ក្រុមហ៊ុន អេអាយហ្វាម រួមជាមួយនឹង សាលាបង្រៀនបច្ចេកវិទ្យា រ៉ូបូទិច RobotYOUNG Academy មានកិត្តិយសនិងសេចក្ដីរំភើបដែលបានរៀបចំនូវស្ដង់ពិព័រណ៌បច្ចេកវិទ្យា « STEM PlayGround » ដោយជោគជ័យជូនក្រសួង វិទ្យាសាស្ត្រ បច្ចេកវិទ្យា និង នវានុវត្ត៍ នៅក្នុងទិវាជាតិ វិទ្យាសាស្ត្រ បច្ចេកវិទ្យា និងនវានុវត្តលើកទី៤ ឆ្នាំ២០២៦ ដោយធ្វើសន្ទស្សន៍ ស្រង់ស្ថិតិចំនួនអ្នកដែលបានចូលរួម DIY Robot មានចំនួន ជាង 1100នាក់ និងអ្នកចូលរួមទស្សនាស្ដង់ មានចំនួន 2000នាក់ មកពីបណ្ដា ស្ថាប័ន ឯកជន សាលារៀន ព្រមទាំងមន្ត្រីរាជការ និងមានចម្រុះសាសន៍បរទេសចូលរួមផងដែរ។

STEM PlayGround ធ្វើឡើងក្នុងគោលបំណងជំរុញវិស័យបច្ចេកវិទ្យា វិទ្យាសាស្ត្រ និងការជួយជម្រុញនវានុវត្តន៍ក្នុងប្រទេសកម្ពុជា និងការអភិវឌ្ឍធនធានមនុស្សប្រកបដោយគុណភាព ដោយស្របទៅនឹងយុទ្ធសាស្ត្រជាតិ "យុទ្ធសាស្ត្របញ្ចកោណ" ដែលផ្តល់អាទិភាពខ្ពស់ដល់ការអភិវឌ្ឍធនធានមនុស្ស ។

កម្ពុជាកំពុងផ្តោតលើការអប់រំវិទ្យាសាស្ត្រ និងបច្ចេកវិទ្យា STEM ដែលជួយបណ្តុះធនធានមនុស្សដែលមានគំនិតច្នៃប្រឌិត និងជំនាញខ្ពស់ ត្រៀមខ្លួនសម្រាប់ទីផ្សារការងារនាពេលអនាគត និងជួយជំរុញសេដ្ឋកិច្ចប្រកបដោយនវានុវត្តន៍ផងដែរ។

បច្ចុប្បន្នសេដ្ឋកិច្ចកម្ពុជាពឹងផ្អែកខ្លាំងលើវិស័យកាត់ដេរ សំណង់ និងកសិកម្ម ដូច្នេះការលើកកម្ពស់ការអប់រំ STEM ពីកម្រិតមូលដ្ឋាននឹងជួយផ្លាស់ប្តូររចនាសម្ព័ន្ធសេដ្ឋកិច្ចទៅរកឧស្សាហកម្មដែលមានតម្លៃបន្ថែមខ្ពស់ ដូចជាបច្ចេកវិទ្យាព័ត៌មាន និងស្វ័យប្រវត្តិកម្មជាដើម។

ក្នុងរយៈកាលពាក់កណ្ដាលទស្សវត្សន៍កន្លងទៅ ក្រុមហ៊ុន អេអាយហ្វាម បានបង្កើតឡើងក្នុងគោលបំណង បង្កើតអោយបាននូវស្នាដៃបច្ចេកវិទ្យាជារបស់ខ្មែរ ការច្នៃប្រឌិត ប្រព័ន្ធស្វ័យប្រវត្តិកម្មរ៉ូបូត ដ្រូន បញ្ញាសិប្បនិម្មិត និងដើម្បីជួយដល់វិស័យផលិតកម្មកម្មន្ដសាលរបស់ MSME នៅប្រទេសយើង ដើម្បីចូលរួមចំណែកនៅក្នុងការអភិវឌ្ឍន៍ជាតិយើងក្នុងនាមជាពលរដ្ឋខ្មែរ 🇰🇭។

យើងមានកិត្តិយសយ៉ាងខ្លាំងដែលក្រុមហ៊ុន AI FARM CO., Ltd បានចូលរួមក្នុងកម្មវិធី HR Forum 2026 ដែលរៀបចំឡើងដោយ EuroCham ប្រចាំប្រទេសកម្ពុជា លើប្រធានបទ HR Forum 2026: Reimagining HR Practices in the Age of AI / ការផ្លាស់ប្តូរការអនុវត្តធនធានមនុស្សក្នុងយុគសម័យ AI ដែលបានប្រារព្ធឡើងនៅសណ្ឋាគារ Novotel Phnom Penh BKK 1 ។ ក្នុងឱកាសនោះ លោក ទេព សុវិជ្ជា នាយកផ្នែកបច្ចេកវិទ្យា (CTO) នៃក្រុមហ៊ុន AI FARM CO., Ltd បានអញ្ជើញមកចែករំលែកនូវការយល់ដឹងស៊ីជម្រៅអំពីរបៀបដែលដំណោះស្រាយបច្ចេកវិទ្យាឈានមុខគេរបស់ក្រុមហ៊ុន កំពុងជួយធ្វើបដិវត្តន៍កម្មលើវិស័យធនធានមនុស្សនៅក្នុងប្រទេសកម្ពុជា។ ខណៈពេលដែលវិស័យឧស្សាហកម្មកំពុងឆ្ពោះទៅរកអនាគតដែលដឹកនាំដោយបញ្ញាសិប្បនិម្មិត (AI) ការប្តេជ្ញាចិត្តរបស់ AI FARM ចំពោះនវានុវត្តន៍ បានផ្ដល់នូវឧបករណ៍ដ៏សំខាន់សម្រាប់អាជីវកម្មនានាក្នុងការសម្របសម្រួលប្រតិបត្តិការអាជីវកម្ម និងពង្រឹងការគ្រប់គ្រងមូលធនមនុស្សឱ្យកាន់តែប្រសើរឡើង។
_______________________
🔔បណ្តាញទំនាក់ទំនងផ្សេងទៀតរបស់ពួកយើង៖
Telegram | Facebook | Linkedin | TikTok | website