المجاراة بعنوان التجاهل المقصود لمظلمة الشعب اليمني من العالم وأنحيازه لقضايا تتكرر في بلدنا يومياً بدون أي تنديد .

البداية #ماجد_رشدان

يا المجلس المزعوم لحقوق الانسان
لن تستطيع مخادعة خالق الكون

تبكي مع المغرب على الطفل ريان
وتحل دم خمسه وعشرين مليون

وين انت من مأساة طلاب ضحيان
ماسال لك دمعه ولا أصفر لك لون

لاريسك ندد ولا نايبه دان
ولا كأنك كنت موجود الكون

#ابورواسي_ارحب

ياعالم البهتان يكفيك بهتان
اليسر بعد العسر مضمون مضمون

هامان بايبقئ مدئ الدهر هاامان
وفرعون بايبقئ مدئ الدهر فرعون

لكن ..موسئ جانبه رب رحمن
أقوئ من ألي جانبه زيف آآآمون

حتئ ولو بايصمت الأنس والجان.
مابه يماني عاش بالذل مغبون

#ابوسياف_البيحاني

تبا لكم يامجلس اشباه نسوان
عند الكوارث والصعوبات يبكون

لا قالت امريكا قفوا ضد زعطان
قالوا على زعطان مالا يقولون

وان قالت امريكا قفوا خلف فلتان
صفوا قفاء فلتان مضمون مضمون

لم نقتنع يامجلس العار الى الان
انهم على قول الحقيقه حريصون

#ناجي_القطيبي

قد ماتت الانسانيه يبن رشدان
في ظل مجلس امن خاين وملعون

صرّح بقتل اهل اليمن لبن سلمان
وغضّ طرفه عن هوس ورع مجنون

بيقتل الاطفال عمداً وعدوان
اش من حقوق انسان عنها بيحكون

انْها .عليهم. قالو. اذناب. ايران
وانْها لهم فيمثّلو قوم فرعون

#شاعر_بيحان_ابوليث_المحضار

الله فضحهم من زمن واقر قران
لو بيدهم بايقطعوا قطرة مزون..

من (ما يود) اقطع عليهم من الان
من ينتظر وقفاتهم مات مغبون..

مافاد تنديداتهم شعب الاوكران
هاكيف واحنا نصرخ بـ لعن صهيون..

#الشاعر_عبد_القدوس_الصباحي

لو في بلد ثاني قُتل واحد الان
تشوف كل الشعب في السجن مسجون

والكون تمليه المأسي والاحزان
والكل يتظامن ولجله يقومون

ولو نقارن كيف ياشعب الايمان
عاد العجب في قتلك القئ يذيعون

لاكنك اصلب من جلاميد عطان
مادام وابطالك مع الله ماظون

#ابوعيسى_هيسان

مجلس مغطرس لاعداله ولايمان
خاين ومتشيطن وكاهن وملعون

لاكن قســــــــم لاننتزع كل خوان
ودمائنا تغــــــرق بقايا آل فرعون

مادام ربّ الكــــون لاقال كن كان
فحنا عصـاة البدر ياحلف صهيون

واحنا اليمــــانيون حمران الاعيان
ونصرنا مضمون مضمون مضمون

#الشاعر_محمد_ابوالعز

مهما تجاهل مجلس الامن طغيان
تحالف المهفوف و الغر طحنون

ماقل مايصحى على صوت بركان
و اعصار يطحن كل ماظن موزون

غمض عيونه عننا صم الاذان
لنه شريك الحلف بالمال مبطون

رهان شعب العز في رب الاكوان
ماهو على مجلس يهودي وملعون

#شهاب _المتوكل

منظمة الامم هي روح شيطان
والقول هذا قول صادق ومضمون

ماعمرها قدجابت الحق لنسان
حاشا ولوبانت على وجه محزون

واقسم قسم ماهمها شعب الايمان
كلا ولاتهتم باطفال يفنون

تظهر حسافتها وتخفي دعم طغيان
تبعث لنا ملعون من بعد ملعون

#عزالدين_جحاف

من يوم ما اتأسست للظلم عنوان
أمرك قرارك في يد ابليس مرهون

دمية تحركها كفوف المريكان
لصالح الماسونية بنت صهيون

من جيب بن زايد وموزه وسلمان
تمويلكم في كل حرب.ن تشنون

واحنا توكلنا على رب الأكوان
يمدنا بالفتح والنصر والعون

#ابويحيى_القهدة

يا مجلس التزييف غلطان غلطان
ما با يضيع الحق والنصر مضمون

اهدافكم والنهج باطل وبهتان
واحنا هدفنا الله لادون لا دون

شعب اليمن واثق بحنان منان
ذي لا نطق للشي بالكاف بيكون

تحركوا خمسين من جرف مران
وزلزلوا كمن منافق وملعون

#ذوالفقار_سفيان

الشعب بالله القوي حُر ما لآن
ومن تمسك بالقوي ما لقى هون

منهاجنا فـ(الكهف) وبـ(آل عمران)
وسر قوتنا بالآيات مكنون

وبأسنا معروف في كل ميدان
فما نبالي بالمريكي وصهيون

#ابوخارف_أبوشوصاء

لاخير في مجلس منافق وشيطان
وعالم الامول خائن وملعون

يذرف دموع الكذب من اجل ريان
وطفالنا بنار حقده يموتون

لكن معانا الله ياشعب الايمان
مانطب الا منه النصر والعون

حتى ولويتحالف الانس والجان
والله مانخضع لكافر وصهيون

#ابو_الكرار_المجنحي

صمت الأمم حرك صفاء حيد عطان
وتحركت صنعاء وشبوه وسيئون

وأمة الاسلام في صمتها شان
مدري مذله أو رضى في اليمانون

لاكن توكلنا علا حي منان
هو ذي حفض في البحر موسى وذا النون

نعيش باالعزه علا حزن وشجان
ولا رفاهيه. بذله ومغبون

#ابوكنعان_الروس

مجلس مزخرف فيه من كل اللوان..
باالكذب والتضليل مرنج ومدهون

جاهز ومفروش ضغط مزود بطيقان..
قفله ومفتاحه على يد مجنون

تصميم أمريكي وتخطيط عميان..
بسم الأمم مزعوم مخادع وملعون

يمسك يد الظالم ويضحك لمن خان..
ويعاق أهل الحق ويصيغ قانون

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان التجاهل المقصود لمظلمة الشعب اليمني من العالم وأنحيازه لقضايا تتكرر في بلدنا يومياً بدون أي تنديد .

البداية #ماجد_رشدان

يا المجلس المزعوم لحقوق الانسان
لن تستطيع مخادعة خالق الكون

تبكي مع المغرب على الطفل ريان
وتحل دم خمسه وعشرين مليون

وين انت من مأساة طلاب ضحيان
ماسال لك دمعه ولا أصفر لك لون

لاريسك ندد ولا نايبه دان
ولا كأنك كنت موجود الكون

#الشاعر_محمد_القانصي

يامجلس الارهاب داعش والاخوان
امّنّت في امنك اميه وفرعون

واحنا بنقُتلَ ظلم قدام الاعيان
وانتو بهاذا القتل والظلم ترضون

كم قد لنا بنصيح عدوان عدوان
ومن سمعني قال جاهل ومجنون

لاكن قسم بالله مايوم نهتان
لويقصفونا كل ليله بكربون

هاذا قسم من شعب حنان طنان
وكل من خانه منافق وملعون

#زاهر_الرصابي
يا المجلس اللي في النفاق خط عنـوان
الــ(إنسانية) والاســـم فيكـم تســمون!!

وانتــم بعـــاد عن الضمــائر والإحسـان
و(الرياء منســوب فــيكم ومضـــمون)

(من وجه تأكل فيه مع أذيابك الضان)
و(من وجه تمسح مع راعيه الاعيـون)

و(من وجه تبكي حين ما يفُقد إنسان)
و(من وجه في مليون إنسان تنسون)!

واليوم ثمان أعوام على شعب الإيـمان
والله انــصــرنـــا وانتـــم تشـــوفـــون!

#ابوحسين_العصري

فعلآ حقيقة قلتها يا ابن رشدااان
لن يستطيع مخادعة خالق الكون

مجلس على كل الطواغيت عميان
بقدر دولارك على اللاش يبكون

ولانت مستضعف ولا كن له شااان
ذا مجلس أتأسس على يد شمعون

الرد جاء و الويل يا احفاد نهيان
مهما تحالفتوا مع نجد صهيون

#أحمد_الأهدل

ما كان لشيطـان رحـمـة بالانسـان
ولا على أنـسـان شيطـان مامــون

قال المـثل وجـه المـزيف للاعيان
بأيـن ولــوحـتـى يبـدل لــه الـون

بانت حقيقة مجلس الامن يخوان
خـداع متـغطرس منافق وملعـون

من راد اخــر حل يسرح مــن الان
يــقاتل العــدوان والـنصر مضمون

#علي_درهم_المؤيد

الله وحده من يراء شعــب الايمان
وبينصفه من كل ظالم وملعــ ــون

عليه وحـــده شعبنا حـــط الأعيان
ولا علــى غيره يعـــول فـي الكون

العــالم احـول كل مــن فيه عميان
بالنفــط والامــوال بالارض مفتون

لن ينصفك من قام ضدك بعــدوان
خلك مـــع ربـي مـراهـن ومـرهون

#بن_سويد

مابش فوايد من ابتهم ولحسان
مجلس حقوق انسان تابع لصهيون

ياشعبنا خليك  واعــي  وفهمان
ولا تثق في من للمريـك مرهون

خل  الثقه  بالله   والصـبر  عنوان
منهوا مع ربه له  النصر  مضمون

ولحلف خايب بل وفاشل وخسران
مهما فعل باينتهي مثـل فرعون

#ابوبراءة_الديلمي

يااوغاد واشنطن وهادي وسلمان
حصاركم مجرم وقاتل وملعون

واحنا لها فاالحرب قاهر وبركان
رجال وقت الجد للخصم يسرون

نقسم قسم باالله ياكل شيطان
ان النهاية باتجي لا تظنون

#ابوعلي_البريهي

المجلس المزعوم هو يد ولسان
البيت الأبيض والأراذل وصهيون

يقتل يدمر موطني أرض الإيمان
كذبة تجلت للبصائر والعيوون

يفعل لكل ماترفضه كل الأيان
وأعضاه لرضا ربة النفط يسعون

ودم أطفال اليمن يصرخ الآن
ملعون يالمجلس ومن فيك ملعون

#عبدالكريم_صلاح


أظن مجلسهم تبع الف شيطان
وهم إلى ظلم المساكين يسعون

مثل الخشب مسند كراسي وعمدان
على ريمونت اليهوده دوم يمشون

نظام بنيامين حطوه عنوان
وأما الحقائق ما يبوها بذا الكون

كالنار تأكل ما يجيها على شأن
يبقى وهجها منطلق لابن صهيون

والمقصد الأكبر لهم يا اهل الإيمان
يقضوا علينا هل بذا الامر تدرون

#الكرار_الجبر

يا مجلس الإجرام اصبحت عريان
والظلم ذي خلاك تايه ومجنون

كم يامجازر ماسمعنا لك إعلان
مجلس مذله بل مجامل وملعون

والله مانخضع ونرضخ ونهتان
بعنا لرب الكون والنصر مضمون

#ابوعـَمره_قاريه

يامجلس الافساد وعدو الانسان
لن تخرقوا للٲرض اوتنفذوا الكون

اعطى لنا الرحمن بالذكر تبيان
عن خوفكم والذُعرلاعاد تخفون

وخصنا بالبــٲس قــوه وايمان
واهل اليمن هيهات بالذل يرضون

النصر هــو لله والــوقت لا آن
ٲن يقتضي فالامربالكاف والنون

احنا مع الجباركالصــف بنيان
لله نعطي المال والنفس بتهون

#الشاعر_ابو_حيدر_الحداد

عاب الزمن فيكم كما عاب هامان
امثالكم بايغرقو مثل فرعون

لاعد امم تشفع على حلف سلمان
لاشب طارينا عليهم يفرون

بايقتلع موذي وخاين وشيطان
ويجعل ابن اسعود مجنون مجنون

#محمد_قارية

المجلس الكذاب ياشعب الإيمان
حلل حصارك فوق غارات طحنون

ماندد المجلس كما للمغربي دان
ولاتحرك لسن من داخل الــكون

مجلس يحل الفاحشة بين الأوطان
ويخرب الاوضاع لعشرين مليون

يامجلس الاوباش وجموع خرفان
تجاهلك ابتان ماكان مكنون

#ابوكنعان_الروس

مجلس مزخرف فيه من كل اللوان..
باالكذب والتضليل مرنج ومدهون

جاهز ومفروش ضغط مزود بطيقان..
قفله ومفتاحه على يد مجنون

تصميم أمريكي وتخطيط عميان..
بسم الأمم مزعوم مخادع وملعون

يمسك يد الظالم ويضحك لمن خان..
ويعاق أهل الحق ويصيغ قانون

#إتحاد_الشعراء_والمنشدين

https://t.me/aboyahyaalshami

🎼 #زامل (( جند الإسلام ))
• أداء | #عيسى_الليث
• كلمات | #ماجد_رشدان

┛ـــــــــــــــــــــــــــــــــــــــــ┏

العيد في الجبهات يا جند الإسلام
ننصف من الحلف الردي كل مظلوم

ما مثلنا يركع لمثله وينضام
ولا يساوم خصم في حق مضيوم

مع العلم والسيد القائد العام
أمر العدو في كل ميدان محسوم

قائد مجاهد حيدري حر مقدام
في الله ما يخشى ملامة هل اللوم

مشروعنا القرآن دستور ونظام
ورهاننا بالنصر في حي قيوم

نمضي بنصر الله قدام قدام
اقتحامات وغارات وهجوم

ماجمعه العدوان في سبعة أعوام
با ناخذه بمعونة الله في يوم

هو يبني أهدافه على أحلام وأوهام
واحنا على موعد من الله معلوم

نستهدف البترول صافيه والخام
ونحول آبار ابن سلمان زقوم

لا مملكة فرعون دامت ولا دام
ولا ملوك النفط والملك بيدوم

┛ــــــــــــــــ١٤٤٣ــــــــــــــــــ┏
🎵 #زوامـل_أنصـار_الله 🎵
🔰 YouTube.com/ZawamlAnsarAllah
🔰 https://T.me/ZawamlAnsarAllah