Tovus o‘g‘risi kim?

Imom A’zam Abu Hanifa rahimahullohning yoniga bir kishi kelib, dedi:

- Yaxshi tovusim bor edi. Uni kimdir o‘g‘irlabdi. Surishtirdim, izladim, topolmadim. Shunga maslahatingizni olmoqchi edim.

- Sening otangni taniyman, uylaring qo‘shni mahallada. Ammo tovus boqishingni bilmas ekanman. Qani, yurchi mahallangga boraylik. Ammo sen bizdan ilgariroq borib, qo‘shnilarningni bir joyga yig‘. Ularga bizning kelayotganimizni ayt, - dedi Imom A’zam sallasini to‘g‘rilarkan.

Imom A’zam u yerga xos shogirdlarni ham ergashtirib bordi. Masalaning nima bilan tugashi shogirdlarga tovusning egasidan ham ko‘ra qiziq edi.

Mahallaga yetib borishganida ancha odam ularni kutib turgan ekan. Imom A’zam avvaliga ularga go‘zal masalalar va ularning yechimlaridan gapirdi. Ularning ko‘ngillari yumshab, diqqatlari jamlandi.

- Bir kishi qo‘shnisining tovusini o‘g‘irlabdi, - dedi u nihoyat maqsadga o‘tib. - U yana uyalmasdan namoz o‘qish uchun masjidga ham chiqadi. Mana, hozir boshlarida tovusning patlari ko‘rinib turibdi.

Shunday deyishi bilan chekkaroqda o‘tirgan bir kishi beixtiyor boshini qoqdi. Uni Imom A’zam ko‘rdi. Ammo suhbat davom etdi. Suhbat tugab, odamlar qaytgachgina Imomi A’zam Abu Hanifa rahimahulloh boyagi kishini chaqirtirdi va unga mehribonlik bilan shunday dedi:

- O‘g‘lim, tovusni egasiga qaytar. Seni el oldida sharmanda qilish niyatim bo‘lganida odamlarga oshkor qilardim, ammo tuzuk yigitga o‘xshaysan. O‘g‘rilikni qiziqqaningdan birovning maslahatiga ko‘ra qilgan ko‘rinasan. Endi bu ishingni qayta takrorlama va odamlarning biror nimasini oluvchi emas, ularning kamchiliklarini to‘ldiruvchi, xursand qiluvchi bo‘l.

U uyalganidan yerga kirib ketay dedi. Tezda borib tovusni olib keldi va egasiga berib, uzr so‘radi.

#Ibratli_hikoya

ilm_duri

Ishq bilan imtihon davrida qarshingizga qoʻzichoqdek koʻringan boʻrilar, farishtadek koʻringan shaytonlar chiqadi. Luqmaning haloli va oʻz vaqti boʻlganidek, ishqning ham haloli va vaqti bordir. Bu zamonda halol rizq topmoq naqadar qiyinlashgan boʻlsa, halol muhabbat topmoq undan oʻn barobar mushkuldir.

@kitobdan

Erkakni rashki, (ilohiy) buyuruqdan, fitratdan, or nomus, g‘ururdan.
Ayolni rashki, nafsidan tabiatidan.

"Ey qizim" kitobidan.

Kitob o'qiganda yig'laydigan insonlarning tuyg'ulariga ehtiyot bo'ling! Ularning qalbi hammanikidan ham nozikroq bo'ladi...🤓

#hikmat

🇸🇦🇸🇦🇸🇦Bir yosh bola: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «O‘n so‘m bersa kerak”, deb o‘ylaysiz.
Agar bank mudiri: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «Million so‘m bersa kerak”, deb o‘ylaysiz.
Agar podshoh: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «Milliard so‘m bersa kerak”, deb o‘ylaysiz.
Shunday ekan, olamlarning Robbi Alloh azza va jallaning «Solih bandalarim uchun jannatda ko‘z ko‘rib, quloq eshitmagan, inson qalbi his qilmagan narsalarni tayyorlab qo‘ydim”, degan so‘zini o‘qib, nima deb o‘ylayapsiz?

🔗Yaqinlaringizga ham ulashing !!!

📱 Telegram / 📱 Instagram https://t.me/shams_kitoblar

Farzandinlar uchun " OTA" eng birinchi qaxramoni boladi. Bolalar aldanadi lekin, aldamaydi. Ular OTAsini sevadilar boy, kambag‘al bo'lishi farq qilmaydi...🥹

#shaxsiy_fikr

Avtobus va marshrutkalarda yurishning ajoyibligi odamlar orasida yurib birni ko'rib fikr qilasiz, birni ko'rib shukur qilasiz.

Bugun avtobusda ketarkanman, bir ayol o'g'liga gapiryapti. O'g'li yosh, o'rtacha 6-7- sinflar yigiti, avtobus boshida, ayol esa avtobus oxirrog'ida. "Amaking chiqarkanmi?" Dedi o'g'liga. Yo'q dedi o'g'li. "O'tirsin shunday xotinining quchog'ida" dedi ayol. Kulguli eshitildi shekilli bu gap, ayrimlar kulib qo'yishdi. Lekin aslida bu kulguli gap emas edi.

Birinchisidan bolaga aytiladigan gap emas edi.
İkkinchisidan jamoat joyida aytiladigan gap emas edi.
Uchinchisidan begona ayolning quchog'ida yursinmi erkak o'z ayolining quchog'ida bo'lmay? Qanaqadir mantiqsizlik.

Asli, ayollarning jamoat oldida baland gapirishi tarafdorimasman. Bu ularning husnini tushiradigan holat. Erkak nazdida eng xunuk ayol bu erkaklarga jur'atli va baqiradigan ayol, deb o'qiganman kitobda.

Xullas, bolalar nega uydagi kattalarni hurmat qilmaydi, deymiz. Mana bizning o'sha kattalarga munosabatimiz. Bu munosabatni ko'rib o'sgan bola amakisiga hurmati bo'larkanmi? Fahmi joyida bo'lmasa, borib amakisiga "ha, xotiningizni quchig'ida yotibsizmi?" Deyishdanam tap tortmaydi. Sababi, uning uchun ideal bo'lgan onasi shu gapni aytdi. Demak, bu gap aytsa bo'ladigan gap. Bu gapni aytish bolaga ham mumkin, deb o'ylaydi. Bolada filtr bormi? Filtr hozir kattalarda ham yo'qku.

İbn Sino bola 3 yoshiga qadar hayotida baza bo'ladigan narsalarnjng 75%ini o'rganishini aytgan. Afsuski, biz ayni o'sha paytda "bolada, bolani aqli nimani ham olardi" deymiz. Aqli oladigan bo'lganida esa bu aql qotib bo'lgan bo'ladi, keyin nega buni tarbiya qilolmayapmiz deymiz.

*Bintu Malik

Кундузлари умуман бошқалар учун меҳнат қиладиган, кечалари телевизор қаршисида бировларнинг ҳаётини томоша қилиб, бошқаларни тинглайдиган кишилар ўз ҳаётини бошқаларга бахш этган, ўзига бегоналашган инсонлардир. Ойнаи жаҳон экранлари ҳар кеча фақат ўн дақиқа бир кўзгуга айлансаю одамлар бу ойнада фақат ўн дақиқа ўзларини кўриб, ўзларини ўйласалар... Шубҳасиз, бу бечоралар ўзларидан бу қадар узоқ, ўзлигига бу қадар бегона бўлмасмиди...?!

#kun_xulosasi

Oila qurish uchun bo‘lajak kuyov bilan uchrashuvga chiqar ekansiz, albatta, uning o‘qiydigan kitoblari, atrofidagi kishilar, ustozlari haqida so‘rang. Chunki bular kishining qanday ekanini ko‘rsatib beruvchi muhim uch omil.

#kitobidan

Bir do‘stimiz tavsiya qilishgan ekan.

Ochig‘i, podkastni tinglar ekansiz, nafaqat bilim, balki mehr va tajriba ham sizga beg‘araz taqdim etilayotganini his qilasiz. Abdulaziz Muhammad USTOZ har bir so‘zlari chuqur mulohaza, hayotiylik va samimiyatni jamlagan. Fikrlar oddiy emas — yelkangizga qo‘l qo‘yib, yo‘lingizni yoritib turgandek.

Shu suhbatdan keyin qalbimda bir iliqlik, ichimda esa bir harakat uyg‘ondi.

“Talabachilik” sahifasidagi ushbu podkastni sizga ham chin dildan tavsiya qilaman:

▫️ Tomosha qilish

Ko‘rib chiqing — ehtimol, siz ham o‘zingizni yangidan kashf qilarsiz.

Bir kuni imom Molik masjidda o‘tirsalar, bir kishi kelib, tajviddan yengil masala so‘raydi. Imom unga qarata “Hamma ilmning o‘z ahli bor. Buni borib, Nofe’dan so‘ra”, deydilar. Holbuki imom Molik u masalani bilar edilar. Lekin ustozga hurmat o‘laroq, javob bermay, u kishiga dalolat qildilar.

Boshqa bir kun imom Nofe’ga bir talabasi darsini topshirayotib, ovozini baland ko‘taradi. Shunda imom: «Hoy, sal sekinroq o‘qi, men seni eshityapman. Molikni ko‘rmayapsanmi?!», deb masjidning narigi chetida shogirdlariga dars berib o‘tirgan imom Molikka ishora qiladilar.

Bu muborak zotlar Ilm, amal va kamtarlikni o‘zlarida mujassam etganlaridan Alloh taolo ularni ummatga imom qilib qo‘ydi. Alloh taolo o‘z rahmati bilan burkasin, bizlarni ham ulardagi axloqlar bilan xulqlantirsin!


Shayx Alijon qori suhbatidan

🍿 Matonatli Ayol
🔗 https://www.youtube.com/watch?v=vvnRO05_Ba4

🗣️ Автор: #Umidjon_Ishmukhamedov
📅 Дата: 01.06.2025
⏱️ Продолжительность: 1:49:38
🎥 1280x720

Bu patcast juda ajoyib, Xayotiy va Fiyoyilik bilan yashash xaqida bolibdi. MILLAT_UMIDI loyixasiga raxmat! UZBEKISTAN 🇺🇿 buyuk MILAT bo'ladi. "Qachonki bu yurt, ONALAR bir og'izda ishonch bilan aytsalar!" UZBEKISTAN 🇺🇿 KELAJAGI buyuk deb...

ARAFA DUOSI MUSTAJOB!
 
Ibn Rajab rohimahullohning "Latoiful ma’orif" kitobida keladi:
"Oriflardan biri aytadi:
"Arafa kuni nima duo qilgan bo‘lsam kelasi yilgacha albatta ijobat bo‘lgan!".

@IkromSharif

Assalomu alaykum va rohmatullohi va barokatuh!

Yaxshilar, barchangizga Qurbon hayiti muborak bo‘lsin!

Alloh taolo ushbu muborak kunlarida qilgan barcha solih amallarimizni maqbul amallardan qilsin!

#Hikmat

Hasan Basriy aytdilar:
- Istig‘for aytadigan kishini Alloh azoblaydi deb o‘ylamayman.
- Nima uchun?- deyishdi.
- Isig‘for aytishni uning ko‘ngliga kim soldi?- dedi.
- Alloh, - deyishdi.
- Qanday qilib o‘zi kechirim so‘rashga undab, yana azoblashi mumkin?!- dedi.

«Modomiki ular istig‘for aytar ekanlar, Alloh ularni azoblamas”.
(Anfol surasi, 33-oyat).

#Tafakkur

Oygul unashtirilsa, unashtirilgan yigiti bilan quchoqlashib bo‘y-bo‘y suratlarini ijtimoiy tarmoqlarga ulashadi.
Shuhrat uylanib xotinining rasmini profil surati qiladi.
Nargiza farzand ko‘radi, instagramdan tortib vatsabu telegramlargacha bolasining suratlarini qo‘yib "Masha Alloh" deydi.
Kumush erining bozorligini muzlatkichga chiroyli taxlab, suratga oladi, instagramda ulashganida yuzdan ortiq "layk" kelishi uchun.
Zuhra yemakxonaga borsa, ovqatlari sovuguncha chiroyli fonli surat olishga urinadi.
Xullas, mahramiyat, andishayu hayo yer bilan bitta bo‘ldi.

El-yurt orasida xotini bilan yonma-yon yurishga uyalgan bobolarimizning nabiralari bugun xotinini nikohlab olmasdan burun quchoqlab hammaga ko‘z ko‘z qiladi.
Pishirayotgan taomi qo‘shnining burniga sezilishidan istihola qilgan momolarimizning nabiralari yegan-ichganidan tortib, ich kiyimlarigacha internetda hammaga ko‘rsatadigan bo‘ldi.
Juftining ismini tilga olishdan hayo qilgan buyuklarning avlodlari bugun mana shu ahvolda.

''Nomahramning ko‘zi tushmasin!'' deya vafot etganida tunda ko‘milishni istagan Hazrati Fotima va fotimaqalbli qizlardan qanday qilib bor bo‘yiyu vujudini ko‘z-ko‘z qilib suratlar ulashadigan qizlar tug‘ildi?

Tor kiyinishdan andisha qilgan, o‘zini, iffatini muhofaza qilgan erkaklar qanday qilib tor pochali shimlar kiyadigan, tanasining hamma joyini elga ko‘rsatadigan kiyimlarda bemalol yuradigan erkaklarga aylandi?..

Hayo hissi bilan ko‘zi yorigunicha homiladorligini yashirishga uringan onalardan, tor kiyimlar bilan hayotda va ijtimoiy tarmoqda qappaygan qornini ko‘z-ko‘z qiladigan onalar qanday ko‘paydi?

Biz qanday qilib, mahramiyat rashkining sharmu hayosi bilan tanilgan ajdodlarning mahramiyatni bilmagan, rashki yo‘q, sharmu hayodan mahrum avlodlari bo‘ldik?

Kecha va bugun o‘zgarib ketgan qadriyatlarimiz va hayot tarzimizni isloh qilishni avval o‘zimizdan boshlamog‘imiz kerakmikin?...

*️⃣ Ijtimoiy tarmoqlarda erimiz (xotinimiz) bilan quchoqlashib turgan suratimizni joylamasligimiz — yolg‘izligimizni anglatmaydi.
*️⃣ Internetda bolalarimizning suratlarini qo‘yib til uchida "Masha Alloh"lar qabul qilishga ishtiyoqmand emasligimiz — befarzandligimizni bildirmaydi.
*️⃣ Ijtimoiy tarmoqlarda ovqatlanayotganimizdagi suratlarni baham ko‘rmasligimiz, bizning och yoxud yemakxonalarga bormasligimizni bildirmaydi.
*️⃣ "Bu ishni qildim!", "Faloncha yutuqqa erishdim!", "Pismadon joylarga bordim!" deya maqtanib blogpostlar qo‘ymasligimiz — bekorchiligimizga ishora emas.

Biz o‘zimizga berilgan hamma narsa, nafasdan tortib toki mana shu so‘zlarni yozayotganda klaviaturani bosayotgandagi barmoqlarimizning harakati ham shak-shubhasiz Allohdan ekanini yaxshi bilamiz! Bizning hech nimamiz yo‘q! Hech narsaga qodir emasmiz! Bo‘ynimizdan miyamizgacha minglarcha tomiru tomirchalar borgan. Bittasi uzilsa yo jinni bo‘lamiz, yo o‘lamiz. Nimamizga buncha ishonamizu, nimamizni maqtab ko‘z-ko‘z qilamiz?!

©️Umida Aziz