▫️▫️
#رسول_یونان

بخارلی گمی

🔻قارشیما چیخدین یئنه ده،
آچدی یاغیش قار آی خانیم.
چیخدی گونش گلدی باهار
سیزه اوغورلار آی خانیم.

🔻معجزه ائتدین یئنه سن
بیتدی دومان چکیلدی چن
سیزیلداییردی غصه دن
الیمده گیتار آی خانیم.

🔻من ایله قالسان بو باهار
گؤردویوم بوتون رؤیالار
قارتال اولوب قاناد چالار
گؤی‌لره قالخار آی خانیم.

🔻بخارلی بیر گمی گئدیر
آشیر دالغالاری بیر بیر
اوندا گئدن طالعیم دیر
سن اونو قایتار آی خانیم.

t.me/Alimohamadbayani

▫️▫️

آردیمداکی ائولردن
بئزیکمیشم،

دنیزه ساری قاچیرام!

اوچورام قانادسیز.

دنیز، اوزاق‌دان
دۆشونه بیلمیر!
اونا ساری قاچان
اینسان‌می
یا دا کی دایچا؟!

#رسول_یونان


@Alimohamadbayani

▫️▫️
گؤزلرینیز کؤلگه‌لرده گیزله‌نن اولدوزلار،
هئي...

یئر آلتي‌لا ردا
یاشایان قیزلار

#رسول_یونان

▫️▫️
رؤیالار

بیر داها رؤیالار گؤزلره قاییدیرلار. گنه هر یئر، پولک و اولدوز لا دولور. قارغالار آی گؤلونده اؤزلرینی یووورلار و قارانلیق‌دا اوچان آغ قوش‌لارا چئوریلیرلر...

مطبوعه‌لر یازدیلار:
بو گئجه، سن بیرینجی قاتار ایله گلیرسن!

#رسول_یونان
ترجمه: ع.م.بیانی

https://t.me/Alimohamadbayani

▫️▫️
قوشونوم قیریلیب یعنی،
سن یوخسان،

تاجیم چاتلاییب
یعنی سن یوخسان،
ایندی اؤلومو گؤزله‌ییرم
سونونجو دوشمانی،
یالقيز بير كرالام
اوره‌گیمین قالاسیندا...

#رسول_یونان

▫️▫️

منیم رؤیالاریم تاکسی‌دان دولودور،
فرانسا فيلم‌لرى كيمى،
آلن دلون دئییلم
آما بونا امینم،
او آغ بنیز
سامان ساری ساچلی قیز منه یاردیم ائده‌جک،
منى قورتاراجاق
بو یالقيزليق‌دان...

#رسول_یونان

▫️▫️

آتام یای‌دا اؤلدو،
اؤلوم ماوی ایدی.

پاییزدا اؤلدو لیلا،
اؤلوم ساری ایدی.

یاشار
باهاردا اؤلدو،
اؤلوم یاشیل ایدی.

ایندی من بورجلویام بیر آغ اؤلومه!

#رسول_یونان

@Alimohamadbayani

▫️▫️
دنیزی گؤررکن،
قانیم ماوی‌له‌شر
اۆرییم
قاغایی‌یا دؤنر.

دنیزی گؤررکن،
دنیزه دؤنه‌رم
خؽردا بیر دنیزه.

قافام
بیر کیچیک گمی کیمی
یئلکنینی قالدیرار...

#رسول_یونان

@Alimohamadbayani

▫️▫️

گؤی‌دن باخانلارا تاکسی‌لار
دمير سیچانلار کیمی‌دیرلر
شهرين دلیک دئشیگینده گزمه‌ده.

#رسول_یونان

▫️▫️

رادیو ماهنیلاری،
ائشیتمه‌لی‌دیر تاکسی‌دا
سن یانیمدا اولماسان دا
بو دا
بير شعردیر اؤزونه گؤره.

#رسول_یونان