🇺🇦 Ukrayna müharibəsindən təsirli kadrlar.
⠀
🇭🇺 24 fevral 2023-cü il tarixində Budapeştdə idim. O vaxt bu şəhərdən vloq çəkəndə bir küçə sərgisində rast gəldim — “Yenilməzliyin 365 günü” — müharibənin bir illiyinə həsr olunmuşdur.
⠀
💔 Sərgidə çox ürəkdağlayan fotolar nümayiş olunurdu. Uşaqlarla olan fotolar xüsusilə pis təsir etdi.
⠀
🚀 Bir fotoda isə Xarkova gecə vaxtı uçan raketlər kadra alınmışdır. Yüzəyüz ölüm gətirən silah…gecə vaxtı…milyonluq şəhərin üzərində…
⠀
🔴 Müharibə bir dəhşətdir. Üç il keçib, hər gün yüzlərlər can aparır, lakin bu münaqişə artıq fon xəbərlərə çevrilib. ABŞ-ın yeni hakimiyyəti indi Ukraynanın özünü günahlandırır, yardım pulların isə yeyintiyə çevrildiyi iddia olunur… Heç bir proqnozum və buna dair analitikam yoxdur, amma “maraqlı” bir zamanda yaşadığımızı dəqiq bilirəm.
⠀
📸 Fotoların orijinallarını və sərgidən digər şəkilləri internetdə tapmadım, ona görə həmin vloqdan kəsilmiş skrinləri paylaşıram.

💭 Heyterlər haqqında.
⠀
🔹 Son zamanlar mənə və layihəyə neqativ və “hate” ünvanlayan post və şərhlərə rast gəldim. Xüsusilə səhifədəki dünənki paylaşımdan sonra, bəziləri dirənib ki, bəs "bu AYNA-dan sifarişli postdur ki, gəl problemləri cəmiyyətin üzərinə yıxaq".

1️⃣ Birincisi, və ən əsası. 7 ildir ki, səhifəni aktiv şəkildə idarə edirəm, bir dənə də olsun nə dövlət qurumu nə HEÇ BİR kənar şəxs məni post yazmağa məcbur etməyib, bundan sonra bu belə davam edəcək. Hətta İnstagram-da 2-3 dəfə paylaşılan reklam postlarının mətnlərini, videoların ssenarisini özüm yazmışam. Bu postlar dövlət qurumların fəaliyyətinə heç bir aidiyyatı yoxdur.

2️⃣ İkincisi, mən bilmirəm bunu başqa necə cür qəbul etmək olar, amma hər ehtimala qarşı cümlənin ifadəsini açıqlayıram.

"cəmiyyət olaraq dəyişməyilik" —- biz qəbul etməliyik ki, hər kəsin avtomobildən istifadə etməsi fiziki olaraq real deyil. Axının bir qismini ALTERNATİVLƏR YARATMAQLA ictimai nəqliyyata cəlb etməliyik. Bunu da vurğulasamda, yenə də bunu başqa cür yozub, günahı guya sürücülərdə görürəm ki qəbul edirlər.

🔹 Və nəhayət, bir personaj da var, dəfələrlə Facebook səhifəsində məni səhv çıxarmağa çalışır. Söhbətgah podkastına Turala Facebook-da şərh yazıb ki, bu "bloger-urbanistlər" reklam etməyə dəyməz. Turalın sualına deyir ki, ümumiyyətlə ölkədə urbanist yoxdur və... yaxşı urbanistikanı [DİQQƏT] Cənubi Koreyadan və Çindən öyrənmək lazımdır 🙂. Avropa isə "sidiklənmişdir". Əlbəttə ki, buna da cavab yazmağa ehtiyac görmürəm. Biz hələ Bayram Axundov ilə podkastda müzakirə etmişdik ki, niyə 20-30 milyon əhalisi olan Asiya şəhərlərini Bakıya müqayisə etmək olmaz (taymkod: 19:53).

🚘 Lakin bir nüans var, Samir bəy avtomobillərin satışı ilə məşğuldur. Sizcə, bu insan avtomobil istifadəsinin azalmasının marağında olmalıdır? Ritorik sualdır.

🔹 Odur ki, səhifə və kanal böyüdükcə, belə "hater"-lər artacaq. Dözərik bir təhər. Minlərlə xoş söz yazan və illərdir dəstək verən izləyicilər üçün kontentin yaradılmasına fokuslanmaq daha səmərəli olar.

İllərdir supermarketlər sadə bir problemə həll tapa bilmirlər. Halbuki çıxış yolu çox bəsitdir.
⠀
Yəgin siz də istənilən marketdə rastlaşmısınız.
⠀
Gəlirsən dondurma soyuducusuna, 15-20 növ çeşid var, amma seçdiyin məhsulun qiymətini tapmaq bir kvestdir. Çünki qiymətlər sadəcə bir küncə vurulub, adla tapmaq çətindir, gərək bir-bir barkodla yoxlayasan (əgər ona aid barkod tapılarsa).
⠀
Bunun çıxış yolunu Türkiyədə görmüşəm (əminəm başqa ölkələrdə də var), fotosu yoxdur, ona görə Sİ ilə nümunə gətirirəm. Dondurmaların şəkil və qiymətlərini bir lövhəyə vurub qoyursunuz soyuducunun üstünə. Hətta qutu ilə birlikdə, birəbir rəfdə olduğu kimi. Vəssalam.
⠀
İndi bu sadə ideya Bravoda, Arazda və Bazarstore-da çalışan menecerlərin ağlına gəlmir? Yoxsa qəsdən bunu belə qəliz edirlər ki, kassada “təsadüfən” 1 manatlıq əvəzinə 3-manatlıq dondurma sənə satsınlar?

Onlara mesajım: əksinə, daha şəffaf qiymət siyasəti və cəlbedici lövhələr satışları daha da çox stimullaşdırır.

✨ Belə urbanistik transformasiyaları necə edək?
⠀
Dizayn-koddan səhifədə bu gün danışdıq. Eybəcər fasadlara gözümüz öyrəşsə də, bunu başqa cür təsəvüür etmək son zamanlar Sİ imkan verir.
⠀
ChatGPT, SORA və digər süni intellekt platformaları yeni vizionlar yaratmağa çox kömək etdi. Amma əsas məsələ dəqiq və detallı “prompt” (sorğu göndərməkdir).
⠀
Özünüz eksperiment aparmaq istəyirsinizsə bu botda qeydiyyatdan keçin. Daha sonra “Design with AI” ➡️ SORA Images menyusuna keçin. Şəkli yükləyin və sorğunu detallı yazın.
⠀
Daha dəqiq olsun deyə, sorğunu ingilis dilindən yazıram. Təkmilləşdirmək üçün həmin sorğunu ChatGPT-də incələyə bilərsiniz.
⠀
Yuxarıdakı nəticə üçün, misal üçün, sorğu belə gedib:
⠀

Transform this urban street scene into a modern, people-friendly environment. Start by removing all black bollards (short posts) along the sidewalk. Replace them with nothing or with subtle human-scale urban elements such as planters or public furniture if appropriate.
⠀
Add more elements that reflect a human-centered design: include additional benches, modern trash bins, and small urban details like bike stands or sidewalk café furniture. Introduce greenery — place tall planters with small trees or ornamental grasses along the facade or near seating areas to soften the space and improve livability.
⠀
Maintain the clean, minimalist signage on the facade with semi-transparent lettering directly on the building, but avoid excessive uniformity — introduce some material variety in the entrances, such as wooden paneling or textured surfaces, while keeping everything within a cohesive visual style.
⠀
Add warm architectural lighting — discreet LED lights that highlight the building features or signage — and consider adding street-level ambient lighting, such as small modern light posts or built-in fixtures.
⠀
Inside the shop windows, show more signs of life and activity — for example, people sitting inside a café, browsing in a bookstore, or interacting at a counter. Keep the original architectural structure and perspective intact, and preserve the calm, clean atmosphere while making the space more welcoming and vibrant for people.

⠀
Təbii ki, variantlar sonsuzdur, fərqli nəticələr əldə etmək olar.
⠀
☑️ Bot ödənişlidir, lakin bir çox neyron şəbəkələri özündə birləşdirir (foto, audio, video, mətn).
⠀
💬 Siz də şərhlərdə və yaxud böyük qrupumuzda öz nəticələrlə bölüşə bilərsiniz.