Kitob sevar do'stlarim siz kitob oʻqib dunyoni qutuqarmassiz balki, ammo oʻzingizni biroz dunyodan qutqarasiz..?!

Yurtim, ko‘nglingdek keng osmonlaring bor,
Yulduzni yig‘latgan dostonlaring bor.
Osmonlaringda ham diydoringga zor,
Jayrondek termulgan Cho‘lponlaring bor.
Qo‘ling qadog‘iga bosay yuzimni,
Onamsan-ku, og‘ir olma so‘zimni,
Qayinbarglar yopib qaro ko‘zini
Olislarda qolgan Usmonlaring bor.

©️Muhammad Yusuf

@Al_AddL

Eringizni bolalar hurmat qilsin.

Farzandingiz doimo otasini o‘zi uchun namuna deb bilsin. Avvalo buning uchun ota o‘z ustida doim ishlashi kerak, "yaxshi ota" unvoniga sazovor bo‘lish uchun-unga loyiq bo‘lish kerak.

🔹Ayollarga bir nechta maslahat:

▫️ Eringizni aybini hech qachon bolalarga aytmang.
▫️ Otasini yomonlamang
▫️ Otasi ular uchun doim harakat qilishini, ularni yaxshi ko‘rishini takror-takror eslating.
▫️ Otasini jahli chiqqan vaqt bolalarni yaqinlashtirmang.
▫️ Ishdan kelganida avvalo o‘zingiz chiroyli kutib oling va otasini qanday kutib olishni ham o‘rgating.

Imom Shofeiy rahimahulloh dedilar:
“Kim kiyimini poklabdi, uning g‘amu tashvishi kam bo‘libdi,
Kim xushbo‘y narsa surtsa, uning aqli ziyoda bo‘libdi”.

Izoh: Ilm tolibiga aql va zehnni ziyoda etuvchi sabablarga rioya etishi va chalg‘ituvchi, aqlni band qiluvchi mashg‘ulot va afkorlardan o‘zini ehtiyot qilmog‘i muhimdir. Shuningdek, Rasululloh sollallohu alayhi vasallam: «Poklik iymonning yarmidir», deydilar”.

Imom Muslim rivoyati.

√@Al_AddL

Qizlar odobi haqida

Odob bu — shunday narsaki, sening kimligingni, qanday insonligingni va kimlarning farzandi ekanligingni ko'rsatadi. Qiz bolaning odobi esa bu hozirgi kunda juda jiddiy mavzu desa ham bo'ladi. Bugungi kunda ota-onalar qizlarining ko'cha-ko'yda o'zini tutishi, yurish-turishi, muomalasiga jiddiy e’tibor qaratmog’i lozim. Chunki tarbiya avvalo oiladan boshlanadi.

E'tibor berganmisiz yo'qmi oilada buvisi bilan o'sgan qizlarning tarbiyasi boshqacha bo'ladi. Hozirgi kunda aksariyat onalarning ko'p vaqtlari ishda o'tadi, qizlar esa o'zi bilan o'zi ovora bo'lib qolishadi. Ammo uyda yoshi kattalar bo'lsa bu narsa ko'z yumib o'tirmaydilar. Buvilarning ko'proq nevaralariga e'tibori kuchli bo'ladi. Ularga sekin-astalik bilan urf-odatlarimizni o'rgatadilar, uy yumushlariga sekin astalik bilan moslashtirib boradilar.

Qizlar katta hayotga qadam bosar ekanlar, endi ularga jamiyatda qanday yurish, kiyinish kabi narsalar o'rgatiladi. Qiz bola avvalo ko'zga tashlanadigan bir gul desa ham bo'ladi. Hozirgi kunda qizlar turli millatlarga taqlid qilib kiyinishadi, mayli kiyinishsin, bizning qarshiligimiz yo'q, lekin hammasi me'yorida bo'lishi kerak. Ochiq-sochiq kiyinib yurish nafaqat qiz bolaga balki o'g'il bolaga ham to'g'ri kelmaydi. Qiz bola degan nomi bor ekan, ular bu nomga munosib bo’lib, nafislik, hayo timsoli bo’lib tarbiya topishi kerak. Bu faqatgina kiyinishda emas, muomala, ko’pchilik oldida o’zini tutish va hatto kerak vaqtda sukut saqlashda ham o’z aksini topadi.

Buning uchun kattalardan asosan ikki narsa talab etiladi. Bular e’tibor va o’rnak. Otalar, akalar ham ona qatori qizlarga e’tiborli bo’lishi, ona va opalar esa o’rnak bo’lish orqali qiz bolani tarbiya qilishi lozim. Axir aytishadiku, qiz bola ko’chaga chiqqanda nafaqat o’zining, balki otasi, aka-ukalarining nomusini ko'tarib chiqadi deb. Demak, qiz farzandni tarbiyalash nafaqat uning kelajagi uchun muhim, balki boshqa oila a’zolarining jamiyatdagi o’rnini ham belgilab beradi. Shunday ekan, qizlarimizni o’zbekona lutf bilan, iboli, odobli qilib tarbiyalash bugungi kunimizning muhim vazifalaridandir.


Farzand tarbiyasiga oyid kitobdan parcha...

—Mening o'g'lim — do'xtir!
—Mening o'g'lim — mol do’xtiri.
—Shuyam hunar bo'ldi-yu?! Bolangga boshqa kasb qurib qolganmidi?
—Unaqa dema, o'rtoq, hunarning yomoni bo'Imaydi. Men kasal bo'lsam, sening o'g'ling davolaydi. Sen kasal bo'lsang, mening o'g'lim davolaydi!

📚”Daftar Hoshiyasidagi Bitiklar”

@Al_AddL

hayrli_kun

Hayot juda goʻzaldir! Buni anglash uchun esa, bir oz boʻlsada oʻz muammolaringizdan boshingizni koʻtaring va atrofingizga qarang, atrofingizda qanday goʻzal hayot kechmoqda..! Shunday goʻzallik ichida yashayotganimizga shukur qiling, zero shukronalik baraka keltiradi...
Assalomu alaykum Qadrdon... Yangi boshlayotgan kuningiz xayrli boʻlsin!


√@Al_AddL

#Kitobdan
#Uchdan_keyin_kech

   Bola kichik yoshidanoq insoniyatning eng yaxshi yutuqlari ichida bo‘lsin.Mumtoz musiqa tinglang, san’at asarlarini ko‘rsating, badiiy adabiyot o‘qib bering.

   Bolani tez-tez qo‘lingizda ko‘taring. Bunday muloqot bolaning aqliy rivojlanishida katta ahamiyatga ega.

   Chaqaloq bilan chuchuk tilda gaplashmang. Bola bilan tug‘ilgan paytidan boshlab kattalar tilida gaplashing.

   Bola bilan har kuni shug‘ullaning. Hatto bir kunlik mashq ham hayratlanarli natijalarga olib keladi.

   Bolaning oldida urishmang. Farzandingiz salbiy holatlarni ta’sirchanlik bilan his etadi.

√@Al_AddL

Munosabatlardagi sevgi va olovni soʻndiradigan ayoldagi ikki sifat:

▶️Haddan ziyoda koʻp nazorat qilish.

Erkaklar nazoratni yoqtirmaydilar, ular uchun ozodlik, shaxsiy chegra muhim.
Uni nazorat qilib, nima qilish yoki qilmaslik kerak ekanini uqtirmoqchi boʻlayotganingizni sezgan zahoti, erkak siz bilan kurashga kirishadi va oʻzining chegaralarini himoya qilishni boshlaydi.

▶️Noshkurlik.

Erining yaxshiliklarini koʻrmaydigan, arzimas narsalar uchun ham minnatdor boʻlmaydigan ayol nafaqat eriga, balki Robbisiga ham shukr keltirmaydi.
Noshkurlik—hamma yaxshi va iliq tuygʻularni oʻldiradi.

Shu ikki narsada nihoyatda ehtiyot boʻling hurmatli ayollar.

Qachon uylanasan?

So'raydigan savollari faqat "To'y qachon?".

Boshqa savolingiz yo'qmi hurmatli "kattalar"?

Aslida biz yosh yigit-qizlar sizlardan quyidagi savollarni berishingizni kutardik:

🔵Uylanishdan/turmushga chiqishdan oldin hech bo'lmasa oila haqida bitta kitob o'qiyapsanmi?

🔵Farzand tarbiyasiga oid ilmlarni o'rganyapsanmi?

🔵Muomala ilmi, er va ayolning huquq va majburiyatlari, burch va vazifalarini o'rganib chiqdingmi?

🔵Ayoling ko'chada ishlamasligi, uyingda ilmga sharoit yaratib bera olish uchun moliyaviy jabhangni yaxshilashga harakat qilyapsanmi?

🔵Turmush o'rtog'ingiz ko'chadan "oyimcha" topib olmasligi uchun unga qanday rafiqa bo'lish kerakligi haqidagi ilmlarni eshitganmisiz?

🔵Juft tanlash bo'yicha ilming bormi?

🔵Ana o'sha juftga o'zing loyiq bo'lishga intilyapsanmi?

🔵Xulqing, muomalang, odobing ustida ishlayapsanmi?

🔵Ayolingning ba'zi ayblari, xatolari, kamchiliklari bo'lishi va unga sabr qilishing kerakligini bilasanmi?

😄 To'y bir kunda o'tadi, undan keyingi hayotga tayyormisan?

Qizlar kuchli bo'lishi kerak !

Birgina jumladan menga qarshi chiqishing mumkin, lekin qanday ?

Ruhan. Kim nima desa ishonuvchan va tezda qaysidir vaziyatga bog'lanib, o'z hayollaridagi ideallik sabab o'zini ojiz qilib qo'yadigan emas. Balki har qachon qiyinchilikka uchraganda boshini mag'rur tutib yo'lida davom eta oladigan.

Ma'nan. Ilm o'gransin, o'qisin, imkon berishsin. Ketsin o'z bilimlari ortidan dunyo ko'rsin. Qaysidir dugonasi hayot "drammalari"dan ko'z yosh to'kayotganda, kerak bo'lsa imtihondagi arzimas ball uchun yig'lasin mayli. Lekin, dunyoqarashi keng bo'lsin.

Qadriyatlarini shakllantirsin. Hamma ko'r-ko'rona qaror qabul qilsa, U tahlil qilib - "o'zi bu menga kerakmi, bu yo'ldan ketsam nima topaman-u, nima yo'qotaman" - degan mingta savol bilan o'ziga yuzlansin. Har bir so'zida o'z fikri bo'lsin. Ayta olsin.

O'zini tanisin. U'ni tanish o'zligimizdan boshlanadi. Sevimli ishlari ro'yxatini tuzsin, qaysi kayfiyatda nima qo'lidan kela oladi va nimaga ko'proq potensiali kuchli. O'zi bilan vaqt o'tkazishdan qo'rqmasin, aksincha yolg'iz qolganida eng baxtli onlarni yarata olsin o'ziga.

Hullas, kuchli bo'lsin. Nima deganimni endi tushinding-a?

Qalbimizga ko'zgu tuta olmas ekanmiz, ko'zlarimiz faqat oyna ortidagi nuqsonlarni ko'radi xalos.

Tabiat va insonning o‘zaro ta'siri

Tabiat - bizni o‘rab turgan butun borliq (olam), kishilarning moddiy va ma'naviy ehtiyojlarini qondirish manbaidir. Inson - murakkab ijtimoiy va mehnat faoliyatini yurgazuvchi tirik organizm - individdir. U jamiyatning moddiy va ma'naviy-madaniy rivojlanishining asosi hisoblanadi.


Tabiat boyliklari va ularning inson uchun ahamiyati. Inson o‘zining kundalik ehtiyojlarini qondirish maqsadida tabiat boyliklaridan foydalanishga majbur. Tabiat boyliklarini beshta asosiy guruhga ajratish mumkin: mineral, iqlimiy, suv, yer va biologik boyliklar.
Aholining yashashi uchun rudali va noruda mineral bioliklar zarur. Ularsiz jamiyatning ijtimoiy-iqtisodiy taraqqiyotini tasavvur etish qiyin. Rudali foydali qazilmalarga temir, mis, olmos, oltin, uran va boshqalar, noruda mineral boyliklarga oltingugurt, neft, gaz, fosforit va boshqalar kiradi. Insoniyatning rekreatsion resurslarga va, ayniqsa, qishloq xo‘jalik mahsulotlariga bo‘lgan talabini qondirish uchun iqlimiy boyliklarning ahamiyati beqiyos. Shuning uchun odamlar qadimdan tabiiy-iqlimiy sharoiti qulay bo‘lgan hududlarga joylashganlar.
Xo‘jalikda eng ko‘p foydalaniladigan tabiat boyligi suv hisoblanadi . «Suv bor joyda hayot bor», «suv tugagan joyda hayot tugaydi» degan xalq maqollari suvning bebaho mineral boylik ekanligidan dalolat beradi. Dehqonchilikni rivojlantirishda hosildor yer - tuproqlarning ahamiyati juda katta. Aholining oziq-ovqat mahsulotlariga bo‘lgan ehtiyojini qondinshda tuproqning hosildorligini oshirish muhim tadbirlardan hisoblanadi.
Muayyan hududning hayvonot olami va o‘simlik qoplami biologik boyliklarni tashkil etadi. Bu boyliklarning eng muhim xususiyatlari ularni qayta tiklash mumkinligidir. Ularni bir-biridan juda uzoq masofada joylashgan materiklarga ko‘chirish va ko‘paytirish ham mumkin. Masalan, Amerika qit'asidan Yevrosiyo va Afrikaga makkajo‘xori, kartoshka, pomidor, shirin va achchiq garmdori, kakao, loviya, qovoq, ananas keltirilgan. Aksincha, Amerika qit'asiga ot, sigir, qo‘y, tovuq, asalari, kofe, bug‘doy, sholi, arpa, karam, sholg‘om, nok kabilar olib ketilgan . Tabiiy komplekslar inson ta'siri darajasiga ko‘ra uch guruhga ajratiladi:
1. Tabiiy landshaltlar. 2. Tabiiy-antropogen landshaftlar. 3. Antropogen landshaftlar.
Tabiiy landshaftlar deganda insonlar tomonidan foydalanilmaydigan hududlar landshaftini tushunamiz. Ularga Antarktida, Shimoliy Muz okeanidagi doimiy muzliklar, orollar, tog‘lar, cho‘llar, qalin o‘rmonzorlar tipik misol bo‘ladi.


Tabiiy-antropogen landshaftlarni oraliq landshaftlar deb ham atashadi. Bunday landshaltlar tabiiy va antropogen landshaftlarning oralig‘ida tarkib topadi. Yaylovlar,lalmikor yerlar tabiiy-antropogen landshaftlardir.


Antropogen landshaftlar - kishilarning xo‘jalik faoliyati ta'sirida o‘zgargan tabiiy landshaftlar bo‘lib, ular Yer yuzasida keng tarqalgan. Aholi punktlari - qishloq va shaharlar antropogen landshaftlarning tipik namunasi hisoblanadi. Shaharlar landshafti dastlab 5-4 ming yil muqaddam « qal'a-shahar «, «shahar-davlat« sifatida shakllana boshlagan.
Tabiatni va tabiiy resurslarni muhofaza qilish maqsadida qo‘riqxonalar, zakazniklar, milliy bog‘lar tashkil etiladi. Yo‘qolib ketish xavfi bo‘lgan o‘simlik va hayvonot olami «Qizil kitob» larga kiritiladi va alohida muhofaza qilinadi. Bunday chora-tadbirlar yagona umumiy uyimiz Yer tabiatini va insonlarning sog‘lig‘ini asrash uchun xizmat qiladi

#eslatma #kitobdan

Umar ibn Xattob roziyallohu anhu dedi:
“Dindosh birodaridan eshitgan biror so'zni yaxshilikka yo'yishning birgina imkoni bo'la turib, undan badgumon bo'lish hech bir musulmonga halol emas”.

Assalomu Alaykum va rohmatullohi barokatuh. Boshlangan kun fayzli va barokatli o'tsin.

Farzand ta’lim-tarbiyasidagi muvaffiyatning katta sabablaridan biri, er-xotinning hamkorligidir.
Qanday hamkorlik? — Hamfikrlik bilan qilingan hamkorlik. Bizdagi eng katta muammo shu — er-xotinning fikri uyg‘un emasligi. Bunga sabab esa ikkisining orasidagi saviya va tushunchaning farqi kattaligida.
Buni tuzatish oson. Faqat ozgina qunt kerak.
Yechim: er-xotin farzandi uchun ko‘zlagan marrasiga olib boradigan yo‘llar haqida birga izlansin. Ma’ruzani birga eshitsin, kitobni birga o‘qisin, o‘zaro fikr almashib, muhokama qilsin.
Bu er-xotinning o‘zaro munosabatiga ham juda katta ijobiy ta’sir qiladi.

√@Al_AddL

– Menikida yashayotganingdan beri qanday yaxshi odam ekanimni bilib olgandirsan. Men senga yana bir ulugʻ yaxshilikni niyat qilib turibman. Aytganlarimni bajarib, hojatimni chiqarsang, seni ozod qilaman, qoʻlingga oltin tangalar beraman. Shu tunning oʻzida boshqa shaharga joʻnaysan-u farogʻatli hayot kechira boshlaysan.
Qul xojasining xizmatini soʻzsiz bajarishga tayyor ekanini bildirdi. Bundan boy quvonib, rejasini bayon qildi:
– Bilginki, qoʻshnimning dastidan toʻyganman. Uni koʻrsam ichim yonib ketaveradi. Qoʻshnimga nisbatan yaxshiroq boʻlsam ham atrofdagilar nima uchundir uni qadrlashadi. Uning yomonligini isbotlashga, shu orqali shikast yetkazishga koʻp urindim, lekin natija chiqmadi. Birgina chora qoldi, shu tun ikkimiz qoʻshnining tomiga chiqamiz. Sen meni shu tomda soʻyib oʻldirasan. Ertalab jasadimni qoʻshnining tomida koʻrganlar uning vahshiyligiga ishonib zindonga tashlashadi. Undan nafratlanishadi. Mol-mulki esa talon-taroj boʻladi.
Shunday deb ozodlik varagʻi bilan oltinni qulining qoʻliga tutqazdi. Qul xojasining bu gaplarini eshitib taajjubdan qotib qoldi. Xojasining gaplari chinligiga avvaliga ishonmadi.
– Xojam, bu tadbiringiz gʻalati-ku? – dedi u. – Oʻlganingizdan keyin qoʻshningizning obroʻsi tushishi yoki tushmasligidan sizga nima foyda? Aqlli odam bunday ahmoqlikka rozi boʻlmaydi.
Hasadchi saxiy boʻla olmaydi, xasisning hasadsiz yashay olmasligi esa aniq: qul har qancha nasihat qilsa ham boy koʻnmadi. Boy “agar talabimni bajarmasang, qoʻshnimni oʻldiraman-u, seni qotil deb jazoga topshiraman”, deb qoʻrqitgach, amrini bajardi – xojasining oʻligini qoʻshni tomiga tashlab, oʻzi Isfaxonga joʻnab ketdi.
Ertasi kuni qoʻshnini zindonga tashladilar. Qotilligi asosli dalillar bilan isbotlanmagani uchun jazo berish kechiktirildi. Bu orada boyning boshqa qoʻshnisi savdo vajidan Isfaxonga borib qoldi. Xojasi bergan tillalardan foydalanib tijorat yuritayotgan qul u bilan tasodifan uchrashib qolib, Bagʻdoddagi yangiliklar bilan qiziqdi. Tomdagi qotillik haqidagi gapni eshitib dedi:
– Bu ishda pokiza qoʻshnining hech aybi yoʻq. Xasis va hasadchi boyni oʻzining qistovi bilan men oʻldirganman, – deb barcha voqealarni bir-bir bayon qildi. Qulning gaplari qogʻozga tushirilib, ikki guvoh imzosi bilan tasdiq etilgach, qoʻshni uni Bagʻdod hukmdoriga yetkazdi va begunoh odam ozod etildi. Bu hikoyatdagi boyning hasad qurboni boʻlishini ramziy maʼnoda ham tushunish mumkin: kim yuragida yona boshlagan hasad oʻtini oʻzi oʻchira olmasa, shu oʻtda kuyib oʻladi.

Tohir Malik "Kelinlar daftariga"

Xonqizi.

Inson kitob o'qigani sari odamlarning fikrini ham o'qiydigan darajaga chiqadi.

#Kitob

@GiyosiddinYusuf

Ayol sizni sevishi uchun:

Undan eshit; U haqida eshitma.
Unga maslahat ber; Uni jazolama.
Uni erkala; Uni e'tiborsiz qoldirma.
Uni tushun; Uni majburlama.
Unga ishon; Uni nazorat qilma.
U uchun erkak bo'l; Unga qarshi emas.

#hayrli_kun

Agar hayotingizdan xursandchilik uchun sabab topa olmayotgan boʻlsangiz, unutmangki, yangi kunni qarshi olganingizni oʻzi quvonish uchun ulkan sababdir...
Assalomu alaykum Qadrdon. Boshlangan yana bir yangi tongingiz muborak boʻlsin!

√@Al_AddL

Uzr so'rayotgan kishi biroz o'zini past tutishi, aybini e'tirof etib, kechirilish uchun uncha-muncha narsaga tayyor turishi kerak.

Uzr so'rashdan maqsad xato qilibman, kechiring, haqqingizni halollang, oxiratda qolmasin deyish-ku. Haqiqatan shuning uchun uzr so'rayotgan kishi bir-ikki og'iz gapga sabr qiladi. Uzri samimiy bo'lmagan, nomiga uzr so'ragan kishining uzrini qabul qilmasangiz, jirillab ketadi. Maqsadingga erishish uchun harakat qil! Rozi qil, yana uzr so'ra.

Albatta, uzr so'ralgan kishi ham kechirishi lozim. Hamma ham xato qiladi. Lekin kechirsang kechir qabilida uzr so'raydiganlarni darhol kechirmayman, oldin qilgan ishi yoki aytgan gapiga pushaymon qilib, keyin kechiraman. Sabr qilmasdan lovullab ketadiganlar ko'p bo'ladi. Ularning ba'zilari bilan aloqani uzib qo'ya qolaman.

#Mulohaza