ويلي علزهره المظلومه
عاشت وماتت مهظومه
.............................................
حياة الزهره من چان النبي يمهه
إذا يشتاگ للجنه يجي يشمهه
ماي بنص چفوفه چان لازمهه
يسيّر يمهه لمّن تكثر اهمومه
ويلي علزهره المظلومه
عاشت وماتت مهظومه
.............................................
ماهانت عله الدنيه إبتسامتهه
خذت من عدهه ابوهه الچان خيمتهه
ياوكت الزچيه تجري دمعتهه
بوجه حيدر تعاين ويلي مصدومه
ويلي علزهره المظلومه
عاشت وماتت مهظومه
..............................................
الفگد غالي تِهَون مصابه جيرانه
ويعذرونه اذا تتزايد احزانه
عكسهه صار إسكتي صوتچ آذانه
بواچي اليل تسلب راحة النومه
ويلي علزهره المظلومه
عاشت وماتت مهظومه
..............................................
شافوا نوح فاطم يعله مايگطع
حرگوا باب بيت الزهره من يقنع ؟
حس بيهه النذل كل حيله ظل يدفع
بلباب وظلوع الزهره مهشومه
ويلي علزهره المظلومه
عاشت وماتت مهظومه
...............................................
أثاري النار أحمر خلّت البسمار
حديد محومر بصدر الزچيه صار
تتنخه بأبوهه وشتّم المختار
إقشعر جلد التشيّع ها يمحشومه
ويلي علزهره المظلومه
عاشت وماتت مهظومه
..............................................
درت طاح الطفل بس نهظت الزهره
تلگّتهه عله خدهه ياوسف سطره
نزل سوط عله اديهه اليمنى واليسرى
بطرف سيفه طعنهه طعنه مشأومه
ويلي علزهره المظلومه
عاشت وماتت مهظومه
................................................
ثواني الحادثه بس الجروح أكثر
ماتت فاطمه والونْ بده بحيدر
يخلص الليل صافن بيهه يتذكر
وعله الحايط حبيبه معلًگه هدومه
ويلي علزهره المظلومه
عاشت وماتت مهظومه
..........................................
عباس الموّاشي

(في مثلِ هذا اليوم )اجه معنى واسم مصيبه
يصادف جُحود الله بحرگ بيت النبي حبيبه
واليأمن العقاب يسيئ الأدب عُجاب
سنة هدعش عذاب علزچيه
..........................................
بهاي السنه مولد هلال الحزن
سمّوا رسول الله بگلب مطمأن
وره شهر صارت لغتهم (وأن)
فعلا تنفّذ مقتل اُم وأبن
هاي نواة الشرذمه الملعونه
هاي عقول من البغض مجنونه
هاي بدايه للقتل وافنونه

اكبر تجّرأ بلكره الارظيه من بشرهه
مابين باب وحايط الزهره انكسر ظهرهه
منا بده الأنين على مدى السنين
من طيحة الجنين علوطيه
...................................................
إلكم تفاصيل المصيبه الجرت
(لاذت وره الباب)الزچيه وحچت
صار النذل قوس عله باب البخت
صوبهه بسمار بصدرهه نبت
گال احس گلبي انكسر واهملهه
گال اجه ابالي علي واني الهه
گال صناديد العرب كاتلهه

ياويلي ثارات ابنَ ودّ بلزهره طلّعوهه
يگول النذل أعصُرهه واسمع تنتخي بأبوهه
فرصه انتهز جبان وتصاعد الدخان
ظامن اكو آمان بلوصيه
...............................................
موقف علي خلّه أسم للصبر
من يلگه بابه صايره بس جمر
والمحسن الماله ذنب منعصر
وقرط الزچيه عله الأرض منتثر
شاف مصيبة زينب المرعوبه
شاف شريكة روحه شو مصيوبه
شاف شكو خطوة غظب محسوبه

رجّع فقاره واكتفه بخالد جثه عله صدره
من هلدقيقه حيدره غيم ومشه عله شعره
صوت وصدى زفير وبناظره يدير
صار الأسد كسير كل مسيه
............................................

مگابلهه بلحجره وحچيهم دمع
مارادت اتگله انكسرلي ظلع
يدري بمنيتهه علي ومنفجع
اخر ليالي بهلوجه يجتمع
ليش عمرهه ثمنطعش وشّافت
ليش بوِلِدهه چم جرح هلعافت
ليش نِذَر حيدر لونهه تعافت

چنه نِذَر لو فاطمه الله رزقهه گومه
ياربي مرّظني شهر ونفس الشهر اصومه
ماعندي كل حلول بس ترجع البتول
فرگتهه مو تطول للمنيه
................................................
حگه علي يبچي عليهه دمه
بيت وصفت اركانه متهدمه
يدخل قبل تستقبله فاطمه
هسه يطب يلگاهه متألمه
چان ظحكته ومرهم لألامه
چان بديهه تنبني احلامه
چان تشدّه وهسه راخي احزامه

منظر حسن وحسين ابد لا مايصح مثيله
يقبّلون إديهه وبرجلهه تقبّل العقيله
أمهم صفت خيال وتطشرت عيال
ماكو بعد مجال للسويّه
................................................
عباس الموّاشي

مقسومه السنه فارغ صحنهه ماتخلص محنهه
الله اليعلم اليله بحزنهه
.......................................
منتظره تجيهه هلسنه الخدام
خدام وغياره
لن أبن الشمر صوته يرن بلشام
ممنوعه الزياره
يگول اخر زياره الكم إجيتوا العام
طفيت المناره

لازالت سبيه رد حكم ال اميه
الحكم ألنه غريبه مو وطنهه
................................................................
گلب أم وحنين بنص گبر مسجون
وتحن لولدهه
من سمعت خَدمهه هلسنه يرجعون
دمعتهه عله خدهه
نفس ليل هدعش هاي السنة عله ام عون
من ظلت وحدهه

چن اتگول إرجعوا وبكربله إدعوا
أُمكم تنكشف هلغمه عنهه
........................................................
مو خوف السكوت عله الوظع هيهات
بس حكمة مراجع
ولد زينب لجل زينب تطيح اموات
ماعدهه كل مانع
المواكب للصحن غصبا تطب جوگات
والعالم ايباوع

مرجعنه وحكمته مانكسر كلمته
علامه للظهور الشام اظنهه
.....................................................
يلمعيش النواصب يوم الاستشهاد
بس يومچ قلقهم
مجاعه الشام وابابچ چثير الزاد
من خيرچ رزقهم
يحسبون لرجب وايامچ التنعاد
بس يبقه فرقهم

يسترزق بكترچ من يشبع يغدرچ
ينعمه بلا شكُر واچفوا صحنهه
..............................................
يمولاتي اطمأني صحنچ المزدود
هم عندچ بديله
بصف صحن الحُسين وتلّچ الموجود
انفتح صحن العقيله
يلم أهل العراق بأكمله ويزود
وزياره ثگيله

مابين الغوالي تشيعچ خيالي
بين الحرمين اهنا دفنهه
...................................................
يمولاتي النعش يمشي عله روس الناس
ومغطه بعباتچ
مثل دوية نحل نسمع زفير انفاس
في ليلة وفاتچ
من صحن الحسين يطب صحن عباس
هذي امنياتچ

وبراية القُبّه يلف نعشچ يكعبه
جنازه چفوف ابو فاضل خذنهه
ً..................................................
عباس الموّاشي

لسان حال علي بن سويد عندما زار الامام عليه السلام وهوه في ذالك السجن

(زيارة سجين)
.................
اروحن فدوه لسمه جازفت رغم الخطورة
مواجهته حلم وتحقق وطبيت ازوره
اظل لو ادري بلجمعه واشيعه
ولاعيني تشاهد ذاكَ وظعه اويلاه
................................................
بألف يابلحسن يلزهره خلوني
اطبن للسجن من ايدي گادوني
سجن بس بلأسم ياناس صدكوني
طاموره بطن طاموره نزلوني
مو راسي بمشيتي يدگن متوني
يشيعه موسى شفته شلون إسألوني

ظلام ومااشوفه والهوه بصدري تدارك
صحت وينك يبعد اهلي وظوه وجهه المبارك
يكلي ياعلي راسك ارفعه
ولاعيني تشاهد ذاك وظعه اويلاه
........................................................
بساط الكاظم الجواه سجاده
عباته ململمه مخليهه الاوساده
تمر والخبزه مال شعير كل زاده
يكلي ياعلي علينه الظلم عاده
الشمر كص راس ابو السجاد واولاده
واجه السندي يبرد كلبه بلساده

اتفقنه اني والسندي يجي يثگّل عليه
حديده والمقابل يمتنع شتم الزجيه
بعد ماعندي مهجه وصعبه اسمعه
ولاعيني تشاهد ذاك وظعه اويلاه
........................................
يكلي مااريدك تنقهر وِاسمع
ابن شاهك عليه من الصبح يفزع
انه مو من حديدي هذا اتلوع
يجي بسوطه عله جسمي وكون يتكطع
الف مره عله صدري بكعدته تربع
قبل يومي يريد رويحتي تطلع

اذا يلگاني راكع اندفع والحيره حيره
اطيحن واليجي بالي فقط بدر العشيره
وگع من مهره بس شلون وگعه
ولاعيني تشاهد ذاك وظعه اويلاه
...............................................
يكلي هلعذاب البسجن شفته
عشُر من كربله لو اني قارنته
بنفس حبل العليل تجتفت عمته
انه من اعطش شفاهي الماي ظايگته
لچن جدي الحسين تفطرت شفته
تره معصومه ماعطشت مثل بنته

عدل ميت اردلهه وتجي تحظن ابوهه
رقيه حظنت الراس اوره ساعه ادفنوهه
عله حسين السجن يوميه ينعه
ولاعيني تشاهد ذاك وظعه اويلاه
.......................................................
بست ايده دخيلك وظعك تدهور
علكيفك ويه روحك يبن ابو الاكبر
اجيتك حته اعرف ياوكت تظهر
يكلي امشي للشيعه ولتتأخر
عله جسر الرصافه الموعد تقرر
بشاره الجمعه يطلع موسى ابن جعفر

فرحنه فرحة العينه انطفت شوگ عله ابنه
يجي يوسف صدك ياربي بس حقق حلمنه
اصابعنه گظت وينج يجُمعه
ولاعيني تشاهد ذاك وظعه اويلاه
.......................................................
كعدنه عللسجر نتنطر الرحمه
واشوف الشيعه خلفي كلهه ملتمه
انه الجبت البشاره وصدمتي صدمه
اجتنه جنازه راعيهه يخر دمه
منو اليعرف اخوته لو ولِد عمه ؟
لكيناه وحده ميت كلشي مايمه

عليّه صفنت الشيعه بدمعهم عاتبوني
اثاري يقصد اطلع يعني ميت شيعوني
بهذيج الساعه لو جلدي انزعه
ولاعيني تشاهد ذاك وظعه اويلاه
....................................................
(زيارة سجين ) عباس الموّاشي

لحن (يحسين اخبرك)


شمرة نفسهه مالحِگت تنزل
تصبر ثواني بس تنوخ الناگه مالحگت تنزل
.....................................................
وصلت مشارف كربله بلنسوان توصيهن وصيه
ذاك الرماد اگباله گبر الوليان هاي الغاظريه
اني الأنزلچن لأن العطشان آمنچن بديه

وصت وهيه مالحگت تنزل
شمسوي چا بيهه الحُسين فراگه مالحگت تنزل
.......................................................
شافنهه طاحت علگبر ظلن فوگ منهو الينزلهن
طاحن وراهه ودمعّت عين النوگ هلمنظر كتلهن
طشّن مثل رماد الخيام المحروگ فوگ گبور اهلهن

حته الملائك مالحگت تنزل
طاحوا وركن السماء انهد راگه مالحگت تنزل
.......................................................
طبعت وجهه من البچي بگبر حسين وتشم بترابه
فروني گاع الله واجيتك هلحين وبنفس المهابه
كلهن اجن بس وحده لتگلي وين ماتت بلخرابه

دمعة رقيه مالحگت تنزل
شهگتهه صعدت علطشت مشتاگه مالحگت تنزل
..........................................
گامت متربه من الگبر يلسجاد مايسعفني حيلي
گبر الكنز وينه وسط هلأجساد دليني بكفيلي
دليني بليسوه العمر والاولاد لايوگف دليلي

يم الشريعه مالحگت تنزل
يدري بوكتهه بلظعن مَن ساگه مالحگت تنزل
.........................................
طاحت مثل دمعة يتم مال احساس يم گبره وتگله
ظلمه الحياة بلايه وجهك عباس وتشابه خولّه
درب السبي وسوط الشمر حچي الناس ربّن بيّه علّه

والچلمه دمعه مالحگت تنزل
ونار المصايب بلگلب حرّاگه مالحگت تنزل
....................................................

جاي ازور وراسم بنص ناظري
تلاگوا بصحن الامام العسكري
فاطمه الغريبه وصاحب المصيبه
تلاگوا بصحن الامام العسكري
...........................................

من شفت نعش الحسن بيد المعزين
يفتر بسامره سالت دمعة العين
حاظر المهدي اكيدا ماگلت وين
بس تراوالي الزچيه ويه النساوين

علحُسين هلال چنهه ومايله
يعني اجت للعسكري من كربلا
كربله قريبه وصاحب المصيبه
تلاگوا بصحن الامام العسكري
..................................................
صح ابو السجاد ماخذ كل حزنهه
(كلهم اولادي) تگول وهذا ابنهه
بجفن الازرگ حظرت وكَسرة متنهه
نفس ونتهه عله ابو اليمه تونهه

يلگلبهه مو گلب أيّ والده
الف عام اتون ونين الفاگده
ثامن العجيبه وصاحب المصيبه
تلاگو بصحن الامام العسكري
.....................................................
تخيلت من شاهد المهدي الزچيه
تعنت تواسي ببوه هاي المسيه
مستحي من امه الأجت تنصب عزيه
ليش ماألهه گبر فوگ الوطيه

نزلن دموعه مثل نزلت وحي
يقبّل بأيد الزچيه ومستحي
حگج اني اجيبه وصاحب المصيبه
تلاكو بصحن الامام العسكري
.........................................................
ردت لمحه يم ظريح العسكري تكون
وردت تنزال الحُجب عن هاي الاعيون
واقترب واسمع ولو جمله شيگولون
يانواعي البيهه يم گبره ينوحون

بمحظر امه ماينوح لوالده
يبچي علچثه البقت متفرهده
جثته السليبه وصاحب المصيبه
تلاكو بصحن الامام العسكري
...........................................
ماشفتهم لاكن احساسي قرالي
(شتت اولادي عن ايميني وشمالي)
(ماكو ساعه من الحزن مرتاح بالي)
يعني يوم حسين عند الزهره غالي

والدليل دموع ابو صالح دمه
ذَبحة حسين شخذت من فاطمه ؟
مصيبته رهييبه وصاحب المصيبه
تلاگوا بصحن الامام العسكري
............................................

ويلي علزهره المظلومه
عاشت وماتت مهظومه
.............................................
حياة الزهره من چان النبي يمهه
إذا يشتاگ للجنه يجي يشمهه
ماي بنص چفوفه چان لازمهه
يسيّر يمهه لمّن تكثر اهمومه
ويلي علزهره المظلومه
عاشت وماتت مهظومه
.............................................
ماهانت عله الدنيه إبتسامتهه
خذت من عدهه ابوهه الچان خيمتهه
ياوكت الزچيه تجري دمعتهه
بوجه حيدر تعاين ويلي مصدومه
ويلي علزهره المظلومه
عاشت وماتت مهظومه
..............................................
الفگد غالي تِهَون مصابه جيرانه
ويعذرونه اذا تتزايد احزانه
عكسهه صار إسكتي صوتچ آذانه
بواچي اليل تسلب راحة النومه
ويلي علزهره المظلومه
عاشت وماتت مهظومه
..............................................
شافوا نوح فاطم يعله مايگطع
حرگوا باب بيت الزهره من يقنع ؟
حس بيهه النذل كل حيله ظل يدفع
بلباب وظلوع الزهره مهشومه
ويلي علزهره المظلومه
عاشت وماتت مهظومه
...............................................
أثاري النار أحمر خلّت البسمار
حديد محومر بصدر الزچيه صار
تتنخه بأبوهه وشتّم المختار
إقشعر جلد التشيّع ها يمحشومه
ويلي علزهره المظلومه
عاشت وماتت مهظومه
..............................................
درت طاح الطفل بس نهظت الزهره
تلگّتهه عله خدهه ياوسف سطره
نزل سوط عله اديهه اليمنى واليسرى
بطرف سيفه طعنهه طعنه مشأومه
ويلي علزهره المظلومه
عاشت وماتت مهظومه
................................................
ثواني الحادثه بس الجروح أكثر
ماتت فاطمه والونْ بده بحيدر
يخلص الليل صافن بيهه يتذكر
وعله الحايط حبيبه معلًگه هدومه
ويلي علزهره المظلومه
عاشت وماتت مهظومه
..........................................
عباس الموّاشي

بعد شهادة الزهراء عليها السلام بخمسة وعشرون عام جاء عمار بن ياسر الى امير المؤمنين وقال له مولاي (اما آن الاوان ان تختظب) لقد بان بياض لحيتك فقال له امير المؤمنين ( لا ياعمار لازلنا في حزن)

(ربع قرن)
...........

مَرّ إعله موتتهه رُبع قرنْ
ويگول انه لازلتُ في حزن
مو وكت الاخظاب * لازال الامصاب * عليهه
........................................................
لا يعمّار المصيبه ما تظل وسط الگلب
والوفي يبيّن وفائه من كيانه ينگلب
(الحنّه) خليهه لأهلهه مو علي الّي يختظب
لحيتي اصبغهه يصاحب من دمه عيوني اليصب

من ابچي واشوفن ينزل الدمه
بلگت اگول موفي فاطمه
دمهه العله الباب * لا زال الامصاب * عليهه
.......................................................
هلعمر شرّف وراهه وبنهايات العمر
زحمه اموت وشعري اسود من اطبن للگبر
من كتر وينه وفائي ؟ وعاهدتهه من كتر
إلا اردلچ غيمه بيظه محمله داخلهه جمر

عمار تحچي وي علي صدگ ؟
صح ابتسم بس اني محترگ
خلّه الشعر شاب * لازال الامصاب * عليهه
...................................................
اليفگد اغلى انسان خنگه تزوره وي وگت المسه
وبمرور الزمن الله يعوظه ذاكَ او ينّسه
حيدر اليظرب جبينه بوجهه يطبع محبسه
والعوض ام البنين گبالي تبچي جالسه

فظل الكلابيه عليّ جزه
الگاهه قبلي ناصبه العزه
تگلي يبو تراب * لازال الامصاب * عليهه
...................................................
اليلتهي بهموم غيره ينسه همه نفتُرُض
وقتي بين الناس اخلصه لفاطمه يهزني النبُض
نعمة النسيان تبچي گاعده بصدري وترُظ
تدري هذا العمر كله علي بيمن محتفظ ؟

بصندوگ آنه جامع شكو هِدم
چانت تلبسه وبلعطر اشم
ياعطر الاثياب * لازال الامصاب * عليهه
...............................................
اشكُرك عمار رايد تزرع بروحي الأمل
تذكر بساعتهه صوتي شلونه وسط المغتسل ؟
الميت الخذناه ندفنه مو (حتِف انفه) انقتل
(بطل) مو بس بلمعارك عيشتي لهسّه بطل

بلمعركه سهله من اطُر شخُص
بزاد اليطب ثغري صرت اغُص
ماحاسب احساب * لازال الامصاب * عليهه
...............................................
احنه توأم بس شسوي الدنيه رادت مفترق
واني هذا گبال عينك من ونيني مُخترق
شايف الشجره التجيهه عاصفه تطيّح الورق
هذا آني بدنيا ظلمه وظلمتي وكت الغسق

لو عيش الف عام اعتبر امس
دافنهه بس ماترجع الشمس
مكروه الاغياب * لازال الامصاب * عليهه
..................................................
عباس الموّاشي

رايح خيالي بهلمسه ملثّم
واگف يدگّ اباب ابن حذلم
خل نسمع ابياتك روح انعه مولاتك
طب كربله وانعه بلمخيم
..........................................
(يرحم أباكَ يابشر) شاعر فريد بجيله
إحسبني طارش جيت الك من العليل اليله
لو تدري چا راسك تُرب تاخذله وتخليله
وحافي لبو الاكبر رحت تركض فلا تمشيله

تذكر اجيت وتنعه ابو اليمه ؟
الحُرمه السألت عليهه هاي امه
وين ابني من نادت هيه الذي ماتت
طب كربله وانعه بلمخيم
............................................
تذكرهه من اتلگتك بذاكَ ظهرهه المحني
ماريدن اخبار النذر عن الحُسين (اخبرني)
كلما تعدّ ألهه ولد تهدم صبرهه المبني
(بيا أهل يثرب) تحتظر وتگول اويلي عله ابني

ماتت لچن عيناهه مفتوحه
فتحة جبين حسين وجروحه
هلمنظر يألم أفزع بِشر حشّم
طب كربله وانعه بلمخيم
.............................................
ماتت لچن مو من مرض بس الله يدري البيهه
والعلّه من تلفي لبشر تاكل گلب راعيهه
اربع قبور من التُرب چانت تجي وتبنيهه
تنطي ظهرهه الهن لأن خامس گبر ماذيهه

قبر الحُسين تحظنه وتنادي
فدوه رحتلك اني واولادي
معروفه علتهه كتلتهه ونتهه
طب كربله وانعه بلمخيم
............................................
چانن ثنائي بلنعي يتناوبن يوميه
أم البنين استوطنت يم زينب المسبيه
من سمعت شصار وجره بداخلهه عقدت نيّه
لازم اموت من الجزع وزينب الترظه عليه

ظاف القدر الهه سنه تنحب
ماتت قبلهه من الجزع زينب
شاء الله تتأخر تبچي عله ابو الاكبر
طب كربله وانعه بلمخيم
.............................................
رزق الشهاده مو شرط. إلابحرب وتنوله
(ومن الحُب ماقُتل) صح منطقي ومعقوله
المات عله حب ال النبي مستشهد يگلوله
بحب الحُسين استشهدت هاي المره مقتوله

لايبخس التعبير قيمتهه
يلناعي بل (ذكرى شهادتهه)
(ذكرى الوفاة ) مو صح حب الابن يذبح
طب كربله وانعه بلمخيم
.....................................................

هوسات مولد الزهراء

 بالجنه  انه  وجبريل              نمشي وشاف اكو شجره.          اخذ من عدهه كال ارجوك      اريـدك  تاكـل  الثمره
  كلت من عدهه تفاحه           نزلت وصارت الزهره

بالزهرة اشتم ريحة جنه
****
جم مره دخلت الدار      خديجه تسولف الكاهه
لايمهه شخص موجود       اكولن حته حاجاهه
تالي المعجزه ياناس        الجنين يسولف وياهه

وتكَول الزهره تناغيني
**
نساوين الارض رفظن      كَالن  مانجي  ليهه
أول طلكه لن تشوف      طبّن اربعه عليهه
ساره وآسيه ومريم      واخت موسى توصيهه

ياحيدر صيحي وجيبيهه
***
مو واحد تسع أسماء     الاه الكون الهه اختار
منهن فاطمه ومعناه       يفرّح كل بشرمحتار
كل شيعي ومحب معناه     تفطمه الزهره من النار

للجنه نطب احنه وياهه
*

تغظب عائشه وتظوج      لون حب النبي بنته
تشوفه شايل الزهراء     وابد مامهتم لمرته
يكتلهه القهر وتموت     وكلبهه ينطحن سكته

يقهرهه من يلاعب بيهه
***
اجت للدنيه والكرار    قريبا يدخل العشرين
انتظرهه وماقبل يختار     لحد ماطب الثلاثين
كال الهه النبي زهراء      علي خطاب اجه تقبلين ؟

والسكته تدل هيه تريده
***
صافن وانظر عللطير      يلكط حبّته الزينه
ذكرت الزهره بالمحشر      يوم الّي تجي لينه
إطلع انته وانته فلان      وتصيحنه بأسامينه

ها---   شلون الطير يلكّط حب الزين من الموزين
***
عباس الموّاشي

هم تسمع علي بلگاعد يصير
افرح واستمع هاي التباشير
بخيبر ظربتك هاك لمحه من فعلهه
....................................
ياعلي خيبر عظيمه وظربتك اعظم وأحله
علمتنه بلتحدي إبرز وصيحلهه سهله
رمز جمجمة اليهودي فقط فقارك يحلّه

اولاد مرحب تستعد
تهجم علينه بكل حقد
شتگول نبرز لو نرد ؟ لاهجمنه وعيب ذله
هوّه الينتميلك رگظته شلون
يركض وبجبينه تصير العيون
فدوه لذيچ يمناك لمحه من فعلهه
..........................................
تورط ويانه اليهودي من طلب تنفتح ساحه
صارت النومه وقوفا ومنهم انسلبت الراحه
يقصّر الشيعي اعله قوته حته يتباهه بسلاحه

تهديد صارلهم عُمر
صارت ملاجئهم حشر
يدنگون من طير اليمر صاعقه صفگة جناحه
همّه الرادوا وطار المسيّر
يرعد وبوگعته ينادي حيدر
من يصيب ينخاك لمحه من فعلهه
................................
صارت اجواء اليهود بكل وكت تلضم الابره
هم سماء الضهر حمره وهم سماء اليل حمره
أعلامهم يخفي الحقيقه (تل ابيب) انكسر ضهره

ريحة نتنهم بيّنت
كل النقاط اتعيّنت
تكفر قُراهم آمنت عن قريب تصير صحره
بهاي الشيطنه من شافوا النار
طلعوا افرغ من عقول الحجار
نص من هذا الإرباك لمحه من فعلهه
..........................................
لون تبقه عله اليهودي سهله معروف اتجاهه
اليدّعي مسلم غدرنه رميه من گاعه رماهه
قاعده ينطي اليهودي بس يعيشونه بنفاهه

نغّصنه عيشتهم رعب
حته العرب هم تنظرب
هذا اليمد راسه بحرب وماحسب شنهو وراهه

ينطلقن سوه ويتوادعن زود
نص عله العرب نص عله اليهود
دنگ جاك ماجاك لمحه من فعلهه
......................................
ياعلي الشيعي يعجبك من تصل ساعة الشده
كلمن يعوف انتمائه وتنجمع فد ايد وحده
الريح اجتنه ونفتحلهه الباب ابدا مانسده

قادتنا قادة معركه
بشيبتهم المُباركه
هلكوا كيان المشركه وجهوا صفعه عله خده

مانتخلخل من ايطيح قائد
يتنصب اسد رأساً مجاهد
گواك الله گواك لمحه من فعلهه
................................................
عباس الموّاشي