကာတွန်းကား​ကောင်း​လေးပဲဖြစ်ပါတယ်

( ဘာသာပြန်ပြီး အညွှန်း‌ရေးသားထားသူကတော့ DB ပါ )

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/575

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/576?single

𝗝𝘂𝘀𝘁𝗶𝗰𝗲 𝗟𝗲𝗮𝗴𝘂𝗲: 𝗖𝗿𝗶𝘀𝗶𝘀 𝗼𝗻 𝗜𝗻𝗳𝗶𝗻𝗶𝘁𝗲 𝗘𝗮𝗿𝘁𝗵𝘀 𝗣𝗮𝗿𝘁 𝗧𝘄𝗼 (𝟮𝟬𝟮𝟰)
#Animation #Action #Adventure
IMDb - 5.5/10

DC ရဲ့ စူပါဟီးရိုး ကာတွန်းကားအသစ်လာပါပြီ။ ဒါ က Part-2 ဖြစ်ပါတယ်။
ဇာတ်ကောင်အစုံနဲ့ ဇာတ်လမ်းကောင်းကောင်းနဲ့မို့ ရုပ်ရှင်အစစ်ကြီးလိုပဲ ခံစားလို့ကောင်းပါတယ်။

Flash စီးရီးကြည့်ဖူးတဲ့သူတွေကတော့ ဇာတ်လမ်းကျောရိုးကို သိနေမှာပါ။

အပြိုင်စကြဝဠာအားလုံးကို ဖျက်ဆီးမဲ့ အန်တိုင်မက်တာ၊ အန်တီမက်တာဆိုတဲ့ လှိုင်းကြီးတစ်ခုပေါ်လာပြီး စကြဝဠာတွေကို တစ်ခုပြီး တစ်ခု ဖျက်ဆီးလာပါတယ်။

ဒါကိုမှ စကြဝဠာအားလုံးကို စောင့်ကြည့်ရုံပဲကြည့်ပြီး ဘာမှမလုပ်ရတဲ့ မော်နီတာက မနေနိုင်တော့ဘဲ စူပါဟီးရိုးတွေကိုစုစည်းပြီး အန်တိုင်မက်တာကို တားဖို့ ကြိုးစားပါတော့တယ်။

ဒီနေရာမှာ ထုံးစံအတိုင်း အဓိကဖြစ်လာတာကတော့ ဖလက်ရှ်ပါပဲ။

အချိန်ခရီးသွားတာနဲ့ စကြဝဠာခရီးသွားတာတွေကို တစ်ယောက်တည်းလုပ်နိုင်နေတဲ့ ဖလက်ရှ်ဟာ ဒီကိစ္စရဲ့အစအလယ်အဆုံးမှာ ပတ်သက်နေပြီး အခြားစူပါဟီးရိုးတွေနဲ့အတူ စကြာဝဠာအားလုံးကို ကယ်တင်ဖို့ ကြိုးစားရပါတော့တယ်။

စူပါဟီးရိုးတွေကတော့ ဂျက်စတစ်လိအပြင် DC ဖန်တွေကြိုက်တဲ့ အခြားကာရိုက်တာတွေပါ ပါနေသေးတာမို့ အတော်မြိုင်မြိုင်ဆိုင်ဆိုင်ကြည့်ရပါလိမ့်မယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/581

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/582

𝗝𝘂𝘀𝘁 𝗦𝘂𝗽𝗲𝗿 (𝟮𝟬𝟮𝟮)
#Animation #Family
IMDb - 5.3/10

ဟက်ဒ်ဝစ်ဟာ ထရိုးမြို့ကလေးမှာ နေထိုင်ပြီး ဂိမ်းဆော့ရတာကို ကြိုက်တဲ့ သာမန်ကောင်မလေးတစ်ယောက်ပါ။ သူတို့မြို့ကလေးမှာ ခေတ်အစဉ်အဆက် မြို့ကလေးကို လုံခြုံအောင် ကာကွယ်ပေးလာတဲ့ စူပါလိုင်းယွန်းဆိုတဲ့ သူရဲကောင်းရှိပါတယ်။ သူဘယ်သူလဲဆိုတာတော့ တစ်မြို့လုံးက မသိရပေမယ့် သူရှိနေရင် မြို့ကလေးက လုံခြုံနေပါတယ်။

တကယ်တော့ ဒီသူရဲကောင်းက ဟက်ဒ်ဝစ်ရဲ့ အဖေဖြစ်ပါတယ်။ ဒါပေမဲ့ သူ့အဖေဟာ ဟက်ဒ်ဝစ်ရဲ့ အမေဖြစ်သူကို ဆုံးရှုံးလိုက်ရတဲ့အချိန်မှာ ဟက်ဒ်ဝစ်အပေါ် မနွေးထွေးနိုင်တော့သလို သူတို့ကို မျိုးရိုးစဉ်ဆက် စွမ်းအင်ပေးလာတဲ့ စူပါဝတ်စုံကို လက်ဆင့်ကမ်းဖို့လည်း အတွေးထဲမရှိတော့ပါဘူး။

အဲဒီတော့ ဟက်ဒ်ဝစ်အစား အရည်အချင်းရှိတဲ့ သူ့တဝမ်းကွဲအစ်ကို အေဒရီယန်ကို ဝတ်စုံကို လွဲပေးဖို့ လုပ်ပါတော့တယ်။ ဒီတော့ ဟက်ဒဝစ်လေးခမျာ သူ့အဖေကို သူလုပ်နိုင်ကြောင်း သူ့မှာလည်း အရည်အချင်းရှိကြောင်း သက်သေပြဖို့အတွက် ကြိုးစားပါတော့တယ်။

ဒီတော့ သူ့အနေနဲ့ သူ့အဖေကို သက်သေပြနိုင်အောင် ကြိုးစားနိုင်ပါ့မလား၊ ဒီဝတ်စုံကိုရော သူရမှာလား၊ သူ့တဝမ်းကွဲအစ်ကိုကရော ဒီဝတ်စုံနဲ့ တကယ်ထိုက်တန်ရဲ့လားဆိုတာကို စိတ်ဝင်စားဖွယ်ကြည့်ရှုရမယ့် ကာတွန်းကားကောင်းလေး ဖြစ်ပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/584

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/585

𝗧𝗵𝗲𝗹𝗺𝗮 𝘁𝗵𝗲 𝗨𝗻𝗶𝗰𝗼𝗿𝗻 (𝟮𝟬𝟮𝟰)
#Animation #Adventure #Comedy
IMDb - 5.8/10

Thelma The Unicorn ဇာတ်ကားဟာ Netflix ရဲ့ 2024 နောက်ဆုံးထွက် musical animation ဇာတ်ကားကောင်းလေးတစ်ကား ဖြစ်ပါတယ်

အဓိက character ဖြစ်တဲ့ မြင်းမလေး Thelma ကို အသံသရုပ်ဆောင်ပေးထားတာကတော့ ဂရမ်မီဆုတွေရထားတဲ့ Brittany Howard ဖြစ်လို့ သီချင်းတွေမကောင်းမှာကို လုံးဝစိတ်ပူစရာ မလိုပါဘူး။

ဇာတ်လမ်းလေးကတော့...

နာမည်ကျော်အဆိုတော် ဖြစ်ချင်တဲ့ မြင်းပုမလေး Thelma ဟာ သူ့ရဲ့အပေါ်ယံရုပ်ရည်ကြောင့် အိပ်မက်တွေလက်တွေ့ဖြစ်ဖို့ အလှမ်းဝေးနေပါတယ်။

အဲဒီချိန်မှာ မတော်တဆမှုတစ်ခုကြောင့် မြင်းပုလေးကနေ unicorn အဖြစ် ပြောင်းသွားချိန်မှာ အောင်မြင်မှုတွေက ပိုနီးလာမလား ပိုဝေးသွားမလား

သူ့ရဲ့မိတ်ဆွေစစ်မိတ်ဆွေတုတွေကရော သူ့ကို ဘယ်လိုဆက်ဆံကြမှာလဲစတဲ့ ဇာတ်လမ်းလေးကို အကောင်းဆုံး သီချင်းတွေနဲ့ထိုင်ရာမှ မကြွ အစအဆုံးကြည့်နိုင်အောင် ဆွဲဆောင်နိုင်မဲ့ဇာတ်ကားကောင်းလေး ဖြစ်ပါတယ်….

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/591

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/592?single

𝗜𝗴𝗼𝗿 (𝟮𝟬𝟬𝟴)
#Animation #Comedy #Family
IMDb - 5.9/10

ဒီဇာတ်လမ်းကတော့ ဆိုးရွားရက်စက်မှုတွေကိုမှ ကောင်းတဲ့အရာလိုနှစ်သက်သဘောကျကြတဲ့တိုင်းပြည်က သိပ္ပံပညာရှင်တွေနဲ့ သူတို့ရဲ့ယုတ်မာတဲ့တီထွင်မှုတွေကြား အောင်မြင်တဲ့သိပ္ပံပညာရှင်ဖြစ်ဖို့ အိပ်မက်ထားထားတဲ့ အီဂေါ်ဆိုတဲ့ ကျောမှာဘုရှိတဲ့ ခါးကုန်းကောင်လေးအကြောင်းပါ။

အီဂေါ်က နှစ်စဥ်ကျင်းပနေကျဖြစ်တဲ့ ယုတ်မာတဲ့တီထွင်မှုပြိုင်ပွဲမှာ အနိုင်ရပြီး အတော်ဆုံးယုတ်မာမှုသိပ္ပံပညာရှင်ဖြစ်ဖို့ ကြိုးစားနေ​တာပါ။

ဒါပေမဲ့ အီဂေါ် မကောင်းဆိုးဝါးတစ်ကောင်ကို​ ဖန်တီးပြီးနောက်ပိုင်း အမှားပါသွားတာ​​ကြောင့် ဘယ်လိုဟာသအလွဲတွေ ဖြစ်သွားမလဲ၊

အောင်မြင်ဖို့အတွက် ယုတ်မာကောက်ကျစ်ရတာဟာ မှန်ကန်ရဲ့လားဆိုတဲ့မေးခွန်းအောက်မှာ အီဂေါ်ရဲ့အိပ်မက်တွေ ပြောင်းလဲသွားမလားဆိုတာတော့ ဒီဇာတ်လမ်းထဲမှာ ဆက်လက်ကြည့်ရှုနိုင်ပါတယ်။

ကာတွန်းကားဆိုပေမဲ့ အဓိပ္ပါယ်နက်နဲတဲ့အပြင် dark humor တွေအပြည့်နဲ့ တစ်ကားလုံးခွီနေရမဲ့ကားမို့ မလွတ်တမ်းကြည့်သင့်တဲ့ကားတစ်ကားပဲ ဖြစ်ပါတယ်။

( ဘာသာပြန်ပြီး အညွှန်းရေးသားထားသူကတော့ Thwal Htoo Zin ပါ )

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/595

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/596?single

𝗜𝗙 (𝟮𝟬𝟮𝟰)
#Animation #Comedy #Drama
IMDb - 6.7/10

ဒက်ပူးမင်းသား ရိုင်ရန်ရေးနိုးရဲ့ လူတစ်ဝက်
ကာတွန်းတစ်ဝက် ရုပ်ရှင်အသစ်လာပါပြီ။

ဒါရိုက်တာနဲ့ ဇာတ်ပို့ကတော့ The Office
ဇာတ်လမ်းတွဲထဲက မင်းသား John Krasinski ပါပဲ။

Walking Dead ထဲက မင်းသမီးလေး
Cailey Fleming ကတော့ အဓိက မင်းသမီးအဖြစ် ပါဝင်ထားပါတယ်။

ဇာတ်လမ်းအကျဉ်း....

ကလေးတိုင်းမှာ စိတ်ကူးယဉ်သူငယ်ချင်းတွေ
ရှိတတ်ကြပါတယ်။

သူတို့ အကျင့်စရိုက်အတိုင်း၊ သူတို့ဆန္ဒအတိုင်း ပုံဖော်မိထားတဲ့ သူငယ်ချင်း
လေးတွေပေါ့။ ပုံစံအစုံ ရှိနိုင်ပါတယ်။

အဲဒီသူငယ်ချင်းတွေက သူတို့ကိုယ်သူတို့ What If "အကယ်၍" ဆိုပြီး နာမည်ပေးထားတယ်။

အဲဒီလို စိတ်ကူးယဉ်သူငယ်ချင်းတွေရဲ့
သနားစရာကောင်းတဲ့အချက်ကတော့ သူတို့ကို ဖန်တီးတဲ့ ကလေးတွေ ကြီးလာတဲ့အခါ သူတို့ကို မေ့သွားပြီး မမြင်နိုင်တော့သလို သူတို့အချင်းချင်းက လွဲပြီး ဘယ်သူမှမမြင်နိုင်ပါဘူး။

တစ်နေ့မှာတော့ အဲဒီ စိတ်ကူးယဉ်သူငယ်ချင်းတွေ အကုန်လုံးကို မြင်နိုင်တဲ့ ကလေးမလေးတစ်ယောက်က သူတို့အားလုံးကို ကလေးသူငယ်ချင်းတစ်ယောက်စီ
ပြန်ရှာပေးဖို့ ကြိုးစားပါတော့တယ်...

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/600

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/601?single

𝗗𝗿𝗮𝗴𝗼𝗻𝗸𝗲𝗲𝗽𝗲𝗿 (𝟮𝟬𝟮𝟰)
#Animation #Adventure #Fantasy
IMDb - 5.6/10

စပိန်-တရုတ်ဖက်စပ်ရိုက်ကူးထားတဲ့ Dragonkeeper ရုပ်ရှင်ကတော့ စိတ်ကူးယဥ်စွန့်စားခန်း Animation ရုပ်ရှင်တစ်ခုဖြစ်ပါတယ်။

ရှေးဒဏ္ဍာရီလာနဂါးကြီးတွေကိုထိန်းကျောင်းနိုင်စွမ်းရှိသူတွေအကြောင်း ရိုက်ကူးထားတာဖြစ်ပါတယ်။

ဇာတ်လမ်းကို တရုတ်နိုင်ငံ ဟန်မင်းဆက်ခေတ်မှာအခြေတည်ထားပြီး အစေခံမလေးတစ်ယောက်ဖြစ်တဲ့ပင်နဲ့ နဂါးကြီးလုံတန်စီတို့ရဲ့စွန့်စားခန်းခရီးစဥ်ကို လိုက်ပါကြည့်ရှု့ကြရမှာပါ။

လူသားတွေနဲ့နဂါးတွေဟာ ရှေးတုန်းက တစ်ခေတ်တစ်ခါမှာ အတူလက်တွဲစစ်တိုက်ခဲ့ကြဖူးပေမယ့် အာဏာမက်မောတဲ့လူသားတွေကြောင့် နဂါးတွေဟာ ဖမ်းဆီးချုပ်နှောင်သတ်ဖြတ်ခံရပြီး မျိုးတုန်းတော့မယ့်အရေးနဲ့ ရင်ဆိုင်လာခဲ့ရပါတယ်။

ဒါပေမဲ့ ရဲရင့်တဲ့ ပင်ဆိုတဲ့မိန်းမငယ်လေးကတော့ ရှားရှားပါးပါးနဂါးတွေကို ထိန်းချုပ်နိုင်သူပီပီ အခက်အခဲတွေကိုကျော်ဖြတ်ပြီးနောက်ဆုံးလက်ကျန်နဂါးဥလေးကို ကယ်တင်ပေးနိုင်မှာလားဆိုတာ ကြည့်ရှု့ရမှာပဲဖြစ်ပါတယ်။

𝐂𝐫𝐞𝐝𝐢𝐭 - 𝐂𝐡𝐚𝐧𝐧𝐞𝐥 𝐌𝐲𝐚𝐧𝐦𝐚𝐫

𝐔𝐩𝐥𝐨𝐚𝐝𝐞𝐫 - 🅐🅛🅘🅔🅝 (အေ လီ ယံ)

𝗠𝗼𝘃𝗶𝗲 𝗟𝗶𝗻𝗸 🔰🔰
https://t.me/AnimationAlien/610

𝗠𝗼𝘃𝗶𝗲 𝗣𝗼𝘀𝘁𝗲𝗿 𝗟𝗶𝗻𝗸 ☕☕
https://t.me/AnimationAlien/611?single