QISSADAGI IBRAT

   Muhammad ibn Yahyo Marvaziy aytadi:
   "Bir kuni Horun ar-Rashid bilan ovqatlanayotgan edim. Xalifa boshini ko‘tarib bir xodimini chaqirdi. Unga fors tilida gapirdi. Shunda men unga:
- Ey moʻminlar amiri! Agar unga biror-bir sirni aytmoqchi bo‘lsangiz aytmang. Chunki men fors tilini bilaman!-dedim.
   Horun ar-Rashid mendan xursand bo‘ldi va dedi:
- Ey Abu Bakr! Bu ishing muruvvatdandir!".

   O‘zingizga qaratilmagan gapni eshitmaslik va unga quloq solmaslik muruvvatdandir. Sizga ahamiyati bo‘lmagan narsani bilishga intilish muruvvatsizlikdir. O‘zingizdan berkitilgan narsani bilishga intilaverishingiz shilqimlikdir!
   Abu Hayyon Tavhidiyning "Al-imto’ val muonasa" kitobida keladi:
   Amr ibn Os roziyollohu anhu aytadi:
   "Menga bir joriyaning gapi juda qattiq ta’sir qilgan. U joriya usti yopilgan bir idishni olib ketayotgan ekan. Men undan: "Idishingda nima bor?", deya so‘radim. Shunda joriya dedi:
   "Unda nega idishning ustini yopdim?!".

  Xotiningiz ijtimoiy tarmoqlar orqali  onasi yoki singlisi bilan gaplashsa uni tekshirishda sizda huquq yo‘q. Uning iznisiz ko‘rishingiz, tekshirishingiz muruvvatdan emas. Idish yopiq turaversin.
   Ayollar onasi bilan gaplashsa yayraydi. Bu ularning tabiati. Ular bizga shikoyat qilishmayapti, bir narsani o‘zgartirishni xohlashmayapti. Nima uchun endi yopiq idishni ochishga harakat qilamiz?!
   Nima uchun bilishga haqqimiz bo‘lmagan narsani bilishga intilamiz?!
   Dugonalarning o‘z sirlari bo‘ladi. Josuslik qilmang!
   Erkaklarga tegishli gaplar ayollarga ham tegishli.

   Masalan bir qizning fotihasi bekor bo‘ldi. Albatta buning o‘ziga yarasha sabablari bor. Bu sabablar bilan sizning nima ishingiz bor?! Nega endi kovlashtirasiz?!
   Behuda ishlarni tark qilishi moʻminning islomi go‘zalligiga dalolat qiladi!

   Qo‘shningiznikiga mehmon keladi. Ularning kimligi va nima uchun kelganining sizga nima qizig‘i bor?!
   Shilqimlik ham o‘lsin!

   Uylar sirlardir. Pardani yirtishga harakat qilmang. Insonlarning aybini qidirmang. Aks holda Alloh ham sizning aybingizni qidiradi. Kim bir musulmonning aybini, sirini yashirsa Alloh ham uning ayblarini yashiradi!

   Sizga yetib kelgan narsani yashiring. Yetib kelmagan narsani bilishga qiziqmang. Ba’zan bilmaslik ham ne’matdir. Gohida bilish ham dard bo‘ladi!


Abdulqodir Samarqandiy

#xayirli_tong

"Orzular katta bo‘lishi kerak, shunda sizni har kuni erta uyg‘onishga majbur qiladi."

— Dwayne "The Rock" Johnson

- Xarob kulbada jufti xaloli bilan shodon yashayotgan ayol, xashamatli qasrda yig'lab yashayotgan ayoldan baxtlidir...

ALDANYAPMIZ...

Eng katta yolg‘on — bu o‘zimizni aldaganimiz.
"Yaxshiman" deymiz — aslida sinib tushganmiz.
"Bandman" deymiz — lekin foydasiz narsalarga vaqt topamiz.
"Yordam beraman" deymiz — lekin o‘zimizga ham rahmimiz kelmaydi...

Har kuni bir xil holat:
Telefon — qo‘lda, ko‘z — ekranda, yurak — g‘amda.
Lekin hech narsa o‘zgarmayapti.
O‘zgartirishni ham xohlamayapmiz.

Biz qanday bo‘lib qoldik?..

Avval hayot bor edi — endi kontent bor.
Avval do‘stlar bor edi — endi “obunachilar”.
Avval qalb gapirardi — endi kamera.
Yashamayapmiz, rol o‘ynayapmiz...

Har bir like — vaqtimizni yeb ketdi.
Har bir story — qalbimizni so‘rib oldi.
Ko‘zda nur kamaydi, ruhan charchadik, lekin yana davom etayapmiz.
Chunki aldanyapmiz...

Bugun ko‘rkam ko‘rinsak bas, ertangi ohiratni o‘ylamaymiz.
Chunki u ko‘rinmaydi.
Ammo Alloh ko‘rib turibdi...
Bu eng og‘iri.

Do‘stim, bir o‘ylab ko‘r:
Bu yurish qayerga olib boryapti seni?..

Aldanyapmiz. Va vaqt tugayapti.

https://t.me/MuhammadBoburDomlamaruzalari

Institut eshigidagi yozuv

«Janob talabalar! Minib kelgan mashinangizni tartib bilan «parkovka» qilishingizni so'raymiz. Professorlarning velosipedi kirishga qiynalyapti...».


“Daftar Hoshiyasidagi Bitiklar”

Xayrli kun azizlarim.!

Jumadek xosiyatli va barokatli kunda, yaxshi niyatlar ila, yaxshi duolar ila hi, oilamizga va farzandlarimizga baxt va barokat so'raymiz!

@llogoped

Er-xotin o’rtasidagi janjal

Ayolni ko‘tarish — erkakning saviyasini ko‘rsatadi.

Erni hurmat qilish — ayolning inoyatini bildiradi.

Janjalda g‘olib bo‘lish emas, birga qolish — haqiqiy yutuq.

@Anasxon_Mahmud

Bilasizmi, bu ayol velosipedni boshida ko‘tarib ketganidan ko‘ra yerga qo‘yib yetaklab ketsa bo‘ladi. Biroq farzandi uni yangi holda minishini istadi.

Ba’zi qarzlar bo‘ladi, har qancha urinsangiz ham ularni uzolmaysiz.

Alloh taolo ota-onamizni panohida asrasin, umrlarini uzun, amallarini solih qilsin, duolarini olishni bizga nasib etsin!



Hafiza Ermatova

#bitiklar

Kibrni sindirishning sodda siri

Kibrning mustahkam devorini yiqitishning oson,
sodda usuli bor

Bu — Masjid eshigi oldidagi poyafzallarnini tartibga solish

Juda oson a ? To‘g‘rimi ?

Shunday qilib, kibrni sindiruvchi bu kichik amal, insonning butun tabiatini o'zgartirishi mumkin. Masjidda poyafzalni tartibga solib, biz nafaqat jamiyatimizdagi o'zaro hurmat va odob-axloq me'yorlarini mustahkamlamaymiz, balki shu bilan birga, o'zimizni ham yuksaltiramiz.Ko'ngilni ham, ruhni ham.

Keyingi gal boshqa usullari bilan bo‘lishaman



yuksak parvoz tilab!
Muzaffar Yo‘lchi

Dono nodondan o’zini bir pog’ona quyi tutsa, hayron bo’lmang. Tarozining yukli pallasi bo’sh palladan pastroqda turadi.


"Daftar Hoshiyasidagi Bitiklar"

Biz kelib ketuvchi to’garak jahon
Na boshi ma’lum na so’ngi ayon
Hech kimsa rostini aytib berolmas
Biz qaydan keldigu ketarmiz qayon

Keksa yosh hayotga har kimki yetar
Hammasi izma-iz birma-bir o’tar
Bu dunyo hech kimga qolmas abadiy
Ketdilar, ketamiz, kelishar, ketar


Umar Xayyom

#Tafakkur

   ​Gunohlardan pok qalb yorqin rangli toza kiyimga o‘xsharkan. Solih salaflar kichik bir gunoh qilib qo‘ysalar ham afsus-nadomatdan o‘zlarini qo‘yarga joy topa olmay qolishlari haqida eshitsam, ochig‘i, holatlarini uncha his qilmasdim. Arzimas gunoh qilgan banda shu qadar tushkunlikka tushib qolishidan ajablanardim, to‘g‘risi. Doim ibotatda, solih amallar qilib yurgan odam birgina gunohga muncha bezovta bo‘ladi, der edim. Lekin oppoq ko‘ylak sotib olib, ularning holini his qildim.

   Yangi, oppoq ko‘ylak kiysam unga arzimas bo‘lsada biror dog‘ tegib qolishidan asrab avaylayman. Uni juda ham ehtiyotlab, tegib qolishi mumkin bo‘lgan kichkina kir bo‘lsa ham undan darhol uzoqlashaman. Shuncha avaylashimga qaramay bir nuqta tegib qolsa, ichim juda g‘ash bo‘ladi. Biror yumushga urinsam ham hayolim shu kirda bo‘ladi. Kayfiyatim tushib ketadi. Agar bu dog‘ ustiga yana boshqa dog‘lar qo‘shilsa, endi boyagi g‘ashlik biroz bosiladi. Ha, bo‘lar ish bo‘ldi, deb unga boyagidek parvo qilmayman endi. Yuvib tozalayman, deb hotirjam bo‘lib qolaman. Endi ko‘ylagimni avvalgidek ehtiyotlamayman ham. Ichim g‘ash ham bo‘lmaydi.

   Haa, solihlar seribodat va ko‘p zikr qiluvchi bo‘lganlar. Harom narsalar va hatto shubha qilgan narsalaridan ham tiyilishgan. Bu bilan ularning qalblari oppoq mato kabi g‘uborlardan pok bo‘lgan. Shuning uchun ham ular bir nuqtani-da qabul qila olishmagan. Oppoq ko‘ylakdagi qora nuqta ko‘zga qanday tashlanib tursa, ularning birgina gunohi yoki xatosi ham ko‘zlariga yaqqol ko‘rinib turgan. Bundan nadomat chekib, yum-yum yig‘lashgan.

   O‘zim, qalbim haqida o‘yladim. Har qancha katta gunohlarni tab tortmay qilsam ham hech qanday o‘zgarish yo‘q!..

   Hadisi sharifni esladim:
Abu Hurayra roziyallohu anhudan rivoyat qilinadi: “Rasululloh sollallohu alayhi vasallam aytadilar: Mo‘min banda bir gunoh qilsa, uning qalbida bir qora dog‘ paydo bo‘ladi. Agar tavba qilsa, gunohdan butunlay qaytib, istig‘for aytsa, qalbi gunohdan poklanib, sayqallashadi. Agar gunohni ko‘paytirsa, qalbidagi dog‘ ham ko‘payib butun qalbini o‘rab oladi. Ana o‘sha Alloh taolo Kitobida zikr ron(mog‘or)dir: "Yo‘q! Ularning qilgan kasblari qalblariga mog‘or bo‘lib o‘rnashib qolgan, xolos."
(Termiziy rivoyati)

   O‘ylasam, uyalaman, qo‘rqib ketaman!..

©️ Ikrom Sharif

Er-xotin o’rtasidagi janjal

Ayolni ko‘tarish — erkakning saviyasini ko‘rsatadi.

Erni hurmat qilish — ayolning inoyatini bildiradi.

Janjalda g‘olib bo‘lish emas, birga qolish — haqiqiy yutuq.

FARZANDINGIZNI TINGLANG

Har bir bola eshitilishi va tushunilishini his qilishi kerak. Hatto oilada yettita farzand bo‘lsa ham, har birining ota-onasi bilan alohida gaplashish uchun vaqti bo‘lishi kerak — hech bo‘lmaganda haftasiga bir soat. Bu vaqt faqat unga atalgan bo‘lishi, o‘sha daqiqalarda ona butun e’tiborini faqat unga qaratgan bo‘lishi zarur.

Buni “onalar soati” deb atang yoki “dadam bilan uchrashuv” — farqi yo‘q. Muhimi, bu orqali bola shuni o‘rganadi: “Men istagan paytim gaplashsam bo‘ladi, onam/dadam meni tinglaydi, maslahat beradi”. Va bu odat albatta o‘smirlik davrida ham saqlanib qolishi kerak.

Bolani tinglayotganda hech qachon bir qo‘l bilan ovqat pishirib, ikkinchi qo‘l bilan kir yuvib, quloq bilan esa yangilik eshitib turmang. Chunki siz bola bilan orqangizni o‘girib gaplashsangiz, bu uning dardlariga ham yuz o‘girish bo‘ladi. Har doim uning ko‘ziga qarang, yonida o‘tirib, u bilan barobar bo‘ling. Tepasidan egilib gapirmang, bosim o‘tkazmang.

Qanday holatda bo‘lsa ham, ko‘z bilan bog‘lanish ishonchni mustahkamlaydi, o‘zini xavfsiz his qilishga yordam beradi.

Farzandingizning xatti-harakatini baholang, lekin shaxsini emas. Har bir bola xatoga yo‘l qo‘yishi mumkin — axir tajriba shunday orttiriladi.

#tarbiya

@GiyosiddinYusuf

Inson har doim ham nasihatga emas, ba’zida uni tutib turadigan qo‘lga, dardini his qiladigan qalbga muhtoj bo‘ladi.

@IkromSharif