📜 القصيدة: ردت عباس
🎤 أداء: مسلم الوائلي
🖋 كلمات: سعد شميل
~~~
الحگولي .. يولدي الغربه مو سهله
الحگولي .. خطيه الما تشيعه أهله

بأخير انفاس .. ردت عباس
يسد عيوني عالقبله
~~~
حجي بگلبي  .. قبل لا اموت
واخاف اجرحكم من احجي

اذا كلكم .. عليه ابعاد
منو الفوگ الگبر يبجي

هذا المجافه يطلع الروح
مذبوح ومتانيله مذبوح
گعدولي من الموت عباس
هلبت يجي يدفني ويروح

تعالولي .. زغر متني وكبر حمله
الحگولي .. خطيه الما تشيعه أهله
~
الغرف ظلمه .. الشمع جذاب
منهد ما رحتوا ما ضوه

اعيش ألمن .. وانه ادري البيت
وره اهل البيت ما يسوه

هنا سيروا يمي العزيزين
وهنا ضحك عبد الله لحسين
وهنا بليله ويوم فزيت
كل البهذا البيت ميتين

ويصيحولي .. الغريبه الفاگده الثكله
الحگولي .. خطيه الما تشيعه أهله
~~
متت يهلي .. وشفتها شلون
عازتكم صدگ عازه

متت بس ما .. لگيت ام عون
تناشغ فوگ الجنازه

ما لطمن بفاتحتي نسوان
مخلفه اربعه وزتوني جيران
جانت امنيتي بساعة الموت
يم راسي يقره حسين قرآن

ويودعني .. ويصير اعله النعش ظله
الحگولي .. خطيه الما تشيعه أهله
~~~
نخيت الله .. شكثر يحنان
اجي ويمكم يدفنوني

والي حضره .. والي شباج
والي وادم يزوروني

واكتب عباره تفرح العين
ترقد هنا خادمة الحسين
انه المره الما بخلت بيوم
والنذرت الزينين لزين

اجي يمكم .. تمنيت الگبر شتله
الحگولي .. خطيه الما تشيعه أهله
~~~
الحسن وانه .. نشوف الناس
حيل مقصره ويانه

الگبر حطوا .. عليه حراس
تمنعه الينعه فوگانه

محد شعل يم راسنه بخور
وبس المطر يغسل بالگبور
صعبه الكريم تمره خطار
ويصير بينه وبينهم سور

غريبه انه .. وموت الغربه شيحمله
الحگولي .. خطيه الما تشيعه أهله
°°°°°°°°°°°°°°°°°°°°°°°°°°°°°°°°°°°°°

ردت عباس | مسلم الوائلي | 1446هـ
https://youtube.com/watch?v=_V7D1cuoCEs&si=tCryZKnskQjOeyAm

📜 القصيدة: كل جمعة اتانيك
🎤 أداء: مسلم الوائلي
🖋 كلمات: عباس طالب السعيدي
~
خليني اكبر مولاي بعيونك
ضايع يتيم ومسكين من دونك
يبقه السؤال المكتوب وين انت
محد يجاوب إنسان مجنونك
~~
برموش العيون دورتك
بلكت حلم طايح واشوف خيالك
يا اول اهلال ما شفتك
يا عيد الگلوب شبعد لهلالك

لو ما انت مولاي .. محد يوگف وياي
الدنيه تريد اليحبك ذليل وماله تالي

بحر وشراعي غرگان .. ميت وانه عطشان
احبك انه من اول عطش مر اعله بالي

مثل النفس أشعر بيك وبگدي
بس النفس ما ينشاف يالمهدي
عايش غريب بنص ناس مو غربه
غيرك وطن والعباس ما عندي
~~
كل جمعه اتانيك عوجيه
جي ادري ظهرك بي كسر من حافر
ما أشعل شموع ليليه
ما اريد اجرحك بالخيم والعاشر

بعد ما احجي بالشام .. بلكي عيونك اتنام
يل وجهك طفن يمه تره شموس الظهاري

حالف من الاگيك .. اتغزل غزل بيك
واگلك دورة عيونك متاهات الصحاري

ضايع وادور عن عين تلگاني
وتگلي غيرك ممنوع حب ثاني
شرياني لو بالدم تاه وتشوفه
بيدك يمولاي اتگود شرياني
~
اتمنه الاگيك بس خايف
نتلاگه وتگلي بعد ما اريدك
صح مني كل خير ما شايف
بس من اگلك طايح اتمد ايدك

القصور البيه وياك .. ما يسمحلي الگاك
رغم انت اقرب الوادم واعز واحد عليه

العشگ بي تضحيه هواي .. واول تضحيه الماي
اعوفه الخاطرك واشرب دمع كل مغربيه

وينك صحت يم كل طير بغروبك
بلكي الله ويگلي هناك محبوبك
يالثوبك اسود من يوم عاشورك
بس راسك الما بي لون من ثوبك
~~~
شمعه العمر صار بغيابك
خافنها تطفه وما اشوف عيونك
گد ما حزن بيك ومصايب
مشتاگ اگلك يا حبيبي شلونك

ضيمك واليبجيك .. بيه انه ولا بيك
اليحب ما يرضه يتعور گلب خله وحبيبه

البقه بعمري إله اطياح .. اليگلي المهدي مرتاح
إله عيوني اليدليني بضواك منين اجيبه

يالمهدي عين التهواك سهرانه
من گد بواجيها عليك تعبانه
وين انت من گد ما اصيح ليليه
صاير اصيح اعله الناس وين انه
~
بتكبير الأذان تانيتك
وي كل صلاة اتخيلك گدامي
بعيوني محتاج حنيتك
وتشوفك بواقع گبل احلامي

غايب انت عالعين .. من گد حب الحسين
منو اليگدر يباوع عالشمس من گد ضواها

بسمك لو تهجيت .. عطرك يترس البيت
والصوره العله الحايط نذر جيتك وراها

اظهر اگلك بس خاف ما انصرك
وذنوبي تدفع بالخيل يم صدرك
سامحني قصرت وياك بعمالي
بس انه احبك مولاي وانتظرك
°°°°°°°°°°°°°°°°°°°°°°°°°°°°°°°°°°°°°

كل جمعه أتانيك | مسلم الوائلي | 1446هـ
https://youtube.com/watch?v=8uZ65IEUNUU&si=BEXyu0BTw-kBOXhw

📜 القصيدة: قصة عشگ
🎤 أداء: مسلم الوائلي
🖋 كلمات: ابو حميدة الشويلي
~~
دمع اليصب من العين
قصة عشگ بيها أسرار

اول سطر حب حسين
يبقه جديد شما دار
~~
من اول قرايه الك
گلبي عشگ تعزيتك
.. وانگلب عمري قرايه

ما عندي بيت ولا اهل
وانت جبتني البيتك
.. شلون المجازه بهايه

حبيتك وما فكرت هذا العشگ وين يودي
سلمتك امري وامنت ادري بضعن گلبي تحدي
كل امنياتي بهالعمر كونك تگلي يا عبدي
حته انحسب عدكم عبد وانتظر أمر المهدي

بس گلي مولاي بهاي
يا عبدي واقبلني وياك

يا راي ما يمك راي
لا سامح الله وانساك
~~
يا حب حلاته بالدمع
هذا العشگ ما صاير
.. تنجرح يله اتحبه

من تسهر الليل بقهر
وتخلص ايامك حاير
.. واسمه بدموع تكتبه

من اسمك الحب ابتده وشفتك جرح بي حنيه
گتلك يمولاي انه احب وحسيتك اتقرب بيه
شما ذنبي طيحني صحت انت ادره واعلم بالنيه
نيتي اظل بخدمتك وما اريد بس عينك ليه

ذنوب متروس ذنوب
بس حبك يخلي امال

گلبي اذا ينوي يتوب
انت التغيرله الحال
~~
احله السوالف بالدمع
لو گابلت شباجك
.. تنزل اركاض دموعي

اول احجايه من الگلب
يا ابو علي محتاجك
.. تلزم البين ضلوعي

يم مرقد اصحابك صحت هنيالكم يالحبيتوا
شفتوه وتگطعتوا اله واگباله يا حب سولفتوا
بالشده وبوكت الحرب انطاكم امان وما رحتوا
علموني احبه بالشدد وضوگوني حبكم يالضگتوا

هو واهل بيته احنان
كل الحجي يمهم غير

علموني احب العطشان
هذا الگلب مابي خير
~~~
اتدور السنه وتوصل سنه
وانه اعله ثوبي الأسود
.. ما اعوفه لا وعيونك

يا لون يحله ويا لبس
وجسمك بهيمه موسد
.. ما قبلوا يدفنونك

يمر عام بيه وانه الك وحزنك الي بكل اعوامي
افرح يگلولي الخلگ وانه الهظم واصل هامي
ليش افرح وسيد العشگ ليهسه بعده اسمه الضامي
خلوني ابجي الغربته الظل طايح ينادي اخيامي

كل عام ما عدنه شموع
جي النه حرگوا صيوان

كل عام نبجي اعله الشام
ونصيح آه يالديوان
~~
الغيرك حرامات العشگ
والدمع يا ابو النعمه
.. يالغيرت مضموني

حبك اخذ بيدي ومشه
مثل اليكض ايد اعمه
.. ويمك فتحت عيوني

عاصي وعلنت التوبه الك رحمه وعطف لمن شفتك
بديت ماي البالوجه وناديت يحسين ابختك
خليني اظل يا سيدي فاگد وانوح بفاتحتك
وابجي الهظم زينب لمن راحت وطايح عافتك

يا دنيه تحله بهالعين
وسلبوا اثيابك مولاي

وزينب اگبال الميتين
اتحشمهم تريد افياي
°°°°°°°°°°°°°°°°°°°°°°°°°°°°°°°°°°°°°°

قصة عشگ | مسلم الوائلي | 1446هـ
https://youtube.com/watch?v=pPCvS0jgGKo&si=iVvA9mEThV38j7vL

📜 القصيدة: محرم بداية
🎤 أداء: مسلم الوائلي
🖋 كلمات: محمد رسول الحميري
~~~~
وين .. موجود حسين
جاوبته بگلب الخادم

روح .. وفي المذبوح
وارجع من ذنبك نادم
~~
شمقدم لحسين وهو مقدملك عباس
من تسهر عمرك ما توصل شوغة عمه انخاف
ادخل دين جروح العاشر واترك دين الناس
تخجل خاف انشوف دموعك جا زينب تنشاف

نعم محرم بدايه .. وراها تبدي الحكايه
وراها غربه وسبايه .. وراها موت وضحايه

شسوي يا ربي حيره .. ابن نبي اعله الحصيره
اميره صارت اسيره .. تذبها ديره اعله ديره

نار .. واطفال ازغار
ذبحوهم يوم العاشر

صوت .. يا ربي الموت
اهون من ليلة باجر
~~~~
يتراوالك منظر زينب من تسمع أيام
وتعيش بمأساة العاشر من تقره الميمون
اركض وي أطفال حسين وتفهم درب الشام
مجنون الما ينجن بيهم عابس مو مجنون

صعب اوصفه بقصيده .. امامي گطعوا وريده
امامي داسوا عضيده .. نفسهم بخنصر إيده

سبوا بناته اعلمودي .. طموحه يكسر قيودي
يگلها يا نفس جودي .. واجيت اجدد عهودي

جاي .. جايبلك ماي
يالعطشان من العاشر

طير .. عايش من خير
حنيتك هسه وباجر
~~~
يحسين بروح امك سجل اسمي ويه الخدام
استاهل لو ما استاهل ظلت يمك هاي
تاخذني الدنيه وارجعلك متندم كل عام
لو ارجع مكسور الخاطر لو تقبل مولاي

شرف اموت بعزائك .. يجيني حامل لوائك
يجيني خالص دعائك .. دمائي فدوه الدمائك

اخذني جوه الحوافر .. اخذني ظل للحراير
اخذني للحضره زاير .. بشر علاجه المناير

كون .. انعد مجنون
مجنونك تاج براسه

هاي .. رحمة مولاي
طيب ما يترك ناسه
~
شيسوي المشتاگ وماخذ كل عافيته الليل
يا باب يدگه المتلوع من طاري البيبان
هايم ببنادم ما خلت شي من عنده الخيل
ما خلولك حرمة ميت يا اطهر انسان

قميصه رايح مسافه .. عطش لگيت اعله شافه
اخيه طايح وسافه .. شمر يرفسه بصلافه

نظرته للخيمه جانت .. دمعته بعيونه بانت
منيته هاليله حانت .. هظيمه والأمه خانت

بيش .. باعوك وليش
عطشان وكلش ذابل

ناس .. غدروا عباس
ترابك ما تستاهل
~~~~
نيتك يبنادم من تلعب وي حسين اتضيع
ثنين تلاثه يطيحهن ويطردك بعدين
ليش من اول موقف تنغر وترخص وتبيع
ألعب وي الوادم كلها ولا تندگ بحسين

قضيتة مو للمجامل .. افهمه لا تبقه جاهل
اخدمه مو للتفاعل .. تعبنه من هالمسائل

اريد اعيش المصيبه .. اريد احس بالغريبه
امامي اسمع نحيبه .. رسولي ذبحوا حبيبه

شوف .. ذاك المجتوف
خلي السجاد بعينك

صون .. والخدمه تكون
ما بين حسين وبينك
°°°°°°°°°°°°°°°°°°°°°°°°°°°°°°°°°°°°°°°°

محرم بداية | مسلم الوائلي | 1446هـ
https://youtube.com/watch?v=GJ9AmwhKMRU&si=8znqt_sFiQ4T8xJ3

📜 القصيدة: ليش هيج وياي اخوتي
🎤 أداء: مسلم الوائلي
🖋 كلمات: محمد الغزي
~~
ليش هيج وياي اخوتي
~~
عشت كل يوم ميته وعوفوا الشلون
صارت من كثر ما ضيمي زايد
خلص گوه العمر بليش بالوين
هلج والناس ما ترحم الفاگد
اغمض روحي صاحت لا تغمضين
يغمض عينه بس الگلبه بارد
من الف هنيال كلمن مالها اعزاز
من تموت ما تترجه واحد

عودت روحي اعله ضيمي ورافگت كسرت الخاطر
من اكل عمري الفراگ وباجر يذبني اعله باجر
گمت اگل للبي محنه لا تخاوي ولا تعاشر

خيعون كلمن مالها اعزاز
يشيل النعش حي الله جناز
~
شلونج بعد زينب لحد يگول
ما ترهم شلونج ويه اختكم
هلي خلوها سكته الصارن هواي
لتنشدون عني ولا انشدكم
بعد شيفيد خلصت طلعت الروح
هلي مامش شماته هنانه يمكم
ردتكم بس عذر لناس لو يوم
اردن بي يخوتي اعله فگدكم

يا هلي خلوها سكته البيه ما اريد انه اگوله
النشد مو منها لله للمغثه الناس سوله
شلون تحرگ گلب زينب نعش اختهم ما يجوله

يگولون هاي شكثر تصبر
توصل الموت ومحد يمر
~~~~
اريد ارتاح يمكم كافي يحسين
محد صار بيه الصارن وياي
زينه الموش زينه الشامت بعيد
حجي الوادم لختكم ما ترك راي
التمر من يمي ربي ادخيلك اتصيح
كلشي ولا يصير الصاير بهاي
تالي اتصير تجوتها الحياطين
هاي جزات كلمن تعبت هواي

عوزكم مو عوز عوني وعوزكم ياكل بجبدي
فراگكم تعتگ لجمته ومن جديد فراگ يبدي
التكتل انتم موش اخوتي مره اخوتي ومره ولدي

الما تنتجي اعله امتون اهلها
الحيطان هم ما تنتخي الها
~~
سوالف بيه ما تنگال فد نوب
وحجي هوايه وتعب ما بيه حيله
هلي الرايدني احجي الغاث ام عون
خل يگعد وخل يفرش شليله
الدره اخته اتعذبت جا ليش ما گام
لمن سمع زينب تشتكيله
طحت طيحت العيب ابيت الشيوخ
والبي عيب محد يعتنيله

طيحتهن ليله ليله ويوم يوم وما يخالف
وطيحت تعب التعبته وطيحت ذيج السوالف
ميته بس مستحيه كلش محد بفاتحتي واگف

هاي الهواي خوان عدها
تكسر الخاطر فاتحتها
~~~
هلي ردتوني احجي بزينب شصار
ما اضمهن بعد مو مال ضمه
اگلكم يا هلي اعله الناس شتگول
هلي بزينب حجي ما بيه اهظمه
شمسويه ويه اخوتج ليش عافوج
محد جابته اجدامه اعله حرمه
هسه اخوان مالج مالج اولاد
ما معقوله ابن ما يلحگ امه

ذني صارن بيه منكم من جفاكم من هظمكم
هسه گولولي يخوتي انه اختكم موش اختكم
هيه هاي اجزات تعبي والدلال الدللتكم

شيعني وين الجاي صدفه
جناز زينب ما تعرفه
°°°°°°°°°°°°°°°°°°°°°°°°°°°°°°°°°°

ليش هيچ وياي أخوتي | مسلم الوائلي | 1446هـ
https://youtube.com/watch?v=F-PeUfc3ZcA&si=1mNb7OAcAGKL_vlG

📜 القصيدة: وين المهدي
🎤 أداء: مسلم الوائلي
🖋 كلمات: علاء عبد
~~~
وين اكتبلك ... تعال
حين التبجي ... الرجال
فعلم همها ... جبال

نتلاگه وين بيا درب .. نتلاگه وين بيا درب
~
يالمهدي بيا ساعه ويا صدفه وليله
يا شارع مريت ارد اگعد وشكيله
تمارك ما اعوفك لو يصلب شوفي
يا باب الما ضاگت دگه من جفوفي

بيا ندبه الفجر .. بيا مجلس تمر
يا ليلة قدر .. رد شايل الجود

ذنبي معطلك .. راي اخر الك
ثارك لو هلك .. مليت الوعود

ارسم ملگه ... بعيد
حلمي بجيشك ... شهيد

نتلاگه وين بيا درب .. نتلاگه وين بيا درب
~
وين انت بهالحظه وساكن يا ديره
حيرتنه بلم رايد يعبرله جزيره
ما انزلهن واوميلك لأخر شوفي
الباني اعله الغار ينسج بيت اعله جفوفي

لا شوگي طفه .. ولا خف الوفه
دين وعاطفه .. متلهف عليك

صبراً يا جرح .. رايات الفتح
وصدرك ينشرح .. لازم يمر بيك

دارت بينه ... بجفاك
ضايگ صدري ... الهواك

نتلاگه وين بيا درب .. نتلاگه وين بيا درب
~~~
ملئت جوراً سيدي لا نملك صبرا
احداً احداً نصرخ من ثقل الصخرا
فالموت يلون احلام الأطفالي
والدين غريباً من هول الأفعالي

كوكب من ألم .. وبعينه سهم
غابه من العدم .. يا حجة الله

دم اعله الورد .. وايديهم تقد
قمصان الحمد .. يا حجة الله

وين المهدي ... سؤال
گال الشامت ... محال

نتلاگه وين بيا درب .. نتلاگه وين بيا درب
~~
أمن بالرجعه متانيكم ومناطر
تعبني سؤال ومكسور الخاطر
كل واحد مسموم يرد كامل باجر
حسين شلون يرد من بين الحافر

ضلعه وكسرته .. وسهمه وشوفته
وخيل الداسته .. من يرجع شلون

يالشوفك حلم .. وجفك يلزم
من بين النجم .. وتكحل العيون

مرنه وگرب ... يعيد
ليش هلالك ... بعيد

نتلاگه وين بيا درب .. نتلاگه وين بيا درب
~~
كل جمعه اصدق مولاي وادعيلك
يا حرز المظلوم تلاحگنه دخيلك
محتاجك متعوب وغارگ بهمومي
واحسبلك أيام وخلصت نجومي

اكتب عالشجر .. وبماي النهر
ارسم عالگمر .. ومتاني ملگاك

كل نسمة هوه .. وكل گمره وضوه
نركضلك سوه .. ننتظرك هناك

دعوت مضطر ... دعيت
لحظه انشوفك ... يريت

نتلاگه وين بيا درب .. نتلاگه وين بيا درب
°°°°°°°°°°°°°°°°°°°°°°°°°°°°°°°°°°°

📜 القصيدة: كلمن تطالب دين
🎤 أداء: مسلم الوائلي
🖋 كلمات: قاسم رضا
~~
يا راعي الثار .. شيل الفقار
~~~
كل لحظه الك تنعاد نفس المصايب
وعينك تشوف حسين ما ظله صاحب
صبرك عبر مولاي سبع العجايب
يوم الشفت نظرات شام النوايب

گوم راويهم زماط العيله
رد ضعن هاشم ورجع حيله
دوس راس الگال عن الساده
ماكو خيال ويعدل الميله

وخدامك هاي .. تفزع مولاي
~~
ليمته الصبر مولاي واهلك گضوها
هد نادي يا زهراء وهلك عدوها
بعينك شفتها الخيل من عصبوها
وحال الضباب ابين زينب وخوها

ما يبرد گلب زينب غيرك
افزعلها غيوم ومطر خيرك
الموت بيدك موش كلمن يومه
بكيفك اخذ الثار وبتقديرك

كلها اتانيك .. نتأمل بيك
~~
كلمن تطالب دين حضرت زلمها
بس هاشم الهل يوم ما رف علمها
شيرد دلال ام عون شيبرد ألمها
لا عدها اخو تنخاه ولا تشكي لامها

گوم رف راية حسين العاليه
وصيح هاي اخت الحسين الغاليه
لو خلق ربك اضعاف الوادم
الدنيه من دون الهواشم خاليه

ثارك يا حيد .. طلاب يريد
~
لو نظره لو بس طيف نلمح خيالك
نتحزم بعباس ونهد بدالك
ما يطفي نار خيام جفن البجالك
شنضحي ما نوفيك ضيعت عيالك

يا اعگال الكون يا خيالها
گوم رد لأرض الحسين اعيالها
وصيح يهل العالم بكل صوتك
ليش بس حسين محد شاله

ما شارب ماي .. ما فوگه افياي
°°°°°°°°°°°°°°°°°°°°°°°

كلمن تطالب دين | مسلم الوائلي | 1446هـ
https://youtube.com/watch?v=I6glzem5GaY&si=TWxzWxAxRup3_bqY

📜 القصيدة: حب النبي
🎤 أداء: مسلم الوائلي
🖋 كلمات: علي السيلاوي
~
يا رسول الله .. صلى الله عليك وآلك
~~~
هله يا هله بجيت الضوه
خليت لجروحي دوه
حب النبي ما ينوصف
كل عاشگ بعشگه ارتوه

يدگ الگلب بسم النبي
كل دگه يا طه هتف
ماكو مثل حنيته أبد
للعالم بجوده انعرف

انه الما احب غيره نذرت العمر
ابو الزهره الغالي حنين شكثر
يحگي بميلاده اهوس واجي
اليبايع هنياله بفرحنه يمر
~~~
گضه العمر بالمعرفه
گلبه شكثر شايل وفه
رغم الظلم رغم الزمن
ما مره ابو القاسم جفه

شايل جرح بس ما حجه
الدين الله ضحه ابضعته
نفرح اله واجب تره
نور سمانه بجيته

يرحمه من الباري يبو فاطمه
محمد يالأسمه يشع بالسمه
نظل بي نتباها يشيخ الزلم
فخرنه وهيبتنه يحل موزمه
~~~~
صلوا على خير البشر
يالوجهه احله من الگمر
حته الخصم يشهد اله
ما مره من سائل عبر

يمطر كرم غيره وشيم
قمه التواضع عالخلگ
معزب كفو نعم الأبو
باب الله بابه ومنغلگ

نعيش بفي خيره وتحت خيمته
منو المثله يحاتي ويحب امته
سترنه ويهدينه نعيش ابهنه
يأول بالثايه تظل كلمته
~~
سبحانه رب اللي خلق
واجب عليه نقره الفلق
من بسمته الكون ازدهر
بگلب المحب ما ظل قلق

من هيبته ومن خلقته
خضر ورد حته الصبخ
يله بفرح نستقبله
مية هله العاشگ صرخ

نريده ويهوانه فلا نفترگ
انتوحد خلانه وعرفنه العشگ
اذا مو هو اصلاً عبدنه الصنم
نضيع ودلانه اعله درب الصدگ
°°°°°°°°°°°°°°°°°°°°°°°°°°°°°°°°°°°

حبُ نبي | مسلم الوائلي | 1446هـ
https://youtube.com/watch?v=i_sh0UJ4raQ&si=qibpw9Ma2tshWWVr

📜 القصيدة: هذا الماكو بالدنيه بجماله
🎤 أداء: مسلم الوائلي
🖋 كلمات: كرار حسين الكربلائي
~
هاليله هاليله .. ميلاده هاليله
عشگ الگلب جاي .. اهلاً يمولاي

هاليله .. هاليله
~~~
هذا الماكو بالدنيه بجماله
شوگي وحبي يا عالم حلاله
عن عين الحسد گلبي قراله
صلاة اعله النبي المختار وآله

انولد اجمل إنسان ضوه وماكو مثله
اعله خذه الگمر نام يگله انت احله

ميلاده ميلاده .. بي فرحت الساده
يا صاحب الراي .. اهلاً يمولاي

هاليله .. هاليله
~~~~
احب سيد خذاني بشوگ عيناه
انسه الدنيه من اتلاگه وياه
كلشي يشوف وجهه يصيح الله
اذب هذا الگلب لو راد ينساه

ترس گلبي طيبه وعشگ من عرفته
علي الأكبر اكبر وطن بيه شفته

بعيونه بعيونه .. ساحرني بعيونه
سكتلي مبجاي .. اهلاً يمولاي

هاليله .. هاليله
~~~~
هله يعيون الحسين وحلمها
امك ليله يا دنيه التلمها
الهواشم فرحت ونشرت علمها
اجاها الأكبر وكشخة زلمها

اذا تعطش الروح دمعتي تكتبك
كلمتين اگلك احبك احبك

وبروحي وبروحي .. مملكتك بروحي
وكت العطش ماي .. اهلاً يمولاي

هاليله .. هاليله
~~~~
خذت من طيبتك طيبت صفاتي
بيه تعيش من أربع جهاتي
الك فدوه حياتي يا حياتي
اظل وياك اكبر امنياتي

بشر ما ردتها ردت ابقه يمك
اموت اعله حبك اموت اعله اسمك

محبوبي محبوبي .. بس انت محبوبي
يالخيرك هواي .. اهلاً يمولاي

هاليله .. هاليله
°°°°°°°°°°°°°°°°°°°°°°°°°°°°°°°°°°°°

هاذا الماكو بالدنيه بجماله (ميلاد الاكبر) | مسلم الوائلي | 1446هـ
https://youtube.com/watch?v=AdJQyjqgvz0&si=WBQ1vC0WtfOtI_Wc

📜 القصيدة: أشراق الأمل
🎤 أداء: مسلم الوائلي
🖋 كلمات: علي الأكبر الغرابي
~~~
بنصف شعبان اكتمل
موعد اشراق الأمل

هل عله الكون جماله
.. هل عله الكون
~~~
من بزغ فجره وطلع للناس ضيه
شموع للفرحه علگنه بهالمسيه
والليالي الفرحناها سويه
صار اسمها الليالي المهدويه

والليالي المهدويه احله ما بيها سوه
تلتم العشاگ كلها حدر ظل ذاك الضوه

وهب نسيم اهل العشگ
بگلب كل عاشگ صدگ

هل عله الكون جماله
.. هل عله الكون
~
هاليالي تختلف بيها المشاعر
لأن اسم المهدي بيها ويانه حاضر
ماكو شي من الخيال وماكو باجر
واقعيه احلام اليحب من يسافر

وهيه سفره من المشاعر للعشگ وأهل العشگ
هيه ليله والله خصها بس لليحب من صدگ

وهاليالي من العمر
لليحب والينتظر

هل عله الكون جماله
.. هل عله الكون
~~
عشنه ليله من العمر وشلون ليله
ليله بيها العاشگ امتاني خليله
ليله بيها الحزن أعلن عن رحيله
فاز كلمن للفرح مشدود حيله

الليله مو مثل الليالي الليله ما تشبه أمس
منها باجر عله الدنيه موعد اشراق الشمس

وعمت أجواء الفرح
وليل الأحزان انذبح

هل عله الكون جماله
.. هل عله الكون
~~~~
هل شهر شعبان بأفراحه علينه
بده بنور حسين والعباس بينه
ويا جمال الأكبر الضوه المدينه
آيه طبق الأصل من آية نبينه

وعلي السجاد بجماله كمل أدوار الفرح
وبكثر ما لهفه شايل گلب الحسين انشرح

واحله مابي هالشهر
ينختم بالمنتظر

هل عله الكون جماله
.. هل عله الكون
°°°°°°°°°°°°°°°°°°°°°°°°°°°°°°°°°°°°°°°°