🦋السلام عليكم 🦋

أهلا وسهلا بكن بغروب ياقوتات مُلهمات الخاص بالفتيات . 🌷

💗و لأنّ ثقل مسؤولية هذا الغروب لا استطيع أن أتحملها بمفردي سيكون عبارة عن عمل جماعي بمجموعة من طالبات الطبّ الملتزمات اللاتي أثق بهنّ (د.آلاء، د.آية، د.حنين، د.أسيل²، د.أسيل³، د.أسماء ).🌷

📣ولكن وضعنا شروطاً قد تكون صعبةً للانضمام لكي نضمن خلو المجموعة من الشباب، فمن أرادت أن تنضم إلى عائلة ياقوتة فعليها أن تتحمل الشروط كي نضمن لها ولنا الآمان و حتى لا نكون في اختلاط أكبر من الذي هربنا منه وجميع ما يرسل أمانة سيتم الحفاظ عليها كبياناتنا فلا تقلقن.🌷

نسعد كثيراً بانضمامكن الى ياقوتتنا وبانتظاركن .🌷

للاستعلام عن شروط الانضمام والحصول على الرابط 🌷

t.me/Inspiring_Yaqoot?direct

🦋السلام عليكم 🦋

أهلا وسهلا بكن بغروب ياقوتات مُلهمات الخاص بالفتيات . 🌷

💗و لأنّ ثقل مسؤولية هذا الغروب لا استطيع أن أتحملها بمفردي سيكون عبارة عن عمل جماعي بمجموعة من طالبات الطبّ الملتزمات اللاتي أثق بهنّ (د.آلاء، د.آية، د.حنين، د.أسيل²، د.أسيل³، د.أسماء ).🌷

📣ولكن وضعنا شروطاً قد تكون صعبةً للانضمام لكي نضمن خلو المجموعة من الشباب، فمن أرادت أن تنضم إلى عائلة ياقوتة فعليها أن تتحمل الشروط كي نضمن لها ولنا الآمان و حتى لا نكون في اختلاط أكبر من الذي هربنا منه وجميع ما يرسل أمانة سيتم الحفاظ عليها كبياناتنا فلا تقلقن.🌷

نسعد كثيراً بانضمامكن الى ياقوتتنا وبانتظاركن .🌷

للاستعلام عن شروط الانضمام والحصول على الرابط 🌷

t.me/Inspiring_Yaqoot?direct

طالب شهادة 📜

يقول سبحانه وتعالى بعد بسم الله الرحمٰن الرحيم :
➿وَكَانَ الْإِنسَانُ أَكْثَرَ شَيْءٍ جَدَلًا➿
وصدق الله العظيم

بالفعل الانسان متذبذب بين ما تهواه نفسه وما يريده عقله .
✨العقل منطقي يريد الافضل ويطمح للمثالية وهذا العقل السليم
✨اما القلب فهو مركز المشاعر (التقليدي) بين حب وكره وتعب وراحة ووو الخ . .

وأسألك بالله من أكثر الناس تذبذباً ؟
صح ، هو طالب قدامو مواد وعندو امتحان نهائي بحدد مصيرو لـ 30 او 40 سنة قادمة ، انت بس تخيل معي كمية الضغط والعوامل المحيطة فيه والمشكلة يُلام من حالتو النفسية .

رح حاول الملم اغلب المشاكل ؛
¹ الإكتئاب القهري : مصطلح من اختراعي 😂 ، هاد يعني وقت الطالب يشوف كمية المنهاج ويسمع كلام محبط عن الوقت وانو ما بلحق وما بيتخلص وكتير صعب فـ بصير عندو توتر وهاد التوتر بعالجو المخ على حزن واحباط واحساس بفشل .
² الكسل والملل : وهاد يعني الطالب بتوقف عندو القدرة على انو يكمل وبديق خلقو من كلشي وببطل بدو شي حرفيا لا دراسة ولا غيرها .
³ الإتباع والتقليد الأعمى : وهاد يعني بيجي الطالب بدو يقلد حدا جاب تحضيري وناوي يجيب متلو على نفس طريقتو ونسيان انو قدراتو غير قدرات الطالب التاني .
⁴ التسويف : هاد يعني الطالب بأجل وبضل يأجل لحتى يوصل للطامة الكبرى وهو مو ملحق شي وهون بيقعد تحت ضغط كبير .
⁵ جلد الذات : هاد يعني الطالب بدل ما يشجع حالو ببلش هدم بمعنوياتو وبدمر نفسو وهون منتجه لتدمير الثقة بالنفس .
⁶ الخوف الكبير من الفشل : هاد يعني بصير الطالب بخاف من النتيجة وبيوقف بأرضو وبدل ما يتشجع بيتجمد .
⁷ ضغط الأهل والمجتمع : هاد يعني رسم الاهل علامات الطالب بعقلهم واقناعه انو بجيب هيك شي فـ بخلي الطالب بتوتر دائم وانو ما لازم اخجل اهلي قدام العالم .

🎆بس يا ترا في حل ؟ اي طبعاً مافي داء الا ونزل له دواء .
لازم نتفق انو كل هي المشاكل بتنحل بعقلك وما بدها جهد جسدي منك ، يعني هي اوهام بتخلقها انت والناس .
وهلق رح ناخد كل مشكلة ونقابلها بالحل ؛

الإكتئاب القهري ⬅ هاد حلو بـ انك تعرف مشكلة احباطك مو من المنهاج بل من نظرة الناس للمنهاج فـ المنهاج بذاتو هو شي بسيط بس تهويل وتكبير الموضوع بأثر تأثير سلبي عالمخ ، واحباطك وزعلك ومرورك بمراحل الحزن هو طبيعي للحد يلي بتحول فيه هالشي لطاقة بتساعدك ووقت تتقبل فيه هالشعور ويكون جزء منك وما تعبيه بشي غلط من متل علاقات لأنو اغلب العلاقات بتبلش بهي المرحلة .

الكسل والملل ⬅ هاد حلو بتغيير الروتين وكسر هاد الملل بشتى الطرق الممكنة والمتاحة ، يعني تغير مكان الدراسة ، طريقة الدراسة ، حافز مكافئ للإنجاز ، الابتعاد التام عن المشتتات والملهيات .

الإتباع والتقليد الأعمى ⬅ وهاد حلو بـ انك تعرف نفسك اكتر ، تعرف نقاط ضعفك ونقاط قوتك ، تعرف وقتك الفاضي ووقتك الغير فاضي ، تعرف شو بدك وشو ما بدك ، هيك بتصنع طريقك لهدفك ومن غير ما تقلد بشكل اعمى فـ ما وصل بهِ غيرك لا يشترط ان يصل بك .

التسويف ⬅ هاد حلو بـ اجبار النفس وهون بدك تتحمل جهد جسدي لأنو صعب جداً تتحمل عدم التسويف وهو شي متعودين عليه من الصغر بس بينحل بالاجبار وبأنك تتحمل مسؤولية كل فعل بتعملو او ما بتعملو .

جلد الذات ⬅ هاد حلو بضبط النفس ، يعني صح النفس اللوامة بتلوم اذا كنت صح او غلط وهيك ربنا خلقها فينا بس بالضبط كلشي بينحل ، يعني وقت تعاتب نفسك عاتبها لتصحح مسارها مو بس لتهدم حالك .

الخوف من الفشل ⬅ هاد حلو بـ انك ما تفكر بالنتيجة ولا تتوقع وتحط اسباب من حالك فـ انت عليك السعي ورب العالمين عليه يجازيك على سعيك ، والخوف هو امر طبيعي وصدقني لولا الخوف ما حدا بيتحرك فبدك ما تخليه يتحكم فيك بل انت اعملو دافع واتقبلو .

ضغط الاهل والمجتمع ⬅هاد حلو بـ انك ما تركض لأرضاء اي مخلوق من البشر وان كان اهلك فـ هاد مستقبلك الك وحياتك الك فـ لا تهتم بالكلام واسمع وكب بلبحر وخلي ببالك لو سكرت المجموع حيقولو هاد اكيد غاشش ولو ما سكرت حيقولو هاد ما درس فـ كلو مجرد كلام ، اما ضغط اهلك عليك فـ هو من خوفهم على مستقبلك فـ خدو بكل روح حلوة وافهم موقفهم وفيك تحط حالك محلهم بتعرف ليش هيك بيعملو فـ لا تتذمر .

واعرف دائماً انو الحرب بين ما تهوى وما تريد حرب دائمة لا تنتهي فالنفس تميل للراحة والحياة تحتاج إلى كدح .

🔖اسعى إلى هدفك وتوكل وسلّم الأمر🔖