مجاراة عن ( سماحة السيد المجاهد حسن نصر الله حفظه الله من كل شر ومكروه )..

البداية من الشاعر #ابويوسف_القاري

ندعوك يالله تشفي السيد حسن
وتحفظه من كل شر وجايحه

يارب عجل بالشفا لاطهر بدن
وارجو من الكل الدعاء والفاتحه

يامن بكت عينيك في حب اليمن
أبكيت آلاف العيون البارحه

وابشربنا نمضي مع السيد علن
حتى على باب العمود اتصافحه

#الشاعر_احسن_زربه

يشفيك ربي ياالأمين المؤتمن ،
جعلت حزب الله كفه راجحه

،،انتم وابوجبريل قادتنامعآ ،
ياصانعين اعظم مواقف ناجحه ،،

من ضاحيه لبنان الى شعب اليمن
،واحنا اجنحتكم ياالصقور الجارحه

،،لاضعف يوجد لا استكانه لاوهن ،
وعلى عدو الله تنوح النايحه ..

#ضيف_الله_سلمان

قائد حسيني ماانحنى عبر الزمن
رغم الشدايد والخطوب الفادحة..

واجة كيان العار واعراب الفتن
عاد الشواهد والمواقف واضحة..

مادام نصر الله معنا يا(نتن..
ياهو) نهايتكم نهاية فاضحة..

لاتفرحوا لو طبعوا كل الخون
وصفقة القرن اللعينة طايحة..

#بندر_السقاف

اعظم قيادي قد عرف عبر الزمن
مع علمنا ذي في انصع صافحه

راسين مرفوعه وتسكن في بدن
واحد وامتنا معاهم فالحه

بالحق تجمعنا مواقف بالعلن
جهاد وتجاره مع الله رابحه

يبقاء اليمن لبنان لبنان اليمن
وخصومنا ناحت عليها النايحه

#محمود_الجنيد

رأسي فدى دمعة عيونك والبدن
يابلسم اجروح الشعوب الناصحة

في مهجتك قد حلت احزان اليمن
صورت مئاسينا بعينك واضحة

من طلتك تذهب همومي والحزن
واشمخ برأسي والمعارك قااارحة

ياقاهر اسرائيل واصحاب الفتن
روحي فدى دمعة بخدك طايحة

#عبدالواسع_صايل_الغولي

في السيد القائد حسن ماخاب ظن
ذي في تموز خلى الاعادي نازحه

ياسيدي يا ابن النبي المؤتمن
ادميت قلبي في خطاب البارحه

ابشر ولا تحمل على قلبك شجن
ملعون من خانك لعن من سامحه

معاك بانحمل سلاح الـ ميم ون
والحرب نجعلها عليهم قارحه

ومن مع اسرائيل طبع وارتهن
باندعسه ماتسمع الا صايحه

#نمري_عبدالله_مطر

يالله من كل البلاوي والمحن
تشفيه وتزيده بقوه قادحه

قايد لها التاريخ وقف والزمن
والحرب تشهدله اذا هي قارحه

يا من رحم يونس وموسى بل ومن
خلا يمنا في المعارك رابحه

يارب تشفي قايدي سيدي حسن
واحفظ علمنا بل وكن له ناصحه

#الشاعر_ابو_برق_الظرافي

قايد هُــدى ربــي وآياتــه سكن
في روح للديــن المبجّل صالحه

وانعم بنصــر الله وانعم بالحسن
وانعم بحــزبه كالقنابــل قارحه

هو من صدح بالحق لامريكا غبن
بااطلاق كلماته شرر متقادحه

هو من كشف دين التشدق بــ السنن
واعطى حقايق في تجاره رابحه

#الشاعر_ابويحيى_القهده

انت الولي وانت الوفي في ذا الزمن
مواقفك كالمسك ريحه نافحه

ومن يواليكم نجا من ذا الفتن
تجارة آل البيت تبقى رابحه

ياسيد الأحرار يانسل الحسن
حربك على اسرائيل مثل الجايحه

ب(الحزب)و(الأنصار) نسري للهين
ونفتح الأقصى بخطه ناجحه

#عبدالقوي_البطل

هو الذي قد حس بابناء اليمن
وعاتب العدوان وعد فضايحه

هو الذي لأحلاف خيبر ماارتهن
وخطوته نحو التحرر واضحه

واجه وصد المعتدي وقال لن
يترك جهاده والتجارة الرابحه

الحيدري كرار من نسل الحسن
الله يعافيه بالصمد والفاتحة

#بلال_الصوفي

هو ذخر هذا الشعب هو درع اليمن
خلى ممالك نجد تمسي نايحه

بل صير اسرائيل تدفع للثمن
واخرس نتنياهو كريه الرايحه

واقف معانا في المصايب والمحن
ياربنا تشفيه بحق الفاتحه

وانزل له الصحة بروحه والبدن
اذ له مع ربه تجارة رابحة

#الشاعر_ابوبراءة_الديلمي

من أرضنا ندعوا ونعلنها علن
من موطني حيث الجبال الناطحه

لبيك ياسيدي حسن وقت المحن
في صف واحد من بغم متقارحه

نجعل عدوا الله يدفع لثمن
ونعاهد السيد حسن ونصافحه

#جميل_جعفر_ابوشامخ

ونعم بقايد صح ما خان الوطن
ذي سيرته حـرّه كريمه واضحه

ما اختار الاستسلام او حبّ الوهن
ولا خضع لا و القوارح قارحه

جاهد مع الباري وفـ اليدّ الكفن
تاجر مع الباري تجاره رابحه

اقول له من داخل اوطان اليمن
سـلّـم عليه يا حرف وايضاً صافحه

#شاعر_بيحان_السيد_ابوليث

بعداد يارب السماء مالمزن شن
واعداد ماضلت بغمنا قارحه ..

واعداد ماالبركان فالخصم افتهن
واعداد ماالقاصف عليهم سارحه ..

واعداد ما رد الشعار ابن اليمن
وبجاه طه المصطفى والفاتحه ..

تنزل شفائك للولي سيدي حسن
والملتقى فالقدس واهله فارحه ..

#أبوريان_الحمزي

قائد تسلح بـالهدى ماقد ذعَن
وتاجر مع الباري بصفقه رابحه

مؤمن مُجاهد حيدري فَخْر الزَّمَن
يشهد له الميدان يوم القارحه

مقدام فارس و المواقف للعَلَن
لله لبى و العدو قد ناطحه

رامي بني اسرائيل (طلقه) في البدَن
شلَّت نخاعه و العصب (بـ الفاتحه)

#الياس_المقدشي

عانق علّمْ لبنان نبراس اليمن
أسرة رسول الله "أمّه صالحه"

آل النبي قاداتنا عبر الزمن
فيهم هدى الايات تظهر واضحه


سفينة الانقاذ في بحر الفتن
والبوصله قرآن "رؤيه ناجحه"

مع النبي والال نجتاز المحن
من سورة(التوبه)ونور (الفاتحه)

#عبدالحكيم_ابوهاشم

يا قادة الانصار في و

المجاراة الثالثة عن ذكرى ولاية الامام علي عليه السلام..

البداية للشاعر #فارس_المعزبي

-أمر (الولاية) فوق أمر الولايات
وإحنا لبو جبريل تحت الأوامر

- مثل الوصي نرفض جميع الوصايات
بكمّن أحمر عين شاجع مغامر

تأريخ واقعنا يفوق الروايات
ومجدنا بالعز مبني وعامر

-متوليين الآل منذ البدايات
وخلفهم نأتي على كل ضامر

#ضيف_الله_سلمان

(امر الولاية) له مقاصد وغايات
صمّام امان من الشقاء والمخاطر..

دعوة رسول الله ماهي دعايات
نحيي شعيرة من اهم الشعائر..

توجيه رباني اتى ضمن الآيات
في(المائدة) و(الحج)وآيات(فاطر)..!!

واسوأ جناية بين كل الجنايات
جناية اهل الانحراف المباشر ..!!

#ابومعتز_البهلولي

هيهات منا الذل هيهات هيهات
الراس يابس صم والقرن عاصر

بولاية الكرار يتخصب الذات
والمعنوية ناااار والدم فاير

آيات في أمر الولايه وآيات
وقلوب سوداء قفلوها ب داير

عاشت نفاق أهل السقيفه وبالذات
شور المهندس حول بعض المجابر .

#أبوكنن_محمد_منصر

مادام هذا امر رب السماوات
وذي خلق تشكاء وقاصف وقاهر

ان الوصي حطم جميع الوصايات
وحل حبه في دما كل ثاير

ولايته ترفع لنا المعنويات
يشهد علينا الله باطن وظاهر

الحق يلجح من بطون العيارات
تعلن ولاها وسط مارب وصافر

#يحيى_الوحيشي

ياهاجسي واكب جميع المجـــــارات..
واشبك مع فارس وضيف المشــــاعر..

هيهات نتولى سوى الله هيـــــــــهات..
والمصطفى والآل باطن وضـــــــاهر..

واحنا الذي في عصـر كثر الولأئآت..
نعلــــن ولانــا للأمــــام المعــــاصــر..

عبد الملك ونقول با اقوى العبارات..
لــــبيـــك يا من للــطواغــــيت قاهر..

#احسن_هادي_زربه

سلام ياشيعة علي والتحيات
ياكل متولي على النهج ساير

يوم الربوع الحشد لا كل ساحات
حفل الغدير نغيض به كل كافر

لن تحتوي أمر الولى بضعة ابيات
ولا خلايا المخ وافكار شاعر

ذه واحده من سابع المستحيلات
لو الشجر اقلام وارضه دفاتر

#عاقل_بن_صبر

- ولاية الكرار مبـدأ وغايات
وشعبنا في ساحة العز طامر

نرفع شعار النصر بيرق ورايات
والجو بالإيمان والذكر غامر

- تجلي الواقع شواهد وآيات
باسوئ نهايه للهمر والهوامر

- ورعاية الله فوق الرعايات
رغم النفوس الحاقده والتآمر

#أبورواسي_أرحب

من وحي عاشوراء وبدر الثنيات.
وأنة الجرحئ وصمت المجازر.

(علي) ترسخ للولاء. أولوياااات.
يحيا وتحيا به ...عضيم الشعاير..

(علي) بواقع معركتنا صليات..
علي بدايه مالها. قط. آآآخر..

كل الطوايف والفرق. منتهيات..
وشيعة ألكرار. بالعز. ضافر

#الياس_المقدشي

يوم الولايه عيد واسمى المقامات
يوم التولي للهدى والبصائر

يوم اكتمال الامر ختم الرسالات
تحديد مستقبل للاسلام زاهر

قال اشهدو والله رب السماوات
عالم بما في جوف كل السرائر

هذا علي ليث المعارك وغزوات
هذا ولي الامر كلن يبادر

#بدر_أحمد_الكهالي

أمر الولاية هو طريق الهدايات
درب النجاء سابق ولاحق وحاضر

و رآيته تعـلى على كل رايات
بكـل ساحات الفداء و المحاور

أمر الولاية خـط من قال هيهات
منا حياة الذُل و الله ناصر

واليوم هذا من خشوم الكراعات
تجديد ميثاق الولآء بالمعابر

#بندر_السقاف

ولايته توجيه رب السماوات
والمصتفى نفذ للامر المباشر

واحنا بها نمضي لحتئ النهايات
ماينكر اولاية علي غير فاجر

يوم السقيفه كان اساس الخيانات
واسباب كل الشر ماضي وحاضر

لاكن سنبطل مكرهم والرهانات
بالوعي نتجاوز جميع المخاطر

#ابوغبري_الغبري

احنا لها لاابعد ولاقصى المدايات.
داخل متارسنا وفوق المنابر..

شيعة علي حتى تموج النهايات..
لايوم يبعث ساكنين المقابر..

نمضي على منهج ومبدا ورايات.
انصار للباري ولا (اهل البصاير)

امجادنا ترئس جميع الحكايات.
مادون تاريخ اليمن عهن غابر

#ابوالمازن_عبدالله_الشريف

طعنا لأمر الله رب السماوات
يوم العرب طاعوا لكافر وفاجر

من شلة الطاغوت نعلن براءات
باعمالانا واقوالنا والمشاعر

فينا الولا موروث ديني وجينات
لله وطه والوصي خير طاهر

علي ومن غيره عظيم المهمات
بشهد له التاريخ ماضي وحاضر

#عز_الدين_جحاف

احنا اليمانيين منذ البدايات
مع رسول الله ماضي وحاضر

أجدادنا الأنصار خاضوا الحتوفات
والحمد لله كم لهم من مآثر

مع الوصي كم سطروا من بطولات
واليوم مازال اليماني مبادر

جرع علوج الصهينة كل ويلات
يامن طغى دارت عليك الدوائر

#وضاح_الحميصي

ولاية الكرار فيها الرعايات
ومن جهلها عاش مبلي وحاسر

هذا علي بلسم وفيه الوقايات
من خالفه خاسر وخاسر وخاسر

ياصحابنا ماقد وصلنا النهايات
مادام في مكه وفالقدس كافر

عادي طويله والحكاية حكايات
كلن يجهز عدته للمخاطر

#الشاعر_عبدربه_الحداد_البيحاني

امرالولايه امر فيه الوقايات
من الضلاله ياعرب والتئامر

صدق التولي ترتفع منه رايات
ونصر لك ياذي على الحلف طامر

طه وآله من لضا الشمس فايات
نور الهدايه هديهم بدر سامر

قولولحلف الشر الايام جايات
لابدنلقي وضعهم وضع دامر

#قاسم_السقاف

الله امر وضح كمال الرسلات
والمصطف

المجاراة في ذكرى رحيل العالم الرباني السيد المجاهد /بدر الدين الحوثي رحمة الله تغشاه..

#ابورواسي_ارحب

شل البياضه والقلم ياشاعر.
جاري معي (بدر الهدى) وأدواره..

مولاي (بدر الدين) نسل الطاهر.
ذي كل محنا اليوم فيه أثماره..

نموذج الحق المبين الظاهر
للشعب ذي لايمكن استعماره

في نهجه أصبحنا بقدرة قادر..
نصنع من البندق ألئ الطياره.


#ضيف_الله_سلمان

مازال (بدر الدين) فينا حاضر
والعهد منا نقتفي آثاره..!!

بدر الهدى فينا يبثّ مباشر
عبر الزمن ما تنطفي انواره..

عالم مجاهد حيدري مبادر
اعلن بوجه الباطل إستنفاره..

اختاره الباري من آخر(فاطر)
من (ثم اورثنا) بدأ مشواره..!!

في عزه اتربى(الحسين الثاير)
واخوه ذي خلا الدول محتارة..!!

#أحمد_درهم

ذكراه في الثامن عشر فيها سر
(يوم الولآية) واحتفال انصاره

جسد حديث (المصطفى) المتواتر
ترك لنا بعده (علم) واختاره

يوم انطلق بوش اللعين مجاهر
حربه على الإسلام باستكباره

ماحد برز لاسكات صوت الكافر
إلا (حسين البدر) هو وشعاره

وأخوه (أبو جبريل) خير مبادر
بعده وابوه (البدر)شد إزاره

#يحيى_الوحيشي

بدر الهدى بيت الهدى والداير..
هواجسي في حضرته محتارة..

لولاه ما قام الحسين الثاير..
لولاه ما عبد الملك وانصاره..

لولاه ما زال النظام الجاير..
ولا هدمنا بالمسيره داره..

ذكرى رحيله جرح فينا غاير..
صلى عليه الله عد امطاره..

#عقيل_الحسني

ما زال هدي البدر نورة ضاهر
كا الشمس متوهج تشع انواره

فضح من القرآن مكر الكافر
وانجب رجال اعلام تقفي اثاره

سلام له ما حن رعد الماطر
وصب غيثه من سحب مدراره

كانه بطل مقدام سيفه شاهر
وكأن حيدر عاد هو وفقارة

#ابواسماعيل_الجابري

سـلام ربــي ما يشن الماطر
على التقي الطُهر لى مقباره

العالم الزاهـــد بعلمه وافــر
(فاصدع بما تؤمر)لفت بانظاره

واليوم من صلبه جَنينا ثاير
قاد المسيرة واحتزم بانصاره

خير الولد والأب ربَى كادر
بفضل ربي واكملو مشواره

#الياس_المقدشي

عالم هدى في ذا الزمان الجاير
على هدى القرآن خط مساره

اسرة عظيمه في الجهاد تبادر
ترفع علم نصر الهدى وشعاره

قامت امام المعتدي والكافر
وقدمت فيض العطاء مدراره

بدر الهدى وايش با يقول الشاعر
في نجم ال المصطفى وانواره

#ابويوسف_القاري

صلى عليه اهل الشعف والظاهر
ومران والجمعه ووادي جاره

صلى عليه المستضي والساير
على طريقه مقتبس لأنواره

كان الفرج لاهل الزمان الجاير
على يده وجهوده الجباره

وكل من عادوه قرحوا غابر
وهو بقي ذكره شرف وطهاره

#أبوعساف_الدهمي

سـلام مـا هـل الـسحاب الماطر
لــروح بــدر الـدين تـغشى داره

بـالعنبر وبـالمسك نـفحه عـاطر
لأبو الحسين اللي سطع بأنواره

عـالم جـليل أجـل طـيب خاطر
تـصغي الطيور الحايمة لأذكاره

أنـا عـلى سـبك الـمعاني شـاطر
لـكن عجزت أوفيه في مشواره

#بندر_السقاف

فقلوبنا لازال حبك عامر
والسير بعدك ماانتها مشواره

ياابن من ذكره يسر الخاطر
ياالبدر ذي ضاء اليمن بانواره

والحق به وعياله اصبح ظاهر
وشعبنا المؤمن رفع معياره

نمضي مع الله العزيز القاهر
واحلاف الاعداء الباغيه منهاره

#الشاعر_رايد_الخمري

غايب وله تاريخ ذاك الطاهر
بدر الهدى والدين في انواره

منه تعلــمنا الحــــياه الزاهــر
ومنه اكتسبنا كيف في مشواره

بلسم يداوي بالهدى اكبر خاطر
وهو ذي نطق وعلن برفع اشعاره

عالم مــــن الله الـــقوي القاهر
وهب حياتـــــه للـقوي واخــتاره

#ابوعيسى_هيسان

مازال( بدر الدين) نوره ظاهر
فوق القمر واسمه يشع انواره

لاولاه ماطار (الذكي والقاهر)
ولا المسير ذي تشيــع اخباره

(والكوكبين) البدر هو والفاطر
عبدالملك وحسين خير اقماره

الشعب كنه في سماهم سامر
والحمد لرحمان في مااختاره

#نجيب_العوسه

بدر الهدى فضله علينا وافر
عن وصفه ابياتي ترى محتاره

حبه علينا واجب من القادر
والله من حبه رفع مقداره

عالم علم زاهد مجاهد صابر
ودحض قوى الباطل بنور افكاره

وكان فيه احسان نوعه نادر
من خيرقوم العترة المختارة

#أحمد_الديلمي

والله اننــا للان جـــالس حاير
وابيات شعري جالسه محتارة

قدلي ثلاثة ايــام وانا ســـاهر
في وصف من ربي لنا اختارة

قلدكم الله يا رجال (بن عامر)
أن عـاد "نعله" باقــية في دارة

هاتوا اقبّلها ولـــو مش قــــادر
وصفي لـ نعلة ما يصل مســمارة

#عبد_القادر_داود

ذكرى أليمه خـلت اشــعر شـاعر
يعجز عن استشعارها با اشعاره

فرقا [أبو سِيدي حسين] الثاير
و آبو العلم عبد الملك وانصاره

الــوالد الـشـيخ الإمـام الـطـاهر
مولاي[بدر الدين] ناء بـ اعماره

كان اليمن كله بنــوره ســامــر
لا ما آفــلّ. ضاءو لنا قـصـاره

#بلال_الصوفي

نعم المجاهد والعلم والثاير
لاحت على البلاد انواره

سلام مني لاثراه الطاهر
ما الشمس تشرق في سماء الحارة

من فوق ما يبديه شعر الشاعر
ما يكشف قلم لاسراره

عالم حسيني به يشوف الناظر
اشياء تذهل من يشوف اشعاره

#عبدالقوي_البطل

شعري يقف في وصف شخصه حاير
م

المجاراة بعنوان كيف أستشعر المجاهد الحاج #شوعي_المرحبي المسئوليه رغم كبر سنه وسارع الى ميدان الشرف ليثبت للعالم أن اليمني لايقهر .

البداية #زيد_الخراشي

بالمرحبي ضاق البقى وتسلح الطيار..
والجرمل الزاكي يجاهد.

برغم سنه ما اختلق له للقعود اعذار ..
مثل الذي فالبيت قاعد

#ابورواسي_أرحب

أعظم نموذج تفتخر به شيعة الكرار..
والله علئ ماأقول شاهد.

ياليت به من نوع هذا الشايب المغوار...
في اليمن مليون واحد

#ابومنار_العشي

يا اهل المتاكي والله أن ما تنفع الأعذار
ولا التأني والمواعد

المرحله تستدعي استنفار واستشعار
والعم شوعي خير شاهد

#عاقل_بن_صبر

هذا اليماني وان كبر سنه يزيد إكبار
شديد في وجه الشدايد

وطول عمره ماحنى راسه للاستعمار
وما نشاهد خير شاهد

#بندر_السقاف

انا اشهد انه اصل واصله من رجال اخيار
والجيد يظهر ف الشدايد

يوقف له التاريخ بالاعزاز والاكبار
والمجد يفخر بالاماجد

#ابويوسف_القاري

العز يقدح في كبار اهل اليمن واصغار
الله من ذا الجيل صاعد

شعب اليمن اول عذاب الله للكفار
كم يا علامات وشواهد

#ابو_برق_الظرافي

عز الله انه في جهادة جاوز الابرار
واتجاوز الألفين ساجد

مؤمن مجاهد مارضي باالذل ولّا العار
ولا قبل انسان فاسد

#ياسين_الفروي

ف المرحبي قد شفت بن لاشتر مع عمار
يوم ان قريش اولاد زايد

والمعركة صفين واحنا موطن الانصار
خلف ابن طه خير قايد

#أبو_إسماعيل_الجابري

شعب اليمن يتوارث الجوده من الانصار
والعزم له عامل مساعد

ما بايخافون الشدايد والزمـن لو جـار
ربـي لنا بالعز شـاهد

#أحسن_هادي_زربه

عمر الميه ما يقعد الحامي لأرض وعار
والشيب في عرض السواعد

والحاج شوعي هو نموذح للذي بيغار
على الوطن من كل فاسد

#يحيى_الوحيشي

البعض ما يخزى ولا يحسب حساب العار..
مثل المرة في البيت قاعد..

ليت المحايد يلتمس من شوعي المغوار..
عزة ولا يجلس محايد

#أحمد_عبدالقوي_الغبسي

المرحبي قد ثار من خشية وقود النار
مع شعار الله واحد

طامع بفضل الله وماقد عد للأخيار
في جنته من خير خالد

#ابو_اميرالدين_الفهدي

مع حفيد المصطفى و الحيدر الكرار
نمضي على حسب العوايد

شيبه وشاب الكل مستنفر كبار صغار
قل للسعوودي و آل زايد..

#الثائر_الجبري

المرحبي نسخه من الاشتر ومن عمار
واجـــــــــــــداده الأوس الأماجد..!!

لبيك يا لبيك... و انصارك هم الأنصار
يا قائــــــــــــــــــدي يا خير قائد..!!

#ذوالفقار_سفيان

حيا نبا شوعي زعيم الصبر والإصرار
ملعون من لا زال راقد

ياليت به من نعم شوعي فاليمن مليار
مابا نبقي اي جاحد

#جبر_المسعدي

ونعم ب ذي ما يقلبو بالمسكنه والعار
يتهاتفو عند الشدائد

في نعش بن سلمان دق المرحبي مسمار
وعمى عيون اولاد زايد

#شداد_حميد

صوره عظيمه محتواها يلفت الانظار
لشوعي الحاج المجاهد

شايب ولكن شاب ب الاحساس والافكار
وب التفاعل والتواجد

#الشاعر_ابوالعز

ما فز للجبهات الا ثلة الاحرار
درع الوطن عند الشدايد

الحر ماله صبر لاشبت ردى الاخطار
و المرحبي بالفين واحد

#ابورصيد_المرهبي

ايش عاد باقي ليش عاد الانتظار
يا شعبنا الحر المجاهد

الئ ساحة الجبهات نتحرك صغاره والكبار
حمى على من قال محايد

#عبدالله_الجرفي

المرحبي لبى أوامر “جاهد الكفار“
من هِمّته شط الوسايد

قلو لذي جالس يهز الكرسي الدوار
ينش ذبان الموايد

#بدر_الكهالي

شعب اليمن هذا مسار ابطاله الاحرار
لا قد فتيل الحرب واقد

من اصغره حتى كبيرة ضد الاستعمار
محال للحُر أن يحايد

#جميل_فرج

المرحبي والبندق الشرفاء والإصرار
حجه على شباب واجد

ويقل لحلف الشر وأمريكا بلدنا نار
والغزو فيها غير وارد

#الشاعر_رايد_الخمري

واعتز من للحق يطلق صرخة الانزار
في صف كل بنيان واحد

و يكفي تخذل ويكفــينا حجج وصرار
مع المــكالــف والمــحايــد

#عبدالقوي_البطل

به الف وانعم ماسعى ليحارب الكفار
وفاق من ونعم وزايد

رجال قبيلي حر من ابنا بني الانصار
وهي لهم حسب العوايد

#ابوضيف_الله_اللاحجي

انا اشهد انه كفو مؤمن حيدري مغوار
يسوي ثلاثه الف قاعد

في مثل هذا ايش اعبّر هاجسي محتار
افدي نعاله والسواعد

#بن_سويد

وحنا مع الله بانجاهد لا اخر المشوار
قد شعبنا كله مجاهد

علې خطئ  طه النبي  والحيدر  الكرار
الحاج شوعي شمر الساعد

#ابوالصماد_عبدالحكيم_ابوهاشم

في المرحبي يعجز لسان الحال والشعار
انا اشهد انه خير شاهد

يا كاتب التــاريخ سجل شوعي المغوار
انه في الجبهات صامد

#ابوحسين_العصري

العم شوعي صار قدوتنا وقدوة لأحرار
مؤمن تقي عابد وزاهد

أثبت لكل الناس من هم صفوة الأخيار
ذي هو مع الباري مجاهد

#الشاعر_ابومقدام_الهمام

المرحبي جسد شموخ الشعب والأحرار
ماضل متخاذل وقاعد

رغم انهوا قد كبر فالسن رغم الأخطار
ماخاف كمن نذل اوفاسد

#فايز_الحمزي

هنا الوفاء والصدق والإيمان والإصرار
ياحيف على إنسان قاعد

شيبه في التسعين استنفر وساب الدار
وبات مع ربه مجاهد

#أبوخالد_العفيف

شوعي المرحبي قال الثارثم

المجاراة عن الصرخة وخطورتها على المستكبرين..

البداية للشاعر #بسام_شانع

الانسان لو يُخلَق بلا حنجرة وفم
وهو حرّ لا يصرخ بخشمه من الباطل..

ويصرخ من الحرقة ويصرخ من الالم
وما با يقف في موقف ال(آآح) لا داخل..!!

#صقر_اللاحجي

وهل شفت كائن حي اذا اوجعته ابتسم
وتسفك دمه ويقول لك فاهنة " واصل"

او انــه يحرك ضـــدك اليـــد والقــدم
ويلـــعن ابايـــب جد.....مـاعادنا قايل..

#يحيى_العطيف

غريزة بني ادم وفطره بها اتسم
اذا به الم يصرخ ولو عاد هو جاهل

وقد يصرخ الابكم لما يسمع الاصم
من الظلم ذي في امة المصطفى حاصل


#ضيف_الله_سلمان

شعار (ابن بدر الدين) من (ن والقلم)
الى اليوم من الفين واثنين متواصل..

هو الموقف المطلوب والموقف الاهمّ
برؤية حكيمة ضمن مشروع متكامل..


#عبدالرحمن_الريامي

جنى الموت ذي في صالب الحريه تلم
بذور التسلط قوله ان اليمن حايل

فلا بد مانستأصل الخبث والورم
ونسقط نظام الصمت وجداره العازل

#عزيز_الردماني

صرخنا ومن صرخاتنا اهتزت الأمم.
وصرخاتنا في كل نشره خبر عاجل.

صنعنا من الصرخه صواريخ من عدم.
بكت منها ابو ظبي واتنهدت حايل.

#امين_التركي

شعار الله اكبر فيـــه الامثال والحكم
وما يعقله (جاهل) ولا يجهله (عاقل)

ورفرف عزيزاً في سماء النصر ياعلم
شعار الله اكبـــــر بايلف الدول كامل

#بندر_السقاف

صرخ كل ذو غيره وذو حريه ودم
وبايصرخ الخارج بترديد متواصل

ولا باتقف مادام الانصار والعلم
الى ساعة الميقات للخلق بالكامل

#ابوالعباس_مفلح

سلامي على الانصار والشعب والعلم
عدد ما صرخ مؤمن وقارع قوى الباطل

وما صوت ابو عطفة على المعركة نهم
وشطب على روس الطواغيت بالكامل

#فارس_المعزبي

براكين تتفجــر من افواهنــا حمم
على كل مستكبر وظالــم ومتجاهل..!!

يدُوخ العــدو منها ولا تحمله قــدم
ويمرض وهو صاحي ويجنن وهو عاقل..!!

#ابوقصي_العويري

شعار ابن بدرالدين بايهزم الامم
ويقلب بمجلسها من الكون بالكامل

وبانحكم العالم مع القائد العلم
وفالبيت الابيض نرفع الصوت بالزامل

#عزالدين_جحاف

ومايصرخ الا حر قاحي أبي أشم
لأوصاف جند الله والمرجله حامل

شعار البراءة يرفع الرأس للقمم
ويرمي رؤوس الأمركه والنفاق سافل

#وضاح_الحميصي

اذا الله رفع عن ذي فقد عقله القلم
فلن يرفع الصرخه!! ولو كان مش عاقل

فريضه على الابكم والاعمى مع الاصم
يفرغ غضب صدره قنابل على الباطل

#ابويوسف_القاري

والانسان ذي ماله كرامه ولاكرم
فهو مثلما الانعام للضرب يستاهل

الاحرار رفعوا صرخة الحق،... والغنم
تبعبع ومن يذبح وحيا على الحاصل

#احمد_اللوذعي

نسوق الوصاية لاصرخنا إلى العدم
وتُفنَى قوى الشيطان والكفر والباطل

لها الموت أمريكا من الفَمّ والبُغَم
غَضَبنا عليها عبر الاجيال متناقل

#الشاعر_أحمد_الغبسي

إذا الساكت المقهور طيب ومحترم
فانا باالشعار اليوم فاجر ومتخاذل

سكوتك بفضل قيام ليله على قدم
وأجر الجهاد يجي بصمتك على الباطل

#الشاعر_نسيم _هيسان_ابوعيسى

صرخنا بصرخه زلزلت كامل الأمم
ومضمونها باتحسم الأرض بالكامل

علي عار ياسرائيل ماتخرجي سلم
تموتي تموتي قالها السيّد الفاضل

#إبتسام_شرف_المحطوري

هي صرخة ابن البدر ياشعبنا الاشم
زعزع بها الطغيان والكفر والباطل ...

اصرخ من الاعماق ترى الغيظ يرتسم
في وجه من أيد وصفق ومتواكل...!!!

#الشاعر_علي_الوزير

قسم لابن بدر الدين ذي واجه الامم
وزلزل طغاة العصر في الكون بالكامل

بـٳن نرفـع الـصـرخه مـع الـقايـد العلم
ولا عاش من يخشى سوى الله واتخاذل

#نورالدين_المقاتلي

مدام ان شريان التحدي ملان دم
صرخنا بـ خمس جمل صدق ربنا القايل

بتطبيق (قل_موتوا) تموت اليهود جم
ويا لعنة الله كل من آيـّد الباطل ..

#ابوصالح_العملسي

شعار ابن بدر الدين كل القوا التهم
وافنى التحالف والعدو تحت لانازل

وفي يوم بانصرخ في المسجد الحرم
وبانفتح الاقصى ونسجد مع الفاضل

#محمد_الاخرم

وذي ما صرخ ضد اليهود أحسبه صنم
يضحي بنفسه وارتمى في يد الـــقاتل

من ألفين الآن حتى الان ما وقفت قدم
والانصار تدعس راس الإرهاب وتناضل

#شهاب_المتوكل

ومايرفض الصرخه سوى الهين القزم
وذي فاقدالعزه ومن نخوته عاطل

فهي صيحة الاحرار في كامل الأمم
ومن قالها مضمون بايهزم الباطل

#الشاعر_ابوفتح_الاشول

صرخنا شعار الموت تبرأ بها الذمم
ويبرى بها المجروح من بطشة القاتل

وذي ما قتلها بالمواقف ولا عزم
فـ با ينظر العالي على نظرته سافل

#عبدالقوي_البطل

وصرخاتنا تشعل في اكبادهم حمم
وتذعر بني صهيون من هولها كامل

ومن هم معاهم طبعوا واصبحو خدم
يعيشوا حياة الذل مدى دهرهم واصل

#ضيف_الله_السويدي

نعم صرخةَ الأحرار كانت هي الأهم
وفي مرحلة كانت مساحات للباطل

قلبها حسين البدر من قمة الهرَم
بصرخة وموقف انتج العز ذي حاصل

#الشاعر_عمر_الأهدل

شعار (ابن بدر الدين)السيد العلم
استمده من القرآن ماهوه من(الحاصِل)

المجاراة بعنوان احتجاز السفينه الاسرائيلية في البحر الأحمر نصرة للشعب الفلسطيني..
#هذا_هو_الاسلام

البداية #أبوعدي_الحاكم

الليله العـالم تزايد رطـينه
على السفينه مايهمو فلسطين

قد بايقولو إن هذه السفينه
الي مسكتوها لخمسه مساكين

قلنا كلوها ناجحه او عجينه
هذه سفينه تابعه للملاعين

سبق وحذرناه وقته وحينه
واتجاهل التحذير من آل ياسين

#ضيف_الله_سلمان

هذا هو الاسلام حيا دنينه
مواقفه عزة وقوة وتمكين..

بالله نتحدى مريكا اللعينه
وحربنا معها من الفين واثنين..

في ظل قايد جا من اقصى المدينه
يجسّد المعنى الحقيقيّ للدين

مقدام في الميدان صحّت يمينه
ولا تراجع مثل سبعه وخمسين..!!

#أبويوسف_القاري

قد حذر السيد وأشر ب عينه
وقال مايمكن نغمض لنا عين

ولا مد للتحذير ب اصبع يمينه
شوف النتايج واقعه بعد يومين

لن تسلم اسرائيل ضربةيدينه
جده علي لا قدهم اليوم ناسين

ذي دك خيبر في بداية سنينه
بايفتتح خيبر 23

#وضاح_الحميصي

العز للباري ومن عز دينة
والبحر حتمية هلاك الفراعين

موسى بنفسة والعصاء في يمينة
نفس القصص نفس السنن والمضامين

غزة بتنزف دم غزه حزينة
غزة دما واروح غزه جثامين

لوشاف فرعون المجازر بعينة
لاكان يستنكر ويحتج ويدين

#بندر_السقاف

‏حرام مانهداوالاقصى حزينه
لاقوالنا تثبت فعول البراهين

اخذ السفينه قبل اخذ المدينه
خذي قراهم واطبقي يابراكين

الصبح موعدهم وفي يوم زينه
حرام لانشفي صدور الملايين

هو بايقع صلخ العجول السمينه
وباالعصى باينفلق طور سينين

#فارس_المعزبي

وين السفُن والحاويات الثمينه
نهدي لها يابحر نار البراكين

أو نختطفها كلها لا الخزينه
افضل من الغنَّاي (وين الملايين)

الناس من طينه ونُطفه مهينه
واحنا من الباروت قُل للمجانين

نهجم لصيد الفارعه والسمينه
مثل الاسد يهجم لغُزلان تشرين

#ابو_ميثم_الزراع

بانجعل اسرائيل ترقد بحينه
وأنفها بانغرسه دعس في الطين

السيد اتحرك وربي ضمينه
والشخص هذا غير كل السلاطين

لاقال دوري وارجعي ياسفينة
قالت عُــلُـم وابشر وحاضر وذلحين

وان هي تبى التهريب مضّـى يمــيــنه
اما قصفها او أسرها فريقين

#عبدالواسع_صايل_الغولي

نادى المنادي في اليهود ١للعينة
نهاية اسرائيل على ايدي اليمانين

قال المثل بداية الغيث زنينة
واحنا تبدينا بدى خير وثمين

اذا نوينا الصيد صدنا السمينه
مش مثلكم زادت على دينها دين

الليث حذركم وهو في عرينه
وانتوا تماديتوا بقتل المساكين

#سلطان_خضران

قد قالها السيد وهم عارفينه
لاقال يفعل مايقول الصهايين

جده علي لاشــك باب المدينه
اللي فتح خيبر وهو ارمد العين

واحنا جنود الله وانصــار دينه
شيعة علي احنا من اول وذلحين

اداهـــم الله لا ايادي امـــــينه
بايدو الجزيه وهم غير راضين

#الشاعر_جبر_المهدمي

هذه بدايات المطر بالزنينه!!!
والمعركه فيها الرجال الميامين

جائت لنا فرصة من الله ثمينه
نقلع بني صهيون "محنامراعين"

واهل العقول الفاهمه والرزينه
ذي يفهموهاصح ماهي تخامين

لاهم "يبون" الأمن والا السكينه!
لاعد نرى صهيون داخل فلسطين

#الشاعر_عبدالحكيم_ابوهاشم

ابن اليمن ما ياخذ الا السمينه
غينمته من فوق مليار واثنين

وفوق هذا عاد بـاقي رهينه
عشرين صهيوني والافراج بعدين

والقادم اعظم عدبه اشيا ثمينه
تركع اسرائيل تستخدم اللين

يخوضها السّـيد وربي يعينه
واحنا معه وقت الطلب بالملايين

#هادي_حسين_الرزامي

ياحي طاري من تمسك بدينه
ولبس سلاحه واتجه للميادين

وبايع السيد وقدم جبينه
وقام يصرخ في وجيه الملاعين

وجاهد امريكا ببحره وطينه
وجاهد اسرائيل ينصر فلسطين

ومكنه في البحر يأسر سفينه
ويقصف اسرائيل من حين لاحين

#رامي_السوداني

ايش من سفينه باقي الفين سفينه
عادي طويله وين ياوينك الوين

عاد الاسد ماقد خرج من عرينه
مالو خرج دق الملوك السلاطين

هذه اليمن أم الصفات الحسينه
وأرض يسكنها الرجال الميامين

من ضرب ابو جبريل طالت سنينه
ذي ماترك غزه لظلم الشياطين

#عبدالحكيم_مسعد_النمري

باننتزع قلب اليهودي ووعينه
واقسـم بربي لايذوق الأمرين

لاما لعنا والدي والديـ ـنه
لاعاد فينا لاعروبه ولا دين

شفتو مدى حقده لنا والضغينة..
شفتو مجازر قصفهم في فلسطين؟

ها والله انا بانركّـع جبينه
بحق دم اطفالها والمسنيين

#الشاعر_ابوحيدر_عامر

وبقوة اﷲ قد غنمنا السفينة
والقادم أعظم يا عيال الملاعين

عبدالملك ليث الوغا في عرينه
جده رسول الله ليث الميادين

أفعال قبل أقوال تسلم يمينه
عبدالملك ذي بايحرر فلسطين

كرار فالميدان حيى دنينه
قايد الأنصار من اال ياسين

#أبوإسماعيل_الجابري

الذيب ما يصطاد غير السمينه
ابن اليمن صاب اليهودي في العين

شعب اليمن مثل الأسد في عرينه
وكلنا من أجل الاقصى مضحين

السيد القائد مناصر لدينه
وكل مؤمن قال تحيا فلسطين

ولكل ردة فعل وقته وحينه
ما با نناشد بايدن وابن يامين

#إتحاد_الشعراء_والمنشدين

https://t.me/aboyahyaalshami