Qiz boladan nima kitob o'qiyotganini so'rang, qo'lini so'rash qochib ketmaydi...

Dunyoning mayda masalalari atrofida o‘ralashib qolish, ijtimoiy tarmoqlarga mukkadan ketish, har xil voqea-hodisalar (ayniqsa, adolatsizlik, zulm, yovuzlik) haqida juda ko‘p o‘qish yoki videolarni tomosha qilish odamni asabiy va tushkun qilib qo‘yadi. Shuning uchun telefon va kompyuterdan foydalanishni tartibga solish, ijtimoiy tarmoqlardan, ayniqsa, duch kelgan yengil-yelpi narsalarni o‘qish va ko‘rishdan chetlanish tavsiya etiladi.

Qolaversa, ko‘proq do‘stlar, yaxshi insonlar bilan suhbatlashish, ilm olish, tabiat qo‘yniga sayohat qilish, tog‘larni, bog‘larni aylanish insonga rohat beradi, tanasi va ruhini sayqallaydi, tushkunlikdan chiqishga ko‘maklashadi, hayotga, yashashga bo‘lgan intilishingizni oshiradi...

Bir kishi uyida un qolmaganligi sabab bug‘doyni eshagiga ortib, tegirmon tarafga qarab yo‘l olibdi. Yetib borgach, bug‘doyni tushirib olishi bilan eshagi qochib ketibdi. Bug‘doyini tegirmonchiga topshirib, eshagini qidirishga chog‘lanibdi. Eshagini ortidan qidirib borib topa olmabdi. Bu orada juma namozi yaqinlashganini ko‘rib: “Sen qayerga borsang boraver, men Rabbimni huzuriga boraman” deb, masjidga qarab yo‘l olibdi.
Juma namozini ado etgach, o‘ylanib qolibdi, tegirmondan unni olib ketay desa, eshagi yo‘q, noiloj uyga qaytibdi.
Uyiga yaqinlashgach, eshakning ovozi eshitilibdi, hayron bo‘lib xotinidan so‘rasa, eshakning o‘zi uyga qaytib kelgan ekan.
Xotini unga: “Qorningiz och bo‘lsa kerak, yangi undan non yopdim, keltiraymi?” – debdi. U yana xayron qolibdi. Un tegirmonda qolgan, uyda un qolmagan bo‘lsa, xotini qaysi yangi undan non yopganini so‘rabdi. Xotini: “Qo‘shnimiz ham tegirmonga borgan ekan, tegirmonchi bizning unimizni ham qo‘shib bervoribdi. Unimiz ham, eshagimiz ham o‘z oyog‘i bilan kirib keldi"

#Tafakkur vaqti

Zamon zoʻrniki! Bu dunyoda zoʻrlarning supurgisi uchadi. Doim ularning olchisi oldi. Ular qayga qoʻl uzatsa yetadi. Ular juda baxtli. Ammo bir narsani unutmang, bu dunyodagi zoʻrlik u dunyoga aslo oʻtmaydi. Zolimlar albatta ikki dunyoda jazosini oladi. Ey inson aslo mahzun boʻlma, Alloh hammasini koʻrib, bilib turibdi..!

Barchaga va’da qilgan animatsion filmimiz premyeraga tayyor. Tomosha qilib, fikr-mulohazalaringizni bildirsangiz xursand bo‘lamiz.

Boisi hali bu kabi dolzarb mavzularda yana animatsion filmlar yaratiladi, takliflaringiz esa faoliyatimiz uchun zarurdir.

Albatta, ko‘ring: https://youtu.be/Fbb9ORcLHpI

Amallar niyatga bogʻliq. Ulamolar aytishadiki: Kishi bir yaxshi ishni niyat qilsa va oʻshani qila olmasa ham qilgan savobi yoziladi. Yaxshilik inson ichida boʻladi, inson borini chiqaradi aslida. Inson oʻzida yoʻq narsani aslo oʻzgaga bera olmas...!

Bir guruh turistlar timsoh fermasini ko'rgani borishibdi. Suvning o'rtasida qayiqda turishganda, ferma egasi "Kim suvga sakrab, qirg'oqqacha tirik yetib olsa, bir million dollar beraman", debdi. Bu gapni eshitib, hamma jim turarmish.
Shu payt bir yigit "shalop" etib suvga tushib, shosha-pisha qirg'oqqa qarab suza boshlabdi. Timsohlar ham uni ortidan ketishibdi, ammo omadi kelib, yigit sog'-salomat qirg'oqqa chiqib olibdi.

Fermer majbur bo'lib, va'da qilgan pulini beribdi.

Yigit xotini bilan mehmonxonaga qaytgach, xotiniga "Yaxshi bo'ldi-yu, lekin men suvga o'zim sakramadim. Kimdir meni suvga turtib yubordi..", desa, xotini "O'sha men edim", debdi...

Qissadan hissa, har bir "omad"li erkakni ortida katta ishlarga birinchi turtki beradigan ayoli turar emish...😁😊

Oilada farzand tarbiyasi: AQLIY TARBIYA MAS’ULIYATI

"Qo‘rquv"
Bu kattayu kichik, erkagu ayolda mavjud bo‘lgan ruhiy holatdir. Agar u bolalarda me’yorida bo‘lsa, ijobiy baholanadi, chunki bolani har xil falokatlardan o‘zini ehtiyot qilishga va xavf-xatardan omonda bo‘lishiga undaydi.

O‘zini sababsiz aybdor his qilish. 
Bolalarda uchraydigan ruhiy holat bo‘lib, u tug‘ma hamda kasallik, noto‘g‘ri tarbiya yoki oiladagi ba’zi muammolar oqibati bo‘lishi mumkin. Bunday holat bolaning jamiyatdan ajrab, boshi berk ko‘chalarga kirib qolishiga sabab bo‘ladi.
Agar biz bolada uchraydigan barcha salbiy holatlarning sabablari va islomiy yechimlarini o‘rganadigan bo‘lsak, ushbu ruhiy muammoni alohida tafsiloti bilan ko‘rib chiqishimiz kerak bo‘ladi. Bola o‘zini aybli his qilishiga olib keladigan omillar asosan quyidagilardir:
Tahqirlash.
Ortiqcha erkalash.
Bolalarning biridan ikkinchisini ustun qo‘yish.
Tana a’zolaridagi nuqsonlar.
Yetimlik.
Kambag‘allik...

Dunyo hayoti uch kun: kecha, bugun, erta. Kecha oʻtdi, ertaning boʻlishi nomaʼlum. Shunday ekan bugungi kunni qadrlash lozim!

JUMA MUBORAK BOLSIN DOSTLAR!

O'znini tanish bilan hudbinlikni orasidagi farq

Hudbinlik - o'zini tanimaslikdan kelib chiqadigan holat. Boshqalarni baxtsiz qilish orqali o'zini baxtli qilishga intilish hisoblanadi.
O'zlikka qaytish esa - o'zini tanish, avval o'zini baxtli qilish orqali boshqalarni ham baxt tomon yetaklash ekan....😇😘😎

Agar uylanmoqchi bo'lsangiz, metroda/avtobusda kitob o'qib ketadigan qizni oling.

Tegsa albatta)

KITOBGA SHAYDOLIK
   
Suriyaning sobiq muftiysi fazilatli shayx Ahmad Kuftaru juda ko‘p kitob o‘qir edi. Qayerga borsa qo‘lida kitob bo‘lar, bo‘sh vaqt topdi deguncha kitob o‘qishga kirishar edi. Birov bilan va’dasi yoki uchrashuvi bo‘lmasa ketma-ket o‘n ikki soatlab kitob o‘qir, charchoqni bilmas edi.

Doimo shunday der edi:
"Peshqadam bo‘lish tomon harakat qilayotgan aqlning kaliti kitob o‘qishdir. Xalqlar va millatlarning uyg‘onish siri kitobdir!"

Faqat qilgan gunohlaring uchun emas, balki bajarilmagan majburiyatlaring uchun ham tavba qil...

Ibn Taymiyyah

Baxt

Uning barmoqlaridan konfetlarning hidi ufurib turadi,
Sochlari esa yoz yomg‘irining iforini olib keladi.
U mening oldimga savollar bilan keladi:
«Qachon? Nima uchun? Nima haqida?»

Qop-qora kipriklari havoda uchib,
Hayratdan ko‘zlari kattalashadi.
Quyoshning porloq nurlari dunyoni yoritib,
tabassum qiladi.

Qachonki qo‘ng‘iroqdek ovozi bilan
«Ada, adajon!» deb chaqirsa,
Ko'ksimga o'tkir tig‘ bilan chertgandek,
Baxt “tuk-tuk” etib urar.

#tug'ilgan kuning muborak bolsin!🥰

"Eng katta boylik bu sog'likdir".

Bu yerda faqatgina badan sog' bo'lishi emas, qalbning sog'lom bo'lishi ham nazarda tutilgan.

Izoh: Mening fikrimcha bu "boylik" ning egalari to'g'ni ursa talqon qiladigan darajadagi baquvvat va soglom ammo qalbi kasal inson emas, badani dardmand bo'lsada qalbi sog'lom insonlardir...

Rizq - shunday narsaki, hech qachon biri uchun yozilgani boshqasiga chalkash yo'llar bilan ham ketib qolmaydi.
Qo'lda bori rizq, bo'lmaganlari asli yozilmaganlarining ichida.
Duo esa har qanday qalbga ziyon yetishidan asrovchi, bir yupanch.
Eng go'zal taslimiyat esa mana shu tushunchaga suyanib yashash...

Xayotingiz faqatgina kutishlar girdobida qolishi sizni xoldan to'ydirib, bexuzur qiladi...
Qiladigan ishingizni chin Yurakdan qilib,
Qolganlarini o'z xoliga tashlab quying..!🫥

¹Kunlarning birida sichqon ferma xo‘jayini qo‘ygan qopqonni ko‘rib qoldi. U bu haqda qo‘yga, tovuqqa hamda sigirga aytib berdi. Ammo ular: “Qopqon bizning muammoimiz emas. Biz uning nimasidan qo‘rqamiz? Uning bizga hech qanday aloqasi yo‘q”, deb javob qaytarishdi.
Kunlardan bir kun qopqonga ilon tushib qoldi va xo‘jayinning xotinini chaqib oldi. Xotinining tanasidan ilonning zahrini chiqarib tashlash va unga quvvat bo‘ladi, degan umidda fermer tovuqni so‘ydi-da, undan xotiniga tovuq sho‘rva tayyorlab berdi. Kasalmand xotinini ko‘rishga kelayotganlar oldida uyalib qolmasligi uchun qo‘yni so‘ydi hamda uning go‘shtidan turli taomlar tayyorlab, mehmonlarni kutib oldi. Ammo, afsuski, xotini vafot etdi. Marakani o‘tkazish uchun fermer sigirni ham so‘yishga majbur bo‘ldi.

Bu o‘tgan vaqt mobaynida vaziyatni o‘z uyasidan kuzatib turgan sichqon bo‘lib o‘tgan hodisalar haqida fikr yuritardi...
Qissadan hissa. Bu hayotda hech kim hech narsadan himoyalanmagan, shu sababli boshqaning muammosiga befarq bo‘lmaslik kerak...

🏠 Uyingizni obod qilyapsizmi?

Inson miyyasi – bu uning uyi. Uni go‘zal fikrlar va bilimlar bilan boyitishi yoki keraksiz axborot va zararli odatlar bilan vayron qilishi faqat insonning o‘ziga bog‘liq.

Yaqinda mana shu qisqa metrajli multfilmni ko‘rib qoldim. Unda inson miyasi qanday qilib foydali bilimlar bilan boyishi hayotini ham obod qilishga xizmat qilishi, aksincha, keraksiz odatlar bilan esa vayronaga aylanishi tasvirlangan edi.

Xo‘sh, siz o‘z "uy"ingizni obod qilyapsizmi yoki bekorchi narsalar bilan to'ldiryasizmi?

#Ibrat uchun farzandlaringizga ko'rsating va yaqinlaringizga ham ulashib qo‘ying.

² Burgut baland bir daraxtda shunchaki dam olib o‘tirgan edi.
Uning bu o‘tirishini ko‘rib qolgan quyoncha burgutdan so‘radi:
— Xuddi sendek hech narsa qilmay, bamaylixotir o‘tirishim mumkinmi?
— Albatta, mumkin, nimaga yo‘q ekan, — dedi burgut.
Quyoncha daraxtning tagiga o‘tirib dam olishni boshladi. Shunda birdan qayerdandir tulki paydo bo‘ldi-yu, uni ushlab, yeb qo‘ydi.
Qissadan hissa. Agar sen hech ish qilmasdan bemalol va xotirjam bo‘lishni xohlasang juda-juda yuqorida o‘tirishing kerak. Ko‘rpangga qarab, oyoq uzatdeyshadiy dono xalqimiz🙈

³Kunlarning birida bir fermada ot kasal bo‘lib qoldi.
Uni ko‘rgani kelgan veterinar:
— Agar ertalabgacha oyoqqa turmasa, uni o‘ldirishimga to‘g‘ri keladi, — dedi.
Ertalab esa ot o‘rnidan turmadi. Uning yonida qo‘y yotgandi.
— Qani, birodar, o‘rningdan tursangchi! Aks holda ular seni o‘ldirishadi! — dedi u otni niqtab.
Ot bor yo‘q kuchini to‘pladi-da, o‘rnidan turdi.
Ertalab kelib, bu vaziyatni ko‘rgan fermer:
— Mo‘'jiza yuz beribdi. Bunday bo‘lishi mumkin emas edi. Otim tuzalibdi. Bu voqeani darhol bayram qilish kerak. Shu bois qo‘yni so‘yamiz! — dedi.
Qissadan hissa. Hech qachon birovning ishiga aralashmang, biroq qopqon voqeasini ham unutmang.