#hislar

Meni mendek tushunsa tushunganlarim,
Vallohi boshqasi bag'rim tilmasdi...

Ba'zi insonlarni sababsiz yaxshi ko'ramiz. Ba'zi insonlarni esa ming sabab bo'lsa xam yaxshi ko'ra olmaymiz. Bu qalblar egasi Alloh ekaniga yaqqol isbot emasmi?

Bilaman, qalbingiz u tomon talpinib turganda, voz kechish osonmas. Ammo unutmang, jannat arzonmas...

"Yo Nasib "📚 pdf

✍Usmon Sungur Eken

Yaxshilik va yomonlik.

Bu dunyoda hamma narsaning javobi bor deydilar. To‘g‘ri gap! Ammo bu dunyoda javob qilinmaydigan narsalar ham bo‘ladi. Siz birovga yaxshilik qilsangiz, javobini kutmang. Undan qaytmasa, boshqadan qaytadi. Birov sizga yomonlik qilsa, javob bermang. Sizdan qaytmasa, boshqadan qaytadi! Hayotga kulib qarang. Hamma narsani yaxshilikka yo‘ying. Kechirimli bo‘ling! Shunda o‘zingiz ham xursand yurasiz! Oqil insonning qalbi go‘zal va yuzi nurli bo‘ladi.

Siz ham oliyjanob insonsiz. Bu nomga dog‘ tushirmang..!

Charles W. Eliot:

"Kitoblar insonning eng yaxshi do'stlari, ular hech qachon sizni xafa qilmaydi"

#kun_hikmati

Baliqlar kabi bo'ling!

– Nima uchun baliqlar kichik akvariumda ham uzoq muddat zerikmasdan, "yuragi siqilmasdan" yurishini bilasizmi?

– Sababi baliqlarning xotirasi har 15 soniyada yangilanib turar ekan. Avvalgi o'tgan barcha narsalarni esidan chiqarar ekan.

• Siz bo'lsa 10 yilgi dardlarni ham ko'tarib yuribsiz:)

P.s. Baliq kabi bo'lish sog'liqqa ancha foydali)
🐳

#Tafakkur

"Suhbatlarimiz chiroyli bo‘lishi mumkin, odamlarning ko‘zidan yosh chiqadigan gaplar gapirish, qoyil qolib, ertaga uch-to‘rt kun gapirib, falonchi gapni qoyil qildi, deyish ham mumkin. Ammr shu gap gapligicha qolsa, buning nima foydasi bor?!
Hech bo‘lmasa, bitta suhbatdan bitta so‘zni amalga olaylik. Mayli, hammasini bajara olmasmiz, lekin "men mana shu narsani bilmas ekanman, endi bildim, shunga bir amal qilay", deb ko‘chaga chiqqandan keyin shunga urinib ko‘raylik -Xudo xoxlasa, hammasi yaxshi bo‘lib ketadi!
Ana shunda ahloq ma’nosi ko‘tariladi, qalbimiz poklanadi, nafsimiz jilovlanadi, bizni yomonllikka tortmaydi"

Shayx Muhammad Sodiq Muhammad Yusuf rahimahulloh

Kitob o‘qimang, u - ZARARLARI
(psixologlar ham tan olishdan qo‘rqadi!)

1. Qisqa videolarga alergiya paydo bo‘ladi

Endi sizga 30 soniyali kulgili videolar zerikarlidek tuyuladi. 300 betli romanni esa “tez tugab qoladi” deb qolishingiz mumkin. Bu — juda xavfli bosqich.

2. Yolg‘onlarga ishonmay qo‘yasiz

“Kitob o‘qiganingizdan keyin, sizga: ‘Bu odam bolaligidan o‘ziga ishongan, shuning uchun hozir millioner’ deyishsa, siz: ‘Demak, hamma ayb menda ekan’, deb o‘zingizni emas, asli aybdor bo'lgan tizimni ayblay boshlaysiz. Bu esa sizga xavf tug'diradi!

3. Tanqidiy fikrlash qiynab yuboradi.

Teleko‘rsatuvda kimdir “kitob o‘qish muhim!” deb chiqsa, sizda unga qarata: “Unda nega hali ham saqich reklama qilyapsizlar?” degan tanqidiy savol tug'iladi. Kitoblar sizda fidoyilik tuyg'usini uyg‘otib qo‘yadi.

4. Pul emas, ma’no izlay boshlaysiz

Ish haqi, dollar kursi, uy-joy emas — endi sizni ko‘proq: “Yaratilishimdan ko'zlangan maqsad ortidan yuribmanmi, o'zi?” degan savol qiynay boshlaydi. Bu esa sizning moliyaviy kelajagingiz uchun juda yomon bo'lishi mumkin.

5. Ko‘zlar, qalb, miyani ishlatishga majbur bo‘lasiz

Bu uchta a’zoni birdaniga ishlatish — insonni charchatadi. Oson yo‘li bor: TikTok yoki Instagram. Kitob mutolaasi— mashaqqatli yo‘l.

6. Aqliy o‘rtamiyonalikdan ayrilib qolasiz

Hammaga birdek yoqadigan “hech narsaga aralashmay yuradigan odam” bo‘lolmaysiz, ortiq. Sizda o'zgacha qarashlar paydo bo‘ladi. Vaholanki, jamiyatga eng yoqimli inson — jim yurgan inson.

7. O‘zingiz bilan gaplasha boshlaysiz

“Men qayerdaman?”, “Kimman?”, “Qayerga ketayapman?” — bu savollar ko'plab kitoblar mutolaasidan keyin yuzaga chiqadi. Avvaliga boshqalar bilan, keyin esa faqat o‘zingiz bilan suhbat qurishni boshlaysiz. Bu — ortga qaytib bo'lmaydigan yo‘l.

Xulosa
Siz tinchgina, kitob o‘qimay qo'ya qoling!
Zamon allaqachon o‘zgargan. Endi sizdan faqat scroll qilish, like bosish, va kulib qo‘yish talab etiladi.
Kitob esa — buday ishlarni qilishingizga halaqit beradi.

O‘qishni boshlasangiz, sizdan hozirgi “siz” qolmasligi mumkin.


Foydali bo'ldi, deyish uchun -❤️‍🔥

@mutolaa_zavqdir

Tovus o‘g‘risi kim?

Imom A’zam Abu Hanifa rahimahullohning yoniga bir kishi kelib, dedi:

- Yaxshi tovusim bor edi. Uni kimdir o‘g‘irlabdi. Surishtirdim, izladim, topolmadim. Shunga maslahatingizni olmoqchi edim.

- Sening otangni taniyman, uylaring qo‘shni mahallada. Ammo tovus boqishingni bilmas ekanman. Qani, yurchi mahallangga boraylik. Ammo sen bizdan ilgariroq borib, qo‘shnilarningni bir joyga yig‘. Ularga bizning kelayotganimizni ayt, - dedi Imom A’zam sallasini to‘g‘rilarkan.

Imom A’zam u yerga xos shogirdlarni ham ergashtirib bordi. Masalaning nima bilan tugashi shogirdlarga tovusning egasidan ham ko‘ra qiziq edi.

Mahallaga yetib borishganida ancha odam ularni kutib turgan ekan. Imom A’zam avvaliga ularga go‘zal masalalar va ularning yechimlaridan gapirdi. Ularning ko‘ngillari yumshab, diqqatlari jamlandi.

- Bir kishi qo‘shnisining tovusini o‘g‘irlabdi, - dedi u nihoyat maqsadga o‘tib. - U yana uyalmasdan namoz o‘qish uchun masjidga ham chiqadi. Mana, hozir boshlarida tovusning patlari ko‘rinib turibdi.

Shunday deyishi bilan chekkaroqda o‘tirgan bir kishi beixtiyor boshini qoqdi. Uni Imom A’zam ko‘rdi. Ammo suhbat davom etdi. Suhbat tugab, odamlar qaytgachgina Imomi A’zam Abu Hanifa rahimahulloh boyagi kishini chaqirtirdi va unga mehribonlik bilan shunday dedi:

- O‘g‘lim, tovusni egasiga qaytar. Seni el oldida sharmanda qilish niyatim bo‘lganida odamlarga oshkor qilardim, ammo tuzuk yigitga o‘xshaysan. O‘g‘rilikni qiziqqaningdan birovning maslahatiga ko‘ra qilgan ko‘rinasan. Endi bu ishingni qayta takrorlama va odamlarning biror nimasini oluvchi emas, ularning kamchiliklarini to‘ldiruvchi, xursand qiluvchi bo‘l.

U uyalganidan yerga kirib ketay dedi. Tezda borib tovusni olib keldi va egasiga berib, uzr so‘radi.

#Ibratli_hikoya

ilm_duri

Ishq bilan imtihon davrida qarshingizga qoʻzichoqdek koʻringan boʻrilar, farishtadek koʻringan shaytonlar chiqadi. Luqmaning haloli va oʻz vaqti boʻlganidek, ishqning ham haloli va vaqti bordir. Bu zamonda halol rizq topmoq naqadar qiyinlashgan boʻlsa, halol muhabbat topmoq undan oʻn barobar mushkuldir.

@kitobdan

Erkakni rashki, (ilohiy) buyuruqdan, fitratdan, or nomus, g‘ururdan.
Ayolni rashki, nafsidan tabiatidan.

"Ey qizim" kitobidan.

Kitob o'qiganda yig'laydigan insonlarning tuyg'ulariga ehtiyot bo'ling! Ularning qalbi hammanikidan ham nozikroq bo'ladi...🤓

#hikmat

🇸🇦🇸🇦🇸🇦Bir yosh bola: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «O‘n so‘m bersa kerak”, deb o‘ylaysiz.
Agar bank mudiri: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «Million so‘m bersa kerak”, deb o‘ylaysiz.
Agar podshoh: «Menda sizga atalgan katta mablag‘ bor”, desa, uning mavqeyi va darajasidan kelib chiqib, «Milliard so‘m bersa kerak”, deb o‘ylaysiz.
Shunday ekan, olamlarning Robbi Alloh azza va jallaning «Solih bandalarim uchun jannatda ko‘z ko‘rib, quloq eshitmagan, inson qalbi his qilmagan narsalarni tayyorlab qo‘ydim”, degan so‘zini o‘qib, nima deb o‘ylayapsiz?

🔗Yaqinlaringizga ham ulashing !!!

📱 Telegram / 📱 Instagram https://t.me/shams_kitoblar

Farzandinlar uchun " OTA" eng birinchi qaxramoni boladi. Bolalar aldanadi lekin, aldamaydi. Ular OTAsini sevadilar boy, kambag‘al bo'lishi farq qilmaydi...🥹

#shaxsiy_fikr

Avtobus va marshrutkalarda yurishning ajoyibligi odamlar orasida yurib birni ko'rib fikr qilasiz, birni ko'rib shukur qilasiz.

Bugun avtobusda ketarkanman, bir ayol o'g'liga gapiryapti. O'g'li yosh, o'rtacha 6-7- sinflar yigiti, avtobus boshida, ayol esa avtobus oxirrog'ida. "Amaking chiqarkanmi?" Dedi o'g'liga. Yo'q dedi o'g'li. "O'tirsin shunday xotinining quchog'ida" dedi ayol. Kulguli eshitildi shekilli bu gap, ayrimlar kulib qo'yishdi. Lekin aslida bu kulguli gap emas edi.

Birinchisidan bolaga aytiladigan gap emas edi.
İkkinchisidan jamoat joyida aytiladigan gap emas edi.
Uchinchisidan begona ayolning quchog'ida yursinmi erkak o'z ayolining quchog'ida bo'lmay? Qanaqadir mantiqsizlik.

Asli, ayollarning jamoat oldida baland gapirishi tarafdorimasman. Bu ularning husnini tushiradigan holat. Erkak nazdida eng xunuk ayol bu erkaklarga jur'atli va baqiradigan ayol, deb o'qiganman kitobda.

Xullas, bolalar nega uydagi kattalarni hurmat qilmaydi, deymiz. Mana bizning o'sha kattalarga munosabatimiz. Bu munosabatni ko'rib o'sgan bola amakisiga hurmati bo'larkanmi? Fahmi joyida bo'lmasa, borib amakisiga "ha, xotiningizni quchig'ida yotibsizmi?" Deyishdanam tap tortmaydi. Sababi, uning uchun ideal bo'lgan onasi shu gapni aytdi. Demak, bu gap aytsa bo'ladigan gap. Bu gapni aytish bolaga ham mumkin, deb o'ylaydi. Bolada filtr bormi? Filtr hozir kattalarda ham yo'qku.

İbn Sino bola 3 yoshiga qadar hayotida baza bo'ladigan narsalarnjng 75%ini o'rganishini aytgan. Afsuski, biz ayni o'sha paytda "bolada, bolani aqli nimani ham olardi" deymiz. Aqli oladigan bo'lganida esa bu aql qotib bo'lgan bo'ladi, keyin nega buni tarbiya qilolmayapmiz deymiz.

*Bintu Malik