ياذي توليتو ( نتنيا....) ( وكوهين )
حلت عليكم لعنت الجاهليه

#ابتسام_شرف_المحطوري

الكـل فينا هُــو مُخيــر خيـاريـن
تسليم لله ...أو شفا الجاهليه

إما لنصر الحق نحيي عُرى الدين
ولاّ مع الباطل يؤيد وليه.....

#عبدالله_حسين_مسعود

حجم القضية تختصرها الخيارين
مابش حياديه ولا هوشليه

اما مع الأنصار تنصر فلسطين
ولا معا صهيون شر البليه

#الشاعر_عزيز_البروي

صف الملاعين النتن وبن يامين
وصف الاقصى والرجال العليه

لا صف ثالث غيرهم يا ملايين
ومن تساهل عاد للجاهليه

#ابوبدر_ذيبان

ولينا المولى وله عروة الدين
مواقف العزه مع الله جليه

مع الاباه الصامدين في فلسطين
ضد الصhاين حربنا مفصليه

‌‎#عبدالكريم_الشمسي

بعد أهبطوا ،قد حدد الله خطين
إمـــا ولاء لأبليــــس وإما ولــيه

مع ابو جبــريل ومـــع فلسطين
والا مــــع إسرائيـل في كـل لية

#عبدالقوي_البطل

وأعظم ولاء صادق ولاء اليمانين
من أدركوا في الوقت حجم القضية

مع أبو جبريل هبوا ميامين
وأستنفروا بإيمانهم والهوية

#الشاعر_علي_الوزير

العز والناموس فـي منهـج حسين
واخوه بـعـده سعـد من هـو وليـه

عشناالكرامةذي فقدها من سنيـن
ذي والو اعداء الـعـترة الهاشمـية

#عبدالعزيز_الغرباني

موقف مع عزة والاقصى وجينين
موقف كشف معنى الولاء للبرية

ومن مع كوهين في صف كوهين
مع يهودي نجد باعوا القضية

#ابوعساف_الدهمي

الله لـلـمـستضعفين الـمـسـاكين
مــا ظـنـك بـمـظلوم ربــي ولـيه

الحكم والسلطان له يا سلاطين
تـبـارك إسـمه فـي سـماه الـعلية

#مقبل_جرام

الحق والباطل في الكون خطين
والناس تتغربل بحسب الهويه

مؤمن تولّى الله وطه وسبطين
و منافق إتولّى شرار البريّه

#شداد_حُميد

احنا ملوك الارض واحنا السلاطين
هذه حقيقه ثابته مفصليه

ومن تخلو عن فلسطين واطين
وذي معاها روسهم معتليه

#جلال_الغولي

ياذي خرجتوا عن هداء الله والدين
لاما ركبتوا مركب الجاهلية

صدق الولا لله نصرة فلسطين
وحرب كبرى شامله عالميه

#ابـومـازن_الـرازحـي

كل الحقايق بالمواقف تجلَّين
واحداث غزة تعتبر مفصلية..

بين المسارع بالولاءلبن يامين
وبين من ربَّ الخلايق وليَّه..

#ناديه_السقطي

احداث غزة باتعري الموالين
لـ بليس والا من هو الله وليه

صدق الولاء جاء بالمواقف براهين
للمرحله والمعركه المفصليه

#ابومصطفى_الرضي

ولاية الله عز قوة وتمكين
تجمع رؤى كل القوى الداخلية

والموقف اللي ينصر الحق والدين
في واقع الأمة له القابلية

#احمد_الديلمي

الحــق بارز بيــن تلك المضـاميـن
والفـرق شــاســع بين ذيـّه وذيـّه

اما مـــع الأنصار ضــد الملاعيــن
والا مــع الموســـاد والجاهـليـــة

الليل مابش وقت نشتـي ميامين
كلــن يحــدد موقـفـــة مـن هنيّه

#قاسم_الحمران

الحق واضح جلي مافيه تدجين
لازم مواقف قوية حيدرية

وهبت روحي لخالقها وللدين
ومهجتي للعلم مني هدية

#مقبل_العماري

والعهد لسيد ندوس الشياطين
وندمر الباطل خليه خليه

احنا اليمن واحنا الرجال الميامين
متحزم الرشاش والجرمليه

يخضع لنا العالم ملوك و سلاطين
قد قالها القرآن آيه جليه

#الشاعر_ماجد_غانم

البعض دسو راسهم داخل الطين
عادو بهذا العصر للجاهليه

واحناء بفضل الي بفضله محاطين
اهل المدد والضربه المفصليه

#ابومحمد_سحار

الله مولانا وباننصر الدين
ونطيع امره في تولي وليه

ابن النبي خير الرسل والنبيين
من حجته كالشمس واضح جليه

#أحمـــد_الأهـــدل

رغم النفاق العالمي يافلسطين
تبقى المراحل حاسمة مفصلية

بنقلع الغدة مع حلف رابين
والنصر يصبح تاج راس القضية

#عبدالغني_ضبعان

يا من تولى خالق الصم والطين
ما يعتريه الذل في الجاهليه

ومن تولى فوق بقعا سلاطين
يعيش في دنياه شر البليه

#ابوزيد_الزبدي

احنا مع الأقصى من اول وذلحين
وحنا سند في حربه المفصليه

صدق الولاء والانتماء يافلسطين
مابا نبيعك للقوئ العالميه

#ابوقدس_الجهيزي

الكفر والاسلام مابين قوسين
امـا مع المحور نوالي ولية

ولا مع اعراب اليهودي ويامين
اسوأ مية مره من الجاهلية

#ابوزينب_فارع

بعــدالولاء لله ننصرفلسطين
ودعم كامل والمواقـــف جليه

الحرب في غزة والأقصى وحطين
نفس التحدي باقي الجاهلـية

#عبدالله_بحنان

العترة اللي مبتدائها بــــ سبطين
وفي سورة الأنفال حدد وليه

خط النبوة ما مع الدين خطـــين
وآل النبي كالنحل جوف الخليـه

#اكرم

معاك يابن البدر سيد السلاطين
يا مخرج الأمة من الجاهلية

معاً الى الاقصى نحرر فلسطين
يا شعبنا المقدام همة عليْة

امين_علي_جمعان

اما مع طه إمام النبييّن
والا مع الدجّال والسامريه

اما مع الكرار سيد الوصيّين
والا مع آكل لكبداً وريِّه

من قال طه فيه عند الملبين
من كنت انا مولاه هذا وليّه

#ابوعاقل_المنبهي

ياالله ثبتنا على نصرة الدين
مع النبي وآله حملنا القضيه

نعلن برآئتنا من عام ألفين
ونعوذ بالله من ظلالة اميه

#ابوعلي_مبخوت

احنا معا ال البيت من يوم حطين
وعاد الحجاز ونجد في الجاهليه

وأصلو دام ربــــــــــي مدكم
واليمن هو لكــم دايم عضيد

مااليهــــــــــود الهزيله ندكـم
جيشهم صار بإذن الله شريد

#أخت_شهداء_البكالي

يافلسطين شدو عزمكم
دمنا واحد وشرياني بريد

كلنا طوفان واحنا جنبكم
لوتوافدنا شهيد تلوالشهيد

#زياد_زيد

ليت والله واحنـا عندكم
ثابتين في المتارس والخديد

في الميادين لستم وحدكم
كلنا صف في هذا الصعيد

#ابوكنعان_الروس

انتو الضهر وحنا رزحكم
لا الجريح منكم فحنا الشهيد

طالما الكون كله ضدكم
اليمن جنبكم شامخ عنيد

#محمد_الزكري

ارفعو لله وحده يدكم
والمدد واصال من رب العبيد

قوه الله بااتعزز جندكم
مثل ماعزز الؤلبئس الشديد

#الشاعر_ماجد_غانم

منبع الاجرام ماهوه ندكم
قد لفاه الياس وهمتكم حديد

هكذا ربي بمده مدكم
مدكم بنصار (الو) باس شديد

#ابوقفري_الرعادي

ياحماس عظم الله اجركم
والتراحيم علا روح الشهيد

والعدو ذي قتل قاداتكم
اجتثاثه هو الحل الوحيد

#ابوعلي_مبخوت

لامثلكم ولاحد ندكم
في الشجاعه وفي القول السديد

كل يومين وحنا عندكم
والمسير يقرب للبعيد

#ابوعاقل_المنبهي

يافلسطين مشروعنا مشروعكم
والهدف فتح لأقصى من جديد

نسأل الله يجمعنا بكم
في سبيله وفي ركب الشهيد

#أسـامـة_المـعبـاء

خاب صهيون وافلح سعيكم
جل سبحان مولانا الحميد

غد بالفتح نوصل عندكم
وصوت صرخاتنا ترعد رعيد

#هيثم_المعنقي

في لقاء الهول نسري حدكم
نضرب أم الكباير لو بعيد

شعبنا جــاء بجهد مدكم
شعب للحق من ماضي تليد

#الشاعر_عصام_المقذّل

والقسم لوحدنا في حدكم
مانتضرناربع ساعه للبعيد

اليمن ياقدس عززردكم
قاتلو كل شيطاناً مَريد

#حربي_اليتيم

عهد الانصار والا عهدكم
فوق الامريك نعصدهم عصيد

يافلسطين علا مجدكم
اضربوهم بضربة من حديد

#جميل_الجنيد

جيشنا والشعب كله درعكم
ما نفلتكم الى يوم الوعيد

اطمئنوا..... دَمّنا من دمكم
صادقين الفعل والباري شهيد

#احمد_عبدالله_زيد

اليهودي عجز في صدكم
احترق وسط شبكه والحديد

يالمريكان مهما ردكم
القضية بدمي والوريد

#ابوطه_المهذري

شعب الايمان دايم مدكم
بر والبحر لعداكم يبيد

اعتبر جيشنا هو جندكم
بضرب الامركه بيدمن حديد

#سياف_الضبيبي

طالــــــما مجــــــــدنا من مجدكم
نضرب الخصم ضربة من حــديد

اليـــــــــمن قال لســـتم وحدكم
وبحرنـــــــا قالها هل مـــن مزيد

#الشاعر_حسين_المستكا

با نجي كلنا لا عندكم
يافلسطين واحنالش سنيد

شعب الايمن فالبحر ايدكم
والقضية بتجري في الوريد

#عماد_دايل_العماري

يا فلسطين حـنّـا جـنـبكم
بعد مولى البشر رب العبيد

دمّـنـا لـه صلـه فـي دمـكـم
مختلط في العـروق او فا الوريد

#ابوريسان_عبدالغني_سعدان

شعبنا واقف امانه ضدكم
ياعيال ابليس ياكمن عبيد

يافلسطين حقنا هو حقكم
والقضيه راسخه هي بلوريد

#مناع_شريم

يد شعب اليمن هيه يدكم 
اصرخوا باالشعار ياكل جيد

اسئل الله يثبت جندكم
الجهاد نصر الاقصى والشهيد

#الشاعر_متاش

يشهد الله وحده أنكم
ساكنين في حشانا والوريد

لو ننال الشهادة دونكم
كلنا مستحيل إنا نحيد

#شبل_الحدا_فلاح

ياهل غزة احنا جنبكم
سوف نضرب بايدي من حديد

بانقاتل من هو ضدكم
بانصيد اليهودي بانصيد

#الشاعر_عزيز_البروي

سعدنا يا فلسطين سعدكم
اليمن عانق الاقصى السعيد

ليت والله وحنا عندكم
صف واحد نقاتل لن نحيد

#الشاعر_بشير_الشامي

يافلسطين حنا جندكم
والقسم مننا مابا نحيد

افعلوا فاليهودي جهدكم
والسند شعبنا هذا اكيد

#ابومحمد_سحار

يافلسطين صنعا جنبكم
واليمن والله انا مانحيد

قبح الله من هو جاركم
مايشارك ولاخوانه يفيد

#ابو_اسحاق_الجوف

يالفلسطينين احنا زندكم
والظهر والمفاصل والعضيد

شوق لنصار انها عندكم
اشغاميم هل الباس الشديد

#ابوصالح_حسين_البداي

يافلسطين لاعد ودكم
ساحة الشرق نعصدها عصيد

ود صنعاتقبل يدكم
يارجال البساله والحديد

#عبدالقوي_البطل

أبذلوا كل مافي جهدكم
وأضربو بالنار أبتهم والحديد

وأبشروا قال اليمن في رفدكم
عن مدّكم مابايوقف أويحيد

#محمد_رطاس

جدنا يافلسطين جدكم
والوريد للدماء نفس الوريد

والذي ضرنا هو ضركم
المدبر وذي جاب الرصيد

#ابوعبدالملك_الغولي

يارجال العز لله دركم
واصلو وتقدمو ياكل جيد

يدنا دايم ترافق يدكم
بانجسد للعدو معنا الوعيد

#بدر_القيش

بالدماء وارواحنا بانفدكم
عزمنا مشتد والهمه حديد

برقنايزقع بحنت رعدكم
بانجدد عهدنا الماضي التليد

#ابوجهاد_الجولبي

يا فلسطين شــدوا عزمكم
واستعينوا بذو العرش المجيد

واعلموا انــنا عــونن لـكـم
لــن نساوم عادكم او نحيد

#نصر الشبواني

ياويلـَكم من باسـنا ياويـكم
اهوال منـها باتذوب الحديد

إحنا مـع غـزة نـدور وينـكم
بالبحر الاحمرالعذاب الشديد

#ناجي_القعود

شعبنا كله مجند لجلكم
والمنايا هي لنا فرحة وعيد

شوقنا خوض المعارك جنبكم
نمسح إسرائيل مسحه من جديد

#ابوبدر_فرح

ليت ون اليمن في حدكم
كانت الصهينه راحت بعيد

اضرب بنا روس الضلال الرجيمه
هشم جماجم زمرة الشر تهشيم

دق المريكي واضربه في صميمه
يابى لنا الله نقبل الذل والضيم

#الشاعر_عبدالحكيم_ابوهاشم

يا هل العزايم والنوايا السليمه
الكل معني عصر تعميم تعميم..!!

لا ساحة السبعين فرصه عظيمه
نعلن برآءتنا بقوة وتصميم..!!

#الكرار_المشراقي

شعب اليمن والقائد الله يديمه
يأبا المذله للطواغية والضيم

عواقب امريكاء العينه وخيمه
وكل متحالف معاهم وتنظيم

في البحر الاحمر يبشرو بالهزيمه
تغرق وتتحطم قوا الكفر تحطيم

#ابوعبدالله_صالح_عنبل

لاحياء الطريق الواضح المستقيمه
يملئ رجال البدر همه و تصميم

في كسوة الاقصى ثياب الحشيمه
لو ما بقي بالشعب من يشرب الليم

#ابراهيم_الحجلي

يا شعبنا بعد الخطى المستقيمة
والصف جنب الصف تنظيم تنظيم

ننفر مع ابن البدر عزة وقيمة
ون ما نفرنا يرجع الظلم والضيم

#ابو_غسان_الحدي

لخروجنا تأثير بكره وقيمه.
وجهاد في ذاته وجبهه وتقديم.

ونصر يشعرهم بطعم الهزيمه.
ودرس يشرح مبهمات المفاهيم.

بعد امتزاج الدم صمتك جريمه.
والحكم حكم الدعممه. غدّ تحريم.

#أبوحسين_العصري

ننفر جميعآ ف التخاذل جريمه
يا شعب صبره زاد للخصم تقزيم

ثبات عزة فخر والبذل شيمه
والعز فطرة لا تصنع و تعليم

#مناع_شريم

انعم علينا الله قياده كريمه
من ال بيت المصطفي خير تكريم

والشعب سلم للعلم من صميمه
اكبر شرف نحطم الكفر تحطيم

#عبدالله_حسين_مسعود

نيران تشعل في القلوب الرحيمه
واحشود تتحشد على ضوء تعميم

ايمان قوة دين فطرة سليمه
في ظل قايد زاده الله تعظيم

#أحمد_محمد_الضمدي.

احشد وشارك يا شديد الشكيمه..
واثأر لغزة والجنود الصماصيم .

ما يسكت اليوم ضد أهل الجريمه.
إلا مشارك في دماء المظاليم..

#ابتسام_شرف_المحطوري

صدورنا تغلي من أعظم جريمة
لاهل الشقاء والبغي والكفر والضيم..

غـزة تُباد ، أيـن القلـوب الأليمة؟؟
توقف بموقف حق نُصره وتسليم..

جتكم رســالة ذات معنى وقيمة
تبدأ بأمرالله وتُختم بتسليم

#الشاعر_ماجد_غانم

انصار للمولئ ودينه نقيمه
والوعد غزه ننتصر للمضاليم

الكفر هستر برتكاب الجريمه
واحناء خلقناء لجتثاث المداكيم

#ابوكنعان_الروس

الجو مغبر والليالي ضليمه
والبحر هايج يصكع اقوى ملاطيم

تسليم مطلق والنوايا سليمه
ملعون من يرجع الى الخلف مليم

#الشاعر_امين_الراجحي

بانحتشد بكره بعزه وشيمه
مادام والقايد لنا ادلى بتعميم

نقهر لمريكا وحلف النميمه
ونلعن اسرائيل والبحر بيهيم

#حرب_مشحم_صعده

ارجال بالفزعات دايم كريمه
واقلوبهم بيضاء وابيض من الغيم

ماقبلو افعال الجيوش اللئيمه
قوم السخافه والطغاه الشراذيم

على يديهم يا الرجال الحليمه
باينتهي حلف الوبا والجراثيم

#ابواياد_المطري

لبيك يا سبط البتول الكريمه
والله لو تضرب بنا بحر من (هيم)

با ننصر الأقصى ونطرد غريمه
ما دام واحنا قوم ما نقبل الضيم

#الشاعر_بشير_الشامي

يا شعبنا بالله شد العزيمه
وعمموا لا ساحة الحشد تعميم

اناء اعرف ان انتم قبايل كريمه
باتحضرون الحشد قوه وتعضيم

#الشاعر_ابوحرب_الموكر

وشعب لايمكن تجيه الهزيمة
يفقش جباه اهل العماله ملاطيم

مؤمن مجاهد مخراجته عظيمه
بالله واثق مايبا اي تنظيم

#الشاعر_عزيز_البروي

الكل جمعه يا الحشود الكريمة
ميداننا السبعين للكل تكريم

والشعب كل الشعب نخوة وشيمة
ما يختلف واحد له إجلال وتعظيم

#أبو_علي_عركم

لبو نداالسيد برغبه عظيمه
ياكل مؤمن.وارفضو اي تقسيم

من اجل غزه يالرجال الحكيمه
وإجلال للسيد وللقدس تعظيم

#عبدالقوي_البطل

يامن معه نخوة وعزة وشيمة
يلبي ندا القائد بطاعة وتسليم

نحشد ونتجهز بقوة عزيمة
ماننهزم للضعف والذل والضيم

#أبوصخر_الجوحمي

منهج قياده شعب أمه عظيمه
نعمه. لنا من ربنا بل وتكريم

خروجنا الساحات له شأن قيمه
تغيض اعدانا ويزداد تحطيم

#الشاعر_أبوعزام_الشامي

لمواقــفك ياشعب هيبه وقيمه
ومواقفك أصبح لها ألف تقييم

هنا اليمن أصــل الإبآ والشكيمه
وأصل العروبه دائمآ دون تقديم

#الشاعر_عصام_المقذّل

تبقى اليمن امه عزيزه كريمة
مامثلهادوله وأمه وأقليم

الى فلسطين الخطى مستقيمه
لوبانودع قرم في كل مليم

#ابومحمد_سحار

وكيف مانسمع قياده حكيمه
والله امرنا لاتباعه بتسليم

ادعو لنا تاك الحشود العظيمه
تقبل وتضهر اننا امة الضيم

#الشاعر_متاش

اهلا وسهلا بالحشود الكريمة
ذي زادها ربي مكانة وتعظيم

على طريق القدس شدوا العزيمة
لأكل ساحة يحظر الكل تعميم

#مسعد_محمد_المثيل

شعب اليمن شعب الاباء والعزيمه
والجيش بايقلب جميع المفاهيم

مؤمن مجاهد داري اينو غريمه
والغد في السبعين وقفه وتنظيم

#الشاعر_حربي_اليتيم

قولو لبنيامين هذا البهيمة
يكفيك في غزةأهانه وتهديم

لابدمن فالبحر يسمع لطيمه
وفاالبرباندخل بكمن جهاديم

#ابوطه_المهذري

بعد ابن بدرالدين ربي يديمه
خروج مليوني نضحي وتقديم

من ضربنا يحسب لنا الف قيمه
وتحتاج امريكاوصهيون ترميم

#حمد_الكبسي_الوايلي

وخزي يصلي الأنفس الآثمة
إلا إذا قامــت مـع اخـوانهــا

#ابتسام_شرف_المحطوري

صرخاتنا وجه العدى صارمة
ونحذر العِربان واخوانها..

وقـوفـنا وقفـة إبــاء دائمـة
لأجل غزة ، ويل من خانها

كل الرجال الغُـر متلاحمـة
وتحرر العالم وأوطانها....

الشاعر_عبدالحكيم_ابوهاشم

الشعب سجل للعداء قايمه
امريك واسرائيل و اخوانها..!!

والسيد انذر للقوى الظالمه
تشهد خطاباته وعنوانها..!!

ما دام والحجه قدي قايمه
النصر قادم رغم عدوانها..!!

#جميل_ابوقاسم

هاذ الحشود باالصوره الدايمة
معا فلسطين ربنا عانها

حامت على واشنطن الحايمة
والموت لاسرائيل واعوانها

احنا المدد فاالبدع والخاتمة
واحنا سند غزة ورميانها

#فايز_الحمزي

حشود من ارض اليمن قادمة..!!
حب الجهاد يجري بشريانها

لبت ندى القايد ومتراقمة..!!
والبحر الأحمر فيه برهانها

من (بايـدن) و(نتن) اتت ناقمة
وڪل جمعة يصدر اعلانها

#ابورعدالله_فهد_الصراري

ما باتقوم للصهينه قايمة
دام اليمن قد هب طوفانها

على الكيان حامت الحايمة
وغزة ارض العز اتى حميانها

لاتحسبون ان البنادق صايمه
مادام ارض العز زاد ايمانها

#صالح_حسين

حشود للاقصى قدم قادمه
تقضي على امريكا ومرخانها

ياضيف حامت فوقهم حايمه
تقذف عليهم شر نيرانها

في البحر الابيض للسفن قايمه
لوما تصل لندن وشطئانها ؟؟

#اسامة_المعباء

يا امة باكملها غـــدت آثــمه
من تركها "غزة" وخــــذلانها

حشـــودنا عظمى ومتزاحمه
في ســـاحة العزه وميــدانها

اغمار وقت الضيــق متقادمه
تزحف لنصر القدس باسنانها

#يعقوب_الخمري

في حرب كبرى ليست الخاتمة
تجرف بني صهيون وديانها

صرخاتنا فوق السُحب حايمة
بالموت لإسرائيل واعوانها

أفواج في الساحات متزاحمة
با تلعن أعداءها وجيرانها

#بشير_سفيان

شعب اليمن في أول القائمة
من وجه أمريكا و اعوانها

تصعيد بصاروخ والراجمة
باتحرق إسرائيل نيرانها

صنعاء فجرالأمه الباسمة
وعز الأمه في شرينها

#الشاعر_أبوعزام_الشامي

يا كــل دوله للــعدو خادمه
با تخسر العزه وعنوانها..

تعيش في ذله أكـــيد دائمه
والصهينه تعبث بسكانها..

أما اليمن على العدو باصمه
الـعز راســخ بين بنيانها ..

#ابومحمد_سحار

اسود فالساحات متراكمه
باتقهر امريكا واعوانها

ياويل من كانت يده ااثمه
ارض اليمن جاهز وشجعانها

ياويلهم من نارنا الهاشمه
بايخمدو في قعربركانها

#أبوصخر_الجوحمي

خروج مليوني في العاصمه
عزه إباء ربي علا شانها

وحشود كبرى في المدن عارمه
في نصر غزه رافع اكفانها

ايام سوداء للعدا. قادمه
لامريك واسرائيل واعوانها

#عائشه_المغربي

القوم ياغزه معك دايمه
بدافع ٳستبسال وايمانها

والمرحله قد شكلها حاسمه
ضد اليهود وكل عدوانها

لو باتضلي ذا الامم نايمه
فاحنا لغزه كلنا اعوانها

#ابو_صماد_الفليتي

طوفان مليوني في القائمة
بايقـّهر أمريكاء وطــّـغيانها

والمعركة في بحرنا حاسمة
والموت لأسـرائيل وادوانها

وضّربت الله القوي قاصمة!!
نهـاية الاعـداء وشــّـيطانها

#احمد_زيد

يوم العرب للصهينه داعمة
ماغير شعب العز ذي هانها

شعب اليمن فزعاته الدائمة
في كل موقف للشرف صانها

بحشد هأئل ماخشا اللائمة
شامخ وثابت من على اركانها

#محمد_الرقيمي

المعركه بذن القوي حاسمه
باتنسف اسرائيل ودوانها

وجه العمالات اصبحت نادمه
من ماتلقت وسط ميدانها

اترقبو في المرحلة القادمة
خبرات ماقد تم اعلانها

#بدر_الدين_لطف_الله

صنعاء على الباغي حمم حايمه
والحشد اكبر شاهد انسانها

للحرب كل الناس ذه خارمه
تتشوق. القتله. بميدانها

عاد المراحل قادمه قادمه
با نفتتحها جاهز امكانها

#ابوحنج_العويري

اسود تزأر ضاريه حازمه
ياويل من له تظهر اسنانها

سيول فوق المعتدي عارمه
تحمي وطنها مثلما اعيانها

للحق واهله دايما داعمه
خسران من به ثار بركانها

#عبدالغني_ضبعان

حامت على واشنطن الحايمه
وال صهيون با تحرق بنيرانها

حشودنا اليوم داخل العاصمه
مع فلسطين متضامن وسكانها

نريد نواجه نتنياهو ونهاجمه
وندوس باقدامنا امريك واعوانها

#الشاعر_عزيز_البروي

لو أمة الاسلام متراحمة
متكاتفه من بعد طوفانها

مثل اليمن بالضربة القاصمة
ما كان تتمادى بطغيانها

وتضرب الصاروخ والراجمة
ع الطفل والمرآه وشيبانها

#حمود_العلفي

الشعب لبى بالحشود العارمة
يوم الملايين اعلنت نفرانها

من صعدة الشماء وحتى الحالمة
كل الميادين القدس عنوانها

الجولة الرابع اكيد الحاسمة
البحر الابيض والرجاء ميدانها

#اتحاد_الشعراء_والمنشدين

https://t.me/aboyahyaalshami

خاب النتن في القطاع وفي رفح مانجح
جيشه مغرز مكانه ماتحرك مسار

سود المنايا أمامه وين ماقد سرح
وانه يريد التراجع ما يفيد الفرار

قدامه أبطال مافرد انكسر وانبطح
والعكس صهيون في ذلة وفي إنكسار

واليوم يامن سكت يوم اجتياحه رفح
اليوم جندي وبكرة يقتحم كل دار

#حامد_النمري

اخزاهم الله ضاعو بين رقص ومرح
ماعادفيهم عروبه عاقبتهم دمار

والدين بعدالعروبه لي مزيف قرح
ولاعادفيهم رجاوالقول ذابختصار

غزة لهاالله والسيد ومن هوصدح
رجال في وجه الاعدايرفعون.الشعار

#ابوالحسنين_مطوان

يـامـصـر عـــاراً عـلـيكم دم غــزة رشّــح
اتـغضوا الـطرف والأطـفال جوف الدمار

اصـوات ثـكلاء ولا مـن مـصر معبر قرح
ودمــوع حــرا ولا قــد مـصر قـرح عـيار

مضمون إذا اجتاحت اسرائيل بلدة رفح
مـابا يـعيش مـصر فـي حالة بنا وازدهار

يـا كاسب الصمت مامن يكسبك قدنجح
مـا يّـسلم الـسوء مـن فـرط بحق الجوار

‌‌‎#الشاعر_عزيز_البروي

مع فلسطين نبقى من قرح له قرح
ومن تركها وهو مسلم امانه حمار

برغم قد شاف مكيال اليهودي سفح
بشلا الاطفال ودماها بالليل ونهار

لا عاد نخوه على فرشه رقد وانسدح
السيسي وكل سيسي بجنب الصغار

الشاعر_متاش

اهوى على مصر من حسني وعبده فتح
ذي دخلوها مع إسرائيل جحر الحمار

كيف الخبر ياشعوب المنطقة مايصح
ولايجوز التخاذل بعد هذا الدمار

غزة ومعبر رفح لليوم دمه نسح
ولاحد اقدر من العربان يطلق عيار

اين العروبة واين الدين ذي ما نصح
ولا تحرك عليه العار لاكل دار

#ذاالنون_مشتاق_شريان

حما وحما على المصري بعرضه جرح
بيع الكرامه وبيع الارض ذلّة وعار

من باع جاره يلاقي غد ملطام قرح
والوقت دوار عبرة باتذوق الغـــبار

غزة تنادي ومعبركم ينادي اجترح
وفهم اعقل تمهل بايجيك الدمار

دام فرعون سيسي؟ بايسوقك شدح
والحمار طول عمره بايظلـــي حمار

#أبوصخر_الجوحمي

ذيل اليهودي عميل امريك ماقد نصح
العاهل الاردني والسيسي بئس الجوار

لا خير في من يوالي الكفر فيهم سبح
مامنهم الا الضرر للدين في كل دار

ياويل من طبعوا للصهينه او سمح
بافعالهم ضد غزه قتل جوع وحصار

احنا مع القدس غزه في العنا والفرح
منهج علم شعب يأتي منهم الانتصار

#عبدالله_بحنان

اخبار معبر رفح الجيش فيه أمتسح
والشعب قالو مزح والله ذلة وعار•!!

الدين في الجيش بح فكيف به ارتزح
من بعد حرب السويس يتغزلو في الحمار.

ما يعرفون أستعد معروف بس استرح
من فرطو في رفح با يخسرون الضمار

لو (النيل) كيل ان طفح والبحر جنبه قدح
أطفال غزة تموت يا بايعين الصغار

لو كلب يا مصر كان الكلب صوته نبح
اما التفراج عند الكلب يا كلب عار

#الشاعر_عصام_المقذّل

يامصرالجرح دامي وسط معبررفح
مدي يدالعون لاكان فيش مسلم يغار

من حزن غزة وربي ماتعيشي الفرح
وباتعيشي الألم مثله بـ ليل ونهار

مات الضميرأمس وولى الدين فيكم سرح
جيران تلعنهم أشلى جارهم في الجوار

ياغزة العـزصبراًفـ الكيان أطرح
وصمودش اليوم في وجه الكيان انتصار

#ابوجريل_شريف

ياجيش مصرالعريقه ليش ماتنتصح
جيش الكيان الحق بغزه دمار

الى متى باتضلي قيادتكم لهم تنبطح
ثوروا على السيسي كفى الانتظار

ياجيش مصرالعريقه ليش ماتكتسح
وتشترك في معركة تحريروالانتصار

خذلان غزه جريمه قبل ماتفتضح
الدور قادم عليكم والخطط والمسار

الجريح #ابوقيس_نخره

معبر قرح لا سوا في باب معبر رفح ،
حرفين في معبرين ما بين جنه ونار .

فالرا مذابح ولاكن ما حدا له رزح
والقاف لو يستمر لا يصنع الانتصار .

يا ام دنيا الكلاب الذل فيكم سفح
لو شعبنا عندكم مافيش كلمة حصار

اليوم مات العرب في حكم كمن وقح
با يدخلو كلهم في جحر جحر الحمار .

#حافظ_الحماس

اليوم يا مصر يوم المرجله في رفح
وإلا فلا عاد سينا ولا عاد الجوار

ذي ما يلاقي عدوه في الحدود انبطح
في نص أرضه وعرضه ينتحر أنتحار

عودو إلى الله والقرآن فيما شرح
وأنتم تشزو وتحظو بعدها بأنتصار

والله ما عز غير المرجله لو قرح
رأس ألف وألفين جندي في القرار

#نشوان_همدان

ياأرض الكنانة أمانه وين سهم(ش)شطح؟
وأطفال غزة تقاتل خصمها باالحجار

وجيش صهيون للمعبر دخل واكتسح
وجيشكم قام يتوسط ويرعى الحوار

خاضع وراكع لأمريكا من أجل المنح
خان العروبة خيانة صانعين الـقرار

ياارض الكنانه كيان الشر فوقش رزح
عليش قد سيسوا سيسي وسايس حمار

#اتحاد_الشعراء_والمنشدين

https://t.me/aboyahyaalshami