በጎንደር የጥምቀት በአል አከባበር በድምቀት ተጀምሯል

ጥር 09፤ 2015 ዓ.ም

(አዲስ ዘይቤ፣ጎንደር) የጥምቀት በዓል በድምቀት ከሚከበርባቸው ቦታዎች መካከል በጎንደር ከተማ በድምቀት ተጀምሯል። በከተማዋ እንደሚገኙ የሚታወቁት 44 ታቦታት ከያሉበት ወደ ጥምቀተ ባህሩ መጓዝ ጀምረዋል።
___
ለወቅታዊ እና ለፈጣን መረጃዎች የአዲስ ዘይቤ የቴሌግራም ገፃችንን ይቀላቀሉ።
https://t.me/AddisZeybe

የኢትዮጵያ መንገዶች አስተዳደር ዳይሬክተር የነበሩት ኢንጂነር ሀብታሙ ተገኝ የማዕድን ሚኒስትር ሆነው ተሾሙ

ጥር 12፤ 2015 ዓ.ም.

(አዲስ ዘይቤ፤ አዲስ አበባ) የኢትዮጵያ መንገዶች አስተዳደር ዳይሬክተር ጀነራል የነበሩት ሀብታሙ ተገኝ በቅርቡ ከስልጣኛቸው የተነሱትን ታከለ ኡማን በመተካት የማዕድን ሚኒስትር ሆነው ተሾሙ።

አለሙ ስሜ (ዶ/ር) የትራንስፖርት እና ሎጂስቲክስ ሚኒስትር እንዲሁም ግርማ አመንቴ (ዶ/ር) የግብርና ሚኒስትር ሆነው በጠቅላይ ሚኒስትር አቢይ አህመድ የተሾሙ ሲሆን የህዝብ ተወካዮች ምክር ቤትም ሹመቶቹን እንዲያፀድቅ ጠይቀዋል።

የጠቅላይ ሚኒስትር ፅህፈት ቤት ዛሬ ጠዋት እንዳስታወቀው ክጥር 10 ቀን 2015 ዓ.ም ጀምሮ አቶ ማሞ ምሕረቱ የብሔራዊ ባንክ ገዢ ሆነው መሾማቸውን አስታውቋል።
በተባበሩት መንግስታት ድርጅት የኢትዮጵያ ቋሚ ተወካይ የነበሩት አምባሳደር ታዬ አፅቀስላልሴ የውጭ ፖሊሲ አማካሪ ሚኒስትር ተደርገው ሲሾሙ በሌላ በኩል ዲያቆን ዳንኤል ክብረት የማኅበራዊ ዘርፍ አማካሪ ሚኒስትር ተደርገዋል።

ወ/ሮ አለምፀሐይ ጳውሎስ ደግሞ የጠቅላይ ሚኒስትር ጽሕፈት ቤት ኃላፊና የካቢኔ ጉዳዮች ሚኒስትር ሲሆኑ አቶ መለሰ አለሙ በሚኒስትር ማዕረግ የዴሞክራሲ ሥርዓት ግንባታ ማስተባበሪያ የዘርፍ አስተባባሪ ሆነው መሾማቸው ተገልጿል።
___
ለወቅታዊ እና ለፈጣን መረጃዎች የአዲስ ዘይቤ የቴሌግራም ገፃችንን ይቀላቀሉ።
https://t.me/AddisZeybe

ከኮሚሽነር ዋኘው የግድያ ሙከራ ጋር በተያያዘ አንድ የልዩ ኃይል አባል በቁጥጥር ስር ዋለ

ጥር 13፤ 2015 ዓ.ም.

(አዲስ ዘይቤ፤ ባህር ዳር) የአማራ ክልል ፖሊስ ኮሚሽን በእነ ኮማንደር ዋኘው የግድያ ሙከራ ጉዳይ የቀድሞ የርዕሰ መስተዳደሩ የህግ አማካሪ የነበሩ የባለስልጣን አጃቢ እና የልዩ ኃይል አባል የሆነውን አለባቸው አንተነህን በቁጥጥር ስር ማዋሉ ተነገረ።

የአማራ ክልል የልዩ ኃይል የብርጌድ አዛዥ ኮሚሽነር ዋኘው አዘዘው እና የማዕከላዊ ጎንደር ዞን ሰላም እና ደህንነት ኃላፊ ዳኛቸው በለጠ በጥይት ተመተው በህክምና ላይ እንደሚገኙ አዲስ ዘይቤ መዘገቧ ይታወሳል።

ጥቃቱ የተፈፀመው የከተራ በዓል በተከበረበት ጥር 10 ቀን 2015 ዓ.ም ቀን ሲሆን ሁለቱ የፀጥታ አመራሮች በጥይት ተመተው ሆስፒታል እንደገቡ የአዲስ ዘይቤ ምንጮች ገልፀው ነበር።
___
ለወቅታዊ እና ለፈጣን መረጃዎች የአዲስ ዘይቤ የቴሌግራም ገፃችንን ይቀላቀሉ።
https://t.me/AddisZeybe