ለጥንቃቄ !

ጥር 27/2018 ዓ.ም ቀን ሄለን አበራ (ለዚህ ጹሁፍ ሲባል ስሟ የተቀየረ) እንደወትሮው ሁሉ ከስራ ገበታዋ ወደ መኖሪያ ቤቷ ሀገር አማን ብላ እየተመለሰች ነው።

በድንገት ታዲያ ከዚህ በፊት በመልክ የማትለየው እና በአካል አግኝታው የማታውቀው አንድ ግለሰብ ወደ እርሷ በመጠጋት ትብብር እንድታረግለትና እንድትረዳው ይጠይቃታል።

ግለሰቡ " እባክሽ የኔ እህት ሎተሪ ደርሶኝ ነበር። ነገር ግን ገንዘቡን ለመውሰድ መታወቂያ የለኝም። በዚህ ላይ ለሀገሩ እንግዳ ነኝ " በሚል ነው በተቅለሰለሰና ግራ በተጋባ ስሜት የጠየቃት።

ታዲያ ሄለን ወትሮም በኢትዮጵያዊነት ባህልና የመደጋገፍ ብሂል ያደገች እንደመሆኗ ጥያቄውን ለማስተናገድ ሎተሪ ደረሰኝ ያላትን ሰው ለመርዳት እያናገረች ሳለ ሌላ  ከዚህ በፊት የማታውቀው ግለሰብ አንገቷ አካባቢ #በዳበሳ መልክ ይነካታል።

በዚህ ጊዜ ሄለን ሌላ ሶስተኛ ግለሰብ ከጀርባ በመዳፉ የያዘውን ይዞ መቆሙንም ልብ አላለችም።

ራቅ ብሎ ደግሞ ሌሎች ተጨማሪ ሁለት ግለሰቦች በባጃጅ ውስጥ ሆነው ዙሪያ ገባውን በመቃኘት በአንክሮ ይከታተሏቸዋል።

ሄለን " ሎተሪ ደረሰኝ ተባበሪኝ " ያላትን ግለሰብ ለመርዳት ከማሰብ ውጪ በጊዜው አንዳች ነገር ይገጥመኛል ብላ በጭራሽ አልገመተችም።

ሆኖም ግን በነበረው እያንዳንዱ ማለትም " ሎተሪ ደርሶኛል " ባዩ ጀምሮ አንገቷ አካባቢ ከዳበሳት ግለሰብ ጋር በነበራት የንግግር እና የንክኪ ግንኙነት ብሎም ከጀርባ ከቆመው ግለሰብ ጋር ተያይዞ ሄለን አበራ ላይ እንግዳ ነገር ተከስቶ ነበር።

አሁን ሄለን ከስራ ወደ ቤት በመመለስ እና በራሷ የምትመራው የቅድሟ ሄለን አይደለችም።

ሙሉ በሙሉ በነዚህ የተደራጁ ሰዎች ቁጥጥር ስር በመውደቋ የነሱን ትዕዛዝ ፈጻሚና አስፈጻሚ ሆነች።

በነዚሁ ሰዎች አፍዝ አደንዝዝ የድግምት መረብ በመጠለፍ ለወጠኑት ዝርፊያ መሳሪያ ለመሆንና፣ ቀጣይ የሚነግሯትን መርሀ ግብር ለመፈጸም የተዘጋጀች ሆነች።

ሄለን ያላወቀችው የሰዎቹን ድብቅ ዓላማ ነው። ዓላማቸው " ሎተሪ ደረሰኝ " ባዩ  ሲያናግራት ትኩረቷን እሱ ላይ እንድታደርግ እና ሁለተኛው ግለሰብ እጁ ላይ ባረጠበው ፈሳሽ አንገቷን እንዲያነካት ሲያመቻች ሶስተኛው ግለሰብ ከጀርባዋ የአፍዝ አደንግዝ ስራውን እንዲሰራ ነበር፤ ይህም ተሳክቶላቸዋል።

ሄለን ላይ ያሰቡትን ቀጣይ መርሀ ግብር ለመፈጸም ባጃጅ 300 ብር ተኮናትረው ለሶስት አብረዋ ገቡ።

ጉዞ ላይ ሳሉ የመጀመሪያውን " የአንገት እና የጆሮ ጌጥ ብሎም የእጅ ቀለበት ወርቅን አውለቀሽ ስጪን ? "  አሏት።

ሌሎች ሁለት ግብረአበሮቻቸው ደግሞ በሌላ ባጃጅ በጥንቃቄ ፓሊስ መኖሩን አለመኖሩንና ሌላ ሰው ሁኔታውን አየ አላየ በትኩረት ይከታተላሉ።

ሄለንም አንዳች አላንገራገረችም፤ ያሏትን ፈፀመች።

ቀጠለው " ገንዘብ አለሽ ? " የአፍዝ አደንዛዦቹ ጥያቄ ነበር።

ሄለንም " አዎን  4 ሺህ ዶላር መኖሪያ ቤቴ አለኝ" በማለት መለሰችላቸው።

" እንግዲያውስ ስጪን " ሲሉ አዘዙ።

ሄለንም ወደ መኖሪያ ቤቷ አብራቸው በመሄድ 4 ሺህ ዶላሩን ጨምሮ ሁለት አይፎን ስልክ እንዲሁም ያሏትን የወርቅ ጌጦቿን ከቁምሳጥኗ አውጥታ አስረከበቻቸው።

ይሄኔ ስልክ ተደወለ።

ከሄለን ጋር አብረዋት ካሉት ሁለቱ ግለሰቦች መካከል " ሎተሪ ደረሰኝ " ላለው ሰው ነው ስልክ የተደወለው።

ከኋላ በባጃጅ ከሚከተሏቸው ተባባሪ ዘራፊዎች የዕቅዳቸው የመጨረሻ መርሀ ግብርን ለመፈጸም ነበር የተደወለው።

" ሎተሪ የደረሰህ ግለሰብ መታወቂያ ይዘህ በመምጣት መውሰድ ትቻላለህ " ነበር የስልኩ የላውድ ላይ መልዕክት።

ይሄኔ ሚስኪኗን ሄለን በመረባቸው ያስገቡት አፍዛዥ አደንግዞች በሷ የማዘዝ መብት ባለቤትነትን በመጠቀም ዳግም በባጃጅ አንድ ሰው ብቻ ብሩን ከብሄራዊ ሎተሪ መውሰድ እንደሚችልና እሷ እንድትወስድ በአሚር አጣብቀው እንደደረሳቸው አስመስለው የሰሩትን ሎተሪ አስረከቧት።

ይሄን ሁሉ ሄለን ላይ ሲያደርጉ ከነሱ ውጪ ሌላ ሰው እንዳያገኛትና እንዳይነካት ፣ ውሀም ይጉን የትኛውንም ነገር አካሏን እንዳይነካት እጅግ ጥንቃቄ በማድረግ ነበር።

ታዲያ በመጨረሻ ሄለን በአፍዝ አደንዛዦቹ " የሎተሪ ብር አውጭልን " ብለው ትተዋት  ወርቆቿን፣ ሁለት አይፎን ስልኳን እና 4 ሺህ ዶላር ገንዘቧን አስረክባ እንደሄዱ ሳቢያን መስቀለኛ ተብሎ በሚጠራው አካባቢ ነቃች።

ከሰዓታት በኋላ የቀድሞ ማንነቷን አገኘች።

ሄለን አበራ ከስራ ወደ ቤት ነበር የጉዞ አቅጣጫዋ ነገር ግን አሁን ብዙ ነገሯን በዘራፊዎች ተነጥቃ መስቀለኛ ራሷን ብታገኝ ሰዎች እስኪከቧት እሪታዋን አቀለጠችው፣ የምትይዘው የምትጨብጠው አጣች።

ሁኔታዋን የተገነዘቡና ያስተዋሏት ሰዎች ሳቢያን ፓሊስ ጣቢያ የደረሰባትን እንድታመለክት ጠቆሟት።

የሳቢያን ፓሊስ ጣቢያ የወንጀል ምርመራን በዋናነት ወደሚከውነው የድሬዳዋ ፓሊስ ጠቅላይ መምሪያ ወንጀል ምርመራ ቡድን ወዳለበት ከዚራ ጣቢያ ይልካታል።

ሄለን የተፈጸመባትን የአፍዝ አደንግዝ ዝርፊያ በድሬዳዋ ፓሊስ ጠቅላይ መምሪያ ወንጀል ምርመራ ዳይሬክተር ኢንስፔክተር ተመስገን ተሰማ አስረዳች።

መሠል ወንጀሎች በተለያዩ ከተሞች መፈጸማቸውን ስለሚያውቁ ቀዳሚ እርምጃቸው ከፍተኛ የመደናገጥ ባህሪ እያሳየች የነበረችውን ሄለንን ማረጋጋት ነበር።

ኢንስፔክተር ተሰማ የሄለንን ቃል ከተቀበሉ በኋላ ጊዜ ከበላይ አመራሮች ጋር ግንኙነት በማድረግ የምርመራ ስራ ሂደቱን ትዕዛዝ ተቀብለው ለጉዳዩ የምርመራ ቡድን አዋቀሩ።

የተዋቀረው የወንጀል ምርመራ ቡድን ስራውን ጀመረ።

የአፍዝ አደንግዝ ዘራፊዎቹን ለመቆጣጠር ምርመራውን በመሠል ተጠርጣሪ ታራሚዎች ላይ ትኩረት አድርጎ ባደረገው ምርመራ ያገኘውን ፍንጭ ተመርኩዞ ባደረገው ኦፕሬሽን ሄለን አበራን አፍዝዘው በቀን የዘረፉትን 5ቱንም ተጠርጣሪዎች ማታውኑ ተከራይተው ከነበሩበት ቤት በቁጥጥር ስር አውሏቸዋል።

ጉዳያቸው አሁን ላይ በምርመራ ሂደት ላይ ይገኛል።

ሄለን ለወንጀል ምርመራ ቡድኑ ምስጋናዋን አድርሳለች።

በዚሁ አፍዝ አደንግዝ ሌሎች 23 መሠል ዝርፊያዎች ተፈጽሞብናል በሚል ለወንጀል ምርመራ ቡድኑ ቃላቸውን ሰጥተዋል።

ጉዳያቸውም በምርመራ ሂደት እየተጣራ መሆኑ ተገልጿል።

ቲክቫህ ኢትዮጵያን ይህን መረጃ ከድሬዳዋ መገናኛ ብዙሀን ድርጅት ነው ያገኘው።

@tikvahethiopia

የአፍሪካ #አህጉራዊ ነጻ #ንግድ ቀጠና (AfCFTA) አተገባበር፣ የስምምነቱ መሠረታዊ ዓላማው
#AfCFTA ምንድን ነው?
የአፍሪካ አገራት የራሳቸውን ምርት ያለምንም የቀረጥ መሰናክል እርስ በእርሳቸው እንዲገበያዩ የተፈጠረ ታሪካዊ ስምምነት ነው።
ዓላማው፦ የአፍሪካን ምርቶች ማሳደግ፣ የኢኮኖሚ ትስስር መፍጠር እና አህጉራዊ የንግድ ተወዳዳሪነትን መጨመር ነው።
የአገራት ብዛት፦ እስካሁን 54 አገራት ስምምነቱን የፈረሙ ሲሆን፣ ይህም በዓለም ላይ ካሉ ትልልቅ የንግድ ቀጠናዎች አንዱ ያደርገዋል።
2. የኢትዮጵያ ተሳትፎና የሕግ ማዕቀፍ
ፊርማ፦ ኢትዮጵያ እ.ኤ.አ መጋቢት 21/2018 በኪጋሊ ፈርማለች።
ማጽደቅ፦ የሕዝብ ተወካዮች ምክር ቤት በአዋጅ ቁጥር 1124/2011 አጽድቆታል።

ለትግበራው ይረዳ ዘንድ የሚኒስትሮች ምክር ቤት ደንብ ቁጥር 574/2017 ጸድቋል።
መመሪያ፦ የጉምሩክ ኮሚሽን በጥቅምት 04/2018 በቁጥር 4/0755/18 ባወጣው ሰርኩላር ትግበራውን በይፋ ጀምሯል።
3. የቀረጥ ቅነሳው እንዴት ይፈጸማል? (የዕቃዎች ምድብ)
ኢትዮጵያ ያቀረበቻቸው የዕቃ ዓይነቶች በሦስት ምድብ ተከፍለዋል፦
ምድብ ሀ (Category A)፦ 90% የሚሆኑ ዕቃዎች (እንደ ቆዳ ጥሬ ዕቃዎች ያሉ)። በ10 ዓመት ውስጥ ቀረጣቸው 0% ይገባል።
ምድብ ለ (Category B)፦ 7% የሚሆኑ ዕቃዎች (እንደ ጫማና ቦርሳ ያሉ ስሱ ምርቶች)። በ 8 ዓመት ውስጥ ቀረጣቸው 0% ይገባል።
ምድብ ሐ (Category C)፦ 3% የሚሆኑ ዕቃዎች (ምንም ዓይነት ቅናሽ የማይደረግላቸው)።
4. የቀረጥ ቅነሳው የጊዜ ሰሌዳ
ምድብ ሀ፦ እ.ኤ.አ ከጥር 2021 ጀምሮ በየዓመቱ እኩል እየቀነሰ ሄዶ በ2030 ሙሉ በሙሉ ነጻ ይሆናል።

ምድብ ለ፦ እ.ኤ.አ ከጥር 2026 ጀምሮ ቅነሳው ተጀምሮ በ8 ዓመታት ውስጥ (እ.ኤ.አ እስከ 2033) ሙሉ በሙሉ ነጻ ይሆናል።

ምርቱ ሙሉ በሙሉ ነጻ በሚሆንበት ዓመት ሱርቻርጅ (Surcharge) እና የሶሻል ዴቨሎፕመንት ሌቪ (Social Development Levy) አብረው ይነሳሉ።

5. ተጠቃሚ የሚሆኑ አባል አገራት (የ24ቱ ዝርዝር)
የቀረጥ ቅናሹ የሚሰራው ስምምነቱን ለሴክሬታሪያቱ አሳውቀው በይፋ በጀመሩት 24 አገራት ላይ ብቻ ነው፦

ምሥራቅ አፍሪካ፦ ኬንያ፣ ሩዋንዳ፣ ቡሩንዲ፣ ታንዛኒያ፣ ኡጋንዳ፣ ደቡብ ሱዳን።

ምዕራብ አፍሪካ፦ ጋና፣ ናይጄሪያ፣ ካሜሩን፣ ጋምቢያ።

ሰሜን አፍሪካ፦ ግብፅ፣ ሞሮኮ፣ ቱኒዚያ፣ አልጄሪያ።

ደቡብ አፍሪካ፦ ደቡብ አፍሪካ፣ ቦትስዋና Namibia፣ ዛምቢያ፣ ማላዊ፣ ኢስዋቲኒ፣ ሌሶቶ።

ሌሎች፦ ሞሪሸስ፣ ሲሸልስ፣ ሞዛምቢክ።

6. ለቆዳ ዘርፍ SMEs የሚያስፈልጉ ቅድመ ሁኔታዎች
የአገር በቀል ምርት ምስክር ወረቀት (Certificate of Origin)፦ ምርቱ "በኢትዮጵያ የተመረተ" መሆኑን የሚያረጋግጥ ሰነድ ከጉምሩክ ኮሚሽን ማግኘት ግዴታ ነው።
የታሪፍ ኮድ (HS Code)፦ ምርትዎ በየትኛው የምድብ ኮድ ውስጥ እንደሚወድቅ ማረጋገጥ።
የንግድ ሰነዶች፦ የንግድ ደረሰኝ (Invoice)፣ የይዘት ዝርዝር (Packing List) እና የጽሑፍ ውል ማዘጋጀት።

7. ተቋማዊ ኃላፊነቶች
ንግድና ቀጠናዊ ትስስር ሚኒስቴር፦ አገራቱን የመለየትና የንግድ ድርድሩን የመምራት ኃላፊነት።
ጉምሩክ ኮሚሽን፦ የምስክር ወረቀት የመስጠት፣ የዕቃዎችን አመዳደብ የመቆጣጠርና ቀረጡን የመቀነስ ኃላፊነት።
ገንዘብ ሚኒስቴር፦ የቀረጥ መጠኑን በየዓመቱ የማሳወቅና የማስተካከል ኃላፊነት።

8. የሂደት ቅደም ተከተል (Step-by-Step Approach)
ምርትዎን ይለዩ፦ የትኛውን የቆዳ ውጤት (ጫማ፣ ቦርሳ ወዘተ) ለመላክ እንደፈለጉ መወሰን።
ገበያ ይምረጡ፦ ከላይ ከተጠቀሱት 24 አገራት ውስጥ የተሻለ ገበያ ያለውን መምረጥ።
የአገር በቀል ምስክር ወረቀት ይውሰዱ፦ ምርቱ ኢትዮጵያዊ መሆኑን ከጉምሩክ ያረጋግጡ።
ገዢ ያግኙ፦ የዲጂታል መሣሪያዎችን (WhatsApp, Email) በመጠቀም ከውጭ ገዢዎች ጋር ይደራደሩ።
ጭነት ይጀምሩ፦ በደንብ ቁጥር 574/2017 መሠረት የቀረጥ ቅናሹን ተጠቅመው ምርትዎን ይላኩ።
ይህ ስምምነት ለቆዳ ዘርፍ አምራቾች አዲስና ሰፊ በር የከፈተ በመሆኑ፣ አምራቾች የጥራት ደረጃቸውን በማሻሻልና ሕጋዊ ሰነዶችን በማሟላት ተጠቃሚ እንዲሆኑ ይመከራል።
ስልጠናው በጠበቃና የሕግ አማካሪ Mikias Melak ተሰጠ🙏 #ሚኪያስ_መላክ
አማራጭ የሕግ እውቀትና አገልግሎት
Alternative legal enlightenment & Service
Website: alehig.com
https://linktr.ee/alehig
WhatsApp👉 #+251920666595
Telegram👉 @MikiasMelak
የሕግ ምክርና ድጋፍ፣ የተለያዩ ህጎች፤ አዋጅ፣ ደንብ፣ መመሪያ፣ #የሕግ_መረጃ