የናሳው ሪልስቴት- አርሴማ ቀለበት መንገድ ግንባታ አሁናዊ ገፅታ

አዲስ አበባ ፣ሰኔ 26 ቀን 2016 ፣- የአዲስ አበባ ከተማ መንገዶች ባለስልጣን በራስ አቅም እየገነባቸው ከሚገኙ አቋራጭ መንገዶች መካከል የሆነው የናሳው ሪልእስቴት - አርሴማ ቀለበት መንገድ መጋጠሚያ አንዱ ነው፡፡
ይህ መንገድ በአጠቃላይ 1.28 ኪሎ ሜትር ርዝመትና 30 ሜትር የጎን ስፋት ያለው ሲሆን፣ የመንገድ ግንባታ ፕሮጀክቱ ሲጠናቀቅ የአካባቢውን የትራፍክ ፍሰት በማቀላጠፍ ረገድ ከፍተኛ ድርሻ ይኖረዋል፡፡

ከፕሮጀክቱ አጠቃላይ ርዝመት ውስጥ 1 ነጥብ 1 ኪሎ ሜትር የሚሆነው አስፋልት የለበሰ ሲሆን፣ ቀሪ የእግረኛ መንገድ ታይልስ ንጣፍ እና ተያያዥ ስራዎችን ለማጠናቀቀ በቀጣይ የሚሰራ ይሆናል፡፡

አሁን ላይ የፕሮጀክቱ አጠቃላይ ፊዚካል አፈፃፀም 86 በመቶ ደርሷል፡፡

የአዲስ አበባ ከተማ መንገዶች ባለሥልጣን ማህበራዊ ትስስር ገፆችን ይቀላቀሉ
ፌስ ቡክ :- https://www.facebook.com/AbabaCity
ቴሌግራም:- https://t.me/AddisRoads
ትዊተር :- https://twitter.com/AbabaCity
ኢንስታግራም፡- https://www.instagram.com/addisababaroads/
ዩቱዩብ:- https://www.youtube.com/@addisababacityroadsauthori1369
ቲክቶክ፡- https://www.tiktok.com/@addisababaroads

አረንጓዴ አሻራችን ደምቆ ለውጤት እንዲበቃ - ነቃ!

ልክ እንደ አለፉት ዓመታት ሁሉ፣ ዘንድሮም በሀገር አቀፉ የችግኝ ተከላ መርሃ-ግብር ላይ በንቃት በመሳተፍ፤ ዛሬን የምናጌጥበትና በረከቱ ለነገው ትውልድ የሚተርፍ አረንጓዴ አሻራችንን ማሳረፍ ጀምረናል፡፡

ይህ ሰናይ ተግባር ከራሳችን አልፎ ቀጣዩ ትውልድ በምቹ ከባቢ አየር ውስጥ የሚኖርበትን ዕድል ከማስፋቱም ባሻገር፣ ለዓለም የአየር ንብረት መጠበቅ የማይናቅ ድርሻ እንደሚያበረክት እሙን ነው፡፡ ለዚህም ነው ተግባሩ አኩሪ እና አርዓያነት ያለው ነው የምንለው፡፡

የአዲስ አበባ ከተማ ነዋሪዎችም ባለፉት ዓመታት በችግኝ ተከላ መርሃ-ግብር ላይ በንቃት በመሳተፍ የዚህ አኩሪ የታሪክ አሻራ ተጋሪነታቸውን ለማረጋገጥ ያሳዩት ተነሳሺነትና ትጋት በእጅጉ የሚደነቅ ነው፡፡

የችግኝ ተከላ ተሳትፏችን ይበልጥ ውጤታማ ሆኖ የታለመለትን ግብ በላቀ ደረጃ ያሳካ ዘንድ፤ ካለፉት ዓመታት ስኬቶቻችን ተሞክሮ በመውስድ መልካም አፈፃፀማችንን ማሳደግ እና ከጉድለቶቻችን በመማር፤ አረንጓዴ አሻራችን ደምቆ ለውጤት እንዲበቃ ማድረግ ይጠበቅብናል፡፡

የደን ሃብት ልማት ዘርፍ ባለሙያዎች ደጋግመው እንደሚሉት፤ ችግኞች የሚተከሉበትን አዲስ አካባቢ ተላምደው በፍጥነት እንዲፀድቁ፣ በችግኝ ተከላ ወቅት ከጉድጋድ ዝግጅት ጀምሮ እስከ ተከላ ሂደት ድረስ ለችግኞች ተገቢው እንክብካቤና ጥንቃቄ ሊደረግላቸው ይገባል፡፡

ከዚህም በተጨማሪ የተከልናቸው ችግኞች ከእንስሳትና ከሰው ንክኪ ነፃ ሆነው በፍጥነት ማደግ ይችሉ ዘንድ ከለላ ማበጀት ሌላው ትኩረት ሊደረግበት የሚገባ ጠቃሚ ጉዳይ ነው፡፡

የሰውና የእንስሳት ንክኪ በሚበዛባቸው ስፍራዎች የሚተከሉ ችግኞች እድገታቸው ከመገታቱም ሌላ በቀላሉ ሊጠፉ የሚችሉበት እድል ሰፊ ነው፡፡ ለዚህ ማሳያ የሚሆኑን ደግሞ በአመዛኙ በተለያዩ የመንገድ ዳርቻዎችና አካፋዮች ላይ ተተክለው ሳይፀድቁ የቀሩ ችግኞች ናቸው፡፡

በመሆኑም በተለይ በመንገድ አካፋይና ዳርቻዎች ላይ ችግኝ ተከላ ከማካሄዳችን በፊት፡-
1. የምንተክላቸው የችግኞች ዝርያዎች በመንገድ ሃብታችን ላይ ጉዳት የማያደርሱና የቅርንጫፎቻቸው እድገትም ወደፊት በትራፊክ እንቅስቃሴው ላይ ተፅእኖ እንደማያሳድር ማረጋገጥ፣

2. የችግኝ መትከያ ሥፍራዎች፤ አካል ጉዳተኞችን ጨምሮ በአጠቃላይ በእግረኞች እንቅስቃሴ ላይ ተፅእኖ የሚያሳድር አለመሆኑን ጭምር ማረጋገጥ እና፣

3. የተተከሉ ችግኞችን በመከለል ከእንስሳትና ከሰው ንክኪ ነፃ በሆነ መልኩ በእንክብካቤ እንዲፀድቁ ከየአካባቢው ነዋሪዎች ጋር በጋራ በመምከር ባለቤት እንዲኖራቸው ማድረግ አረንጓዴ አሻራችን ደምቆ ለውጤት እንዲበቃ ከፍተኛ እገዛ ያደርጋል፡፡

በጋራ ጉዳዮቻችን ላይ በወል መክረን፣ መፍትሄ የመስጠት ልምዳችንን ይበልጥ እናጎልብት!
መልካም የችግኝ ተከላ ጊዜ!

ውድ የቻናላችን ቤተሰቦች በጉጉት የምትጠብቁት ዜና መጽሄታችን ቅጽ 5 ቁጥር 16 እነሆ
ተጋበዙልን!

በቀጣዮቹ ቀናት የክረምት ዝናብ ተጠቃሚ በሆኑ አንዳንድ አካባቢዎች ከባድ መጠን ያለው ዝናብ ይጠበቃል

አዲስ አበባ፣ ሐምሌ 5፣ 2016፤ በቀጣዮቹ አስር ቀናት የክረምት ዝናብ ተጠቃሚ በሆኑ የሀገሪቱ አንዳንድ አካባቢዎች ከባድ መጠን ያለው ዝናብ እንደሚጠበቅ የኢትዮጵያ ሜቲዎሮሎጂ ኢንስቲትዩት አስታውቋል፡

ኢንስቲትዩቱ በሚቀጥሉት አስር ቀናት የክረምት ዝናብ ተጠቃሚ በሆኑ የሀገሪቱ አካባቢዎች የዝናብ ስርጭቱ እየተጠናከረ እንደሚሔድ ገልጿል፡፡

የሚጠበቀው እርጥበት የመካከለኛ ጊዜ ሰብሎችን ለመዝራት ፣በተለያየ የእድገት ደረጃ ላይ ለሚገኙ የመኸር ሰብሎች የውሃ ፍላጎትን ለማሟላት እንደሚረዳ የትንበያ መረጃዎች አመልክተዋል፡፡

በዚሁ ወቅት በደቡብ ምዕራብ፣ በምዕራብ፣ በሰሜን ምዕራብ፣ በሰሜን፣ በመካከለኛው እና በሰሜን ምስራቅ የሀገሪቱ ስፍራዎች በ24 ሰዓት ውስጥ ከ 30 ሚሊ ሜትር በላይ ከባድ ዝናብ እንደሚጠበቅም ተጠቁሟል።

በኦሮሚያ፣ አማራ፣ አዲስ አበባ፣ ሐረር፣ ድሬዳዋ፣ አፋር፣ ቤንሻንጉል፣ ማዕከላዊ ኢትዮጵያ፣ ደቡብ ምዕራብ ኢትዮጵያ እና ደቡብ ኢትዮጵያ ክልሎች በብዙ ቦታዎቻቸው ላይ ከቀላል እስከ መካከለኛ መጠን ያለው ዝናብ እንደሚጠበቅ ተጠቅሷል፡፡

በዚሁ የክረምት ወቅት የሚኖረው እርጥበት የሰብሎችን የውሃ ፍላጎት ለማሟላት፣ የግብርና ተግባራትን ለማከናወን፣ ለመጠጥ ውሃ አቅርቦትና ለግጦሽ ሳር ልምላሜም አዎንታዊ ጠቀሜታ እንደሚኖረው ነው የተገለጸው።

የሚኖረው ዝናብ ከሚኖረው ጠቀሜታ ባሻገር ጎርፍ ሊያስከትል ስለሚችል ህብረተሰቡ ጥንቃቄ እንዲያደርግም ኢንስቲትዩቱ አሳስቧል፡፡

መንጭ FBC

ፈጣን ምላሽ ለሚጠይቁ አደጋዎች ምላሽ የሚሰጥ ግብረ ኃይል ተቋቋመ


ሐምሌ 6 ቀን 2016 ዓ.ም አዲስ አበባ፡- የአዲስ አበባ ከተማ መንገዶች ባለሥልጣን በክረምቱ ወቅት ሊከሰቱ ለሚችሉ የጎርፍ አደጋ ስጋቶች ፈጣን ምላሽ የሚሰጥ ግብረ-ኃይል አቋቁሞ ወደ ስራ ገብቷል፡፡


ባለስልጣን መስሪያ ቤቱ ከመንገድ ጋር በተያያዘ ለጎርፍ አደጋ አጋላጭ የሆኑ ቦታዎችን በመለየት በበጋው ወራት የተለያዩ የመፍትሔ እርምጃዎችን ሲሰጥ ቆይቷል።


በዚህም መሠረት በ2016 በጀት ዓመት ብቻ ከ400 ኪሎ ሜትር በላይ የድሬኔጅ መስመር ፅዳትና ጥገና ማከናወኑ ይታወሳል።


አሁን ላይ በክረምቱ ወራት ሊከሰት የሚችለውን የጎርፍ አደጋ ታሳቢ ያደረገ ፈጣን ምላሽ መስጠት የሚያስችል ቅድመ-ዝግጅት አድርጓል።


የኢትዮጵያ ሜቲዎሮሎጂ ኢንስቲትዩት በዚህ ሳምንት እንዳስታወቀው በሚቀጥሉት አስር ቀናት የክረምት ዝናብ ተጠቃሚ በሆኑ የሀገሪቱ አካባቢዎች የዝናብ ስርጭቱ እየተጠናከረ እንደሚሔድ ገልጿል፡፡


በመሆኑም ህብረተሰቡ በየአካባቢው የሚገኙ ክፍት የመንገድ ዳር ውሃ መፋሰሻ መስመሮችን በማፅዳትና ወደ ድሬኔጅ መስመሮች ቆሻሻ ባለመጣል የጎርፍ አደጋ መከላከል ሥራውን እንዲያግዝ ባለሥልጣን መስሪያ ቤቱ ጥሪውን ያቀርባል።


የአዲስ አበባ ከተማ መንገዶች ባለሥልጣን ማህበራዊ ትስስር ገፆችን ይቀላቀሉ
ፌስ ቡክ :- https://www.facebook.com/AbabaCity
ቴሌግራም:- https://t.me/AddisRoads
ትዊተር :- https://twitter.com/AbabaCity
ኢንስታግራም፡- https://www.instagram.com/addisababaroads/
ዩቱዩብ:- https://www.youtube.com/@addisababacityroadsauthori1369
ቲክቶክ፡- https://www.tiktok.com/@addisababaroads

ለትራፊክ እንቅስቃሴ ምቹ ያልሆኑ ቦታዎች ፈጣን ማስተካከያ እንዲደረግባቸው የሥራ መመሪያ ተሰጠ

አዲሱ የባለሥልጣን መስሪያቤቱ ዋና ዳይሬክተር የተለያዩ የሥራ ክፍል መሪዎችን አነጋግረዋል

ሐምሌ 8 ቀን 2016 ዓ.ም፣ አዲስ አበባ፤ የአዲስ አበባ ከተማ መንገዶች ባለሥልጣን ዋና ዳይሬክተር ሆነው በቅርቡ የተሾሙት ኢንጅነር ሙህዲን ረሻድ ፈጣን ምላሽ በሚጠይቁ የመንገድ ጥገና ሥራዎች ላይ ከሚመለከታቸው የተቋሙ የሥራ ኃላፊዎች ጋር ተወያይተዋል፡፡

በክረምቱ ዝናብ ሳቢያ በትራፊክ እንቅስቃሴ ላይ መስተጓጎል የሚፈጥሩ ሁኔታዎችን በቀጣዮቹ 15 ቀናት ማስተካከል ይቻል ዘንድ፤ የመንገድ ሀብት አስተዳደርና የኦፕሬሽን ዘርፎች በቅንጅት ሊፈፅሟቸው በሚገቡ ዋና ዋና ተግባራት ላይ ትኩረት በማድርግ ዛሬ ከቀትር በፊት የሥራ መመሪያ ሰጥተዋል፡፡

በቀጣይ ቀናትም፤ ወቅታዊ ሥራዎች በፍጥነት እንዲፈፀሙና የ2017 በጀት ዓመት የዝግጅት ምዕራፍ ሥራዎችን ከወዲሁ ማጠናቀቅ የሚያስችሉ ተከታታይ ውይይቶች በተለያዩ ዘርፎች ስር ከተደራጁ ልዩ ልዩ የሥራ ክፍል መሪዎች ጋር ይካሄዳል፡፡

በሌላም በኩል፤ የባለሥልጣን መስሪያቤቱን የክረምት ወራት የበጎ ፈቃድ አገልግሎት ሥራዎችን ለመፈፀም የሚያስችሉ የተለያዩ ኮሚቴዎች ተደራጅተው ወደ ተግባር እንዲገቡ ተደርጓል፡፡

ኢንጅነር ሙህዲን ረሻድ ከሐምሌ 1 ቀን 2016 ዓ.ም ጀምሮ የአዲስ አበባ ከተማ መንገዶች ባለሥልጣን ዋና ዳይሬክተር ሆነው መሾማቸው ይታወሳል፡፡

የአዲስ አበባ ከተማ መንገዶች ባለሥልጣን ማህበራዊ ትስስር ገፆችን ይቀላቀሉ
ፌስ ቡክ :- https://www.facebook.com/AbabaCity
ቴሌግራም:- https://t.me/AddisRoads
ትዊተር :- https://twitter.com/AbabaCity
ኢንስታግራም፡- https://www.instagram.com/addisababaroads/
ዩቱዩብ:- https://www.youtube.com/@addisababacityroadsauthori1369
ቲክቶክ፡- https://www.tiktok.com/@addisababaroads

በቅርቡ የሚመረቀው የቦሌ ኮሪደር ልማት በከፊል

በበጀት ዓመቱ በመዲናዋ የተከናወኑ የኮርደር ልማት ስራዎች
***

1. በመንገድ መሠረተ ልማት

• ከ48 ኪ.ሜ በላይ የተሽከርካሪ መንገድ፣

• ከ96 ኪሎ ሜትር የእግረኛ መንገድ፣

• 100 ኪ.ሜ የብስክሌት መንገድ፣

• 4 የመሬት ውስጥ የእግረኛ (underpass) መንገዶች፣

• 5 ኪ.ሜ የመሮጫ ትራክ፣

• ⁠2 የተሽከርካሪ ድልድዮች፣

• ⁠3 ዘመናዊ የእግረኛ መሻገሪያ ድልድዮች፣

2. በኮሪደር ልማቱ የትራንስፖርት ሥርዓት ለማሳደግ

• በአንድ ጊዜ 6,369 ተሽከርካሪዎችን ማስተናገድ የሚችሉ 32 ዘመናዊ የመኪና ማቆሚያዎች፣
 
• በአንድ ጊዜ 517 ተሸከርካሪዎችን የማስተናገድ አቅም ያላቸው 9 የባስ እና ታክሲ ተርሚናሎች፣
 
• በአንድ ጊዜ 268 ባሶችንና ታክሲዎችን ለአጭር ጊዜ የመጫንና ማውረድ አገልግሎት የሚሰጡ 85 የመንገድ ዳር የባስና ታክሲ ማዉረጃ ቦታ፣

• 50 ኪሎ ሜትር የትራንስፖርት ደህንነት ማረጋገጥ የሚያስችል  (ITS) መስመር ዝርጋታ

• በኮሪደር ልማቱ የኤሌክትሪክ መሠረተ ልማት

እስክሪንና ዘመናዊ የደህንነት ካሜራዎች የተገጠሙለት 450 ዘመናዊ ስማርት ፖሎች፣ በኢትዮጵያ አምራቾች ለመጀመሪያ ጊዜ የተመረተ፣

• 48 ኪሎ ሜትር የደህንነት ካሜራ መሰረተ ልማት ዝርጋታ፣

• 1,582 መደበኛ የመንገድ መብራቶች (Normal street lights)፣

• ከ96 ኪሎ ሜትር ለአደጋ መንስዔ የኤሌክትሪክ መስመሮች እና ፖሎችን አንስቶ በምድር ውስጥ መቅበር ሥራ፣

3. በኮሪደር ልማቱ የሕዝብ መዝናኛዎችና ማረፊያዎችን ማስፋፋት

• 32 የውሃ ፏፏቴዎች፣

• 20 ሄክታር የሚሸፍን መልሶ ማልማት፣

• 8 ወንዞች በተቀናጀ መልኩ ማልማት፣

• 120 ዘመናዊ የመንገድ ዳር የሕዝብ መፀዳጃ ቤቶች (Public toilets)፣

• 50 ሄክታር በላይ የከተማ አረንጓዴ ልማት ሥራዎች፣

• 70 የሕዝብ መናፈሻ ሥፍራዎች እና የፈጣን ምግብ አገልግሎት መሸጫ ቦታዎች፣

4. በኮሪደር ልማቱ የውሃና ፍሳሽ ማስወገጃ ሥራዎች

• 48 ኪ.ሜ የጎርፍ ማስወገጃ ሥርዓት ዝርጋታ፣

• ከ17.8 ኪ.ሜ በላይ አዲስ የፍሳሽ ማስወገጃ መስመሮች ዝርጋታ፣

• ከ69 ኪ.ሜ በላይ የመጠጥ ውሃ ማሰራጫ መስመር ዝርጋታ፣

• ለእሳትና ድንገተኛ አደጋ መቆጣጠሪያ አገልግሎት የሚውል ባለ 110 ሚሊ ሜትር HDPE የቧንቧ ዝርጋታን ተከትሎ 71 የፋየርሃይድራንት (Fire Hydrant) መትከል፣

5. በኮሪደር ልማቱ የቴሌኮሚኒኬሽን መሠረተ ልማት ሥራዎች

• ከ70 ኪሎ ሜትር በላይ የቴሌኮም መገልገያ ዳክት ግንባታ፣

• 75 ኪሎ ሜትር የመዳብ ኬብል ዝርጋታ፣

• 152 ኪሎ ሜትር የፋይበር ኬብል አዘዋውሮ የመዘርጋት ሥራ፣

• 57 የኔትዎርክ ማከፋፈያ ሳጥኖች ተከላ፣

• 1,627 ምሰሶዎች ተከላ መከናወናቸውን ከንቲባ አዳነች አቤቤ ለአዲስ አበባ ከተማ ምክር ቤት 4ኛ መደበኛ ጉባኤ ባቀረቡት ሪፖርት ገልፀዋል።

የፕሮጀክት አፈፃፀም በተመለከተ በበጀት አመቱ 18,091 ፕሮጀክቶችን አጠናቀን ለህዝብ አገልግሎት ክፍት አድርገናል።
ከንቲባ አዳነች አቤቤ