#_قُــل_أعُـوذُ

اداء: #_الرادود سيف الحسيني

كـلمات: عـباس علاوي البهادلي

للمشاهدة والتحميل :https://youtu.be/tRHzo-e_6-A?si=IQdyz7jVEHxd2VgD

هيئة شباب علي الاكبر - النجف - الحيدرية

#_آخر_غريب

#اداء: علي عباس اللامي
#الشاعر : عباس علاوي البهادلي

https://youtu.be/oLXF0u542cE?si=jflby0DCoLxu3uH-

عزاء هدم قبور أئمة البقيع عليهم السلام

سَلَامَ مَنْ لَوْ كَانَ مَعَكَ بِالطُّفُوفِ لَوَقَاكَ بِنَفْسِهِ حَدَّ السُّيُوفِ، وَبَذَلَ حُشَاشَتَهُ‏دُونَكَ لِلْحُتُوفِ‏،‏وَجَاهَدَ بَيْنَ يَدَيْكَ، وَنَصَرَكَ عَلَى مَنْ بَغَى عَلَيْكَ، وَفَدَاكَ بِرُوحِهِ وَجَسَدِهِ، وَمَالِهِ وَوُلْدِهِ، وَرُوحُهُ لِرُوحِكَ فِدَاءٌ، وَأَهْلُهُ لِأَهْلِكَ وِقَاءٌ.

وين اعالمسلم وين
هسه الغريب حسين
الدفعتي ماشين ....من فوك الاقصور

__

ضايع دربي..لازم كلبي..ادعي الربي..تحضرني اخواني

غدروني وليش..وحدي بنص جيش..ماطاب العيش ..كثرة احزاني

دمع الزلم لوطاح كسره جبيره
الماعنده اخو فزاع بعيونه حيره
فدوه اندفع لحسين واصبح اسيره

يامن يوصل اخبار
مسلمكم المحتار
لا اهله لا انصار..من فوك الاقصور

___

باخر انفاس...ردت العباس...يولوني الناس..وهو بن عمي

لا مو تعويد ..مجتوف الايد...فارس صنديد...والهيبه باسمي

اتسند الحيطان حتى احمي ظهري
عطشان اخو مو ماي ايضمدلي كسري
والغربه ذبحت روح باكتلي عمري

أبن الذي نساب
ضايك عليه الهاب
رايد نسيم احباب ..من فوك الاقصور

__

شمروني احجار..اصغار اوي اكبار..كل ما اندار.سيوف تلاكيني

افرك بالايد ...اليسأل شتريد .مايمي اعضيد.. وجيته تسر عيني


النه السمه وي الكاع وما ضل الي امجان
بين الازقه شلون ضايع وعطشان
جفي اعلى نزفي ايبات وخدي اعالتربان

يا اهلّ هاي الروح
عايش لجن مذبوح
اوكف واطيح جروح ...من فوك الاقصور


__




ملجوم ابهاي ..طاح من اشفاي..الدم بالماي..مكتوب اضل ضامي

بهاي اللحضات ..صاحو شمات... ..مطروح اتبات .. ويتركونك دامي

التمو اهل كوفان وحسباتي حسبه
من اعلى القصر للكاع دفعوني وسفه
الينزف قهر ياناس شيكطعه نزفه


اختلف عل ميتين
ميت فده لحسين
اتحقق حلمها العين ..من فوك الاقصور
__

هاي الكسره ...اتخضر حضره...عِبرة وعَبره..خير اتبديت

منريد الماي...منريد افياي ..لاهاي وهاي.. احنى اهل البيت

احنى الاصل والغير بالحكمه وداي
احنى النده اليلتم ويكوّن الماي
السنبل من ايميل للخير عطاي

ابعدّ الزلم اول
للشر نجي منجل
انعيش اذا نذبل..من فوك الاقصور

بأسم مولاتي ام البنين ومولاتي فاطمة المعصومة
عليهن أفصل الصلاة والسلام

عباس علاوي البهادلي

#_ياصاحب_الزمان

شام وعاشر والتل بيه
وگبور اهلي المامبنيه
عني اليسأل ..عايش مقتل
وگبور اهلي المامبنيه

_

المهدي انه ..حزن عايش

بين شام وكربله متبدي حيلي

حزني يكبر ..حيلي يصغر

طفل يمشي اعالجمر من يمشي ليلي

انا اختلف عن البشر بصورّه وبحيطانه
امعلك صور ضعن التعب فوگ الهزل احزانه
ونشغة رقية بصف رمح بابا انه العطشانة

عطشانه ..حسين وحنية
طفله ايسموها المسبية
معذور أذبل ...عايش مقتل
وگبور اهلي المامبنية
____

جمعه جمعة عيوني تربي

انتظر واحد يجي يشاركني همي

حلم عندي.. بابي يندك

امن التطيح ادموعة لو ينذكر اسمي

انا الغريب ابلا اهل هدمي نگع بدموعي
اذكر حُسين وانفجع وايدي تدگ ضلوعي
ياهو اليساعد غربتي يسهل علي موضوعي

من هو البيكم دور عني
دم ابچي ومايخلص حزني

ابدمعتي اتبلل ..عايش مقتل
وگبور اهلي المامبنية

___

هيج احسه.. الذنب حافر

واليحبني لو ذنب يكسرلي خاطر

انا اتاني مدري انتم

گلبي ذاب وباچر ايذبني اعالباچر

ياشيعتي ادعو الفرج هل من معين وناصر
معصوم وابن اطهر نبي عايش غريب وحاير
بس مره عيشو واقعي وشوفو المصاب اشكاسر؟

شايفكم بس متعرفوني
امن الضيم البيه اتيهوني

اخيام وتل ..عايش مقتل
وگبور اهلي المامبنية
____

اويالخرايب ...عندي قصة

اعالترب نامو سباية المغربية

تصيح كلها ...عمه زينب

الشام مايرحم مره تدخل سبية

من الخرابة وللقصر ايصيح الضعن ياعباس
والنوگ تلفت بالنظر من تمشي واتدگ اجراس
اتسكت طفل يبچي طفل الحراس غربه الحراس

باب الساعات امأذيني
ماخذ روحي وماخذ عيني

حزني الاول ...عايش مقتل

وگبور اهلي المامبنية

__

اگبور عندي ..اتراب ضلت

بالبقيع الغربة مرسومة بالتراب

الحسن بعده ابلا مناره

شلون راعي الهلا يضل گبره بلا باب

لا گبه لا ينشد علگ شباچ ماكو وحضره
امن الهدم والهذا الوكت مشلوع گلب الزهره
شيبي جزه عمري بسبب عالصار صاير جمره

اللهم بحق الزهرة
من شيعتنة رايد نصرة

وردة ومنجل ...عايش مقتل
وگبور اهلي المامبنية

عباس علاوي البهادلي

من عالم الوهم..عيش أنتقاله
اجه..شهر..الخدم..ضجوا بوصاله

من ذا الذي يُقرض دمع عين
ويردها الك اضعاف الحسين

ضجوا بوصاله

_
حضر كلب واغرف دمع ..اسعدها فاطمه

شهر المحرم اقترب ..تخدم ارض سمه

اذبح نيتك صوب الحضره
جاي حسين وفايح عطره

ياخدام وشمتانين

اخلاف حسين الابيض كحله
اسأل روحك عندك اغله

من حسين واهل حسين

شي. عابر .العقل . . بالموكب الصار
الكهل مع الطفل...تحس نفس الاعمار

كل شي التقدمه يعتبر دين
ويردها الك ضعفين الحسين

__

بين الخيم ازرع وفه..اتخضر قدم صدق
يسگيك ابو فاضل شيم..وشمحله هالزرق

المعصوم ابفعالك يفخر
اذنوبك جاي اتقل لو تكثر

ركز بيك وعوف الناس

لازم يصبح همي وهمك
اعلى اهل البيت من ايمر اسمك

ايذكرك بالخير العباس ؟

الطاعه بالامر...مو بالتريده
الخادم المهم....اليملك عقيده

بس لاتكن شيناً وكن زين
ويردها الك اضعاف الحسين

____


لتسولف بطاري السبي..وامجامل الرمح
اتسمى مو طاح بأثم ...طايح على الجرح

من يكبر اسمك لاتنغر
ثبت روحك مثل المنبر

بكل مجلس نحظر نلكاه

عوفك من أسم الي يقره
المأتم تحظر بيه الزهره

وهنياله الي تبجي وياه

ابحث على الدمع...عوف البقيه
ومو ترضي بفلان...وتنسى الزجيه

هّمك على صدرك الچفين
ويردها االك اضغاف الحسين

____
اتذكر قبل هم مبتعد..بس رجعك منو
حسين ويريدك تخدمه..تبرد يجي دفو

هاي ايام المايتجازه
الما صح بالعاشر جنازه

لطمة صدرك احلى افياي

كلبي اتلمس عشكه استوه
وصاح (الله) هذا الحب يسوه

يابعد الرايح والجاي

بالرحمة تنشمل...من تنزف ادموع
غير الخيم ابد...ماعدنا موضوع

اتذكر قبل وين وصرت وين
ويردها الك اضعاف الحسين

___
سبعين محمل للخدم..حط من تجي الفتن
وانصير أيد بأيد اذا...يحاربنا هالزمن

الناقد حظر رمي اسهامه
وجاي اعلى حسين وخدامه

يبعدنا ابكل عقله ايريد


راح انقلها بأوضح فكره
خالقني الله لأبن الزهره

ما اهتم للفكره أبعيد


الى من ينتقد... هاك التريده
ناس احنى من نحب..انحب بقصيده

بس صوب واحد ماكو صوبين
ويردها الك اضعاف الحسين


عباس علاوي البهادلي

[ رسالة زينب ] ع

لايضل بالك عليه....حتى لو اطلع سبيه
بيه عباس وأذل ! ...منبري فوگ الهزل

الشامخه زينب أبيه
____

احنى نسطع نور لوحل الضلام
ناس احنى نبتدي من الختام
لاتفكر بيه باچر وين انام
الليل باچر يوگف الزينب قيام

حته لومعصوبه آديه ... الگيد مايمحي الهويه
الضوه شيقيده ابحبل ... منبري فوگ الهزل

____

من جلوس الليل صليته صحيح
لكن أگبال العدوا لتضن أطيح
يا قصر يا سوگ عباس أستريح
انه بت حيدر علي الماهزه ريح

الله سوه الگاع ألنه ... وين مانگعد. وطنه
الساني دستور وفعل ... منبري فوگ الهزل

____

رغم عظم الصاير وگطع الرگاب
وعالرماح نشالت الروس بعذاب
عايشين بخير اذا بخير الحجاب
وحنه عدنا الستر اغله منالشراب


مايهم خويه عطشنه --- المهم عالي شرفنه
ألثورة حتمآ تكتمل --- منبري فوگ الهزل

____

مومهم صار الموادع من سكوت
لاچن السابع سمه وصلنه صوت
يموت كلشي والمواقف ماتموت
واحنه لمينه الحچي لمة قنوت

الستر اصله عباتي ... والسمه ادور رضاتي
عفّه معجونه بفضِل ... منبري فوگ الهزل

____

ابتدت رحلة سبي ومابيك القصور
رايحه وربك يسهل النه الامور
بالقصر دورت رحه. بيهم ادور
الاميره أبكل وكت. خلّك فخور

اجسادكم هسه بتراب … باجر اتخصر قباب
احنى فوگ من الاصل ... منبري فوگ الهزل

____

فوگ رمحك فسرت بعيوني راي
الماي لو مو ينذبح هم يبقه ماي
انه اخت عباس ترفع راسي هاي
خويه أمن والضعن كله أبحماي

ظعن محفوظ بكرامه ... الله المگدر مقامه
ما يروعوني أبقتل. ... منبري فوگ الهزل

____



سيد عباس الفاضلي
عباس علاوي البهادلي