What is your diagnosis?🤔

بعد يومين وتنتهي المسابقة⚡️
طلاب إكتبوا أي شي متعلق بالفقرات وممكن تفوزون
المسابقة حتكون قرعة يعني ماكو شخص يفوز لأن جاوب جواب محدد
ف إكتبوا أي شي🔥❤️

بعد يوم وتنتهي المسابقة💙❤️🔥...

إنتهت المسابقة⚡️
لن يتم إستلام أي إجابة بعد هذه الرسالة...

تم إعتماد سرعة الإجابة والإجابات الصحيحة✅ ك أساس من أجل المقياس
حيث كانت حصة الإجابة الصحيحة 40%
وحصة سرعة الإجابة 60%

🟣ف حصل الأشخاص أصحاب الإجابة الصحيحة على 4 نقاط مع حصول بعض التغييرات حسب تقييمي.

🟣وحصل الأشخاص الذين أجابوا في اليوم الأول على 8 نقاط ، 6 نقاط لليوم الثاني ، 4 نقاط لليوم الثالث مع حصول بعض التغييرات أيضاً حسب تقييمي.

🟣الهدف من المسابقة مو الكورس وإنما فكرتهة هو مبدأ إستغلال الفرص ، أن الشخص يستغل أي فرصة گدامة خصوصاً إذا كانت مجانية وبدون خسارة 💙❤️.

🟣الهدف الثاني هو من أجل الحث والتعلم على البحث على المعلومة
يعني من أكثر الأمور المتعبة ك طلاب مرحلة أولى هو شلون نلگة معلومة نريدهة من النت خصوصاً إذا جانت معقدة ،رغم أن هو لا بأس الشخص يحصل المعلومات بشكل جاهز بس مستقبلاً الطبيب حيكون باحث قبل ليكون طبيب ف من الضروري تشجعون نفسكم على البحث على المعلومات والإطلاع وتحديداً طريقة البحث على المعلومة وأتمنة هالمسابقة فادتكم ولو شوية💙❤️.

وفيما يخص جواب السؤال🤔
هاي الحالة هية أشعة للعمود الفقري مال أحد أقربائي

الجواب هو
Hemangioma🩸
عبارة عن ورم يصير بالأوعية الدموية وشائع وممكن تصير بغير أماكن...

إنتظرونا في مسابقات وأفكار أخرى💙❤️.

6/9/2021
هالتاريخ هو يوم مميز إلية لأن هو أول يوم جربت أشرح محاضرة وجانت محاضرة brachial plexus
وجان الشرح يموت ضحك😆❤️.

بعدهة صرت دايسكتر بالكلية (الدايسكتر هو شخص يشرح المحاضرة العملي للطلاب اللي ويا) وهالشي إستمر إسبوعين بس😆 لأن الطلاب معجبتهم الفكرة وإنلغت.

منا بدت عندي الشرارة🔥 وعجبني أشرح كورسات ،بلشت بكورس الإمبريولوجي اللي رغم كونه يعتبر أول كورس ولكن هو أكثر كورس أحبة وأكثر كورس حقق نجاح رغم جنت مو حيل متمكن بالشرح
وراهة كورس اللور لمب
النيوروهستولوجي
أبر لمب
باثولوجي مرحلة ثانية
باثولوجي مرحلة رابعة

ومن بلشت هالرحلة الطويلة ما جان هدفي أن أسوي كورسات وأحصل فلوس بكد ما حبيت أسهل الطريق للطلاب لأن أتذكر معاناتي بالمرحلة الأولى وشكد حسيت بضغط فضيع من ما أعرف أقرة وما أعرف أفتهم المعلومة خصوصاً بكورس الأبر لمب
وبهاي الأيام الكورسات اللي بفلوس صارت حيل هواي ، وصح الكورسات اللي دا أقدمهة هي متعوب عليهة بشكل چبير وكل محاضرة أقل شي أتعب عليهة يوم كامل وبعض المحاضرات يومين وثلاثة وبعضهن إسبوع ومصنوعات بكل حب❤️وبكل شغف ودتنال إعجاب هواي طلاب ولكن كثرة عدد الكورسات ديخلي الكورسات تفقد قيمتهة ومع الأسف هالشي ديصير بي ضحك على الطلاب من ناحية عدم إكمال المحاضرات وجودة الشرح اللي مع كامل الأسف برأيي أشوفهة رديئة ومتسوة أحد يدفع فلوس علمودهة...

ف قررت أتخذ قرار للكورسات اللي دا أقدمهة أن تكون كلهة مجانية.

يعني كورس اللور لمب
وكورس الباثولوجي مال المرحلة الثانية كذلك حيكونن مجانيات بشكل كامل
وأي كورس مستقبلاً أقدمة إن شاء الله كذلك حيكون مجاني⭐️⭐️.

✨فيما يخص الفائزين بكورس اللور راح أفكر بطريقة حتة أعوضهم إن شاء الله❤️.

هالقرار تم إتخاذه بما يوافق مدى تفكيري الحالي يعني ممكن مستقبلاً على المدى البعيد جداً أسوي كورسات بفلوس بس حالياً مو طموحي أن تكون كورساتي مدفوعة وإنما طموحي تكون مجانية وتحقق غايات أسمى بإذن الله سبحانه وتعالى❤️.

أهلاً طلاب❤️💙
إعذروني عالإنقطاع
جان عندي إمتحان عملي ومجان يخليني لا أقرة إلة ولا أشرح أبر ولا أقرة للرابعة😆
بس الحمدلله كملت الإمتحان البارحة🙏.

فيما يخص إكمال كورس الأبر
حسب ما تبلغت أن الإمتحانات مالتكم صارت قريبة حيل
إن شاء الله أكملة بأقرب وقت
بس صعبة أنطي وعد عن الموعد
لأن بصراحة ضغط مو طبيعي بالرابعة🫠مدا ألحگ أشم إيدي😆❤️.

المهم ك تعويض عالتأخير الصار والممكن يصير إن شاء الله فد إسبوعين أو ثلاثة حينزل إلكم كورس اللور بشكل مجاني على اليوتيوب❤️💙🙏⭐️.

فيما يخص الفائزين بكورس اللور
راح أعوضهم بكورس مجاني من الأكاديمية همة يختاروا على راحتهم❤️💙.

https://t.me/+w9XpiXgH1r43Njgy

وهاي قناة أني مسويهة من جنت مرحلة أولى،بيهة كولشي وكلاشي للتشريح
أسئلة عملي ونظري ومهمات
وسنين سابقة.

بس إنتبهوا أن بيهة أبر لمب ولور لمب 🙏.

وبالموفقية يا رب وأي شي تحتاجوا بالخدمة🙏❤️💙.

أهلاً طلاب
حسب ما سمعت أن طب بغداد عطلوا
ما أعرف بالنسبة لباقي الكليات😆❤️
ف عطلة سعيدة يا رب للجميع💙❤️.

فيما يخص كورس اللور لمب:

هاي قناة الكورس
https://t.me/AnatomyLL1CPPCCA

وهاي قائمة التشغيل البيهة كل الفيديوات ع اليوتيوب ❤️💙
https://youtube.com/playlist?list=PLEezbWUy9yO8ChIB-KK8PXd-32kwnwzox&feature=shared

الكورس مجاني بالكامل ميتطلب أي إشتراك وأي شي الفيديوات موجودة بقائمة التشغيل والملازم موجودة بالقناة.

كل الأطلبة منكم الفاتحة والدعاء لوالدي الدكتور طارق عبدالرضا ❤️💙🙏.

المصدر والملازم المعتمدة
ملازم طب بغداد المعتمدة على مصدر Moore
وملاحظات دكتورة ملاك اللي تدرس المادة بطب بغداد
بالقناة أكو كوزات ف تكدرون ورة كل محاضرة تمتحنون بالكوز الخاص بيهة
إعذرونة على أي تقصير وبالموفقية يا رب❤️💙🙏.

ECPD

https://youtu.be/vNiKKDwT7m8?si=t0a0fwmfLmZY5NT7

https://youtu.be/-RFq7b0QL6s?si=Q06edQAMl5tq-e9A

https://youtu.be/H2G3luCKe9Q?si=1ZWzMEisM2kbzqoq

https://www.youtube.com/watch?v=JQ2MxlZjQhM

https://www.youtube.com/watch?v=R2eN8LRd8SQ

أهلاً طلاب سمعت عدكم مد ECPD
هذني شرح ملازم ECPD على ملازم العام أكو بعضهن يمكم وبعضهن لا
أتمنة يفيدنكم💙❤️🙏.

يلة لعد يفيدنكم للفاينل إن شاء الله🫠😔.