Ayolingizni eshitib ko‘ring

Ko‘p erkaklar ayoli bilan gaplashmaydi. Ayol nega jahl qildi, nimaga yig‘ladi, nima demoqchi edi — tinglashni ham istamaydi. “Gapni cho‘zma”, “yana boshladingmi?” deb to‘xtatadi. Ayol esa sukutga o‘rganadi. Keyin bu sukunat oilani yemira boshlaydi.

Aslida, ayollar jahl bilan emas, og‘riq bilan gapiradi. “Meni eshiting”, degani bu. “Men yolg‘izman”, degani bu. “E’tibor bering”, degani bu. Buni tushunish uchun psixolog bo‘lish shart emas — inson bo‘lishning o‘zi kifoya.

Ayolingiz baqirayotgan bo‘lsa, demak, u hamon sizdan nimanidir kutyapti. Balki bir og‘iz “xafa bo‘ldingmi?”, “nega jim bo‘lding?” degan savolni.

Ayol gapirmay qo‘ysa, yanada yomonroq. U endi umidini uzgan bo‘ladi. Gapirishdan foyda yo‘q deb o‘ylaydi. Bu — og‘ir daraja.

Esingizda bo‘lsin: ayol bilan urushish emas, uni tushunishga harakat qilish mardlikdir. Og‘zini yopish emas, ko‘nglini ochish qahramonlikdir.

Hech bo‘lmasa bir marta o‘tirib, gapirtiring. Eshitib ko'ring. “Shunchaki gaplashgim keldi,” deganida “Yaxshi, qulog'im senda”, deb jilmaying. Balki o‘sha suhbatdan keyin ayolingiz emas, siz o‘zgara boshlarsiz.

#Erkaklar

@Hubbuna

#Tafakkur

Salmon Avda rahmatli umr yo‘ldoshi haqida yozadi:

"Sizlardan yashirmayman. Ayolim vafot etganidan keyin uning shaxsiy olamiga qadam bosishga o‘zimda bir jur’at topdim. Uning yozishmalarini, maktublarini o‘qidim. Ikkalamizning vatsap orqali yozishganlarimizni ham o‘qidim.

Bir xatni o‘qidim va xuddi boshimdan oyog‘imgacha tok urgandek bo‘ldim. Bu xatni men boshqa ishlar bilan band bo‘lib turgan bir paytimda yozgan bo‘lsam kerak.

Oxirgi yozishmalarimizda (balki shunisi eng oxirgisi bo‘lgandir) men Turkiyadalik paytimda ayolim mendan bir oddiy narsani so‘ragan ekan. Men o‘sha narsani unga yuboribman va u rahmat aytibdi. Shunda unga, bu juda oddiy narsa-ku, qo‘limdan kelganida seni tillolar ustida yuradigan qilib qo‘yardim, deb yozgan ekanman.

Mana shu yozganim hozir qalbimga xuddi bir asaldek orom beryapti.

Unga ovozimni ko‘targan har bir onlarimga, bekordan-bekor uni xafa qilib qo‘ygan hamma lahzalarimga ming pushaymonman.

#Tafakkur

Ayolimdan ko‘p ayollar oilaviy munosabatlar haqida ham maslahat so‘rab turishadi. Har doim bir gapni juda qattiq tayinlaydi.

"AYOL KISHINING OVOZI KO‘TARILGAN UYDAN BARAKA QOCHADI".

Bu gapni qaysi manbadan olganini bilmayman. So‘ramayman ham. O‘zimga yoqqani uchun, yaxshi gap ekan, deb qo‘ya qolaman.

Muqim Mahmud

#Mehr

Mehr insonga xos barqaror tuyg'u bo'lib, shaxsning kelajak avlodlar baxt-saodati yo'lidagi beg'araz faol xatti-harakati hisoblanadi.

#kun_hikmati

Do‘stlar yildan-yilga to‘kilib boraveradi:
Ba’zilari qalbdan to‘kiladi.
Ba’zilari xotiradan to‘kiladi.
Boshqa birovlari esa ko‘zdan g‘oyib bo‘ladi.

Ana shunday paytlarda baxt-saodat do‘stlarning ko‘pligida emas, balki ularning qiymatida ekanini anglab yetamiz.


@ibroxim_xodjiyev

Uy shirinliklarining eng yaxshisi sadoqatli yor va sog'lom farzanddir.

#tarjima

@Hubbuna

«Erni er qilish” mashaqqati

Erkakning bir zaifligi bor. Puli tugab qolsa, qo‘vog‘i osilib, ko‘ngli torayib qoladi. Shunday paytlarda sizga tinchlik kerak bo‘lsa, unga noxush gaplarni aytmay turing!

Dunyoda puldan ko‘ra ming marta go‘zal ne’matlar borligiga, ularni ko‘rib, to‘yib, maza qilishga chorlang!

Bolalarning yaxshi ishidan, shirin gapidan, atrofdagi chiroyli narsalardan so‘z ochib, chalg‘iting; qorong‘i dunyosini yoriting!

Kuch, vaqt, kayfiyat, maslahat talab etadigan muammo va maslahatlarni juftangizning puli bor paytiga to‘g‘rilang!
O‘shanda kayfiyati yaxshi bo‘ladi. Ishingiz oson bitadi.

«Ayol yuragiga qil sig‘may tursa ham, hamma ishga bag‘ri keng-ku!”, demang. «Erlar nega bunday?”, deb siqilmang.
Bunday kuchli salohiyat ayolga berilgan, erkakda yo‘q!
Kabutardan bulbullikni, olchadan o‘rik bo‘lishini so‘ramaymiz-ku?
Insondan imkoniyatida borini talab qilish lozim.

«Erni er qilish” mashaqqati shu bo‘lsa kerak…

@IkromSharif

#hikmat

«Nomunosib joyda, johil odamlarga haqiqatlardan gap ochish – gapiruvchining o‘ziga o‘zi qiladigan zulmidir”.


Shamsi Tabriziy

#kun_hikmati

Saxiy duradgor

Kichkina qishloqlarning birida duradgor usta yashar edi. U yog‘ochlarga chiroyli naqshlar berib qimmat narxga sotardi. Kunlarning birida uning oldiga bir chol kelib:
- Sen bu mehnating orqali yaxshi topasan, lekin faqir muxtojlarga hech ham xayr ehson qilmaysan. Ana u qassobni qara, u oz topsa ham, deyarli har kuni faqirlarga go‘sht tarqatadi, - debdi.
Duradgor cholga qarab jilmayibdi, lekin indamabdi, shunda chol javob olmagach duradgor yonidan g‘azablanib chiqib ketibdi. Bu voqeadan keyin qishloqda:
- Usta boy lekin xasis ekan, degan gap tarqalibdi va qishloqdagilar duradgorni yomon ko‘rib qolishibdi.
Kunlarning birida, duradgor xastalanib qolibdi. Hech kim undan xabar ham olmabdi. Xasta duradgor yolg‘izlanib olamdan ko‘z yumibdi.
Kunlar o‘tib odamlar qassob go‘sht tarqatmay qo‘yganini payqashibdi. Shunda qassobdan nega oldingidek go‘sht tarqatmayotganini so‘rashsa, u:
- Duradgor usta hayotlik chog‘ida har safar pul olib kelib, mendan faqirlarga go‘sht tarqatishimni so‘rardi. Hozir esa duradgor yo‘q. Endi hech kim pul olib kelmayabdi, - deb javob beribdi.

Hech qachon insonda ko‘rgan narsangizga qarab baho bermang, uning qalbini faqat Yaratgan bilguvchidir!

#Tafakkur

#Tafakkur

Banda biror ayb (gunoh) qilgan birodarining ustidan kulsa, albatta, uning o‘zi ham o‘sha aybga giriftor bo‘ladi. Sizga biror birodaringizning aybi haqida xabar yetsa, "Alloh bizni ham, uni ham kechirsin!", deng.

Ibnul Qoyyim rahimahulloh.