#янги_нашр #сотувда

Зарур пайти муайян формула ёки физик катталикни ёддан чиқариб қўйиш ўқувчилар, айниқса, абитуриентлар учун жуда таниш ҳолат ҳисобланади. Бундай вақтда керакли маълумотни бир неча китоб варақлаб топиш қийинчилик туғдиради. Барча дарслик ва қўлланмаларни кўтариб юриш эса, албатта, ҳеч кимга ёқмайди. Энг кўп ва хўп ишлатиладиган асосий тушунчалар, қонуниятлар, формулалар, физик катталиклар орасидаги боғланиш муносабатлари битта китобда жамулжам бўлса, бунисига нима дейсиз?

Янги нашр қилинган «Fizikadan maʼlumotnoma» китоби сизни турли оворагарчиликлардан халос этади. Қолаверса, маълумотномадан фойдаланган ҳолда турли формулаларни мустақил ҳолда келтириб чиқариб, фанни ўзлаштириш даражангизни ошириш билан бир вақтда физикадан масала ечиш маҳоратингизни ҳам сезиларли даражада яхшилайсиз.

Китоб номи: «Fizikadan maʼlumotnoma»
Муаллиф: Ш. Усмонов, А. Исроилов
Муқова: Юмшоқ
Нархи: 11 000 сўм
Харид: @akademsavdo

🚖 Китоб Ўзбекистон бўйлаб етказиб берилади.

@akademnashr

Umr - chiziqcha. Uni qanday yashab oʻtganingni farqi qolmaydi. Xuddi samolyotdan qulagan kishidek buyumlaring qoladi xolos. Omading kelsa noming ham qolar, aksida nom-nishonsiz yoʻq bolasan. 

Qiziq undan nima qolar ekan? Savol berishim bilan koʻz oldimga projektor, belkurak, chelak, brezent, narvon va ustiga shox-shabba tashlab qoʻyilgan tuzoq keldi. Mendan nima qolar ekan? Ular mening qachondir yashab oʻtganimni tasdiqlay oladimi? Tuzoq uning fabrikada boʻlganini, boʻri uchun tuzoq qaziganini, fabrikada yashaganini, boʻri bilan doʻstlashganini tasdiqlar. U shunaqa, boʻri bilan ham til topishdi. Hessening “Cho’l boʻri”sida boʻri uning ichida edi. Boʻri uni ba’zan mahv etardi. Hesse qahramoni yarim odam, yarim boʻri edi. Ammo bunda boʻri tashqarida, soʻngra yonma-yon boʻlsa ham unga parvosiz. Ta’sirsiz. Hamma narsa uning iznida. Hayot sening izningda boʻlsa qanday boʻlar ekan. U iznidagi hayotni murakkablashtirmaydi, orzu-havasi yoʻq. Istaklari ham oddiy. Biz esa iznimizda boʻlmagan hayotni iznimizga solish uchun jon ogʻrityapmiz, umrimizni xazon qilyapmiz, qildik. 

****

Nima muhim, nima muhim emas, asar buni anglata oldimi? Ha, anglatgandek boʻldi, ammo men ham qahramon kabi koʻp va uzoq suriladigan xayollarim ichida yana adashib ketdim. Shu adashgan xayollar ichida qoʻlini uzatgan holda «haqqimni ber» deyayotgan qizni topdim...

Toʻliq oʻqish:

https://telegra.ph/Bu-yerda-hamma-narsa-boʻlishi-mumkin-03-09

​​Мухбир: Лотин Америкаси адабиётига қуюндек отилиб кирган аксар ижодкорлар билан дўстсиз. Уларнинг кўпи Нобел мукофотига лойиқ топилган: Октавио Пас, Габриэль Гарсиа Маркес, чилилик бетакрор шоир Пабло Неруда... Ушбу мукофот насиб этмаган адибу шоирлар ҳам бормиди ва улар бундан ортиғига муносибмиди?

Марио Варгас Льоса: Албатта! Борхес! Борхес – испан тилли адабиётга янги замон нафасини олиб кирди. Унинг номини классиклар: Сервантес, Кеведо, Гонгоро қаторига бемалол қўшиш мумкин. Назаримда, унга Нобел антиқа сиёсий қарашлари сабаб берилмади. Бу энг катта хато эди!

〰️〰️〰️〰️〰️

"Академнашр" жаҳон адабиётига бемисл ҳисса қўшган, ўнлаб классик адибларнинг ижодига таъсир кўрсатган Хорхе Луис Борхеснинг ҳикоялар тўпламини аллақачон нашр этган!

"Ал-Муҳтасимга яқинлашув" Сизни буткул бошқа оламга етаклайди, ҳақиқий асар, адабиёт нелигини кўрсатади.

@akademnashr

​​“Ойнур”ни ўқир эканман боғчада ўтган баъзи кўнгилсиз кунларимни яна эсладим. Ўшанда СССР ҳукм сурган замонлар эди. “Если будешь нашей слугой, то можешь с нами играть...” Бу рус боғчасидаги рус болаларининг талаби эди. Мен шунчаки ўйин учун ҳам қул бўлишга ҳеч рози бўлмасдим. Балки бу шунчаки ўйин эмаслигига ақлим етгани учундир.

Баъзан бир гуруҳ рус болалари билан ўзлигимни ҳимоя қилиш учун ёқалашишга ҳам мажбур эдим. Ҳеч тушунмасдим, нега бу рус болалари, катталар ҳам, масалан тарбиячим ўзбекларни бунчалик ёмон кўришини. Ахир менда уларга нисбатан ҳеч қандай нафрат йўқ эди-ку...

СССРнинг чириб кетган тузуми қулаганидан кейингина ҳаммасини тушундим. Хуллас мактабгача даврим “Ойнур” каби бир роман бўлгулик воқеаларга бой эди.

“...Сўнг, одатдагидек, миллион, балки, миллиард марта айтган гапини такрорлади: “СССРда барча миллат, элат тенг, тинч-тотув, фаровон яшаяпти. Бу дўстлигимизни дунёда ҳеч ким ва ҳеч қандай куч бузолмайди!
...Ойнурнинг энсаси қотди. У истеҳзоли кулди:
– Нечоғлик ёлғон!”

 “Ойнур” эрк ва миллат ошиғи бўлмиш раҳматли Мамадали Маҳмудовнинг ҳуррият ҳақида ёзган романи. Узоқ ўтмишимиз, кимлигимиз, миллатимиз қаҳрамонлари ҳақидаги тарихга бой роман. Эврил Туроннинг биринчи муҳаббати билан боғлиқ ширин ва қўрқинчли хотиралардан яралган гўзал роман. Ҳар бир ўзбек ўқиши ва уқиши керак бўлган роман.

©️ Феруза Назар

@akademnashr

Бир ярим йил аввал лотин алифбосида чоп этилган "Учдан кейин кеч"ни китобсеварлар қўлдан қўймай ўқишди, десак муболаға эмас. Ҳалига довур қайта-қайта нашр этаётганимиз ҳам уларнинг талаби туфайли.

Аммо ўшандан бери китобни кирилл алифбосида ҳам чоп этишимизни сўраб йўлланган мурожаат-таклифлар кўплигидан таҳририят почта-алоқа бўлими арининг уяси бўлди-қолди. "Китобхонларнинг сазасини ўлдирмайлик, талабини ҳурмат қилайлик!", дея кирилл алифбосидаги нашрини ҳам чиқардик.

Энди ўқимасликка баҳона йўқ. Икки алифбо (лотин-кирилл)даги "Учдан кейин кеч"ни ўқиб эрта тарбия бобидаги маслаҳатлар, болага инвестиция киритиш йўл-усулларини билиб олинг ва завқли мутолаадан манфаат топинг!

Номи: "Учдан кейин кеч" (кирилл)
Муаллиф: Масару Ибука
Нархи: 26.000 сўм
Харид: @akademsavdo

@akademnashr

«Инглиз тили керак эмас»?

Аслида инглиз тили аллақачон тилимизга ўрнашиб бўлган: селфи, ваучер, лизинг, пиар, дедлайн, трафик, брифинг ва ҳоказо.

Бошқаларни тушуна олиш ёки китоб ўқиш учун эса 143 та феъл ва 257 та отни билишнинг ўзи кифоя бўлиши мумкин. На артикл, на замонлар. Фақат энг керакли сўзлар.

Хориж у ёқда турсин, Ўзбекистондаги олийгоҳларга ўқишга кириш учун ҳам IELTS сертификатига эга бўлишингиз жуда муҳим. Бунда сизга узоқ кутилган «IELTS vocabulary» китоби улкан кўмак бўлади.

«IELTS vocabulary»дан фойдаланган ҳолда сиз:

📌 4000 дан зиёд синоним ва антонимларни осонгина ёдлашингиз;
📌 энг қисқа муддатларда сўз бойлигингизни кенгайтиришингиз;
📌 таржима фаолияти билан шуғулланишни ўрганиб, қўшимча даромад қилишингиз мумкин!

Инглиз тилини билиш даражангиз бошланғичдан тортиб Intermediate, Upper Intermediate ёки Advanced гача бўлишидан қатъи назар, ушбу китоб айнан сиз учун!

Китоб номи: «IELTS vocabulary»
Муаллиф: Б. Мўйдинов
Нархи: 20 000 cўм
Сотиб олиш: @akademsavdo

@akademnashr

«IELTS vocabulary»

Кўплаб илтимосларни инобатга олган ҳолда, китобнинг электрон кўринишини (қисқа фрагмент) каналга юклашга қарор қилдик.

Ҳажми: 0,5 мб

Юклаб олинг ва танишиб чиқинг.

@akademnashr

Adabiyotdan mukammal qōllanma tayyor!

Kitobga ortiqcha taʼrif şart emas. Bōlḡusi savol-javoblarimiz esa taxminan quyidagiça bōladi:

Savol: Qanaqa kitob ōzi bu? 🧐
Javob: Abituriyentlar va, umuman, adabiyotga qiziqqan barça insonlar uçun mōljallangan adabiyotdan ajoyib qōllanma. 🤓

Savol: Qaysi mavzular qamrab olingan? 🤨
Javob: 5–11-sinf “Adabiyot” darsliklarida mavjud eng muhim va asosiy maʼlumotlar jamlangan. 🤩

Savol: Men bunaqasini kōrganman, nega aynan şu kitob? 😏
Javob:
1. Eng yangi darsliklar asosida tuzilgan; 2️⃣0️⃣2️⃣1️⃣
2. Barça mavzular reja asosida, qolaversa savol va topşiriqlar beriş ham yoddan çiqmagan; 📌
2. Eng zarur maʼlumotlar qamrab olingan; ☝️
3. Darsliklar asosida tuzilgan luḡat ham bor. ✅

Savol: Narxi qança kitobni ayting 🙃
Javob: 18 000 sōm. @akademsavdo ga yozing, yetkazib beramiz 😌

Telefon: +998 99 433 16 77

P.S.: Uşbu post tajriba tariqasida tasdiqlanişi kutilayotgan yangi alifbodan foydalanib yozildi. Fikrlaringizni izohlarda qoldirişingiz mumkin.

@akademnashr

​​#yangi_nashr

C ++ dasturlash tili – turli dasturlarni yaratish uchun eng mos, yuqori darajadagi, statik usulda yozilgan, umumiy maqsadlar uchun mo'ljallangan dasturlash tili.

Bugungi kunda C ++ eng mashhur va keng tarqalgan tillar qatorida turadi.

Endi siz ham:
– C++ tilining elementlari, dastur tarkibi va tavsifi, unda dasturlash imkoniyatlari va usullari, tuzilmalarining mohiyati erkin tarqatiladigan Codeblocks IDE asosida ochib berishga bag‘ishlangan;

– Masalalar yechishda foydalaniladigan matematika fanidagi tayanch va qiziqarli ma’lumotlar jamlangan;

– Ma’lumot va vazifalar “oddiydan murakkabga” qarab mantiqiy ketma-ketlikda bayon etilgan:

– Keltirilgan masalalar mualliflar nazaridagi qiyinlik darajasi bo‘yicha A, B, C va D guruhlarga ajratilgan "C++ tili asoslari" kitobini o‘qib professional dasturchilar ortidan ergashing!

Mundoq qarasak, dunyo lahza sayin o‘zgarmoqda. Pandemiya-yu, karantin bizga ko‘p va achchiq xulosalarni berdi. Zamonaviy kasb/hunar/ilm payida bo‘lganlargina yutqizmasligini 2020-yil isbotladi.

Shu sabab, vaqt borida, istak uyg‘onganida (qaysi kasb egasi ekaningiz ahamiyatsiz!) yangi bilimlarni o‘rganing.

2021-yil qanday o‘tishini esa hech kim bilmaydi!

Kitob nomi: C++ tili asoslari (A11+)
Muallif: B.J. Boltayev va boshqalar
Narxi: 60.000 so‘m
Xarid: @akademsavdo
Aloqa: +998 99 433 16 77

@akademnashr

#хаёлга_ошно_бўл

Адабий танқидчи ва мутаржим Андрей Бабиков яқинда Йель университетининг Ноёб китоблар кутубхонасидан Владимир Набоковнинг Супермен ва Лоис Лейнга аталган "Эртанги кун одами фарёди" ("The Man of Tomorrowʼs Lament") шеърини топиб олди.

Шеър 1942 йили ёзилган бўлишига қарамай, ҳеч қаерда чоп этилмаган. Набоков шеърни "The New Yorker" журналига юборганида муаллиф уйдирма ва хаёлий сатрлари билан ўқувчини чалғитмаслиги кераклигини муҳаррир чиройли шарҳлаб, рад жавобини берган.

Фалакнинг гардишини қарангки, бугун "Супермену Бетмен", Лоис Лейн иштирокидаги фильмлар энг кассабоп, томошабинни кинотеатрларга чақирадиган, болаларнинг тасаввуридаги энг кучли, қўрқмас, жасур қаҳрамонга айланди!

"Ҳақиқий ижодкор икки аср нарисини кўради", деганлари рост гап. Сиз ҳам хаёл қилишдан қўрқманг! Минг бемаъни, атрофингиздагилар тинмай танқид қиладиган орзуларингиздан воз кечманг. Самолётниям, пароходу интернетниям болалигида хаёлчан бўлиб улғайганлар яратган.

@akademnashr

#янги_нашр

Office дастурларидан Microsoft Excel тилини ҳаммаям бирдек тушунавермайди. Хийла мураккаб.

Ҳисоб-китоб, функция, турли жадваллар билан ишлаш, эҳтимол, тажриба ортидан ўрганилар, лекин ҳар илм қоидаси билан ўзлаштирилса, иш осонлашади.

Яқинда чоп этилган "Microsoft Excel" амалий қўлланмасида:

– Дастурни эндигина ўрганаётганлар учун содда, равон машқлар;
– Windows муҳитига оид тушунчалар;
– Мураккаб масалаларни ишлаш йўллари;
– Маълумотларни фильтрлаш, тартиблаш;
– Диаграммалар устида амаллар;
– Тенгламаларни тақрибий ечиш;
– MS Excel'нинг математик ва статистик функциялари;
– Қиёсламалар ҳақида маълумот келтирилган.

Қўлланма ҳисоб-китоб билан шуғулланувчи тадбиркор, ҳисобчи, соҳага қизиққан жамики китобхонга мўлжалланган.

Унутманг, вақт – олтин! Ўзингизга зарур маълумот, қўлланмани пухта ўрганинг-да, ҳам вақтдан, ҳам нақдан ютинг!

Китоб номи: "Microsoft Excel" амалий қўлланма
Муаллиф: Б. Болтаев ва бошқалар
Нархи: 30.000 сўм
Харид: @akademsavdo
Алоқа: +998 99 433 16 77

@akademnashr

​​#kitob #taqriz

✅"Hech": Men o'qishni hech tavsiya qilmaydigan asar

Men zamonaviy o'zbek adabiyotiga hech qachon behurmat bo'lmaganman. Bo'lganman. Ha, mayli. Hech qursa, bir nechtasiga. Murod Chovush esa hech bo'lmasa, yaxshi yozuvchi ekanligi ma'lum bo'ldi.
Ammo hech haqida hech o'ylab ko'rganmisiz?...

"Hech"ni o'qib, menda bu asar mutolaasidan so'ng javoblardan ko'ra, ko'proq savollar tug'ildi. Misol, nega ayollar suiqasd uchun aynan o'zini yoqishni tanlaydi? Hech o'ylab ko'rganmisiz? Hech mantiqsizlik aro mantiq izlaganmisiz? Men izlab ko'rdim. Hech narsa chiqmadi...

Aslida esa asar maqsadi ham shu. U hech narsa haqida. "Hech" narsa haqidagi asarga yozilgan taqrizda ham hech narsa bo'lmaydi. Bu absurd. Yo'q absurd emas.

Hech qursa, menga asardagi qahramonlar ismi manzur bo'ldi. Bosh qahramon bo'lsa kerak, (hech bo'lmasa, oddiy qahramon) yozuvchi yigitning ismi Dengiz emish. Asar ayni uning xayollari bilan boshlanadi. U nima haqida xayol surardi? Albatta, hech narsa haqida...

Keyin yana uning do'sti Qalqon bor, unda siz tarkidunyo qilgan soqiy obrazini ko'rasiz. Keyin yana Qidirov ham bor. Yetmish mingta kitobi bor, ammo ikki varaq hikoya ham yozmagan yozuvchi. Hech shunaqasini ko'rganmisiz? Hech ko'rmagansiz.

"Hech"ni o'qib hech narsa tushunmadim. Balki tushungandirman. Lekin tushunmaganlikka oldim. Hech o'zim. Shunchaki. Tezroq taqrizni va asar haqidagi o'ylarni tugatgim kelgandir. Tezroq hech haqida hikoya qiladigan asar o'rniga, hech haqida hikoya qilmaydigan kitob o'qigim kelgandir. Siz ham hech shu narsa haqida o'ylab ko'rganmisiz? Nima haqida deysizmi?

Nima haqida bo'lardi, hech narsa haqida-da! Mayli, endi kech bo'ldi. Xayr! Yo'q, xayr emas, hech qachon xayr demang, ko'rishguncha deng...

HECH qayerda uchrashguncha!

#hech #murodchovush

@panda_books

#янги_нашр #сотувда

Зарур пайти муайян формула ёки физик катталикни ёддан чиқариб қўйиш ўқувчилар, айниқса, абитуриентлар учун жуда таниш ҳолат ҳисобланади. Бундай вақтда керакли маълумотни бир неча китоб варақлаб топиш қийинчилик туғдиради. Барча дарслик ва қўлланмаларни кўтариб юриш эса, албатта, ҳеч кимга ёқмайди. Энг кўп ва хўп ишлатиладиган асосий тушунчалар, қонуниятлар, формулалар, физик катталиклар орасидаги боғланиш муносабатлари битта китобда жамулжам бўлса, бунисига нима дейсиз?

Янги нашр қилинган «Fizikadan maʼlumotnoma» китоби сизни турли оворагарчиликлардан халос этади. Қолаверса, маълумотномадан фойдаланган ҳолда турли формулаларни мустақил ҳолда келтириб чиқариб, фанни ўзлаштириш даражангизни ошириш билан бир вақтда физикадан масала ечиш маҳоратингизни ҳам сезиларли даражада яхшилайсиз.

Китоб номи: «Fizikadan maʼlumotnoma»
Муаллиф: Ш. Усмонов, А. Исроилов
Муқова: Юмшоқ
Нархи: 11 000 сўм
Харид: @akademsavdo

🚖 Китоб Ўзбекистон бўйлаб етказиб берилади.

@akademnashr

ДОИРА ҲАҚИДА МАЪРУЗА

Буни бир замонлар Борхес айтган эди.

Инсонлар тилида борлиқни бутунича акс этказмас бирорта ҳам сўз йўқ. «Қоплон» дегани – бу уни дунёга келтирган бошқа қоплонларни, у ов қилиб кун кечирадиган кийикларни, кийиклар озиқланадиган кўкатларни, кўкатларни вояга етказган заминни бунёд этган осмонни эслаш дегани ва мен тушундимки, ўзаро бир-бирини тақозо этувчи бу битмас-туганмас чақириқларни Тангри тилида ҳар қандай сўз яширин эмас, очикдан-очиқ ва навбат билан эмас, балки биратўла англатади...

Давомини ўқиш

Телеграм | Фейсбук | Инстаграм

@akademnashr

"Ziyouz.com" портали асосчиси Давронбек Тожиалиев фейсбукда ёзяпти.

Эътироф

Ҳаётда жуда кам учрайдиган бир “телбатабиат” инсонни биламан. У бироз “ғалатироқ”. Деярли ҳеч ким сотиб олмайдиган, биров хушламайдиган китобларни ҳам ўз ҳисобидан чиқараверади. Унинг учун китобнинг сотилиши иккинчи даражали, чиққани муҳим эмиш. Сабаби инсоннинг, бир истеъдоднинг эътирофи экан.

У кўп ўқиган, фикри тиниқ инсон. Ўзига ўхшаганларни, унга ўхшаш бўлиб кўринганларнинг доимо кўнглига қарайди. Шу сабаб аввал неча марта алданиб қолган бўлса-да, инсоннинг юзидан ўтолмайди. Чунки у ризқ Аллоҳдан эканига, у бандаларини ҳеч қачон тоқатидан ўзга нарсада синамаслигини яхши билади.

Яқинда шаҳардан янги уй-жой-у, Чорвоқдан дала-ҳовлига етгулик пул сарфланган “Жажжи академик”ини кўмган, ўзи эса ҳамон кўпроқ академиклар чиқаришни эзгу ният қилган “Академнашр” эгаси ана шундай одам. У ҳамон ҳаракатда. Миллатни уйғотиш, халққа зиё улашиш йўлида завқ олиб ишламоқда.

У билан танишганимга тахминан 10 йиллар бўлди. Ишхонасига 10 марталаб борганман. Ҳар борганимда ишини қўйи, камида бир соат гурунг беради, кетар чоғимда қўлимга бир қучоқ китоб тутқазади, барака топгур. Кеча ҳам 10 та китоб тутқазди. Кўпроқ берганди, аввал олганларимни қайтариб бердим.

Бугун атай санаб кўрибман. Шахсий кутубхонамда “Академнашр”нинг 70 та китоби бор экан. Унинг атиги 10 тасини сотиб олган эканман, қолгани ҳадя қилинган экан. Улардан 30 тасини тўлиқ ўқиб чиққанман. Қолган ҳаммасининг мундарижаси билан танишман.

Мен шахсий кутубхонамни юритишга жиддий ёндошаман. Ойига камида 5 та янги китоб сотиб оламан. Қўлимга тушган ҳар бир китоб ҳақида маълумотларни ёзиб, реестримга киритиб қўяман (қайси нашриёт, қачон чиққани, нима ҳақидалиги, қайси бирини сотиб олганим, ҳадя қилингани, ўқилгани ва ҳ).

“Академнашр” - ўзбек ноширлигидаги феномен. Ҳали бирон нашриёт “Академнашр” уддалаган вазифани бажарган эмас. Буни мен эмас, манаман деган зиёлилар ҳам эътироф этади. Мен унинг эгасини жадид боболардан Беҳбудийга, Обиджон Маҳмудовга (уям “ғалати” одам бўлган, лақаби ҳам “Обид чатоқ”) ўхшатгим келади.

Мен уни ака укасини севгандек, киши биродарини ҳурмат қилгандек, бу миллат ичида шундай ўғил болалари борлиги учун ҳам яхши кўраман. У бошқаларни эътироф қилганидек, бугун уни ҳам эътироф қилгим келди.

“Жажжи академик”и мудраган бўлса-да, қалбидаги академиги боқий бўлсин!

PS. Яқин-орада “Академнашр”да бирон нарсам чиқиб қолса, шунга ёзган экан-да, деб юрманг (зотан, бунгача “Академнашр”да чиққан иккита тўпламда ёзмишларим чоп этилган). Булар ҳар қандай таъмадан йироқ, бугун асрдан кейин илҳом бўлган, чин кўнгилдан чиққан ва таҳрирсиз, бир ўтиришда ёзилган изҳорлардир.


Пост тугади.

@shahnozxon

Анвар Обиджон - "Ҳаётнинг ҳар лаҳзаси гўзал, умрнинг ҳар дами ғанимат"

📺 "Шеърият кечаси"

➡️ @mm_telekanal

#til_bilgan_yutadi

Янги чоп этган китобимизни ўқинг, инглиз тилини 6 ойда ўрганасиз (!) демаймиз.

Китобимиз сизга сеҳрли-афсонавий ваъдаларни бермайди!

40 кунда IELTS даражангизни 5.5 дан 8 га чиқариб берамиз десак, кулгига қоламиз.

"IELTS vocabulary"ни ҳар куни бир дарсдан астойдил ўзлаштиринг-чи, натижасини бизга ёзиб юбораверасиз.

60 кунга 60 дарс, сўзларнинг асос-қўшимчаси билан берилгани, префикс, саффиксларнинг батафсил тушунтирилиши, қўшимчасига машқ-топшириқларнинг борлиги – фойдали қўлланманинг асосий параметрлари бўлади.

Унутманг, ҳаммаси ўзингизга боғлиқ – 2 ойда халқаро сертификат олишга аҳд қилсангизам, кун-тун ўқинг, изланинг, ҳар куни нотаниш, янги сўз/ибора/жумлани ёдланг, аудио/видео дарсларни кўриб, эшитиб туринг, тил билгичлар билан мулоқот қилинг. Энг муҳими, фойдали китобларни саралаб-танлай билинг.

Шунда ҳам вақтдан, ҳам нақддан ютасиз. Яна асаббузарлик, умидсизлик, тил ўрганолмасканман, деган шубҳалардан ҳам қутуласиз.

Нархи: 20.000 сўм
Харид: @akademsavdo

@akademnashr

#тавсия

2 апрел – "Халқаро болалар китоблари куни"га оз қолди.

Дунёда ўзидан бахтли, комил, ақлли, хулқи гўзал, мўмин фарзанд қолдиришни ўйламайдиган ота-она бўлмаса керак.

Болаларимизнинг фаровон яшаши, зориқмаслигини ҳаммамиз истаймиз, аммо ақлини, шуурини тўлдиришга келганда, ё шошмаймиз, ёки йўлини билмаймиз.

Болангиз сиздан бахтлироқ яшашини хоҳлайсизми, ечими – китоб!

Ҳар йили Ҳанс Кристиан Андерсен таваллуди куни нишонланадиган байрамда, жаҳон болалари қаторида бу йил сизнинг ҳам фарзандингиз китоб олсин!

"Мушкулар маликаси Минуш" эса энг яхши совға!

Эҳтимол, анчадан бери мутолаага рағбатлантиролмаётган ўғил-қизингиз байрам ва совға баҳона, яна энг яхши китобимизни кўриб, ўқишга қизиқиб қолар. Ҳаётда ҳамма нарса бўлиши мумкин...


Китоб номи: "Мушуклар маликаси Минуш"
Нархи: 45.000 сўм
Харид: @akademsavdo

@akademnashr

​​#янги_нашр

Тарих – сержумбоқ лабиринтга ўхшайди. Лабиринтда тўғри йўл топишнинг ўзи машаққат, жумбоқлар бўлса нуқул чалғитади, адаштиради.

Тарихимиздаги қўрбошилар мавзуси ҳам худди шундай:
– Жавобсиз саволларга бой;
– Чуқур ўрганилмаган;
– Янги манбаларга эҳтиёж катта;
– Шахслар тақдири тупроққа қоришилган;
– Фактлар чалкаш;
– Фикрлар бир-бирига зид ва ҳоказо...

Анча йиллар ҳақиқий озодлик курашчилари, мард ўғлонларни замона сабаб "босмачи", "қонхўр", "хоин" сифатида талқин этдик.

Уларнинг кечмишидан гапирадиган манбаларнинг камлиги, ўқигулик китобларнинг саноқлилиги бизни на ғафлатдан уйғотди, на уялтирди.

Яқинда нашр этилган "Шермуҳаммадбек ва қўрбошилар жасорати" эса Мадаминбек, Шермуҳаммадбек, Холхўжа Эшон, Жунаидхон, Иброҳимбек Лақай жасорати қаторида тарихнинг беаёв, шафқатсиз кунларини кўз ўнгингизда гавдалантириб беради.

Ушбу китоб узоқ йиллар давомидаги изланишлар маҳсули. Тарихни пухта билиш учун биографик китоблар кўп ўқилиши керак!

Китоб номи: "Шермуҳаммадбек ва қўрбошилар жасорати"
Муаллиф: Мансурхўжа Хўжаев
Нархи: 40.000 сўм
Харид: @akademsavdo

@akademnashr

Тилларига занжир осган итбалиқлар

“...юлдузлар йироқлигидан, ой ойдинлигидан, офтоб оташлигидан, ер юмшоқлигидан, тош қаттиқлигидан, сув суюқлигидан, тун қоронғилигидан, йўл узунлигидан норози қичқирмоқда. Одамлар жим, одамлар жим, одамлар жим!”

Темурпўлат Тиллаевнинг “Ўлим ўпқони” асарини кеча ўқиб тугатдим - ҳақиқий триллер! Мистика, фантастика аралаш ўта реалистик тасвир. Даҳшатли воқеалар шу қадар тиниқ. серранг ва реал тасвирланганки... Айниқса етти кун ёққан ёмғир фонида содир бўлаётган фалокатларни дераза ортида ростанам ёмғир ёғиб турганда ўқиш... даҳшат босди мени. Мана сўзнинг қудрати! Бир ухлаб туриб, бозорга бориб, концертга тушиб келдим ҳамки таассуротлар хиралашмаяпти, эҳтирослар босилмаяпти. Балки ёзсам тинчланарман.

Тасаввур қилинг, нотаниш асарни ўқий бошладингиз. Ровий сюжетни баён қиляпти: дўсти унга ўзининг дўстининг сирли ўлими ҳақида ҳикоя қиляпти ва шу аснода у марҳумнинг кундалигини ўқиб беряпти. Асосий воқеалар ўзи шу кундаликда ёзилган, аммо унгача ўқувчи нечта ҳикоя ичидаги ҳикоялардан ўтиб бориши, қанча даҳшатларни бошдан кечириши керак. Дафтарни ҳар бир ҳикоячи ўқийди ва эси оғиб қолаверади. Охирида ўша дафтарга етиб борган ўқувчини ҳам даҳшат босади - мен ҳам эсдан оғаманми энди деб. Композиция шунақа - квест, лабиринт!

Сюжетга жойланган фикр эса ундан ҳам даҳшат - қаҳрамон ҳақиқат қидиради, топади, топган ҳақиқатини ичда сақласа, эсдан оғиб ўлади, бировга айтса, ўлдиришади. Айтсам ўлдирурлар, айтмасам ўлам... Тилларига занжир осган итбалиқлар дейди қаҳрамон жим юрганларни.

Ёшлигимда қўрқинчли фильм кўрсам, қўрқсам ҳам охиригача борардим - бу менга қўрқувларимни енгиш учун тренировка бўларди. Фильм охиригача жорий қўрқувни енгиб боришни эплаш осон, аммо фильмни кўриб бўлгач давом этадиган қўрқувнинг узун думини кесиб ташлаш қийин бўларди: неча кунгача кечаси ҳовлига елғиз чиқишга қўрқиб юрардим. Ўша ҳолатдаман, хуллас.

Адреналин иштиёқмандлари учун зўр асар, эсдан оғдирай дейди. Ҳажми ҳам катта эмас: 60-70 бетлар. Икки соатда ўқиб чиқдим. Лекин бир умр унутмасам керак шу икки соатни.

@shahnozxon