​​"VAQT va HAYOT - ikki buyuk ustozdir.

HAYOT - bizga vaqtdan unumli foydalanishni o'rgatsa;

VAQT - hayotni qadrlashni o'rgatadi.

Aslida esa bu ikkisi ham bir narsa.

O'tayotgan onlar shunchaki soniyalar emas, umr lahzalaridir.

Shoshilmang! Oshiqmang!
Bir nafas to'xtab, yengil tin oling.

Atrofga, insonlarga, dunyoga boqing. Hayotni, har bir lahzani his qilishga urinib ko'ring.

Zero, "hayotni anglagan inson - hech narsaga va hech qayoqqa shoshilmas."

Sabrli bonling!; shaxmat katakchalarini, Oq va Qora ranglarga bo'yayotgan paytlarim shuni tushindimki, "Sabr" eng tez, Orzuga olib boruvchi yo'l ekanin...🥹🤓

"Dunyoda eng go‘zal kim?" degan savolga adiblar va rassomlar "Bola ko‘targan ayol", deb bir xilda javob bergan va ularning shu haqidagi asarlari eng katta shuhrat keltirgan ekan. Xo‘sh, ular nima uchun bu savolga kelinlik libosidagi qiz yoki qaddi-basti niholdek kelishgan ayolni, go‘zal juvoni emas, aksincha, uy kiyimida, ko‘zida hatto surmasi xam bo‘lmagan, qo‘lidagi bolasini emizib turgan oddiygina ayolni tanlaganlar? Chunki u ona, dunyodagi barcha mehr-shafqat mitti qalbi, nozik jismida jo bo‘lgan xilqatdir! Uning mana shu holati, bolasiga butun mehri, eng yaxshi hislarini berib emizib turishi hech bir kelinchakda topilmaydi, biron-bir go‘zallik uyi ming yil urinsa-da, bu ko‘rinishni bo‘yoqlarda ifodalay olmaydi. Siz homilador ayolga e’tibor qilganmisiz? Uning dog‘ bosgan yuzi, to‘kilgan kiprik va qoshlari xam kishiga zavq bag‘ishlaydi, hech bir odam uni "Voy, buncha xunuk", demaydi. Nega? Chunki, u bo‘lajak ona! U o‘z jonini xavfga qo‘yib, o‘z tanidan Alloh taoloning yangi bandasini dunyoga keltiradi...🫥

#ibrat

Yo‘lovchi

   Psixologiya fakultetining talabasiga, "Baxtning siri" mavzusida diplom ishi berilibdi. Bu mavzuda maslahat olish uchun uzoq viloyatda yashayotgan professorning oldiga boribdi.
Professor xursand bo‘lib, talabani uzoqdan kelgani uchun uyiga taklif qilibdi.
Uyga kirgan talaba, qarasaki, uchta xonada faqatgina kitob jovonlari va yerda ikkita ko‘rpacha bor ekan xolos. Talaba ajablanib so‘rabdi:
- Domla, stol-stul, divan, mebellaringiz yo‘qmi?
Professor jilmayib debdi:
- Sening mebellaring qani?
Talaba: Men uzoqdan keldim, yo‘lovchiman, deganida professor:
- Men ham bu dunyoda yo‘lovchiman, - debdi.

#сотувда

💫 Doktor Oiz Qarniyning Mahzun bo'lmang kitobini taqdim etamiz.

✍🏻 Ushbu kitob sizga «Xushchaqchaq va baxtli bo‘ling, yaxshilik tomonini izlang va tinchlaning!» deydi. Hayotga o‘z holicha boqishni, mamnun, quvnoq va shod yashashni o‘rgatadi. Yo‘nalishlar, odamlar, zamon va makonlar bilan muomala qilishda fitratga zid xatolarni tuzatadi. Sizni o‘zingiz, sizga berilgan neʼmatlar haqida tafakkur qilishga undaydi. Hayot, odamlar, oqibat to‘g‘risidagi dunyoqarashingizni yangilab olishga imkon beradi. Kitob sizga qayg‘u va musibatda tasalli, g‘am-alam vaqtida quvonch, qo‘rquv paytida ishonchga vosita bo‘ladi deb umid qilamiz.

📝 Sahifalar soni: 480 bet
📏 Bichimi: 17x24 sm
🇺🇿 Alifbosi: Kirill

📕 Qog'oz kitob – 85.000 so'm

☎️ tel: +998972571555
             +998913625868

📌BIZNING MANZIL:
1 Mashxad guzari,
Saltanat majmuasi yonida.

📱 Telegram  / 📱 Instagram

#Tafakkur

Umar ibn Abdulaziz: "Jim turgan holingizda odamlarni Allohga chaqiring", dedilar.
- Qanday qilib?
- Axloqingiz bilan.

#sabr

Bir kun kelib, Ochilmas degan gullaring ochiladi. Ketmas degan dardlaring ketadi. Bitmas degan zamoning o'tadi... Hayot shunday bir Sirki; Oldin Shukur, Keyin Sabr, Keyin esa Ishonch kerak...


Mavlono Rumiy

#ilm

• Ilm ko‘r qalb ko‘zini ochuvchi, qorong‘i zulmatda nur bag‘ishlovchi va zaif badanlarga kuch-quvvatdir.
• Ilm bilan banda abrorlar darajasiga ko‘tariladi, oliy martabalarga yetishadi.

Imom Abu Homid G‘azzoliy rahmahulloh.

Kitobga muhabbatning oliy darajasi
 

Shayx Ahmad Kuftaru juda ko‘p kitob o‘qir edi. Qayerga borsa qo‘lida kitob bo‘lar, bo‘sh vaqt topdi deguncha kitob o‘qishga kirishar edi. Birov bilan va’dasi yoki uchrashuvi bo‘lmasa ketma-ket o‘n ikki soatlab kitob o‘qir, charchoqni bilmas edi.

Doimo shunday der edi:

"Peshqadam bo‘lish tomon harakat qilayotgan aqlning kaliti kitob o‘qishdir. Xalqlar va millatlarning uyg‘onish siri kitobdir!"

📚|@hadid_books

Telefonning bitta foydasi bor:

O’chirib, boshqa xonaga qo’yib qo’ysangiz, diqqatingizni jamlash oson bo’ladi.

@Muhammadali_Eshonqulov

O'qing!

– Ustoz! Ishlarim ko‘payib ketgani uchun hech kitob o‘qiy olmayapman.
– Kitob o‘qimaganing uchun ishlaring ko‘payib ketgan!

"Odamlar nima deydi" kitobidan

📚|@hadid_books

Mahbubiy:

Bir kun orzu, bir kun savdo tugaydi,
Bir kun uyqu, bir kun ro‘yo tugaydi.
Behuda dunyoni quvlama jigar!
Bir kun qayg‘o‘, bir kun dunyo tugaydi.

📚|@hadid_books

Ehtiyot bo'ling!

Ikki kishidan ehtiyot bo'ling: ya'ni ko'p kitob o'qiydigandan va hech qachon o'qimaydigandan. Birinchisi sizni ichingizdagini ko'rishi mumkin, ikkinchisi sizni umuman ko'rmasligi mumkin.

📚|@hadid_books

#kechki_mutolaa

BIR PIYOLA SUT.

Ertalab havo sovuq edi. Zokir ismli bolakay mayda-chuyda mollar bilan savdo qilar, savdodan topgan foydasini maktabi yo'lkirasiga, qog'oz-qalamiga sarflar edi. Bugun ertalabdan uning holi qurigan, chunki qorni juda och edi. O'ylanib -o'ylanib, biror xonadondan yegulik so'ramoqchi bo'ldi. Taqillatgan eshigidan yosh juvon chiqib kelgach, non so'rashga uyalib, bir piyola suv berishini iltimos qildi. Ayol bolakayning ochiqqanini sezdi va katta piyolada to'ldirib sut olib chiqdi. Zokir shoshilmay sutni simirdi, so'ng qancha berishini so'radi. Beka pul olmasligini aytib:
"Onamiz bizni xayrli ishlar qilishga örgatgan", dedi.
Zokir : "Unda men sizning haqqingizga duo qilaman", deb quvonchi ichiga sig'may ketdi.
U ancha tetiklashib qolgan edi.
Oradan ko'p yillar o'tdi. Zokir ulg'ayib, do'xtir böldi. Bir kuni uni og'ir kasalning ahvolini ko'rish uchun Markaziy kasalxonaga chaqirishdi. Doktor Zokir uning qaysi qishloqdan kelganini eshitiboq ko'rishga shoshildi. Ko'ngli boshqacha bir uchrashuvni his etayotgan edi. U ayolni bir qarashdayoq tanidi. Tekshiruvlardan so'ng uni o'zining kasalxonasiga olib o'tdi va jiddiy muolaja qila boshladi.
Nihoyat, kasallik ortga chekindi. Ammo bemorni endi boshqa bir xavf bezovta qilayotgan edi. U dori-darmonlar va sarf-xarajatlar uchun ketgan pulni qanday to'layman, deb tashvish chekayotgan edi.
Hamshira hamma hisob-kitobni yozib, imzo qo'ydirish uchun doktorning oldiga olib kirdi. Zokir tölov qog'oziga qarab turib, burchagiga nimadur yozdi va qo'l qöydi.
Kampirga kasallik varaqasi va boshqa hujjatlari qatorida to'lov qog'ozi ham berildi. Unda katta hajmdagi pul yozilgan edi.
"Mol-mulkimning hammasini sotib beraman ekan-da", deya iztirob o'tdi ichidan. Xudodan madad tiladi. So'ng to'lovnoma chetidagi yozuvga ko'zi tushdi. Unda "1 PIYOLA SUT HISOBIGA TO'LAB QO'YILDI", deb yozilgan edi. Kampirning ko'zi öngida shoshilmasdan sut ichayotgan bolakay gavdalandi. Yonoqlaridan shuvillab yosh oqdi.
"EY ROBBIM SEN YAXSHILIKLARNI ORTIG'I BILAN QAYTARUVCHI ZOTSAN" , deb Yaratganga shukrona aytdi.


FIKRAT.UZ

OTA QANDAY BO‘LISHI KERAK?

Ota — bu faqat uyga non topib keladigan inson emas. U bola uchun ishonch, ko‘mak, tayanch va yo‘lboshchidir. Ota — bolaga xavfsizlik tuyg‘usini beradigan qalqon. Ammo, afsuski, ba’zida ota oilada faqat pul topuvchi rolida qoladi, tarbiya, mehr, suhbat esa butunlay onaga yuklanadi.

Aslida, otadan ham bolaning ma'naviy tarbiyasida ishtirok etish talab qilinadi. Tarbiyada u bilan birga qancha vaqt o'tkazayotganingiz emas, o‘sha vaqt ichida unga nechog‘li e’tibor berganingiz muhimdir. Bola otaning nazaridan o‘zini ko‘radi: “Men kerakmanmi?”, “Meni yaxshi ko'rishadimi?” degan savollarga javobni ko‘pincha otaning munosabatidan topadi.

Bola uchun ota qanday bo‘lishi kerak?

— Ishonchli va barqaror. Va'dasiga sodiq, holatga qarab emas, qadriyatlarga tayanib ish tutadigan, barqaror xulq egasi.
— Mehribon. Bola uchun tog'ni talqon qilib yuborishingiz shart emas, yurakdan chiqarib mehr bering.
— Namuna. Kitob o‘qiydigan ota kitobxon farzand tarbiyalaydi. Yolg‘on gapirmaydigan ota rostgo‘y bola ulg'aytiradi...
— Qat’iyatli. Ota “yo‘q” deyishni ham biladigan, lekin bu orqali bolaning dilini og'ritmaydigan shaxs bo‘lishi kerak.
— Eshitadigan. Bolani tinglaydigan, fikrini inkor qilmaydigan, undan “Sen nima deysan?” deb so‘raydigan ota eng yaxshi murabbiydir.

Ha, otalikni quruq da’vo qilish biologik ota ekanimizni tasdiqlaydi, xolos. Ammo komil otalik maqomiga doimiy sa'y-harakat bilan erishiladi.

#tarbiya

@GiyosiddinYusuf

Kutubxonam bo'lishini

Juftinigizdan shirin so‘zingizni, mehringizni, e’tiboringizni qizg‘onmang.

@IkromSharif