Rasululloh sollallohu alayhi vasallam: “Kishi qizini turmushga bermoqchi bo‘lsa, undan izn so‘rasin”, dedilar.

Abu Ya’lo rivoyati.

Izoh: Abu Hurayra roziyallohu anhudan rivoyat qilinadi: «Nabiy sollallohu alayhi vasallam: «Juvon ayoldan maslahat so‘ramay turib nikohlanmas. Qiz boladan izn olinmay turib nikohlanmas», dedilar. «Ey Allohning Rasuli, izni qandoq bo‘lur?» deyishdi. «Sukut saqlamog‘i», dedilar».

Imom Buxoriy va Muslim rivoyati.


√ @Al_AddL

#OILA

MUHABBAT VA MEHR

• Oila qurgunga qadar juftlar orasida muhabbatning o‘zi bo‘ladi.
• Oila qurgach esa muhabbatga ko‘mak sifatida rahm ham qo‘shiladi.
• Aksar juftlar muhabbat sababli bir-birlariga bog‘lanishadi, ammo hayotlarini o‘zaro mehr bilan davom ettirishadi.
• Mehrsiz muhabbatning yolg‘iz o‘zi bilan yashash ancha qiyin.
• Oila mustahkamligi uchun muhabbatga ko‘mak sifatida mehribonlik ham kerak. 
• Shu haqiqatga ishora qilib Alloh taolo marhamat qiladi:
«Sizlar taskin topishingiz uchun o‘zlaringizdan juftlar yaratgani va o‘rtangizda muhabbat va mehribonlik paydo qilgani U Zotning oyat belgilaridandir. Albatta, bunda tafakkur qiladigan kishilar uchun ibrat-alomatlar bor». Rum surasi, 21-oyat.

| Mahbubiy

📚 @Al_AddL

#Kitobdan
#Uchdan_keyin_kech

“Bola irodasiga qarshi chiqmang. Uning irodasiga qarshi ish qilishga majburlash orqali uning o‘ziga bo‘lgan ishonchini sindirasiz.”

#LATOIF

   Masjid imomi namozxonlarni kayfiyatini ko‘tarish uchun debdi:
-Hayotimdagi eng go‘zal lahzalar xotinimdan boshqa bir ayol bilan o‘tkazgan lahzalarimdir!
  Masjiddagilar g‘ala-g‘ovur ko‘tarishdi. Imomning gapidan dahshatga tushishdi.
  Imom davom etdi:
- Ha, eng go‘zal lahzalarim onajonim bilan o‘tkazgan lahzalarim ekan!
   Namozxonlar bu safar takbir va olqishlar aytishdi. Ba’zi kishilarning hatto ko‘zlari ham yoshlandi.

   So‘ngra namozxonlardan biri uyiga borib oshxonada kechgi ovqat tayyorlayotgan xotiniga imomning gapiga o‘xshash gapni aytib uni xursand qilmoqchi bo‘ldi. Ammo gapning avvalgi qismini aytib toki ikkinchi qismini aytgunicha xotini uning boshiga kapkir bilan urdi. Erning bosh suyagini amaliyoti olti soat davom etdi.
  Ahmoq xotin bechora eriga "onam bilan" degan gapini aytishga fursat ham bermadi.

  Gapni qayerda va kimga gapirish juda ham muhim ekandaa, aaa shunaqami?!

|Abdulqodir Polvonov

#Kitob_tavsiya
📓 Veysi Cheri: Munosib ota-ona bo'lmoq saodat

Har bir bola o‘z salohiyati bilan tug‘iladi va bu salohiyat unga munosib muhit topilgandagina unib chiqishi va paydo bo‘lishi mumkin. Aks holda, bu potensial abadiy chiriydi. Farzandlarimizga o‘z shaxsiyatini topishi va o‘rnatishi hamda o‘zining individualligi va o‘ziga xosligini yo‘qotmagan holda jamiyat a’zolarining faol, fikrlash, ishlab chiqarish, sevish va o‘yin o‘ynashiga imkon beradigan muhitni ta’minlash bizning eng katta ijtimoiy burchimizdir. Dots. Dr. Veysi Cheri o'zining "Yetarli darajada yaxshi ota-ona bo'lish" kitobida o'zining "yetarli darajada yaxshi g'amxo'rlik" uslubini va bolalar uchun ideal muhitni o'zining kasbiy amaliyoti va tadqiqot va kuzatishlariga asoslanib ochib beradi. Bu ota-onalarga zamonaviy dunyo tomonidan tatbiq etilgan mukammallik tashvishi va bosimi ostida o'zini ham, farzandlarini ham charchatmaydigan, yetarlicha yaxshi shaxslarni tarbiyalash yo'llarini ko'rsatadi.

#motivatsiya #hikoya

📖 O‘zingizga ishonchingiz bolsin!

#motivatsiya #hikoya

📖 O‘zingizga ishoning!

Bu bola faqatgina sinfda emas, balki butun maktab bo‘yicha eng kambag‘al oiladan edi. O‘qituvchining jahlini chiqargan narsa ham shu: o‘zi nima ahvolda-yu, “Kim bo‘lsam ekan?” mavzusida yetti betlik insho yozibdi. Yonida ilova-chizmasi ham bor – yilqichilikka mo‘ljallangan kattakon ferma.

Insho “0” baho bilan egasiga qaytdi. Bola hayron bo‘ldi. Dars tugagach o‘qituvchining oldiga oqarib kirib, nega bunday baho qo‘yganini so‘radi. Shunda o‘qituvchi:

🔴“Yozganlaring yoshingga to‘g‘ri kelmaydi. Holingga qarab orzu qilsang bo‘lmaydimi? Sen o‘ylayotgan ferma uchun katta mablag‘ kerak. Oldin yer sotib olish zarur, keyin otlar, yem-xashak… Xullas, xom-hayollaringni qo‘yib, inshoni boshqatdan yoz”.

🤔 Bola xafa bo‘lib uyiga qaytdi. Uzoq o‘ylanib oʻtirdi... Ertasiga esa yozganlarini eski holatda o‘qituvchisiga olib bordi va unga qarata shu so‘zlarni aytdi: “Siz bahongizni o‘zgartirmang, men esa orzularimni...”

Yillar o‘tdi. Endi nafaqaga chiqqan o‘qituvchi kattakon yilqichilik fermasiga hayratlangancha qarab turar, ichkarida bir paytlar orzulari uchun “0” baho olgan sobiq o‘quvchisi hashamatli uyda o‘tirardi. Ro‘parasidagi devorda esa inshoga ilova qilingan yilqichilik fermasining ramkaga solingan chizmasi bor edi...

☝️Xulosa: O‘zgalarning siz haqida fikrlariga eʼtibor bermang. Asosiysi, o‘zingizga bo‘lgan ishonchni yoʻqotmang!

#hayrli_tong

Agar siz goʻzallik tarqatish va ulugʻvor ishlar bilan shugʻullanayotgan boʻlsangizu, buni hech kim sezmasa, aslo xafa boʻlmang... Quyosh chiqishi ham odatda dunyodagi eng goʻzal manzara va eng ulugʻvor ishdir, lekin afsuski, koʻpchilik bu vaqtda uxlayotgan boʻladi...
Siz uxlayotganlar qatorida emasligingizdan xursandman Qadrdon. Assalomu alaykum!

Bizni kuzatib boring👇
√ @Al_AddL

#ERKAK #AYOL

«Erkaklar tabiati bir xil bo‘ladi. Ular qaysar va sarkash ayollarni yomon ko‘rishadi. Ular yumshoq va haqqidan voz kecha oladigan ayollarni yaxshi ko‘rishadi. Ayolligingni yo‘qotib qo‘yma. Aks holda u seni yomon ko‘rib qoladi. Erkak shaklidagi ayolga erkaklar toqat qila olishmaydi. Erkak kishi ayolining barcha sifatini yo‘qotishiga rozi bo‘lishi mumkin, ammo ayolligini yo‘qotishiga chiday olmaydi. Ayolliging eng chiroyli ziynatingdir. Joning chiqqunicha unga qattiq yopishib ol!»

| Abdulqodir Polvonov

📚 @Al_AddL

Har bir musulmon uch xil tug‘yonga ketishdan hazir bo‘lsin!

Bu tug‘yonga olib boruvchi so‘zlar «men», «meniki», «o‘zimniki» so‘zlaridir. Ushbu uch kalima sababli Iblis, Fir’avn va Qorunlarga balo kelgan.
Iblis: «Men undan (insondan) yaxshiman. Meni olovdan yaratgansan, uni esa loydan yaratgansan», degan (Sod surasi, 76-oyat).
Fir’avn: «Ey qavmim! Misr mulki va mana bu ostimdan oqib turgan anhorlar meniki emasmi?!» degan (Zuxruf surasi, 51-oyat).
Qorun: «U menga o‘zimdagi ilm tufayligina berilgan», degan (Qasas surasi, 78-oyat).

# ONA

#ONA

SURAT

Dunyoning ishlari doim shoshilinch. Odatdagidek tik turgancha nonushta qilayotgan edim. Onam odatdagidek qistardi:
– Oʻtirsang-chi, bolam. Birpas oʻtirgin.
– Boʻldi, ketdim.
– Shoshma, bolam. – Onam koʻzimga odatdagidan boshqacha, qandaydir mung bilan termildi. – Gap bor.
Tipirchilab soatga qaradim: hali benzin olish kerak, ishga borish kerak, keyin nashriyotga oʻtish...
– Nima edi?
Onam koʻzimga hamon ma'yus termilib oʻtirardi.
– Suratga tushaylik, – dedi toʻsatdan.
Ajablandim.
– Nega?
– Yaqinda men oʻlaman.
Onam bu gapni xuddi: «Qoʻshninikiga chiqib kelaman», degandek ohangda aytdi. Kulib yubordim.
– Qoʻysangiz-chi, oyi.
Shunday dedim-da, chiqdim ketdim.
Oradan ikki hafta oʻtdi-yu...
Kechalari uygʻonib ketaman, oʻylayman. Oʻylayman: sen nomard, sen ahmoq nimaga, nimaga oʻshanda kulding? Suratga tushishga vaqting yoʻqmidi? Kerak boʻlsa topasan-ku! Kitob uchun, jurnal uchun, ish ustida, bogʻda, koʻchada... Nima, sen kinoyulduzmisan?
Jahonshumul shaxsmisan? Ana, bir dasta surating yotibdi. Har xil. Har yerda... Faqat... Onang bilan tushgan surating yoʻq!

©️ Oʻtkir Hoshimov

#hayrli_tong

Ayni yashayotgan paytingizni imkon deb biling. Oʻtmish uchun qaygʻurmang, kelajakdan esa xavotirlanmang...
Biz uchun bugun quyoshli tong va nafas olish imkoni bor. Shunday ekan hayotimizning yana bir sahifasini yaxshi amallar bilan toʻldiraylik Qadrdon. Assalomu alaykum!

#Tafakkur

Bir shayxdan so‘rashgan ekan:
«Allohning quli uchun nima foydaliroq: gunohlarini kechirishni so‘rash (istig‘for)mi yoki Allohni madh qilish (tasbih)?

U shunday javob beribdi:
«Kiyim pokiza bo‘lganidagina mushku anbar va gulob unga yarashadi. Agar kiyim iflos bo‘lsa, unga sovun va suv foydaliroq. Tasbih — bu pokizalarning iforidir. Istig‘for — gunohkorlar uchun sovundir».

O‘g‘il nega erka bo‘ladi?

Yusuf Xos Hojib shunday deydi: «Bolaga otaning mehnati singgan bo‘lsa, uning fe'lxulqini jadal o‘rganadi. Ota farzandini tergab tarbiyalasa, unda fe'l-yo‘riq yaxshi bo‘ladi, ota va onasining yuzini yorug‘ qiladi. Agar nazorat qiluvchisi bo‘lmasa, unday farzand yaramas va nobakor bo‘ladi. Bunday farzanddan umidingni uzaver. Ey ota, o‘g‘il-qizni tergab tarbiyalagin, toki keyin sendan noluvchilar bo‘lmasin».
Bu kamchilik ko‘pincha yakka o‘g‘illarda bo‘ladi. Ota-ona uzoq vaqt farzand kutadi. Unga yetgach, asrab-avaylaydi. Bolaga bir narsa bo‘lsa nima qilaman, deb qo‘rqadi. Talabchanlikni ham, g‘azabini ham ichiga yutadi. Vaqti-soati kelib, esi kirsa, yaxshi bo‘lib ketadi, deb aldaydi o‘zini.
Bu illat bolasi ko‘p oilalarda ham uchraydi. Ko‘ngli bo‘sh ota, bolasining ko‘ngliga qarab yashaydi. Bolasi yig‘lasa, ayb menda, deb o‘ylab, eziladi. Aytganini muhayyo qilib, ko‘ndiradi. O‘g‘li: «Otam mening ko‘nglimga qarab yashashi kerak ekan», deb ishonadi. Katta bo‘lib, talabni oshiraveradi. Shunday qilib, ota o‘zi dunyoga keltirgan bolasining quliga aylanadi.

📖 "Otalar kitobi"dan

#hayrli_tong                                                              

Har bir insonning koʻnglida mehr bor: gohida yashirin, gohida oshkor!
Hammaning ongida yaxshi fikr bor, amalga oshirish uchun uni niyatga aylantirsa bas. Odamzotning ruhiyatida ezgu ishlarga ishtiyoq bor, bu qilgan amallarida koʻrinadi...
Sizning ham yaxshi niyatlaringiz ezgu ishlarga vasila boʻlsin. Yana bir yangi kuningiz muborak boʻlsin.

Assalomu alaykum!

O‘g‘il bola hamisha otasidan namuna oladi. "Otam shunday qilyaptimi, demak, bu to‘g‘ri" degan xulosaga keladi. Ota bolasi yonida har bir ishini o‘ylab qilishi zarur.

Chunki tarbiya ilmi - o‘ta nozik ilm. Keltirilgan misollarga qarab yaxshi o‘g‘ilni, haqiqiy erkakni tarbiyalashda  oila boshining chuqur bilimi, zarur ko‘nikma va tajribasi talab qilinishiga amin bo‘lamiz.

Jalolxon Umarov, "Asl otalar kitobi"dan

√@Al_AddL

Buxoriylar qanday tarbiya qilinadi?

Ona mehri, zakovati, fidoyiligi… Bu fazilatlar haqida kitoblar yozilgan, ash’orlar bitilgan… Bola parvarishi, tarbiyasi, uning bilimli, intizomli, hunarli qilish choralari bosqichma-bosqich o‘rgatilgan. Bugungi axborot asrida bu mavzuda istagancha ma’lumot topish mumkin: bolaning rivojlanish bosqichi, kunma-kun, qadamma-qadam qanday parvarish qilinadi, necha yoshida nima o‘rgatiladi… Bola psixologiyasi qanday? Unga nima deyish mumkin-u, nimani aytmaslik lozim…

Biroq, shunga qaramay, bir paytlar – o‘sha qadim zamonlardagidek zukko, odobi go‘zal bolalarni yetishtirish hech kimning qo‘lidan kelmayapti. Buxoriylar, termiziylar, ibn sinolar, zamaxshariylar… Nega o‘zi egallagan sohada karvonning eng boshida turish bilan birga, komil mo‘minlik hayotini yashay oladigan, Allohga chin bandalik qiladigan mukammal shaxslarni tarbiya qilolmayapmiz?!

Davomi..,


Bugun tarbiya borasida ko‘plab manbalarda bolalar hamma payt yaxshi ko‘rilishi, ularga hech qachon jahl qilinmasligi kerakligi, ularga ko‘proq diqqat-e’tibor qaratilishi darkorligi aytilmoqda. Zamonaviy pedagogika esa farzandni shahzoda yoxud malikadek ardoqlashni, sharoitlar yaratilishini targ‘ib etmoqda. Tan olib aytish kerakki, bu tarbiya uslublari o‘zini oqlamadi. Ularga amal qilinganda, o‘zidan boshqani o‘ylamaydigan, xudbin, manfaatlar ortidan chopadigan, jonini koyitmay kun ko‘rish payida bo‘ladigan bir avlod yetishib chiqmoqda.

Afsuski, islomiy e’tiqoddagi oilalar ham bu kabi fikrlardan ta’sirlanmoqdalar va musulmonlarning farzandlari ham go‘zal ahloqdan yiroqlashmoqda.

Biroq mazkur zamonaviy fikrlar, psixologlik qarashlar va pedagogik tadqiqotlar o‘zini oqlay olmadi. Shunday ekan, ajdodlarimizning tajribadan o‘tgan, o‘zini oqlagan tarbiya usullariga, ya’ni bolalarimizni Qur’oni karim va hadisi sharifga ko‘ra tarbiyalashga qaytishimiz lozim.

Bolalarni yaxshi ko‘rish, ularga shafqat ko‘rsatish kerak. Shu bilan birga bir imtihon vositasi ekanliklari uchun ularni nazorat ham qilish kerak. Ya’ni, Alloh taolo bola tarbiyasi borasida ham biz uchun bir mezon bo‘ladigan ishoratlarni ko‘rsatgan. Qur’on bilimlariga suyangan holda Payg‘ambarimiz alayhissalomning bola tarbiyasiga qanday yondashganlarini o‘rgansak, inson fitratini kamol toptirishda xatoga yo‘l qo‘ymaymiz, inshoalloh.

“Islom nuri” gazetasining 2020-yil, 7-sonidan

Oqillar uch xil bo‘ladi:
• Dunyo uni tark qilmay turib, dunyoni tark etgan kishi;
• Yaratuvchisiga yo‘liqmay turib Uni rozi qilgan kishi;
• Qabrga tushishidan oldin uni obod qilgan kishi.
Siz ham oqillardan bo‘ling!

Asalomu aleykum!

√ @Al_AddL