ለስፖርታዊ እንቅስቃሴዎች ምቹ የሆነችው አዲስ አበባ

ከዚህ ቀደም የአዲስ አበባ ጎዳናዎች ምቹ ያልነበሩ ተሽከርካሪ እና እግረኛ እኩል የሚጋፋባቸው ለአደጋ የተጋለጡ በተለይም በየመንደሩ የሚኖሩ ታዳጊዎች አማራጭ ባለማግኘታቸው ኳስ ለመጫወት የተሽከርካሪን መንገድ የሚሻሙ ነበሩ። ዛሬ ይህ ታሪክ ሆኖ አልፏል ።

ችግሩን የተረዳው የአዲስ አበባ ከተማ አስተዳደር በሚሰራቸው ስራዎች ሁሉ ለታዳጊዎች ፣ ለወጣቶች እና ለህፃናት ምቹ ከተማን ለመገንባት በመወሰን የከተማዋ ጎዳናዎች ለሁሉም ተስማሚ እንዲሆኑ ዘመን ተሻጋሪ ስራዎችን አከናውኗል ።

ዛሬ ላይ የአዲስ አበባ ውብ ጎዳናዎች ሁሉን በመልኩ አድርገው በእግረኛና በሳይክል መንገድ ተውበው ፣ በአረንጓዴ አበቦች አጊጠው ለእግር ጎዞዎች እንዲሁም ለተለያዩ ስፖርታዊ እንቅሰቃሴ ምቹ ሆነዋል።
አሁን ላይ በአዲስ ጎዳናዎች ሲጓዙ በተመቻቸላቸው ጎዳናዎች እና ቦታዎች ስፖርታዊ እንቅስቃሴ የሚያደርጉ ወጣቶች ፣ ህፃናት፣ አረጋውያን እና ጎልማሶችን መመልከት የተለመደ ባህል ሆኗል ።

ኢትዮጵያን እና ፈረንሳይ ቀጣይነት ያለው እና ሁሉን አቀፍ እድገት ለማምጣት በጋራ እንደሚሰሩ አረጋገጡ

AMN ሚያዝያ 13/2018 ዓ.ም

የገንዘብ ሚኒስትሩ አቶ አህመድ ሽዴ በዋሽንግተን ዲሲ እየተካሄደ ከሚገኘዉ ከፀደይ ስብሰባዎች ጎን ለጎን ከፈረንሳይ ግምጃ ቤት ከፍተኛ ባለስልጣናት ጋር ከፍተኛ ደረጃ ያለው ውይይት አካሂደዋል።

ውይይቱም የኢትዮጵያና የፈረንሳይ የኢኮኖሚ ግንኙነት ያለውን ስልታዊ አስፈላጊነት ዳግም ያረጋገጠ ነበር።

ውይይቱ በሁለቱ ሀገራት መካከል ያለውን የልማት ትብብር ማጠናከር፣ የማክሮ ኢኮኖሚ ቅንጅትን ማሳደግ እና በኢትዮጵያ አጠቃላይ የዕዳ ሽግሽግ ላይ ያለውን ጠንካራ እንቅስቃሴ ማስቀጠል በሚሉ ጉዳዮች ላይ አተኩሯል።

በተጨማሪም ሁለቱ ወገኖች የኢትዮጵያን የሪፎርም ፕሮግራም እና የረጅም ጊዜ የኢኮኖሚ መረጋጋትን ለመደገፍ በአለም ባንክ እና በአለም አቀፍ የገንዘብ ድርጅት በኩል የጠበቀ ትብብር ስለማድረግ ተወያይተዋል።

የገንዘብ ሚኒስትሩ አህመድ ሽዴ ፈረንሳይ ለምታሳየው ወጥ እና ገንቢ ተሳትፎ አድናቆታቸውን ገልጸው፣ ሀገሪቱ በይፋዊ አበዳሪዎች ኮሚቴ ውስጥ ተባባሪ ሊቀመንበር በመሆን ለምትጫወተው ግንባር ቀደም አመራር ትኩረት ሰጥተዋል።

ሚኒስትሩ ፈረንሳይ በቡድን 20 የጋራ ማዕቀፍ ስር የተሳካ የሁለትዮሽ ስምምነት እንዲጠናቀቅ በማድረግ ረገድ ያላትን ቁልፍ ሚና ገልጸዋል።

እንዲሁም የዕዳ ዘላቂነትን ወደ ነበረበት ለመመለስ እና አዳዲስ የፋይናንስ ፍሰቶችን ለማስገኘት ወሳኝ በሆነው ከግል አበዳሪዎች ጋር በሚደረገው ቀጣይ ድርድር ፈረንሳይ እያደረገች ያለውን ድጋፍ አጉልተዋል።

ሁለቱም ወገኖች የኢትዮጵያን የሪፎርም አጀንዳ ለመደገፍ፣ ኢንቨስትመንትን ለመሳብ እንዲሁም ቀጣይነት ያለው እና ሁሉን አቀፍ እድገትን ለማምጣት ያላቸውን የጋራ ቁርጠኝነት በድጋሚ ማረጋገጣቸዉን ከገንዘብ ሚኒስቴር ያገኘነዉ መረጃ ያመላክታል።