SEN KABI BAHOR

Bahor shoshilmayin keldi sen kabi,
sen kabi chehrasi uzra sochib nur.
Biz unga, u bizga tez ko‘nikadi
va kunlar boshlanar batartib, masrur.

Gullar har galgidan nafosatliroq,
qushlar har galgidan sho‘xroq ko‘rinar.
Ammo yuragimda nomaʼlum titroq,
eslay olmaslikka qalbim urinar.

Yangilansa qani eskirgan hislar,
og‘ochlar tusiday almashtirsa rang.
Maysalar chiqarsa bosilgan izlar,
boshqa odam bo‘lib erkin yashasang.

Ko‘nglim sezayotir, bir kun sezdirmay,
bahor ham bir reja uydirar qasddan.
Sovg‘a tayyorlaydi hali aprel, may,
so‘ng ketar sen kabi xayrlashmasdan.

📘 «Faqat u qoldi», Xurshid Abdurashid

Narxi: 35 000 so‘m
Xarid: t.me/akademsavdo

📚 @akademnashr  | #IZLAM

📔 TURK SHEʼRIYATI ANTOLOGIYASI

UCH DUNYO

Inson
Yashar uch turli shu uch dunyoda:
avvalo,
“Shuni sevdim, buni sevdim”, – deyaroq
Sevmoq bilan kechar umri!
Soʻzda yetuklashur bundan soʻng,
“Uni ado etdim, buni bajardim”, – deyaroq
Umri hisoblamoq bilan kechar.
Keksayganda tanur dunyoni,
“Bevafo dunyo!” – deb,
“Hey, ketdi dunyo!” – deb
Soʻkmak bilan kechar umri.

Oʻrxon Sayfiy Oʻrxon

Narxi: 38 000 soʻm
Xarid: @akademsavdo

📚 @akademnashr

#iqtibos

Sevgi – otashdir. U har qanday yosh insonning yuragini yondiradi.

Sevgi – majnunlikdir. U har qanday kishini es-hushidan ayiradi.

Sevgi – buyuk kuchdir. U har qanday yigitni qahramonlikka undaydi.

Sevgi – zafar yo mag‘lubiyatdir... Insonni xayolga kelmagan, tasodifiy yo‘llarga boshlaydi. Ba’zan to‘g‘ri yo‘llarga chiqarib qo‘yadi.

📘 Ozod Mo'min Xo'ja: “Labirint”

Narxi: 28 000 so'm
Xarid: t.me/akademsavdo

📚 @akademnashr

#yangi_nashr

📘 ULUG‘BEK HAMDAM: «YAXSHIYAM SEN BORSAN»

📖 Kitobga kirgan roman va hikoyalarga muallif tushlari asos qilib olingan. Shuning uchun ham uning boshqa bir nomi “Tushbitiklar”dir...

👉 Mundarija

Muqova: yumshoq
Hajmi: 240 bet
Narxi: 33 000 so‘m
Xarid: t.me/akademsavdo

📚 @akademnashr

🎊 Kimga sovg'a qilishni bilasiz...

📕 “Yaxshiyam sen borsan”, Ulug'bek Hamdam

🛍 Xarid: t.me/akademsavdo

📚 @akademnashr | #sotuvda

📘 “Yaxshiyam, sen borsan”

Kitobni qo‘limga olganimda xuddi tandirdan yangi uzilgan issiq nonning hidini tuydim, chunki bu kitobni birinchilardan bo‘lib men ushlayapman, Ulug‘bek Hamdamning "Yaxshiyam sen borsan" roman va hikoyalar to‘plamini.

Men kitobdagi "Yo‘l" romani haqida ikki og‘iz gaplamoqchiman. Bundan oldin Isajon Sultonning "Boqiy darbar"ini o‘qiganimda xuddi mana shu romandan tuygan hisni tuygandim, o‘zbek adabiyotiga yangicha bir shakl, yangicha bir ruh kirdi, menimcha.

Said Ahmad "Dunyoning ishlari"ni dostondek yozilgan, asarni o‘qiysizu o‘z onalaringiz haqida o‘ylab ketasiz, deb ta'riflagan. Bu asarni o‘qish chog‘ida esa, borliq va yo‘qlik, insonning bu dunyoga kelishidan maqsad, dunyo qayerdan keldi va qayerga ketayotir kabi masalalar haqida o‘ylab ketasiz.

"Yo‘l" judayam ravon, ammo siz uni juda sekin o‘qiysiz. Chunki turfa xil falsafayu haqiqatlar orasida Yo‘ldan adashib qolishingiz hech gap emas. O‘zingizdagi nafs atalmish bir unsurning qayerdan va qachon paydo bo‘lishini payqay boshlaysiz.

Asar 2015-yilda yozib tugatilgan va "Yoshlik" jurnalida bosilgan. Agar asarning taqdiri boshqa mamlakat bilan bog‘langanida allaqachon shov-shuv bo‘lib ketardi.

Asarni o‘qib bo‘lasiz va dunyoga yangicha nazar tashlab, o‘zingizga yangicha baho bera boshlaysiz.

© Diyorbek Mahmudov

📚 @akademnashr

​​***

“– Gek, – dedi Attikus biz­ga chappa qarab tur­gancha, –  a­gar bu ishni berkitsak, men butun umr Jem­ga bermoqchi bo‘l­gan tarbiyamni inkor qil­gan bo‘laman. Goho men yaxshi ota bo‘lolmadim deb o‘ylayman, ammo ularnin­g mendan boshqa hech kimi yo‘q. Jem boshqalardan emas, mendan o‘rnak oladi va men doim unin­g ko‘zi­ga tik qaray olish uchun to‘g‘ri yashash­ga harakat qildim. A­gar bu ishni berkitmoqchi bo‘lsam, unin­g ko‘zi­ga qaray olmay qolaman, bu ish­ga qo‘l ur­gan kunim o‘g‘limni umrbod yo‘qotaman. Men Jem va Skautdan ayril­gim kelmayapti, chunki ulardan boshqa hech kimim yo‘q”.

📘 HARPER LI: «MAZAXCHINI O‘LDIRISH»

Narxi: 55 000 so‘m
Xarid: t.me/akademsavdo

📚 @akademnashr

Manba: «Asl otalar kitobi» - 2
Narxi: 10 000 so‘m
Xarid: t.me/akademsavdo

📚 @akademnashr

“Rivoyatga ko‘ra, farishtalar inson qalbidagi kirni tozalab tashlar ekan. Ammo shunda ham qalbda yuqi qolarmish. E'tibor bersang, shu yuqning o‘ziyam odam bolasiga yetib ortar ekan. Inson bir umr kurashmasa, shu yuq uni yomonga aylantirishga qodir...”

📕 "Yaxshiyam, sen borsan"

🛍 Xarid: t.me/akademsavdo

📚 @akademnashr | #sotuvda

​​📘 “Mushuklar malikasi Minush”

Bir oʻtirishda oʻqib tugatadigan darajada kaminani oʻziga jalb etadigan kitoblar kam uchraydi. Kecha allamahalda biron nima oʻqishga tutindim-da, “Minush xonim”ni qoʻlimga oldim. Tarjima juda silliq, asar ohanrabodek oʻziga tortadigan va illyustratsiyalar koʻzni quvontiradigan darajada ishlanganidan saharga qolmay kitobni xatm qilibman deng.

Muallif Anni Shmidt Niderlandiyaga va dunyoga mashhur bolalar yozuvchisi, Andersen mukofoti sohibi. Qolaversa, niderland olimlar uni Rembrandt, Van Gog va Anna Frank qatorida Hollandiston tarixidagi muhim shaxs sifatida “Canon van Nederland” darsligiga kiritishgan. “Mushuklar malikasi Minush” (1970) adibaning eng mashhur asarlaridan hisoblanadi.

Mazkur asar koʻplab tillarga tarjima qilingan, kitob asosida yaratilgan film (rejissyor Vincent Bal, 2001) ham dunyoda oʻziga xos shuhrat qozondi.

Syujet haqida ham qisqacha: Minush xonim mushukdan insonga aylanib qoladi va shaharcha roʻznomasida muxbir boʻlib ishlaydigan yigitcha Tibbe bilan yoʻllari kesishadi. Tibbe mushukparvar, hayvonlarni xushlaydigan boʻlsa, Minush odamlarni yoqtiradigan xonaki mushuk edi.

Minush muxbir yigitchaga shahardagi mushuklarning ogʻzidan eshitgan yangiliklarini yetkazib, ishini saqlab qolishda joniga oro kiradi. Yigitcha va mushuklarning hamkorligi hosilasi oʻlaroq gazetga shunday shov-shuvli maqola yoziladiki, buyogʻini oʻqiganda bilib olasiz.

Qissadagi mushuklarning nomlari ham, xarakterlari ham ajoyib. Masalan, daydi Sassiqpishak, benzokalonkada yashovchi Benzin-pishak, nonvoyxonadagi Boʻlka-pishak, maktabdagi Muarrix-pishak va hokazo.

Muallif asosiy yukni mana shu pishaklarga yuklagan. Deylik, Sassiqpishak daydi mushuklarning odamzotga nisbatan nafratini ifodalashi kerak boʻlsa, esi kirdi-chiqdi boʻlgan Muarrix-pishak esa asarga yumoristik kayfiyat bagʻishlaydi. Yumor esa bolalar adabiyoti uchun eng muhim unsurlardan biri, albatta.

Qissadagi antigonist obraz ​​— atir-upa fabrikasi rahbari, jonivorlarni muhofaza qilish jamiyati rahbari, ikkiyuzlamachi va beshafqat janob Ellemeytni ham aynan mushuklar yengadi. Mushuklarni ichki kechinmalarini oʻqish orqali sizda ularga nisbatan mehr uygʻonadi, qachondir birorta mushukka ozor berib qoʻymaganmikanman degan xayolga borasiz. Ayniqsa, kitobni mutolaa qiladigan bolalarda jonzotlarga nisbatan shafqatli boʻlish hissi paydo boʻlishi juda muhim.

Bu kitobni kichkinalarga ham, kattalarga ham tavsiya qilgan boʻlardim. Qolaversa, kelajakda tarjimon boʻlishni istaganlarga ham. Boisi asarni men sevgan, oʻzimga ustoz sanaydigan tarjimon Sharifjon Ahmad niderland tilidan yuksak mahorat bilan oʻgirgan. Undan tashqari illyustratsiyalar ham alohida sanʼat! Xullas, kitob har qancha tavsiyaga arziydi.

Koʻpincha, taomilga koʻra, taqrizlar soʻngida oʻqilgan asarga oʻn ballik yoki besh yulduzlik tartibda baho beriladi. Lekin men buni sizga qoldirmoqchiman. Yaxshisi, kitob haqidagi fikrlarim sizni qiziqtirgan boʻlsa, mutolaadan soʻng oʻzingiz baho bering.

© Shohrux Usmonov

📚 @akademnashr