🇷🇴 Buxarest məni çox təəccübləndirdi. Və bu səfər xoş kontekstdə deyil.
⠀
Bura gəlməzdən öncə zatən nəisə ciddi urbanistik nümunələrini gözləmirdim. Aşağı-yuxarı Sofiya kimi bir paytaxt olduğunu düşünürdüm — nisbətən kasıb və sosializm dövründən sonra özünə təzə-təzə gələn Avropa Birliyinin inkişafda olan bir dövləti.
⠀
Lakin Avropa Birliyinə daxil olan paytaxtında avtobusun insanları yolun hərəkət hissəsinə düşürdülməsini heç təsəvvür etməzdim. Üstəgəl qarın gətirdiyi fəsadlar hər şeyi x10 etdi.
⠀
Səkilər təmizlənsə də, onları buz bağlayır, velozolaqlara diqqət yox kimidir. Səkilər geniş olsa da, onlar maşınlarla zəbt olunub, xüsusilə də mərkəzdən uzaq rayonlarda.
⠀
Təbii ki, Bakıdan yaxşı olan məqamlar var. Tramvay şəbəkəsi, 64 metrostansiya, brutto müqavilə sayəsində güzəştli biletlər və s. Amma bunlar hamısı AB-yə daxil olmayan Serbiyanın paytaxtı Belqradda var. Urbanistik cəhətdən bəzi məsələlər hətta bizdən və Tiflisdən geridə qalır.
⠀
Binalarda başdan-ayağa reklam, dizayn-kod yoxdur, nişanlarda kütləvi vandalizm halları, daşan zibil qutuları… Qobşu Budapeştdə qətiyyən belə şey yoxdur (ən azı bu miqyasda).
⠀
Çəkilişi bitəndən sonra axşamüstü gəldim tarixi mərkəzi küçələrə, dedim burada bir az ab-havalı bir yer olar. Lakin buralar da heç Bratislavanın vaybını vermədi. İnsanlar az, turist yox, tarix özü də çox az hiss olunur.
⠀
Yaxşı xəbər də var. Urbanistləri burada sevirlər. Ən azı onların şərəfinə restoran açılırsa, deməli bu da subliminal bir təbliğat olacaq və yaxşı bir şəhərə doğru gedəcəklər 🙂

🇺🇦 Ukrayna müharibəsindən təsirli kadrlar.
⠀
🇭🇺 24 fevral 2023-cü il tarixində Budapeştdə idim. O vaxt bu şəhərdən vloq çəkəndə bir küçə sərgisində rast gəldim — “Yenilməzliyin 365 günü” — müharibənin bir illiyinə həsr olunmuşdur.
⠀
💔 Sərgidə çox ürəkdağlayan fotolar nümayiş olunurdu. Uşaqlarla olan fotolar xüsusilə pis təsir etdi.
⠀
🚀 Bir fotoda isə Xarkova gecə vaxtı uçan raketlər kadra alınmışdır. Yüzəyüz ölüm gətirən silah…gecə vaxtı…milyonluq şəhərin üzərində…
⠀
🔴 Müharibə bir dəhşətdir. Üç il keçib, hər gün yüzlərlər can aparır, lakin bu münaqişə artıq fon xəbərlərə çevrilib. ABŞ-ın yeni hakimiyyəti indi Ukraynanın özünü günahlandırır, yardım pulların isə yeyintiyə çevrildiyi iddia olunur… Heç bir proqnozum və buna dair analitikam yoxdur, amma “maraqlı” bir zamanda yaşadığımızı dəqiq bilirəm.
⠀
📸 Fotoların orijinallarını və sərgidən digər şəkilləri internetdə tapmadım, ona görə həmin vloqdan kəsilmiş skrinləri paylaşıram.

💭 Heyterlər haqqında.
⠀
🔹 Son zamanlar mənə və layihəyə neqativ və “hate” ünvanlayan post və şərhlərə rast gəldim. Xüsusilə səhifədəki dünənki paylaşımdan sonra, bəziləri dirənib ki, bəs "bu AYNA-dan sifarişli postdur ki, gəl problemləri cəmiyyətin üzərinə yıxaq".

1️⃣ Birincisi, və ən əsası. 7 ildir ki, səhifəni aktiv şəkildə idarə edirəm, bir dənə də olsun nə dövlət qurumu nə HEÇ BİR kənar şəxs məni post yazmağa məcbur etməyib, bundan sonra bu belə davam edəcək. Hətta İnstagram-da 2-3 dəfə paylaşılan reklam postlarının mətnlərini, videoların ssenarisini özüm yazmışam. Bu postlar dövlət qurumların fəaliyyətinə heç bir aidiyyatı yoxdur.

2️⃣ İkincisi, mən bilmirəm bunu başqa necə cür qəbul etmək olar, amma hər ehtimala qarşı cümlənin ifadəsini açıqlayıram.

"cəmiyyət olaraq dəyişməyilik" —- biz qəbul etməliyik ki, hər kəsin avtomobildən istifadə etməsi fiziki olaraq real deyil. Axının bir qismini ALTERNATİVLƏR YARATMAQLA ictimai nəqliyyata cəlb etməliyik. Bunu da vurğulasamda, yenə də bunu başqa cür yozub, günahı guya sürücülərdə görürəm ki qəbul edirlər.

🔹 Və nəhayət, bir personaj da var, dəfələrlə Facebook səhifəsində məni səhv çıxarmağa çalışır. Söhbətgah podkastına Turala Facebook-da şərh yazıb ki, bu "bloger-urbanistlər" reklam etməyə dəyməz. Turalın sualına deyir ki, ümumiyyətlə ölkədə urbanist yoxdur və... yaxşı urbanistikanı [DİQQƏT] Cənubi Koreyadan və Çindən öyrənmək lazımdır 🙂. Avropa isə "sidiklənmişdir". Əlbəttə ki, buna da cavab yazmağa ehtiyac görmürəm. Biz hələ Bayram Axundov ilə podkastda müzakirə etmişdik ki, niyə 20-30 milyon əhalisi olan Asiya şəhərlərini Bakıya müqayisə etmək olmaz (taymkod: 19:53).

🚘 Lakin bir nüans var, Samir bəy avtomobillərin satışı ilə məşğuldur. Sizcə, bu insan avtomobil istifadəsinin azalmasının marağında olmalıdır? Ritorik sualdır.

🔹 Odur ki, səhifə və kanal böyüdükcə, belə "hater"-lər artacaq. Dözərik bir təhər. Minlərlə xoş söz yazan və illərdir dəstək verən izləyicilər üçün kontentin yaradılmasına fokuslanmaq daha səmərəli olar.