#saboq

Jahl ustida qaror qabul qilmang.
Ba'zi ishlarni orqaga qaytarib bo'lmaydi.
Ba'zi xatolar oxirgisi bo'lishi mumkin.

Mahrga kitob so'rashdan ham yaxshirog'i kitobxon yigit tanlash, chunki uning uyi shundoq ham kitoblarga to'la bo'ladi...

P.S: 😊🙂🤓

Siz uchun boshqalardan kechib, siz uchun hayot tashvishlariga ko‘nib yashayotganlarni siz ham qadrlang. Dunyo sizga tor kelganida faqat u sizga bag‘rini oromgoh, ko‘ksini qalqon, g‘ayratini soyabon qiladi.

#kun_hikmati

Kimningdir o‘zgarishini istasangiz avvalo o‘zingiz o‘zgaring. Bilingki, vaqt g‘animat, u kutmaydi!

Yaxshilik qilishga shoshiling!

Unutma, ilm boylikdan afzaldir, chunki ilm seni himoya qiladi, holbuki boylikni sen himoya qilishing kerak.

Ali ibn Abu Tolib roziyallohu anhu

Farzandingiz necha yoshda bo‘lishidan qat’i nazar, u bilan katta odamlardek muomala qiling.

Bolaga qanot beradigan so‘zlarni ko‘p ayting. Bolangizni seving. Sevilgan, muhabbatga to‘yib o‘sgan bolada o‘ziga ishonch bo‘ladi.

Bolangizga sifatli poyabzal olib berolmasangiz ham, albatta kitob olib bering.

Bolaning shaxsiy xonasi bo‘lmasa ham, shaxsiy kutubxonasi bo‘lsin.

Farzandingiz haqqiga ko‘p-ko‘p duo qiling. Farzandingizni hech qarg‘amang.

Bugungi befarqligingiz ertaga qimmatga tushmasidan oldin harakat qiling.

Alloh mehribondir, U siz voz kecha oladigan darajada davlat beradi.

Izoh: Tasavvur qiling sizning savdo do'koningiz bor va bir soatda sizga 100 000 so'm foyda keltiradi. Siz juma kuni do'konni ikki soatga yopib jamoat namoziga bora olasiz.

Endi o'ylab ko'ring, agar do'koningiz soatiga 10 000 000 (o'n million) foyda berib tursa ham uni ikki soatga yopa olasizmi?

Yaniki, siz juma kuni jamoat namozida qatnashish uchun 20 000 000 (yigirma million) so'mdan voz kecha olasizmi?

Xulosa: Mening fikrimcha, "Alloh menga davlat bermayapti"  deb emas, men unga tayyor emasman deb fikrlasak to'g'riroq bo'ladi...

Siz farzandingizga duoni qanday shakilda, tartibda qilasiz?

#Oila

YAXSHI JUFT

- Robbini rozi qiladi;
- erini xursand etadi;
- uyidan uzoqlashmaydi;
- besh vaqt namozini tark qilmaydi;
- oila sirlarini saqlaydi;
- ziynatini begonaga ko‘rsatmaydi;
- ovozini ko‘tarmaydi;
- jussani (figurasini) bildirib kiyinmaydi;
- erining oldida aziz;
- nafsining nazdida xor;
- bolasi uchun mehribon ona;
- uyi jannat bog‘chasi;
- agar erida yaxshilik ko‘rsa shukr qiladi;
- yomonlik ko‘rsa sabr etadi;
- agar eri uning oldiga kirsa tabassum bilan kutib olib, hursand bo‘ladi;
- agar eri uydan chiqsa mahzun bo‘lib, shavqati oshadi;
- agar eri unga g‘azab qilsa tashvish chekadi va o‘zini o‘nglaydi;
- agar eriga yuzlansa uni xursand qiladi;
- agar eri yo‘q bo‘lsa uning moli va obro‘sini himoya qiladi;
- agar erining aybini ko‘rsa berkitadi;
- agar undan uzr so‘rasa kechiradi.

©️ Mahbubiy

✍️ Mirach Chag’ri Oqtosh
📚"O'zingga xush kelding"