من أي خوف بتخلق النكتة..؟
من أي ضحكة معدن المسمار..؟❤️
#فرج_سليمان🌸

#سردة_تعريف..🖤
قررنا نبلش بفقرة نشالله تعجبكون والي هيي كل يوم نحكي عن مغني او فرقة من البديل واليوم رح نحكي عن #فرج_سليمان ب أكتر من مقابلة قال أنو أنا صح موجد ب برلين بس روحي ب فلسطين ب حارتي بعد مايأست من الحياة هون طلعت ع برلين وكانت هون بداية كتابة ألبوم أحلى من برلين🖤
#فرج_سليمان، ملحن وعازف بيانو فلسطيني من مواليد الرامة في الجليل الفلسطيني عام 1984، ويقيم في حيفا. ، بدأ العزف في عمر الثلاث سنوات وتتلمذ على يد خاله الفنان الأستاذ يوسف باسيلا، بدأ مشواره الفني في مدينة حيفا عام 2013 حين قدم أول أعماله، وفي عام 2014 أصدر أول ألبوم سليمان متأثر بموسيقى الروك والكلاسيك والجاز يكتب الموسيقى الآلاتية، الغنائية، للمسرح والسينما. من أعماله "تسجيل دخول" (2013)، "ثلاث خطوات" (2013)، "حب في غيمة" (2014)، "الباشق" (2014)، "عيد نص الربيع" (2015)، "وحل" (2015)، "افتتاحية المتحف الفلسطيني" (2016)، "عزا" (2016)، "ايكارا" (2017)، أحلى من برلين (2020)
#𝙻𝙰𝙸𝚃𝙷..🖤
#𝙰𝙻𝚃𝙴𝚁𝙽𝙰𝚃𝙸𝚅𝙴_𝚂𝙿𝙰𝙲𝙴..🖤

#فرج_سليمان..🖤✨
#𝙻𝙰𝙸𝚃𝙷..🖤✨
#𝙰𝙻𝚃𝙴𝚁𝙽𝙰𝚃𝙸𝚅𝙴_𝚂𝙿𝙰𝙲𝙴..🖤✨

🔰الموسيقى البديلة والموسيقى المستقلة
في كتير خلط بين مصطلح موسيقى مستقلة و موسيقى بديلة 🙂
أكتر شي بميز #الموسيقى_البديلة هوي أنها موسيقى غير تجارية لأنو كل اهتمام هالنوع هوي توصيل #رسالة_اجتماعية سيا*سية غير نمطية و لأنو ما في جانب نمطي او معايير سائدة مبيعات او شهرة هي الموسيقى كانت قليلة بس هي بتحكي عن عادات حضارية رجعية و بتحكي عن ظواهر #اجتماعية سيا*سية سلبية ومن أبرز القضايا الي بتحكي عنها الموسيقى البديلة الاضطهاد والاحتلال الفكري والفعلي وانتهاك حقوق المرأة العربية وقضايا اجتماعية تانية وبما انها موسيقى عربية شفافة صريحة ما فيها قواعد او رقابة اخلاقية منشوف بكتير اغاني سب او كلمات أعجمية او لازمة ما فيها قافية وعلى سبيل المثال :
1⃣ السوري #بو_كلثوم موسيقي بديل عندو غنية "زمّلوا" بتحكي عن واقع مجتمع بحارب المرأة وبخاف الحب بكل اشكالو اكتر من الخوف من الدم والحروب وقال بالغنية ( ما بخافوا الدم ولا بهابوا الموت بس بخافوا الي بيحب يطلعلوا صوت ) وعندو كتير اغاني مميزة بالموسيقى البديلة بعيداً عن مستواه بآخر البوم.
2⃣أما عن فلسطين ف عنا #شب_جديد الموسيقي البديل الاكتر انتشار بين الشباب و بألبوم ( #سندباد ) كان بأسلوب راب بس كان فيه مواقف اجتماعية يومية منعيشها بالمدارس و شوارع وحارات فلسطين وغنية "نكد چلچ" الاكتر شهرة كانت عن معالجة النرجسية واحلى شي بأغانيه اللهجة الفلسطينية الاصلية الي بتعطيه شي خاص و روابط بين الجمهور والغنية.
3⃣والاردني #سينابتيك بألبوم أم الموجات الي كان عن مواضيع ثورية فكرية متل القمع السياسي والصراعات النفسية واحلى شي بالالبوم الشفافية والمصداقة بطرح قضايا حساسة ومهمة متل الاكتئاب والاحباط والضغط المتراكم.
5⃣وما مننسى #فرقة_ادونيس اللبنانية الي بتحكي عن قصص الحب عند جيل الشباب هي مثال عن مغنيين بديل ولسا عنا #الفرعي و #المربع و #فرج_سليمان و #آخر_زفير و #جدل #كايروكي وتحت بالصورة ⬇️ في اسماء اشهر فرق ومغنيين البديل
Laith Al-shiek

🔰أما الموسيقى المستقلة ف هي ما نوع فني وما بتدل ع ثقافة فرعية ولا ثقافة هامشية هيي موسيقى تجارية بتشبه باقي الاغاني لأنها بتحكي عن الحب الي موجود بكل الاغاني العادية ومثال عنها #بيغ_سام (اخر فترة) #الاخرس و #سيلاوي حتى البديل ماا نوع موسيقي بس بيشبه المستقل لأنو بيشتركو بالروك والهيب هوب
🎵عنا الروك مثلاً نوع موسيقي بتميزو إيقاعات وآلات موسيقيّة رئيسيّة وبتصنّف تصنيفات فرعيّة أدق بعد الاتفاق على سماته الأساسيّة. وعلى هاد الشكل: الميتال نوع موسيقي، الهيب هوب نوع موسيقى والراب نوع موسيقي والبلوز والفانك والريجي والكانتري والجاز كمان مع تقاطعاتهم اكيد والأنواع المندرجة تحتن.

بوست طويل بس مفيد 🌝🖤

#𝙰𝙻𝚃𝙴𝚁𝙽𝙰𝚃𝙸𝚅𝙴_𝚂𝙿𝙰𝙲𝙴