🎯 የሃይማኖት ንግድ እና የግብዝነት ጸሎት፦ አምባገነኑ ሥርዓት በመጨረሻው የውድቀት ማዕበል ውስጥ!

​(አዲሱ ደረበ)

​ሃይማኖትን ለፖለቲካዊ ቅቡልነት መጠቀሚያ ማድረግ የአምባገነን ሥርዓቶች የመጨረሻው የውድቀት ምልክት ነው። በኢትዮጵያ ውስጥ በግፍና በደም የተጨማለቀውን ምርጫ፣ በሃይማኖታዊ ካባ ለመሸፈን የሚደረገው ይህ "የጸሎትና የዱአ መርሐ ግብር"፣ የፈጣሪን ስም ለፖለቲካ ሴራ የመጠቀም አደገኛ ተግባር ነው።

አገዛዙ በየቀኑ በድሮን የሚፈጀውን የንጹሐን ደም፣ በሃይማኖታዊ ጸሎት ለማጠብ ወይም Moral Laundering ለመፈጸም ቢሞክርም፣ እውነተኛ ጸሎት ከንስሐ እንጂ ከግብዝነት አይገኝም። የሃይማኖት ተቋማት ጉባኤም ዛሬ ላይ የአገዛዙ የፖለቲካ ክንድ ሆኖ መታየቱ፣ ተቋማቱን ከምዕመናን ልብ በእጅጉ እያራቃቸው ይገኛል። ይህ የሰላም ቅዠት (Manufacturing the Illusion of Peace)፣ ምርጫው በግፍና በዘር ማጥፋት የተሞላ መሆኑን ለማደብዘዝ የሚደረግ የታወቀ ሴራ ነው።

​ይህ የምርጫ ጸሎት Pre-emptive Legitimacy ወይም መቅድመ-ድልን ለመፍጠር የታለመ ነው። አገዛዙ ውጤቱን ቀድሞ ስለሚያውቅ፣ በጸሎቱ አማካኝነት "ይህ ውጤት በእግዚአብሔር ፈቃድ የመጣ ነው" የሚል የሐሰት ትርክት ለመፍጠር ይንቀሳቀሳል። ይህም ብቻ ሳይሆን፣ ሕዝቡን "ስለ መብታችሁ አትታገሉ፣ ሁሉም ነገር በጸሎት ይፈታል" ብሎ ለማደንዘዝ የሚደረግ Spiritual Distraction ነው።

አገዛዙ ለዓለም አቀፉ ማኅበረሰብ "ኢትዮጵያ ውስጥ ሰላማዊ ምርጫ እየተካሄደ ነው" ብሎ ለማሳየት ይህንን እንደ ፕሮፓጋንዳ መድረክ ይጠቀመዋል። የሃይማኖት አባቶችን በአደባባይ መድረክ ላይ በማሰለፍ የሚፈጸመው የስነ-ልቦና ጫናም ቢሆን፣ "ሁሉም ከእኔ ጋር ናቸው" የሚል የሐሰት ምስል ለመገንባት ነው። በግፍ ላይ የተመሰረተ ምርጫን በጸሎት መባረክ፣ በታሪክ የሚታወቅ ታላቅ መንፈሳዊ ወንጀል ወይም የክፋት ስምምነት (The Covenant of Evil) ነው። ይህ ድርጊት አገዛዙ የሰባት ሃይማኖቶችን አንድነት በሰው ሰራሽ መንገድ በመፍጠር፣ "እኔ የሁላችሁም አድባር ነኝ" ለማለት የሚደረግ የመጨረሻ የሥልጣን ጥማት መገለጫ ነው።

​ይህ ሁሉ ጥረት ግን የውድቀታቸው መጀመሪያ ነው። ልክ እንደ ጥንታዊ አምባገነን ነገሥታት፣ መጨረሻቸው ሲቃረብ ወደ ሃይማኖት መድረክ መሸሽ የለመዱት ነው። የሕዝቡ ቁጣ በሃይማኖት ካባ ሊቀዘቅዝ አይችልም። እግዚአብሔር የፍትሕ አምላክ ነው። በግፍና በደም የተጨማለቀን ሥርዓት፣ በማንኛውም የጸሎት መድረክ ሊባርክ አይችልም። የሕዝቡ ጸሎትና ቁጣ አገዛዙን በቅርቡ እንደሚጠራርገው የታሪክ ሕግ ያሳያል።

ስለዚህ፣ መላው የኢትዮጵያ ሕዝብ ይህንን የሃይማኖት ንግድ በግልጽ ሊቃወም ይገባል። ምዕመናን ወደ አደባባይ ጸሎቱ ከመሄድ ይልቅ፣ የራሳቸውን እውነተኛ የፍትሕና የነፃነት ጸሎት በግላቸው ማቅረብ አለባቸው።
​እግዚአብሔር በአደባባይ የሚደረገውን የግብዝነት ጸሎት ሳይሆን፣ በክፍል ውስጥ የሚደረገውን የጭቁኖች ጩኸት ይሰማል!

አገዛዙ በሰባት ሃይማኖቶች ቢደገፍም፣ የሕዝቡን እውነት ሊያቆመው አይችልም። ይህ መድረክ የውድቀታቸው ማረጋገጫ እንጂ የድላቸው መግለጫ አይሆንም!

ሃይማኖት ከፖለቲካ ቁማር ነፃ መውጣት አለበት። የሕዝብ ንቃትና የእውነት ድምፅ እያደገ ሲሄድ፣ ይህ የግብዝነት ጸሎት የአገዛዙን የመጨረሻ የፍርሃት ስሜትና የፍጻሜውን መቃረብ ብቻ ነው የሚመሰክረው።

​ድል ለአማራ የህልውና ትግል! 🎯

🎯 የአራት ኪሎው ስኪዞፍሬኒያ እና የምክትል ጠቅላይ ሚኒስትሩ ቅዠት፤ ሀገር በደም እየታጠበች የባዕድ ዋንጫ ፕሮፓጋንዳ!

​(አዲሱ ደረበ)

​ሀገር በታሪኳ አይታው በማታውቅ ታላቅ መዋቅራዊ ቀውስ፣ የኢኮኖሚ ውድቀት፣ የኑሮ ውድነት እና የህዝብ እልቂት ማዕበል ውስጥ እየተናወጠች ባለችበት በዚህ ሰዓት፣ የኢትዮጵያ ምክትል ጠቅላይ ሚኒስትር ተመስገን ጥሩነህ ያስተላለፈው የ "እንኳን ደስ አላችሁ" መልዕክት፣ የአገዛዙን ፍጹም የሆነ የሞራል ክስረት፣ ግብዝነት እና ከእውነታው ዓለም መፋታትን እርቃኑን የሚያሳይ ነው።

ንጹሐን ለፍቶ አዳሪ ወገኖች በራሱ በሚሊሻ መዋቅር በአደባባይ በጥይት እየተ*ረሸኑ፣ የአማራ ሕዝብ በየቀኑ በድሮን ጥቃት እየተጨ*ፈ*ጨፈ፣ እና ሀገሪቱ በስድስት ጎረቤት ሀገራት የዲፕሎማሲያዊ እና የጂኦ-ፖለቲካዊ የብረት ቀለበት ውስጥ ታፍና እስትንፋሷ እየተቆረጠ ባለበት በዚህ ታሪካዊ ክፉ ቀን፤ የአንድ ታላቅ ሀገር ምክትል ጠቅላይ ሚኒስትር ነኝ የሚል ሰው የለንደኑን እግር ኳስ ክለብ አርሴናልን "የቡድናችሁ ድል ጽናትን ያስተምራል... ጥረት በጣፋጭ ድል ይካሳል" እያለ በስሜት ሲቀኝ ማየት ፍጹም ዘግናኝ የፖለቲካ ትርኢት ነው።

​የዚህ ቅንጭር ግለሰብ እንቶ ፈንቶ ድርጊት አገዛዙ የውስጥ ወታደራዊ ሽንፈቱን እና ህዝባዊ መገለሉን ለመሸፈን የሚጠቀምበት ሌላኛው አደገኛ የማደንዘዣ ስልት (Psychological Distraction) መሆኑ ነው።

ተመስገን ጥሩነህ በመልዕክቱ ላይ "ታግላችሁ ስታሸንፉ ተቺ እጆችን ለጭብጨባ፣ ነቃፊ አንደበቶችን ለሙገሳ እንደሚያበቃ አሳይታችኋል" እያለ የጻፈው ድሪቶ፣ አርሴናልን ሰበብ አድርጎ ራሱ አራት ኪሎ ላይ ለተቀመጠው አምባገነን እና ፋሽስታዊ ቡድን ቅቡልነትን ለመለመን የተጠቀመበት ድብቅ ሥነ-ልቦናዊ ቁማር ነው። አገዛዙ በጀግናው ፋኖ ክንድ ድባቅ እየተመታ፣ በምርጫ ድራማው ላይ የሃይማኖት አባቶችን ሰብስቦ በግብዝነት ምርጫውን ለመባረክ እየሞከረ፣ አሁን ደግሞ የወጣቱን ትኩረት ወደ ውጭ ሀገር ስፖርት በማዞር በሀገር ላይ እየደረሰ ያለውን የዘር ፍጅት፣ ረሃብ እና የወረርሽኝ ስጋት ለማስረሳት ቆርጦ ተነስቷል።

​የኢኮኖሚ ከበባ እና የሞራል ውድቀት ሀገሪቱን እያደማት ባለበት፣ ህዝቡ በረሃብ እያለቀ እሱ ግን ቪላዎችን እና ቤተ-መንግሥቶችን በሚሊዮን ዶላር በሚገነባ ሥርዓት ውስጥ ሆኖ፣ "ትጋት እና እንቅፋት ሕልምን እውን ከመሆን አያስቀርም" እያሉ መጻፍ በህዝብ ላይ ማሾፍና ማላገጥ ነው። የኪነ-ጥበብ ሰዎቻችን ጭራቸውን ቆልፈው ለውጭ ክለብ ሲያጨበጭቡ እያፈርን ባለበት ሰዓት፣ ሀገር የመምራት ኃላፊነት ያለበት ባለሥልጣን የራሱን ህዝብ ሰቆቃ ወደ ጎን ትቶ በዚህ ደረጃ በአደባባይ የፕሮፓጋንዳ ፊኛ ሲነፋ ማየት የአገዛዙን ፍጻሜ መቃረብ ብቻ ነው የሚያሳየው።

ተመስገን ጥሩነህ እና የብልፅግና ዲጂታል ሚኒሻዎች ሆይ!

የውጭ ክለቦች ድል የእናንተን የዲፕሎማሲ እና የወታደራዊ ክስረት ሊሸፍንላችሁ አይችልም። መላው የአማራ ሕዝብ እና የኢትዮጵያ ጭቁን ህዝቦች የእናንተን የግብዝነት መሸሸጊያዎች ሁሉ እያፈረሱ ስለሆነ፣ የነፃነቱ አብዮት በአራት ኪሎ ድል ማብቂያው እጅግ ቅርብ ነው።

​ድል ለአማራ የህልውና ትግል! 🎯

🎯 የዶ/ር አብዱ ሁሴን ቅዤትና ትርክት!

​(አዲሱ ደረበ)

​‹‹የባህር በራችንን በቶሎ እንዳናሳካ ፋኖ እየተኮሰብን ነው። ጠላቶቻችን በየቀበሌው የጥይት ተኩስ የሚያበዙብን የባህር በር እና የወደብ ጥያቄያችንን ባጠረ ጊዜ እንዳናሳካ እዚሁ ወግዲ እናስቀራቸዋለን ብለው ነው፡፡ ወግዲ ላይ የሚተኮስ ጥይት ጉዟችንን ያረዝመው ካልሆነ በስተቀር ከመዳረሻችን ስለማያስቀሩን አትልፉ በሏቸው››

ይህ ​የአማራ ክልል ምክትል ርዕሰ መስተዳድር ተብየው ዶ/ር አብዱ ሁሴን በወግዲ ማኅበረሰብ ፊት ያደረገው ንግግር፣ በአንድ በኩል የአገዛዙን ስልታዊና ሥነ-ልቦናዊ መሸበር ቁልጭ አድርጎ የሚያሳይ ሲሆን፣ በሌላ በኩል ደግሞ ሕዝብን ለማታለል የተወረወረ የመጨረሻው የፕሮፓጋንዳ ስልት ነው።

አገዛዙ በታሪክ ታይቶ በማይታወቅ መልኩ በዲፕሎማሲው መድረክ ተገልሎ፣ በሶማሊላንድ ጉዳይ የጀመረው ጀብደኝነት ዓለም አቀፍ ቀውስ ፈጥሮበትና በሱዳን ድንበር ላይ የድሮን ውድቀቶች እየገጠሙት ይገኛል። ይህንን ሰፊ የስትራቴጂክ ከበባ ለመሸፈን፣ ወግዲ ላይ ቆሞ "ፋኖ ባሕር በር ከለከለን" ማለት ግልጽ የሆነ የሕዝብን ትኩረት ከአገር አቀፍ ውድቀቶች ወደ አካባቢያዊ ትረካ የማስቀየር የውሸት ስልት (The Diversionary Strategy) ነው። አምባገነን ሥርዓቶች የገቡበትን ማጥ ማለፍ ሲያቅታቸው ውድቀታቸውን የሚያሳብቡበት ቀንደኛ ጠላት መፍጠር እንደሚወዱት ሁሉ፣ ዶክተር አብዱም ፋኖን የባሕር በር ጉዞ አደናቃፊ አድርጎ በመሳል፣ የአገዛዙን የዲፕሎማሲና የኢኮኖሚ ውድቀት በሙሉ በፋኖ ላይ ለመጫንና ራሱን ከኃላፊነት ነፃ ለማድረግ (Scapegoating) እየሞከረ መሆኑን ያሳያል።

​ፋኖ መሣሪያ ያነሳው የአማራን ሕዝብ ህልውና ለመጠበቅ፣ የጅምላ ጭፍ*ጨፋን ለመመከትና ፍትሕን ለማስፈን መሆኑ እየታወቀ፣ ንግግሩ ግን ይህንን ታላቅ ሕዝባዊ ዓላማ ወደ "የወደብ ጥያቄን ማደናቀፍ" ዝቅ በማድረግ ትግሉን አገር-አቀፍ ራዕይ የሌለው ኃይል አድርጎ የማቅረብ ስነ-ልቦናዊ ሴራ ነው። የባሕር በርና የወደብ ጥያቄ ለማንኛውም ኢትዮጵያዊ ስሜታዊ አጀንዳ መሆኑን በመረዳት፣ ይህንን የሕዝብ ንፁህ ስሜት እንደ ፖለቲካዊ መሣሪያ በመጠቀም ሕዝብን ከፋኖ ጋር ለማጋጨት ስልታዊ መረብ ተዘርግቷል። ሆኖም "እዚሁ ወግዲ እናስቀራቸዋለን ብለው ነው" የሚለው ሐረግ፣ የአገዛዙን ወታደራዊ ስጋትና የመሬት ላይ ወታደራዊ ሽንፈት ይፋዊ መግለጫ (Admission of Military Crisis) ነው። አገዛዙ በመደበኛ ጦርና በድሮን የፋኖን ክንድ መስበር ስላልቻለ፣ ባለሥልጣናቱ በሕዝብ መድረክ ላይ ሳይቀር የፍርሃት ጩኸታቸውን እንዲያሰሙ አስገድዷቸዋል።

​ይህ የውስጥ ጭቆናን በውጭ ስኬት ትረካ ለመሸፈን የሚደረግ ሙከራ፣ በአምባገነን ታሪክ ውስጥ የተለመደ የውሸት ብሔረተኝነት (Pseudo-Nationalism) ካርድ ከመሆን የዘለለ ፋይዳ የለውም።

አገዛዙ ለሕዝቡ የሚያሳየው የሰላም፣ የልማት ወይም የዲሞክራሲ ስኬት ስለሌለው፣ የፖለቲካ ካፒታል ለማግኘትና የራሱን የከሰረ መዋቅር ለማንቃት እንዲህ ያሉ የፈጠራ ትረካዎችን እንደ ምርጫ መፈክር ለመጠቀም ተገዷል። ይህ የሚያሳየው የአገዛዙን የሃሳብና የትርክት ድህነት ነው። "ወግዲ ላይ የሚተኮስ ጥይት ጉዟችንን ያረዝመዋል" የሚለው ንግግር፣ የሕዝብን ንቃተ-ህሊና እጅግ የናቀ ነው። የሕዝቡ የወደብ ጥያቄ የከሸፈው በአዲስ አበባው አገዛዝ የዲፕሎማሲ ጀብደኝነትና ስንፍና መሆኑን እያወቀ፣ ጣቱን እያፈናቀለና እየገ*ደለ ካለው አገዛዝ ላይ አንስቶ ወደ ፋኖ ማዞር መፈለጉ፣ ሕዝብን እንደ ሞኝ የመቁጠር ስነ-ልቦናዊ እውርነት ነው።

​የአማራ ሕዝብ ዛሬ ጥያቄው የመኖርና ያለመኖር የህልውና ጥያቄ ነው። የድሮን ድብደባ እንዲቆም፣ መፈናቀል እንዲያበቃና ሰብአዊ መብቱ እንዲከበር በሚፈልግበት ሰዓት፣ ዶክተር አብዱ ግን ይህንን የሞትና የሽረት ጥያቄ አውርዶ ወደ ረጅም የባሕር በር ጉዞና ንግድ በማምጣት የሕዝቡን መሠረታዊ ጥያቄዎች ሆን ብሎ ያሳንሳል (Structural Reductionism )።

"ጉዟችንን ያረዝመው ካልሆነ በስተቀር" የሚለው አገላለጽ፣ ወደብ የማምጣቱን የውሸት ቃል ኪዳን ወደ ሩቅ ጊዜ ማስተላለፊያና የአገዛዙ የጊዜ መግዣ ስልት ነው። ነገ ወደብ ሳይመጣ ሲቀር "ፋኖ ጦርነት ስለከፈተብን ነው የዘገየው" ለማለት፣ ቀድሞ ሰበብ ማዘጋጀት ፈልገዋል። ባለሥልጣናቱ ሕዝቡን ማሳመን እንደማይችሉ በራሳቸው ስለሚያውቁ፣ በንግግሩ ውስጥ የሚታየው "አትልፉ በሏቸው" የሚለው የትዕቢትና የንቀት ድምፅ፣ ከውስጥ ያለውን ጥልቅ ጭንቀትና መሸበር ለመደበቅ የሚደረግ የተገላቢጦሽ ስነ-ልቦናዊ መከላከያ ነው።

አመራሩ ተስፋ መቁረጡን በተዘዋዋሪ እያረጋገጠ ቢሆንም፣ ሳያውቁት ያረጋገጡት አንድ ትልቅ እውነት አለ፦ ፋኖ መሬት ላይ የሚተኩሰው ጥይት የአገዛዙን መዋቅር ሙሉ በሙሉ እያናጋውና ስልታዊ እቅዶቹን በሙሉ እያከሸፈበት መሆኑን ነው። ንግግሩ የፋኖ ክንድ ምን ያህል ኃያልና የአገዛዙን ጉልበት ያፈሰሰ መሆኑን በይፋ የመሰከረበት የታሪክ አጋጣሚ ሆኗል።

​ድል ለአማራ የህልውና ትግል! 🎯

🎯 የአገዛዙ መዋቅራዊ ስብራትና የፋኖ ስልታዊ የበላይነት!

​(አዲሱ ደረበ)

​የአማራ ፋኖ ብሔራዊ ንቅናቄ ቢዛሞ ቀጠና አንሻ ሰይድ ዕዝ አበጀ ጥበቡ ነበልባል ክፍለ ጦር ትላንት ግንቦት 16 ቀን 2018 ዓ.ም ያስመዘገበው አንፀባራቂ ድል፣ በመሬት ላይ ያለውን ወታደራዊ የኃይል ሚዛን ፍጹም በሆነ መልኩ የለወጠ ታሪካዊ ክስተት ነው።

ከነቀምት ወደ ጊዳአያና ሲንቀሳቀስ በነበረው የጠ*ላት ኮንቮይ ላይ አንዶዴዲቾ በተባለ አካባቢ ክፍለ ጦሩ የሰነዘረው አስደናቂ የደፈጣ ጥቃት (Ambush )፣ ለአገዛዙ መከላከያ መዋቅር ታይቶ የማይታወቅ ታላቅ ስልታዊ መርዶ ሆኗል። ለሰዓታት በተደረገው በዚሁ እልህ አስጨራሽ ውጊያ፣ የማዕከላዊ እዝ ምክትል አዛዥ ብርጋደር ጄነራል አስናቀ አይተነዉን ጨምሮ አንድ ሙሉ ሬጅመንት የጠላት ኃይል ወደ አፈርነት የተቀየረ ሲሆን፤ ስምንት ወታደራዊ ተሽከርካሪዎችን ጨምሮ በርካታ የቡድን እና የነፍስ ወከፍ መሳሪያዎችን መማረክ ተችሏል።

​ይህንን ታላቅ ወታደራዊ ስኬት መነሻ በማድረግ በመሬት ላይ ያለውን እውነታ ስንመረምር፣ የብርጋዴር ጄኔራል አስናቀ አይተነው መደም*ሰስ ፋኖ የመሪዎችን የመምታት ስልት (Decapitation Strategy) በተግባር ማዋል መጀመሩን ያሳያል። ይሄ ተራ ወታደራዊ ግጭት ሳይሆን፣ የአገዛዙን ታዋቂ የጦር መሪዎች በትክክል በመለየት ማጥቃት የሚያስችል ከፍተኛ የስለላና የኦፕሬሽን ብቃት ማሳያ ነው። ማዕከላዊ ዕዝ የአገዛዙ የጦር መዋቅር ዋና ማዕከል እንደመሆኑ መጠን፣ የዚህ ዕዝ ምክትል አዛዥ በመሬት ላይ በሚደረግ ጥቃት መደም*ሰሳቸው አገዛዙ የሰራዊቱን የኮሙዩኒኬሽንና የዕዝ ሰንሰለት (Chain of Command) ሙሉ በሙሉ እየተቆጣጠረው እንዳልሆነና መዋቅሩ መፈራረሱን ያረጋግጣል።

ጄኔራሉ ከነቀምቴ ወደ ጊዳ አያና እየተንቀሳቀሱ በነበረበት ቅጽበት ጥቃቱ መሰንዘሩ፣ ፋኖ የአገዛዙን ከፍተኛ የጦር መሪዎች እንቅስቃሴ፣ ሰዓት፣ መስመርና የሰው ኃይል መጠን ቀድሞ የማወቅ ፍፁም የሆነ የደኅንነትና የስትራቴጂካዊ መረጃ (Intelligence) የበላይነት እንዳለው ይመሰክራል።

​በተጨማሪም የቢዛሞ ዕዝ ጥቃቱን የሰነዘረው የአማራ ታሪካዊ ርስት በሆነው ወለጋ (ቢዛሞ) ላይ መሆኑ፣ በአገዛዙ መከላከያ ስልታዊ የመተላለፊያ መስመሮች ላይ በመሆኑ፣ ይህ የፋኖ የማድረግ አቅም ከአንድ የተወሰነ ቀጠና ወጥቶ የአገዛዙን ጦር ያሰበበት ቦታ ሄዶ መምታት ወደሚችልበት ተንቀሳቃሽና አጥቂ ኃይል (Highly Mobile Offensive Force) መሸጋገሩን ያሳያል። የዕዝ አዛዦች በአደባባይና በመደበኛ ጉዞ ላይ እያሉ ሲደመ*ሰሱ፣ በተራው ወታደር ላይ የሚፈጠረው ፍርሃትና የስነ-ልቦና ስብራት (Morale Collapse) እጅግ ከፍተኛ በመሆኑ የተነሳ ሰራዊቱ መሣሪያውን ጥሎ እንዲፈረጥጥና እጅ እንዲሰጥ በር ይከፍታል።

አንድ ብርጋዴር ጄኔራል በከፍተኛ ጥበቃ፣ በታጠቁ አጃቢዎችና በቅኝት ጦር ታጅቦ ሲንቀሳቀስ፣ ፋኖ ይህንን ሁሉ ጦር ሰብሮ ጄኔራሉንና አንድ ሙሉ ሬጅመንት መደም*ሰሱ የአገዛዙ አጃቢ ኃይል የራሱን መሪ እንኳ የመጠበቅ አቅም እንደሌለው ያሳያል። ይህም ፋኖ ከአሁን በኋላ የአገዛዙን ጥቃት የሚከላከል ብቻ ሳይሆን፣ ራሱ መስመር መርጦ፣ ዒላማ ወስኖ የማጥቃት (Offensive Strategy) የበላይነት መያዙን ያበስራል።

​ብርሃኑ ጁላ "የፀረ-ሰላም ኃይሎችን አከርካሪ እየሰ*በርን ነው" ባለ ማግስት፣ እንዲህ ዓይነት ከፍተኛ የዕዝ መሪ መውደቁ የአገዛዙን መግለጫዎች ባዶ ፕሮፓጋንዳ ያደርጋቸዋል። የአገዛዙ ጦር በሰላም መንቀሳቀስ አቅቶት በመንገድ ላይ የመደ*ምሰስ አደጋ መጋረጡ፣ የትራንስፖርትና የሎጂስቲክስ መስመሮቹ በሙሉ በፋኖ ቁጥጥርና ክትትል ስር መውደቃቸውን ያሳያል።

በተጨማሪም እንደ ማርቲን ፕላውት ያሉ ታዋቂ ዓለም አቀፍ ጋዜጠኞች ይህንን ሰበር ዜና ማውጣታቸው፣ የፋኖ ትግልና የማድረግ አቅም በዓለም አቀፍ የጂኦ-ፖለቲካ ተንታኞችና ዲፕሎማቶች ዘንድ የአገዛዝ መለወጥ (Regime Change) ማምጣት የሚችል ብቸኛ ኃይል ተደርጎ መወሰድ መጀመሩን ያሳያል።

በአምባገነን ታሪክ ውስጥ ጄኔራሎች በመስመር ላይ መውደቅ ሲጀምሩ፣ ያ ሥርዓት የፖለቲካና የወታደራዊ ዕድሜው የመጨረሻ ምዕራፍ ላይ መድረሱን ያመለክታል። ይህ ታላቅ ድል የፋኖን የነፃነት ጉዞ ወደ አራት ኪሎ የሚያፋጥንና የሕዝባዊ ትግሉ የመጨረሻ ግብ መቃረቡን የሚያበስር ስልታዊ እርምጃ ነው።

ቻው ጄኔራል!

​ድል ለአማራ የህልውና ትግል! 🎯

🎯 የአገዛዙ "የምርጫ ድራማ" በአለም አደባባይ ራቁቱን ቀርቷል!

​(አዲሱ ደረበ)

​የህልውና ቀውስ የዋጠው አገዛዝ ፥ ራሱን ሕጋዊ ለማስመስልና ዕድሜ ለማራዘም የሚጠቀምበት "የምርጫ ቁማር" ዘንድሮ በአለም አቀፉ ማኅበረሰብ ፊት መና ቀርቋል። ግንቦት 24 ቀን 2018 ዓ.ም እናደርገዋለን ያሉትን ምርጫ አስመልክቶ፣ የአውሮፓ ሕብረት ይፋዊ የታዛቢዎች ልዑክ እንደማይልክ በጽሑፍ ማረጋገጡ ይፋ ሆኗል።

"ምርጫ 2018 - ኢትዮጵያ ኢንሳይደር" እንደዘገበው፣ አገዛዙ እንደ አፍሪካ ኅብረት እና ኢጋድ ያሉ የለመዱትን የጥቅም አጋሮቹን በመጋበዝ በአለም አቀፍ ታዛቢዎች ድራማ ለመሥራት ቢሞክርም፣ የአውሮፓ ሕብረት ግን ፊቱን በማዞር ለዚህ የሰርከስ ትርኢት zero recognition ወይም እውቅናም ሆነ እጅ መንሻ እንደማይሰጥ በግልጽ አሳይቷል። ይህ ውሳኔ ተራ ዲፕሎማሲያዊ ክስተት ሳይሆን፣ በአለም አደባባይ የአገዛዙን ፍፁም ውድቀትና የትርክት ኪሳራ ፍንትው አድርጎ ያሳየ ትልቅ የፖለቲካ መርዶ ነው።

​የአውሮፓ ሕብረት ይህንን ይፋዊ የታዛቢዎች ልዑክ የመከልከል ውሳኔ ማስተላለፉ ሰፊና ጥልቅ የሆነ የፖለቲካ ትርጉም አለው። በመጀመሪያ ደረጃ፣ ውሳኔው በአገሪቱ ውስጥ ነፃ፣ ፍትሐዊና ዲሞክራሲያዊ ምርጫ ለማካሄድ የሚያስችል ምንም ዓይነት የምርጫ ምኅዳር እንደሌለ በተግባር ያረጋገጠ ነው። ተቃዋሚዎች በታሰሩበት፣ ነፃ ሚዲያዎች በታፈኑበትና በአማራ ክልል ጨምሮ በተለያዩ አካባቢዎች የሕዝብ የህልውና ጩኸት በድሮንና በከባድ መሣሪያ በሚመለስበት አውድ ውስጥ የሚደረግ ምርጫ mere facade ወይም የማጭበርበሪያ ድራማ መሆኑን ሕብረቱ ቀድሞ ተረድቷል። በታሪካዊው የ1997ቱ ምርጫ 319 የሚደርሱ የዓለም ዐቀፍ ታዛቢዎች ተገኝተው የነበረበትን ከፍተኛ ቁጥር ስናስታውስ፣ ዛሬ በሚያደርጉት ፌክ ምርጫ ከአፍሪካ ኅብረትና ከኢጋድ ውጪ ሌላ ይፋዊ ዓለም ዐቀፍ ታዛቢ አለመኖሩ፣ አገዛዙ በአለም መድረክ ምን ያህል ብቸኛ፣ የተገለለና የከሰረ ደረጃ ላይ መድረሱን ቁልጭ አድርጎ ያሳያል።

​ይህ በአለም አደባባይ የተመዘገበው ታላቅ የዲፕሎማሲ ድል በዘፈቀደ የመጣ ሳይሆን፣ የባለብዙ ወገን የተቀናጀ ተጋድሎና የፅናት ውጤት ነው። ከሰሞኑ በውጭው ዓለም የሚኖረው ታማኝና ቆራጥ ዲያስፖራ በተለያዩ ታዋቂ የአለም ከተሞች አደባባዮች ወጥቶ ያደረገው ደማቅ ሰልፍ፣ የአገዛዙን የጅምላ ጭፍጨፋና ፋሽስታዊ ባህሪ ለአለም ፖለቲከኞች በግልጽ አጋልጧል። Collective resistance ወይም የተቀናጀ የሕዝብ ተጋድሎ የአገዛዙን የፕሮፓጋንዳ ማሽን ክፉኛ አናግቶታል። ከዚህም ጋር ተያይዞ፣ ሌሊትና ቀን ሳይሉ የእውነት ድምፅ የሆኑት የሚዲያ ተጋድሎዎችና የነፃነት ጋዜጠኞች የአገዛዙን የፈጠራ ትረካዎች እያፈረሱ የመሬት ላይ እውነታውን ለአለም አቀፉ ማኅበረሰብ ማድረሳቸው ትልቅ ሚና ተጫውቷል። ከሁሉም በላይ ደግሞ መሬት ላይ ያለው ጀግናው ታጋይና ሕዝብ የከፈለው መራራ መስዋዕትነት፣ የአገዛዙን ወታደራዊና አስተዳደራዊ መዋቅር ክፉኛ በማናጋት የአዲስ አበባውን ሥርዓት illegitimate ወይም ሕጋዊነት አልባ አድርጎታል። የዲያስፖራው ሰልፍ፣ የሚዲያው ተጋድሎ እና የመሬት ላይ ፍልሚያ በአንድ ላይ ተገምደው የአገዛዙን የፌክ ምርጫ ገና ሳይጀመር ድባቅ መትተውታል።

​በመሆኑም፣ ይህ የአውሮፓ ሕብረት ውሳኔ አገዛዙ ለምርጫ ቅስቀሳና ለሕዝብ ማታለያ የሚጠቀምበትን የሰላምና የዲሞክራሲ ጭንብል ሙሉ በሙሉ የገፈፈ ነው። አምባገነኑ ሥርዓት የውስጥ ቀውሱንና ወታደራዊ ሽንፈቱን በምርጫ ድራማ ለመሸፈን የነደፈው ስልት በአለም አቀፍ መድረክ መክሸፉ፣ የሥርዓቱን የመጨረሻ ምዕራፍ ያፋጥነዋል። Politically isolated ወይም በፖለቲካዊ መልኩ ተገልሎና እርቃኑን ቀርቷል። ሕዝቡና ታጋዩ ኃይል ይህንን የአገዛዙን የዲፕሎማሲ መገለልና መዋቅራዊ መፈራረስ እንደ መልካም አጋጣሚ በመጠቀም፣ የህልውና እና የነፃነት ጉዞውን ፍጻሜ ለማየት ትግሉን አጠናክሮ እንደሚቀጥል ጥርጥር የለውም።

የውሸት ምርጫና የኮሜዲ ድራማ የአገዛዙን ዕድሜ ሊያረዝሙት አይችሉም!

​ድል ለአማራ የህልውና ትግል! 🎯

🎯 አገዛዙ የከሰረ ቅቡልነትን ፍለጋ ሆድ አደሮችን በአደባባይ አሰልፏል!

​(አዲሱ ደረበ)

​አምባገነን ሥርዓቶች የመጨረሻው የውድቀት ምዕራፍ ላይ ሲደርሱ፣ ከእውነታው ዓለም ሙሉ በሙሉ ተቆርጠው በፈጠሩት የቅዠት ዓለም ውስጥ መኖር ይጀምራሉ። ዛሬ በአዲስ አበባ፣ በባሕር ዳር እና በጎንደር አደባባዮች ላይ የታየው ድራማ የዚሁ የታሪክ እውነት ሕያው ማሳያ ነው።

አገዛዙ የራሱን ካድሬዎች፣ የደኅንነት መዋቅሩን ታጋቾችና የሴፍቲኔት ተጠቃሚዎችን አስገድዶ አደባባይ በማስወጣት፣ የጥቂት ሆድ አደር ሰዎችን ፎቶ በሶሻል ሚዲያ እያዘዋወረ "የሕዝብ ድጋፍ አለኝ" ለማለት የሞከረው መጋጋጥ፣ የሥርዓቱን የመጨረሻ የፖለቲካ ሕይወት ለማራዘም የሚደረግ የደካማዎች ስልት ነው። ይህ አይነቱ ድርጊት በአምባገነኖች ታሪክ ውስጥ ሰው ሰራሽ ድጋፍ (manufactured consent) የመፍጠር የተለመደ ማታለያ ነው።

​አምባገነኖች ሥልጣን ላይ ሲቆዩ እውነተኛውን የሕዝብ ድምፅ መስማት ያቆማሉ። ዙሪያቸውን በከበቧቸው ጥቅመኛ ካድሬዎችና "ሁሉ ሰላም ነው" በሚሉ አድርባዮች ስለሚከበቡ፣ መሬት ላይ ያለው የድሮን እል*ቂት፣ የረሃብና የወረርሽኝ ሰቆቃ አይታያቸውም፤ ዛሬም ጥቂት ሰዎችን ሰብስቦ ማጨብጨብ እንደ ታላቅ የሕዝብ ተቀባይነት የሚቆጥሩት በዚህ የስነ-ልቦና መጋረድ (psychological bubble) ሳቢያ ነው።

ሥርዓቱ በመደበኛ የኃይል መዋቅር ሕዝቡን መግዛት ሲያቅተውና በጀግናው ፋኖ ክንድ እየተ*ቀጠ*ቀጠ ሲመጣ፣ ወደ ተውኔትና ትርኢት ያዘነብላል። ዛሬ በየከተማው የተደረጉት የድጋፍ ሰልፎች ለሕዝብ ሳይሆን ለአለም አቀፉ ማኅበረሰብና ለዲፕሎማቶች "አሁንም የምመራው ሕዝብ አለኝ" ብሎ ለማሳየት የተዘጋጁ theatrical stunts ናቸው።

​አምባገነኖች እጅግ የፈሩትን ነገር በተገላቢጦሽ ደፍረው ለማሳየት ይጥራሉ፤ አገዛዙ የዲፕሎማሲ ከበባ እንደደረሰበትና በውስጥም ወታደራዊ ምሰሶዎቹ እየተነቀሉ መሆኑን ስላወቀ፣ የውስጥ መሸበሩን ለመደበቅ ሲል የድጋፍ ሰልፍና የድል መፈክሮችን በአደባባይ ይለጥፋል። በአደባባይ ወጥተው ለዚህ ጨፍ*ጫ*ፊ ሥርዓት ሆይ ሆይ የሚሉ ጥቂት ግለሰቦች የሕዝብ ወኪሎች ሳይሆኑ፣ ከሥርዓቱ በሚወረወርላቸው ፍርፋሪ የሚኖሩ የአገዛዙ ቅልብተኞች (regime bootlickers) ናቸው። ሀገር በምጥ ላይ እያለች፣ የንጹሐን ደም እንደ ጎርፍ እየፈሰሰ ለገ*ዳይ ጋሻ መሆን ፍጹም የሞራል ክስረት ነው።

​በታሪክ እንደታየው እንደነ ኒኮላይ ቻውቼስኩ ያሉ አምባገነኖች ከመውደቃቸው ጥቂት ቀናት በፊት ታላቅ የሕዝብ ድጋፍ ሰልፍ አዘጋጅተው ነበር፤ ነገር ግን ያ ሰው ሰራሽ ማዕበል እውነተኛውን ሕዝባዊ አብዮት ሊያቆመው አልቻለም። የዛሬው መጋጋጥም የአገዛዙን last gasp ወይም የመጨረሻ እስትንፋስ ማሳያ እንጂ የጥንካሬው መግለጫ አይደለም። ከዚህ ሁሉ በላይ ግን የሚያመውና የሚያሳዝነው የወገናችን ድንዛዜ ነው። ሀገሪቱ በሁሉም አቅጣጫ በብረት ቀለበት ተከባ፣ የኑሮ ውድነቱና አፈናው የሕዝቡን ማኅበራዊ ሕይወት አውድሞት ባለበት፣ ዛሬም የራሳቸውንና የልጆቻቸውን ገዳይ በሆዳቸው ምክንያት አደባባይ ወጥተው የሚያመሰግኑ ሰዎችን ማየት የትውልድ ውድቀትን ያሳያል።

ይህንን የሕዝብን ስሜት ማደንዘዣ ስልት በመቃወም፣ እያንዳንዱ ዜጋ ከሆዱ ይልቅ ለህልውናው ቅድሚያ መስጠት ያለበት ወቅት ላይ ደርሰናል። አገዛዙ በካድሬና በሴፍቲኔት ተጠቃሚዎች የሠራው የፌክ ድጋፍ መሬት ላይ ያለውን የነፃነት ፍልሚያ ለአንድ አፍታም ሊያቆመው አይችልም።

​ድል ለአማራ የህልውና ትግል! 🎯

🎯 እንካ ርዕዮተ - አለም!😂

ለዚህ አገዛዝ ፥ "የሕዝብ ሕልውና ማስጠበቅ ፣ የአገር ሉዓላዊነትን ማስከበር፣ በጋራ ዕሴቶች ላይ የተመሰረተ ብሄራዊ አንድነትን ማጽናት እና ለሁሉም ዜጋ እኩል እድል የሚሰጥ የፍትሕ ስርዓትን መገንባት" የሚሉ ርዕዮተ አለማዊ መርሆዎች እንግዳ ናቸው።

የአርሰናሉ ሰው ተሜ ፥ ለባ/ዳሩ ሴፍቲኔታም "አርሰናልን ከዩናይትድ ጋር በባ/ዳር አጋጥምልሃለሁ" ብሎ ቃል በመግባት ለምርጫ እየቀሰቀሰው ነው።

የሕዝብ ንቃተ - ሕሊና ላይ የሚረማመዱበት መጠን በቃል አይገለፅም።

🎯 እንኳንም መራር ዐማራ ሆኜ ተወለድሁ!

(አዲሱ ደረበ)

​ዛሬ ግንቦት 23 ቀን 2018 ዓ.ም 38 ዓመት ሞላኝ። ይህ ቀን ለእኔ ተራ የዕድሜ ቁጥር መለወጫ ሳይሆን፣ በወገኔ ጥቃት እየተቃጠልኩ፣ በትግል እቶን ውስጥ አልፌ እንደ ወርቅ የነጠርኩበትን መራራ ግን ደግሞ እጅግ ኩሩና አንጸባራቂ የጽናት ጉዞዬን መለስ ብዬ የምቃኝበት የታሪክ መዝገብ ነው። ("ለራስ ሲጎርሱ አያሳንሱ" ነውና ተረቱ፤ ራሴን እንዲህ ባቆላምጥ አይግረማችሁ😂)

በአማራ ሕዝብ የህልውና ትግል ውስጥ በሚዲያው ዘርፍ ተሰልፌ በርካታ ውጣ ውረዶችን፣ መከራዎችንና ስቃዮችን አይቻለሁ። በአገዛዙ እልፍ ጊዜ ተሳድጃለሁ፤ ልገደልም ስታደን የኖርኩ ቢሆንም፣ ጠላት እጄን እንዳይጨብጠው በብዙ ለፍቼ አምልጫለሁ። እዚያው አዲስ አበባ ካሳንቺስና አራት ኪሎ በነበሩት ስቱዲዮዎቼ ሆኜ፣ የአምባገነኑን አገዛዝ አንገት አንቄ የፖለቲካ ሴራውን በየቀኑ እበጣጥሰው ነበር። አጣዬ በክፋት እሳት ስትቃጠል፣ በወለጋ፣ በቤንሻንጉልና በተለያዩ የኦሮሚያ አካባቢዎች በወገናችን ላይ የተፈጸመውን ዘግናኝ የጅምላ ጭፍ*ጨፋና ግፍ ያደረገው ራሱ መንግሥት ተብዬው የፋሽስት ስብስብ መሆኑን፣ ሕይወቴን አደጋ ላይ ጥዬ ከአዲስ አበባ ስቱዲዮዬ ሆኜ በድፍረት የተጋፈጥሁት እኔው ራሴ ነበርኩ።

​ገና ፋኖ ባልተደራጀበትና የመከላከል አቅማችን ባልጠነከረበት በዚያ የጨለማ ወቅት፣ ከአገዛዙ የግድያ አዋጅ አምልጬ በወልቃይት ሑመራ፣ በአቸፈርና በላስታ ገደላገደሎች ውስጥ ከጀግናው ወገኔ ጉያ ተደብቄ ባጅቻለሁ። ወጣቱ ወደ ጫካ እንዲተም እና እንድንደራጅ እዚያው ጫካ ሁኔ ብዙ ለፍቻለሁ። ዛሬ ላይ ብዙ የተለፋበትና እልፍ መስዋዕትነት የተከፈለበት የአማራ ትግል እዚህ ታላቅና አስፈሪ ደረጃ ላይ ደርሶ እንደማየት ያለ ታላቅ መንፈሳዊ ደስታ ለእኔ የለም። የሚገርመው፣ የዛሬ ሦስት ዓመት አካባቢ አብዮታችን ሊፈነዳ ሰሞን ከአንዳንድ የትግሉ አመራሮች ጋር በነበረን ጥልቅ መመካከር፣ ውጊያው ሲጀመር አገዛዙ ኔትዎርክና ኮሙዩኒኬሽን ሊዘጋ ስለሚችል የሚዲያው ግንባርና የእውነት ድምፅ እንዳይቆራረጥ ተወሰነ። በዚሁ ስልታዊ ስምምነት መሠረት ሙሉ ቤተሰቤን በትኜ ለስደት ተዳረግሁ። እኔ ወደ ምቾትና ወደ ሀብታም ሀገር አልተሰደድኩም፤ እጅግ የዕለት ተዕለት የኑሮ ፈተና ወደሚበዛበት፣ ከጠላት የደኅንነት መዋቅር ጋር በየቀኑ ወደምንፋጠጥበት ጎረቤት ሀገር እንጂ።

​በዚህ ሁሉ መከራና ስደት ውስጥ ሆነንም፣ ከጠላት ከሚወረወር ቀስትና ከሌላው አማራ ጠል ኃይል ጥቃት በላይ፣ የእኛ አግድም አደግ ተሳዳቢ መንጋ በብዙ ፈትኖናል። ልክ በድሎትና በምቾት እንደምንኖር ሁሉ፣ በየቀኑ ዩቲዩባችን እየተዘጋ፣ ወጣ ብለን እንኳን ትርፍ ሥራ መሥራት በማንችልበት ከባቢ ውስጥ፣ የአገዛዙ ደኅንነቶች ጋር እየተፋጠጥን፣ ልጆቻችን ያለ አባት ፍቅር በየሜዳው ተበትነው ምን ዓይነት ድሎት ሊሰማን እንደሚችል ባላውቅም፣ እኛን ጋዜጠኞችን ለመዝለፍ 24/7 የማይደክመው በሽተኛ አለ። የሚገርመው ደግሞ አንዳንዶቹ እኮ በአውሮፓና በአሜሪካ ቅንጦት ውስጥ የሚኖሩ ናቸው፤ ካልሞትክ የታገልህ የማይመስለው ስንት የሞራል ኪሳራ ያለበት ስንቱ አለ መሰላችሁ!

​ሁሉንም ግን ስለ አማራነት ክብርና እውነት ስል በደስታና በኩራት ተቀብዬዋለሁ። እኛ የምንመለከተውና የምንታገለው ለአማራው ታሪካዊ የበደል ትርክትና የበደል ትዝታ ነው። እሱ ነው የእኛ የአማራነት ዘላለማዊ እውነት፤ ይህንን እውነት መሬት አውርደነዋል። የነገ ትልቅ ሕልሜም ሕዝቤ ከፈተናው ቀንበር ነፃ ወጥቶ፣ ህልውናው ተከብሮና ቀና ብሎ በኩራት ሲራመድ ማየት ብቻ ነው።

​እኔ ወንድማችሁ ከአማራነት ውልፍት አልልም። እድገቴም የትምህርት ዝግጅቴም የመጣሁበት የትግል መንገድም ይህንን አይፈቅድም። ኢንጂነሩ አዲሱ፣ አካውንታንቱ አዲሱ፣ የሥራ አመራሩ አዲሱ፣ መምህሩ አዲሱ፣ ወታደሩና ጋዜጠኛው አዲሱ፣ ከሁሉም በላይ ደግሞ ፋኖው አዲሱ መጠሪያዎቼ ናቸው። እነዚህ ሁሉ ስሞች በትጋት፣ በዕውቀትና በቁርጠኝነት የተገኙ የክብር ማዕረጎቼ ናቸው። እኔ የእነዚያ ታላላቅና ኩሩ የልሂቃኖቻችን ዘር እኮ ነኝ!

​ፈጣሪ ዕድሜና ጤና ከሰጠን ወደ ፊት ለታሪክና ለትውልድ የምናወጋው ብዙ ሚስጥርና ብዙ ታሪክ አለን። ብዙ ጊዜ በዓላትን አላከብርም፤ ግን ዛሬ በዚህ የልደት ቀኔ በውስጥ መስመር ጭምር መልካሙን ሁሉ ለተመኛችሁልኝ፣ ከጎኔ ለቆማችሁና ለምታበረቱኝ ወገኖቼ ሁሉ በትሕትና እጅ ነስቻለሁ። ትግላችን እስከ ታላቁ ድል ድረስ ይቀጥላል!

​እንኳንም መራር ዐማራ ሆኜ ተወለድሁ!

ድል ለአማራ የህልውና ትግል! 🎯

🎯 ወገንና መከታ እንዳለኝ በተግባር ያየሁበት ድንቅ ቀን!

(አዲሱ ደረበ)

​ዛሬ በ38ኛ ዓመት የልደት ቀኔ፣ በፌስቡክና በተለያዩ ማኅበራዊ ገጾች ፎቶዬን እያቀባበላችሁ፣ በአስደናቂ አገላለጽ መልካሙን ስትመኙልኝና ስታበረቱኝ ለዋላችሁ ውድ ወገኖቼ ሁሉ ያለኝን ጥልቅ ምስጋና በቃላት መግለጽ ይከብደኛል።

​በዚህ እልህ አስጨራሽና መራራ የህልውና ትግል ውስጥ፣ በስደትና በብዙ ውጣ ውረድ መካከል ሆኜ ለሕዝቤ እውነት ስጮህ፣ ድምፄና ድካሜ ከንቱ እንዳልቀረ ዛሬ በተግባር አሳይታችሁኛል። ያሳለፍኳቸውን ውጣ ውረዶች ሁሉ በትልቅ ክብር አስባችሁ፣ ለነገው የነፃነት ጉዟችን የሰጣችሁኝ የሞራል ስንቅ በመከራ ውስጥ ለሚጸናው ማንነቴ ታላቅ መታደል ነው።

​ሁላችሁንም በስም ዘርዝሬ መጨረስ ባልችልም፣ ፍቅራችሁ፣ አክብሮታችሁና ለኔ ያላችሁ ወገንተኝነት ልቤን በሐሴትና በትሕትና ሞልቶታል። እኔ ለእውነትና ለወገኔ ስቆም ብቸኛ እንዳልሆንኩ፣ ከጀርባዬ እንደ ቋጥኝ የሚጠብቀኝ ታላቅ ሕዝብና መከታ እንዳለኝ በሚገባ የተረዳሁበት ልዩ ቀን ሆኖልኛል።

​ለእኔ ያሳያችሁት ይኸው አጋርነትና ፍቅር እንደ እዳ ነውና ፤ ይህንን እዳ ሕዝቤ ነፃ ወጥቶ፣ ህልውናው ተከብሮ ቀና ብሎ እስኪራመድ ድረስ በሚዲያውም ሆነ በሁሉም ግንባር በቅንነትና በታማኝነት በማገልገል እከፍለዋለሁ።

መልካም ምኞታችሁ በሙሉ ለኔ ትልቅ ብርታት ነው፤ ፈጣሪ ያክብርልኝ!

​ክብርና ምስጋና ለጀግናው ወገኔ!

ትግላችን እስከ ታላቁ ድል ድረስ ይቀጥላል! 🎯

🎯 መላው አማራ በብረት ቀለበት ተከቧል፤ የአፋብን መብረቃዊ ጥቃት የብልፅግናን የፌክ ምርጫ ገደል ሰዶታል!

​(አዲሱ ደረበ)

​ዛሬ ግንቦት 24 ቀን 2018 ዓ.ም በመላው አማራ ምድር የታሪካዊው የህልውና ትግላችን አዲስ ምዕራፍ የሚጻፍበት ታላቅና አስፈሪ ውጊያ እየተካሄደ ይገኛል። የአማራ ፋኖ ብሔራዊ ንቅናቄ (አፋብን) በሁሉም ዕዞቹና ግንባሮቹ ከአምባገነኑ አገዛዝ ቅጥረኛ ኃይል ጋር ከባድ ትንቅንቅና ተጋድሎ እያደረገ ነው። የአማራ ሕዝብ ፥ መሪ ድርጅቱ አፋብን ያስተላለፈውን ስልታዊ መመሪያ ሙሉ በሙሉ በተግባር በመተርጎም፣ "ለገዳያችን ሕጋዊ እውቅና አንሰጥም!" በሚል የብልፅግናን የድራማ ምርጫ ወደጎን በመተው ቤቱን ዘግቶ በቤት ውስጥ ተቀምጧል።

ከተሞች በሙሉ ፀጥ ረጭ ያሉ ሲሆን፣ አንዳንድ ቦታዎች ላይ የብልፅግና ካድሬዎች በጣሏቸው የሸራ ድንኳኖች ስር ተልካሻ ፎቶ እየተነሱ ራሳቸውን በራሳቸው እያረኩ ነው።

በአንጻሩ በአውደ ውጊያው ግንባር የጠላት ምሽጎች በጀግኖቹ ክንድ እየተናዱ በርካታ አንጸባራቂ ድሎች እየተመዘገቡ ይገኛል። ​የጎንደር ጠቅላይ ግዛት በላይ ዕዝ በመላው ቀጠናው የጠላትን ሰራዊት እያስጨነቀው ይገኛል። ዛሬ በእብናት፣ ጓሀላ፣ አንበሳሜ፣ ሀሙሲት፣ ማክሰኝት፣ አርባያ፣ ወረታ፣ ማሰሮ፣ አርብ ገበያ፣ አንዳ ቤት፣ ስማዳ፣ ጃንሱማ፣ አብርሃጅራ፣ ደብረ ታቦር፣ እስቴ፣ ሻውራ፣ อዲስ ዘመን፣ ሚካኤል ደብር፣ ሽንፋ፣ ነጋዴ ባህር፣ ሳሊ፣ ክምር ድንጋይ እና ቅራቅር ከተሞች ላይ ከባድ ትንቅንቅ እየተደረገ ሲሆን፣ የወገን ጦር በጠላት ማርኮና ምርኮኛ ተንበሽብሿል።

​በሌላ በኩል፣ የምኒልክ ዕዝ በሁሉም የወሎ ቤተ አማራ ግንባሮች ላይ ከሌሊቱ 11:00 ሰዓት ጀምሮ ከፍተኛ ውጊያዎችን ከፍቷል። በራያ ቆቦ ግንባር (ቀዩ ጋሪያ፣ ጮቢ በር፣ ሆርማት፣ መንጀሎ፣ ሮቢት፣ ጎብየ)፤ በላስታ ግንባር (ላሊበላ ዙሪያ፣ ድብኮ፣ ብልባላ፣ ይባር-ወንዳች)፤ በጋሸና ግንባር (እስታይሽ፣ ደላንታ-ፀሀይ መዉጫ፣ መቄት፣ ዳዉንት፣ ዋድላ)፤ በደሴ እና አምባሳል ግንባር (ኩታበር፣ ግሸን፣ ተንታ፣ ጎሽ ሜዳ፣ ደሴ ዙሪያ አልብኮ፣ ሀብሩ ጊራና) እንዲሁም በምዕራብ ወሎ ቤተአማራ ግንባር (መቅደላ-ደብረዘይት፣ መካነሰላም፣ ሳይንት ደንሳ፣ ሳይንት አጅባር፣ ወግዲ፣ ከላላ-ልጓማ፣ መቅደላ ቢሊ፣ ወርቅ ማዉጫ) እና በሌሎችም ቦታዎች የጠላት ጦር መውጫ መግቢያ አጥቶ እየተለበለበ ነው።

​የቴዎድሮስ ዕዝም በበኩሉ በሞጣ፣ ግንደ ወይን፣ ፈለገ ብርሃን፣ መርጡለ ማርያም፣ ደብረ ወርቅ፣ ብቸና፣ ወይራ፣ የትመን፣ የእድውሀ፣ ሰከላ፣ አዲስ ቅዳም፣ ሽንዲ፣ ዳንግላ፣ ጃዊ፣ ይስማላ፣ አዴት፣ ወርቅ ሜዳ፣ የቦቅላ፣ ቲሊሊ፣ ደ/ማርቆስ ዙሪያ-እነራታ፣ ረቡዕ ገበያ እና የጁቤ-ኮርክ ግንባሮች ከአገዛዙ ኃይል ጋር እልህ አስጨራሽ ፍልሚያ እያደረገ ይገኛል። ዕዙ በወሰደው መብረቃዊ እርምጃ ሰከላ ላይ የጠላትን ሦስት ስልታዊ ምሽጎች ማስለቀቅ የቻለ ሲሆን፣ ኮርክ ላይ ደግሞ ብሬን የተሰኘውን ከባድ የቡድን መሣሪያ ጨምሮ በርካታ የጦር መሳሪያዎችን ማርኳል።

​በተጨማሪም፣ በበርካታ የሸዋ ቀጠናዎች ላይ ጀግናው የአፋብን ሸዋ ጠቅላይ ግዛት አሳምነው ዕዝ ከንጋቱ 12:00 ጀምሮ በአገዛዙ ቅጥረኛ ምስለኔዎችና ወታደሮች ላይ የተቀናጀና የተጠናከረ ጥቃት በመፈጸም የጠላትን ዕዝ መዋቅር እያፈራረሰው ይገኛል። በተለይም በሸዋ ጠቅላይ ግዛት መንዝ እና ግሼ፣ ይፋት እና ጥሙጋ፣ ተጉለት እና ቡልጋ፣ መርሐቤቴ እንዲሁም የረር እና ከረዩ አውራጃዎች ዙሪያ ብርቱ አውደ ውጊያዎች እየተካሄዱ ሲሆን፤ የወገን ጦር ነበልባል ክንድ ጠላትን አከርካሪውን እየሰበረው ይገኛል።

​ዛሬ መላው አማራ በተግባር ያረጋገጠው አንድ እውነት አለ፤ የካድሬዎች ስብሰባና የኮሜዲ ምርጫ የሕዝቡን የነፃነትና የህልውና ጉዞ ለአንድ ሰከንድም ሊያቆመው አይችልም። የፋኖ ክንድ የጠላትን ምሽግ ሰብሮ አራት ኪሎ ከመግባት ወደኋላ አይልም!

​ድል ለአማራ የህልውና ትግል! 🎯

ብልሆች እጅ እየሰጡ እየተረፉ ነው። የአገዛዙ ወታደሮች የጓዶቻችሁን ፈለግ ተከትላችሁ ለእናቶቻችሁ ትረፉላቸው!

አፋብን💪

ግዙፉ ሰበር እየመጣ ነው!

የአብይ ወታደሮች ምርጫቸውን መርጠዋል። ሌሎቻችሁም ህይወታችሁን ማትረፍን ምረጡ!

ኮሎኔሎቹ ግን😂

🎯 በገዛ ድግሱ የተሸነፈው አገዛዝ "የምርጫ ሰርከስ" በሽንፈት ተዘርሯል!

​(አዲሱ ደረበ)

​አገዛዙ በራሱ ተጫዋችነት፣ በራሱ አሰልጣኝነትና በገዛ ዳኝነቱ ሲፍጨረጨርበት የዋለው የከሰረ የምርጫ ድራማ፣ በመጨረሻም ፍጹም በሆነ ታሪካዊ ሽንፈት ተጠናቆለታል። በራሱ በዓብይ አሕመድ እና በምክትል ብልፅግናዎቹ አጃቢነት፣ ውስን ካድሬዎቹንና የሴፍቲኔት ተረጅዎችን በየቀበሌው እያጠራቀመ፣ እፍኝ በማይሞሉ ውስን ስፍራዎች ላይ የፖለቲካ ተውኔት ለመተወን ቢሞክርም፤ ክሽፈትና ውርደት ዘላለማዊ ባህሪው የሆነው ይህ ስብስብ በከፍተኛ ኪሳራ መሬት ላይ ተዘርሯል።

"ሀገር ሰላም ሆኖ ሕዝብ በደስታ ወጥቶ መርጦናል" በሚል አስቀድሞ የወጠነው የቲያትር ድራማ፣ በመሬት ላይ ባለው እውነታ ሳቢያ ወደማይቀለበስ አስደንጋጭ ትራጄዲ ተለውጦበታል።

​የመገናኛ ብዙኃን መዋቅሩ ውሸት ሰልችቶት "ወላድ መረጠች"፣ "ሙሽሮች መረጡ"፣ "የሟች ቤተሰቦች መረጡ"፣ "አካል ጉዳተኞች መረጡ" እና "አዛውንት መረጡ" እያለ ሲዘግብ የዋለው ሽርክት ፕሮፓጋንዳ፣ የአገዛዙን የተስፋ መቁረጥ ጽንፍ እና የትርክት ድህነት በአደባባይ ያሳየ የኮሜዲ ትርኢት ሆኗል። በአንጻሩ፣ ጀግናውና አስተዋዩ የአማራ ሕዝብ የመሪ ድርጅቱን የአማራ ፋኖ ብሔራዊ ንቅናቄን (አፋብን) ስልታዊ ጥሪ በሙሉ ልብ በመስማት፣ መንገዱንም ቤቱንም ዘግቶ፣ ለገዳ*ዩ ሥርዓት ፍጹም እምቢተኝነቱን በተግባር አሳይቷል።

​ይህ የሕዝብ የቤት ውስጥና የአደባባይ እምቢተኝነት ተጋድሎ፣ በአውደ ውጊያው ግንባር ካለው የፋኖ መብረቃዊ ማጥቃት ጋር ተናቦ መላውን የጠላት መዋቅር አናግቶታል። ጀግናው የነፃነት ኃይል በአምስቱም የአማራ ግዛቶች (ቢዛሞን ጨምሮ) ሙሉ ማጥቃት በመክፈት በደማቅ ድል እየተንበሸበሸ ይገኛል። የከፍተኛ ወታደራዊ መሪዎችን ጨምሮ የተገኘው የጠላት ምርኮና ግዳይ ለጉድ ሲሆን፣ ብዛቱን መቁጠር ከአቅም በላይ እስከ መሆን ደርሷል።

በርካታ ስትራቴጂክ ከተሞችና ቁልፍ መተላለፊያ መንገዶች አንድም በጀግናው ፋኖ ቁጥጥር ስር ውለዋል፣ አልያም ፍጹም በሆነ የብረት ቀለበት ተከበው የጠላትን መተንፈሻ አሳጥተዋል።

​ይህ የመሬት ላይ ፍጹም የበላይነት በአለም አቀፍ መድረክም በትልቁ ተስተጋብቷል። አለም አቀፍ ሚዲያዎችና ታላላቅ መንግስታት የአገዛዙን ፍጹም ወታደራዊና ፖለቲካዊ ውድቀት በአይናቸው አይተውና ተረድተው፣ በዛሬው የምርጫ ድራማ ላይ በይፋ ሲያሾፉና የሥርዓቱን መደቆስ ሲያረጋግጡ ውለዋል። በዚህ ሁሉ መካከል፣ ንቃተ ህሊና ያላቸውና ብልጥ የሆኑ የአገዛዙ ወታደሮች "ከመሞት መሰንበት" በሚል፣ ለቀነጨረውና ለከሰረው አገዛዝ የጥይት እራት ከመሆን ይልቅ፣ ከሕዝባቸው ጎን ለመቆም መርጠው እጃቸውን በሰላም እየሰጡ ሕይወታቸውን እየታደጉ ይገኛሉ።

​እውነተኛ ምርጫ ማለት እንዲህ ነው! ለነፃነትና ለፍትሕ ሲባል ጨቋኝን ሥርዓት እምቢ ማለት፣ ለገዳይ እውቅና አለመስጠትና ከእውነት ጎን መቆም! ይህ የዛሬው ታላቅ የጋራ ድል፣ የአምባገነኑን ሥርዓት የፖለቲካ ሕይወት ሙሉ በሙሉ ያበቃለት መሆኑን ለአለም ያበሰረበት የታሪክ አጋጣሚ ሆኗል።

​ድል ለአማራ የህልውና ትግል! 🎯