#بەئاگاوەرەوە...
ـــ﷽ـــ
السَّلَاْمُ عَلَیْکُم وَ رَحْمَةُ اللّٰهِ وَ بَرَکَاْتُه
دایک و باوکی موسڵمان تکایە بە ئاگا وەرنەوە...
_ تا کەی منداڵەکانتان ببنە قوربانی دەستی خۆتان؟!
_تا کەی منداڵەکانتان ببنە قوربانی دەستی هەرزەکارەکان و گەورەکانی دەورووبەریان؟!
_تا کەی منداڵەکانتان لەو ترس و بارودۆخە بمێننەوە کە بەهۆی دەوورووبەرەوە لە تەنهاییدا بۆیان درووست دەبێت و تا ماوەیەکی زۆر لەگەڵیان دەمێنێتەوە؟!
_کەی بە ئاگا دێنەوە و دەست دەکەن بە جێبەجێ کردنی فەرمانەکانی خوای گەورە و پێغەمبەری ئەزیزمان️ ﷺ؟!
_کەی بە ئاگا دێنەوە و درک بە ئەوە دەکەن کە هەرچی ئیسلام فەرمانی پێ دەکات و نەهی لێ دەکات لە بەرژەوندی خۆمان و دەورووبەرمانە؟!

ئەرێ دایک و باوکی موسڵمان بەڕای ئێوە دەبێ پێغەمبەری ئەزیزمان️ ﷺ بۆ فەرمانی پێمان کردووە جێگای منداڵەکان لە تەمەنی ١٠ ساڵی جیا بکەینەوە؟!
بەڕای ئێوە بڵێی ئێمە لە سەروەرمان️ ﷺ باشتر بزانین؟!!
بەداخێکی زۆرەوە ژمارەیەکی زۆر لە دایکان و باوکان جێگای منداڵەکانیان لە تەمەنی ١٠ ساڵی جیا ناکانەوە و هەر گوێیانیش لێ نییە...
یان لە تەمەنێکی بچووکەوە لە شوێنێک بە تەنها لەگەڵ کەسێکی هەرزەکار یان پێگەیشتووی لە خوا نەترس بەجێ دەهێڵن و بە ئاسوودەیی خۆیان کارەکانیان دەکەن و نازانن منداڵەکەیان لە چی بارودۆخێک دەبێت.
لە زۆربەی ئەم بارانەدا منداڵەکە دەبێتە قوربانی هەوا و ئارەزووی پیسی ئەو کەسەی کە جێگاکەیان لەگەڵ جیا نەکردۆتەوە یان ئەو کەسەی لەلای دانراوە، و کاتێک منداڵەکە و کەسەکەی تر بە تەنها دەبن گەر مەحرەمی خۆی بێ کە جێگاکەی جیانەکراوەتەوە یان هەر کەسێکی تر کە منداڵەکەیان لەلای بەجێ هێشتووە گەر مەحرەم بێ یان نا کە دەگەڕێنەوە و تەنهاییان کۆتایی دێ منداڵەکە هیچ شتێ ناڵێت لە ترسی هەڕەشەی ئەو کەسە و باوانیشی وا دەزانن زۆر باشبووە لەگەڵی و ئاگای لێبووە، کەچی نازانن منداڵەکە لەچی بارودۆخێکی قورسە...
و جا بەو شێوەیە ئەو کەسە فێری ئەو منداڵە دەبێ و لەگەڵ کات زۆربەی جار منداڵەکە خۆیشی ڕێگای بۆ خۆش دەکات چونکە لاشەی منداڵەکە بەبێ ویستی خۆی داوای دەکات و داماوە نازانێ بە کوێی دەگەیەنێ، کە کەمێک گەورە دەبێ و کەسەکە وازی لێ دێنێ بەهەر هۆکارێ بێ بە داخێکی زۆرەوە منداڵەکە ئەو کات ڕەنگە هەرزەکار بێ پەنا دەباتە بەر دەستپەڕ و کاری حەرام بەبێ ئەوەی کەس ئاگای لێی بێ، و لە ناخەوە وێران و ڕووخاوە و لە ترسە ناوێرێ هیچ شتێکیش بڵێ و لەگەڵی هەر بەردەوام دەبێ مەگەر خوای گەورە ڕزگاری بکا.
و بە پلە یەک کچان قوربانی ئەم جۆرە تاوانەن و کەم تا زۆر کوڕانیش هەن.
جا گەر کچان بێ خەم و دەروون وێرانییەکەی زۆر زیاترە، چونکە دوای ئەوەی تێدەگات و دەزانێ چی ڕوویداوە و ڕەنگە بۆ هاوسەگیری کردنی کێشەی بۆ درووست بکات و ببێتە ڕێگر، بەو شێوەیە زۆر دەڕوخێ و وێران دەبێ و دەبێت هەر بیشارێتەوە و لەبەر نەریتی کۆمەڵگا و شەرم کردنی هەر بە ناخ و دەروون وێرانی دەمێنێتەوە💔...
و کاتێک منداڵن باوانی جلی ڕووت لەبەر منداڵەکەیان دەکەن و بە هەموو شوێنێکی دەسوڕێننەوە بێئاگا لەوەی چی مەترسییەک بۆ سەر ئەو منداڵە درووست دەکەن، و زۆربەی کات دەستدرێژیکار برا و خاڵ و مام و مەحرەمەکانی قوربانییەکەن، جا وەرە گەر نامەحرەمەکانی قوربانییەکە هەلیان بۆ بڕەخسێ دەبێ چی بەو داماوانە بکەن؟!!

و باوانیش دڵیان خۆشە گوایە توانیانە منداڵێک پێبگەیەنن و کارێکی گەورەیان کردووە، کەچی نازانن لەبری چاکە تاوانبارن بەهۆی شکستی پەروەردەیان و بێئاگاییان لە منداڵەکە...
خوێنەری بەڕێز گەر دایک و باوکی و بەو شێوەیە یان هەر شێوەیەکی تر بێئاگای لە منداڵەکەت بە دووری مەبینە ئەویش قوربانییەکی دەستی خۆتان بێ نەک ئەو کەسەی کە لەلای بەجێی دەهێڵن.

گەر توانای بەخێوکردن و پەروەردەکردن و ئاگا لێبوونی منداڵتان نییە هەوڵی گەورەکردنی خێزانتان مەدەن، بە هەزاران قوربانی لەم شێوەیە لە کوردستانی خۆمان بوونی هەیە و بەبێدەنگی و بە دەروون ڕووخاوی ماونەتەوە و دایک و باوکیش بە ئاسوودەیی خۆیان ژیان دەکەن.

#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست