Bir insonni sinab ko‘rmoqchi bo‘lsang — unga kuch emas, imkon ber.
Chunki kuch har kimda ham bo‘lishi mumkin,
Ammo imkon — kimning asl insonligini ko‘rsatadi.
Ba’zilar imkon topsa, rahmat aytadi.
Ba’zilar esa... unutadi.
Shuning uchun yaxshilikni odam uchun emas, o‘z vijdoning uchun qil.
Kun keladi, sen qilgan yaxshilik qaytadi —
lekin ko‘pincha odamdan emas, Ollohdan...

Ko‘ksimda sukunat mavsumi hukmron. Barglar to‘kilayotir, shoxlar sinayotir...

Kuz fasli shuday bo'lar ekan;

Odamlar yomg'irni yaxshi koʻraman..., deydilar - lekin yomg'ir tomchilashi bilan soyabonlarini ochishadi...🥹

Kimlardir shamolni sevaman deyishadi.
- lekin. Shamol ko'tarilishi bilanoq deraza oynalarni yopishadiii...

Mayli doʻstim tashqari sovuq... biz xam "yomg'ir shamolida" betob bolib qolmaylikk...🙂🤧

Derazani oldida juda koʻp qolib ketik...😔

#Tafakkur

Er vafot etdi. Uning shkafda osiliq turgan kiyimining cho‘ntagiga ayoli sakkiz yilgacha pul solib qo‘yardi. Farzandlari har gal undan pul so‘rashganida ularga: "Otangning cho‘ntagidan olaqol!", der edi.
Ayol buni uydan otaning xotirasi ko‘tarilib ketmasligi uchun qilardi.

Ona madrasadir..!

#Achchiq_haqiqat

Ota-onangizning sochlari oqaribdimi?-deyilsa, aksarimiz ” Ha, keksalik-da“ deymiz. ”Bizlarning tashvishlarimiz oqartirdi“ deydiganlarimiz kam. To‘g‘ri, soch-soqoldagi oqlik keksalik alomati. Lekin hammasini ham keksalik oqartirmagan.

Biz farzandlarning tashvishlari bilan erta oqarganlari ham bor. Lekin hech bir Ota-ona soch-soqolini farzandlarining qaysi tashvishlari oqartirganligi haqidagi ko‘ngil bitiklarini tiliga chiqarmaydi. Sababi ham biz... ”Eshitib farzandimning sochi erta oqarmasin” deydi. Ularning qalbi tubidagi o‘sha bitiklarni o‘qish mumkin. Uning uchun qalb ko‘zimiz ochiq bo‘lishi kerak...

— Sizningcha eng go‘zal qalb sohibi kim?
— Barcha ayb-u nuqsonlarimni ko‘rib, bilib tursa ham meni sevib ardoqlagan ayol.




-Ayolingiz haqida so'zlab bering
-Keyingi savolga o'ting!
-Nima uchun u haqida hech gapirmaysiz?
Ko’nglingiz hech -yo'qmi unda.?
Ayolim meni omonatim! U hammaga aytib beriladigan she’r emaski, men sizlarga aytib bersan. Ayolim o' sha siz aytgan ko'nglimni bir umrlik egasi va albatta u mengagina tegishli! Shunday ekan menga tegishli meniki bo’lganlar bilan ishingiz bo'lmasin!

Horasan, tolasan, hammasiga qo‘l siltamoqchi bo‘lasan, shu vaqt senga suyanib turganlarga qaraysan… Yiqlishga, chekinishga haqqing yo‘qligini anglaysan. Ularning suyangani qadar kuchli, sabr-bardoshli bo‘lishga harakat qilasan.
Chunki sen — erkaksan!

@IkromSharif

Anas ibn Molik roziyallohu anhudan rivoyat qilinadi:
«Alloh taolo juma kunida hech bir musulmonning gunohini kechirmay qo‘ymaydi”. (Tabaroniy rivoyat qilgan)

TANLANG

   Imom Muzaniy aytadi:
"Bir kuni men "falonchi kazzob" dedim. Bu gapimni imom Shofi’iy eshitib qolib dedi:
"Ey Muzaniy! Gapingga chiroyli kiyim kiydir. "Kazzob" degandan ko‘ra "uning gapi hech narsaga arzimaydi", deganing yaxshiroq!".

   Chiroyli so‘zlarini topib gapirishga o‘rganishimiz lozim. Uning ta’mini boshqalarga tottirishimizdan oldin o‘zimiz totib ko‘rishimiz lozim.
   Tilning suyagi yo‘q. Ammo til suyakni sindirishi mumkin.
   Oldingilarni Alloh rahmatiga olsin. Biz bugun tanamizni chiroyli liboslar bilan o‘raganimiz kabi, fikrlarini go‘zal liboslar bilan o‘rashar edi!
   Bir kuni Umar ibn Xattob roziyollohu anhu olov yoqib o‘tirgan kimsalar oldidan o‘tib qoldi. Ularga "Assalomu alaykum ey nur egalari!", dedi. Ularga jarohat berishi mumkin deb o‘ylab "olov egalari" demadi!
   Arabchada olov "nor" bo‘ladi. "Nor" deb arablar do‘zaxni ham aytishadi. Umar roziyollohu anhu shuning uchun bu yerda "nor"ni ishlatmagan!

   Bir kuni xalifa Horun ar-Rashid shoir Asma’iydan so‘radi:
- Misvokning ko‘pligi arab tilida nima bo‘ladi?
Asma’iy dedi:
- "Yaxshiliklaringiz"ning teskarisi bo‘ladi!
  
   Misvokning ko‘pligi arabchada "masoviyk" bo‘ladi. Buning "yomonliklaringiz" degan ma’nosi ham bor. Asma’iy shuning uchun bu so‘zni ishlatmasdan "yaxshiliklaringiz"ning teskarisi bo‘ladi, demoqda!
  

Abdulqodir Polvonov

Umar ibn Xattob roziyallohu anhu....

#Sadaqa

Hazrati Umar ibn Xattob roziyallohu anhu aytadi: «Alloh yo‘lida (bir kishiga) ot mindirib yubordim. Egasi uni uvol qildi. Men o‘shandan uni sotib olmoqchi bo‘ldim. Uni arzonga sotib yuborar, deb o‘yladim. Keyin Nabiy sollallohu alayhi vasallamdan bu haqda so‘radim.
Shunda u zot: «Uni senga bir dirhamga bersa ham, sotib olma, chunki sadaqasini qaytib olgan qusug‘ini qaytib olgan it kabidir”, dedilar”.

Imom Buxoriy rivoyati

Bir ayol qimmatbaho kiyimlar sotiladigan do‘konga kirishda eshik oldida turgan faqir bir erkakka ko‘zi tushdi. U bolalar kiyimlariga termulib turar edi. Ayol erkakni do‘kon ichiga chaqirib, kiyimlar orasidan o‘ziga yoqqanini tanlab olishi mumkinligini aytdi. Erkak uyalib bolalar kiyimiga qaradi. Ayol esa uni tushunib, sotuvchidan o‘sha kiyimdan ikki juftini xaltaga solib berishini so‘radi. Erkak kiyimlarni qo‘liga olib, ayolga ko‘p rahmalar aytgancha dukondan chiqib ketdi. Ayol esa kiyimlar pulini to‘lash uchun to‘lov chekini so‘radi. Chekni qo‘liga olgan ayol kutilmaganda boshqa yozuvga ko‘zi tushdi. Do‘kon egasi unga shunday yozib qo‘ygan edi:
«Bizda insoniylik qiymatini o‘lchay oladigan apparat yo‘q!”

Sadaqani ko‘paytiring, rizqingiz ziyoda bo‘ladi.
Namozingizda xushu’ni ko‘paytiring, halovatingiz ortadi.
Ota-onangizga yaxshilik qilishni ko‘paytiring, muvaffaqiyatlaringiz ko‘payadi.

Ko‘pincha qalb va tuyg‘ularimiz havoyi nafsimizga, boyliklarimiz va shaxsiy istaklarimizga yuzlangan bo‘ladi. Bugungi kundagi ko‘pchilik musulmonlar hayotidagi ikki yoqlamalik ana shu yerdan paydo bo‘lmoqda.
Aql Allohning muhabbati va Uning muroqabasidan iborat bo‘lgan nihol ko‘chatini yoki urug‘ini ekish uchun qalbdan ruhsat so‘raydi. Aql qidirib, qidirib egasining qalbida uni ekishga joy topa olmaydi. Aql ilohiy risolatni yetkazish uchun egasining qalbidan joy qidirib umidi puchga chiqadi. Bu haqida Alloh azza va jalla nozik ayblov uslubi bilan shunday deydi;
"Iymon keltirganlar uchun Allohning zikriga va nozil bo‘lgan haqqa qalblari yumshash, ayni choqda, oldin kitob berilgan, so‘ng muddat o‘tishi bilan qalblari qotib qolgan, ko‘plari fosiq bo‘lganlarga o‘xshamaslik vaqti kelmadimi?!" Hadid,16
Lekin aql bu risolatni qalbga yetkazishni xohlab unga harakat qilganida qalbda unga joy topa olmaydi, chunki qalb uning dunyosi bilan banddir. Chunki qalb havoyi nafs va shaxsiy manfaatlari kabi muhabbatlar bilan mashg‘uldir. Shu sababli bu inson islom haqida gapirayotgan tiliga e’tibor bersangiz uni mubolag‘a qilib yetkazayotgani va yorqin islomiy fikr ega ekanini ko‘rasiz. Agarda uning jamiyatdagi hayot tarziga e’tibor bersangiz yolg‘on gapirish, aldash va hiyonat kabi ishlarga beparvolik qilayotganini ko‘rasiz.


Imom Butiy

Tashvishlar musofirdir kelib ketaveradilar. Muhimi har qanday sharoitda ham yuboruvchisining hurmatidan musofirga munosib sabr qilmoqlikdir.


Mavlono Rumiy 

#Mahzun_bolma
Yerda sening yaxshiligingni qadrlaydiganlar topilmasa, aslo ranjima. Samoda seni qutlaydigan Zot bor.

- Sen nimani orzu qilasan?
- Plashim bo‘lishini.
- Plashni nima qilasan?
- Yaqinda qish keladi, mening esa kiyishga plashim yo‘q.
- (o‘zining plashsini yechib) Mana buni ol-da, bundan keyin buyuk narsalarni orzu qil!

“Kuryer” filmidan

@kitob_ombori

Juftinigizdan shirin so‘zingizni, mehringizni, e’tiboringizni qizg‘onmang.

@IkromSharif

#iqtibos

Odob — bu insonning ichki dunyosining oynasi. Kimning odobi go‘zal bo‘lsa, uning ko‘ngli ham, niyati ham toza bo‘ladi. Shuning uchun ham ota-onalar farzandiga avvalo odobni o‘rgatishi lozim..

#Tafakkur

Zoye bo’lishimiz tabiiy. Biz oyoq kiyimini tanlashda ko’p vaqtimizni sarflab qo’ydik. Ammo yuradigan yo’lni tanlashni unutdik!

#Hikmat

“Bir dona shamning sabog‘i”

Bir qishloqda oqsoqol bor edi. Odamlar har safar muammo bilan unga murojaat qilishardi. Bir kuni qishloq yoshlari oqsoqolning oldiga kelib shunday deyishdi:
Ota, nega jamiyatda yorug‘lik kam? Nega odamlar bir-biriga yaxshilik qilishdan cho‘chiydi? Har kim o‘zi bilan ovora…
Oqsoqol jilmaydi. Ularga bitta sham berdi va dedi:
Mana bu shamni olib, qorong‘i xonaga kirib yoqing.
Yoshlar ajablanib, ammo aytganini qilishdi. Ular qorong‘i xona ichida shamni yoqishdi. Xona birdan yorishdi.
Oqsoqol sekin xonaga kirib shunday dedi:
Mana ko‘rdingizmi? Qorong‘ilikni quvish uchun yuzlab sham kerak emas. Birgina yoqilgan sham ham butun xonani yoritishi mumkin. Jamiyat ham shunday. Agar sizlardan bittasi yaxshilik qilsa, boshqalar ham yorishadi.
Shunda yoshlardan biri so‘radi:
Ammo odamlar bizning yaxshiligimizni qadrlamasa-chi?
Oqsoqol jilmayib qo‘ydi:
Sham hech qachon: “Menga kim boqmoqda?” deb so‘ramaydi. Uning vazifasi — yonish. Yaxshilik qilgan odam ham shunday bo‘lishi kerak. Mukofot kutmasdan, shikoyat qilmasdan. Agar bitta sham yonishni boshlasayu, boshqalar ham undan olov olib, o‘zini yoqsa — qishloq butunlay yorishadi.

Yaxshilik hech qachon yo‘qolmaydi.
U qaytib keladi — ba’zan boshqalardan, ba’zan hayotning o‘zidan.
Faqat birinchi sham bo‘lishdan qo‘rqmang...

Yo yaxshilik eshigi bo‘ling, yoki ziyo ulashuchi kichik tuynuk...