Bo‘lmasaydi, bu olamda bari o‘tkinchi!
Bo‘lmasaydi, muhabbatga ayriliq javob.
Bo‘lmasaydi, qarilik, xastalik, o‘lim,
Kelmasaydi azoblarning ortidan azob.

Yurmasaydi soyasiga ergashib odam,
Daraxtlarning so‘zlashganin tushunsa ravon.
Bo‘lmasaydi, ibodatda riyo va makr,
Tahrir etilavermasa haq chekkan farmon.

Derazadan qarab turgan qizaloq kabi
Yo yomg‘irda titrayotgan yolg‘iz barg misol,
Nigohlarda nihon bo‘lgan tuyg‘ular haqqi!
Yurak va yo‘l o‘rtasida bo‘lmasa dallol.

Shodon qaytgach ehromlarning ziyoratidan,
O‘z qabriga gul ko‘tarib borolsa edi.
Maymunnimi tomosha qip qafas ortidan
Aslida kim qafasbanddir — bilolsa edi.

Chuqur-chuqur xo‘rsinishni o‘rgansa edi,
Ko‘zyoshlari yuragiga yetib borolsa.
Faqatgina onajoni o‘lmasa edi!
Bolalikning tushlarini qayta ko‘rolsa.

Qo‘rqmasaydi o‘zi bilan yolg‘iz qolishga,
Tangrisidan xabar olib turolsa edi.
Yo‘qligidan nadomatlar kelsa ortidan,
Borligidan goh-gohida uyalsa edi.

Va ko‘nsaydi... (ko‘ngan bilan koshki ish bitsa?)
Yo‘q, ko‘nmasa... (ko‘nmaganga yana ham og‘ir.)
Ha, tushunsa, yashash — azob, hech rohat emas!
Ha, anglasa — taskin mayi zarur va taxir.
Anchagina baxtli bo‘lar edi odamzod.

Shodmonqul SALOM
@Arm_uz

Yil boshi uchun ajoyib mashq bor.

Ishlatadigan dasturlarimiz, o'qiydigan bloglarimizga bitta-bitta qarab chiqamiz.

Har biriga savol beramiz:

Mana shunga sarflagan vaqtim, o'zini oqlayaptimi? Nima dividendlar oldim? Hayotimda qanday o'zgarish qildi?

Javobi "yo'q" bo'lsa, o'chiramiz, chiqib ketamiz.

Vaqtga kelganda neytral ishlar bo'lmaydi.

Foydali emasmi, demak zararli.
Manba #Zehniyat kanalidan olindi.

@Arm_uz

#Eslatma
Kechki payt do‘stingiz yoki tanishingiz telefon qilsangiz javob bermasa qayta qo‘ng‘iroq qilmang taroveh namozida bo‘lishi mumkin.

Qulog'imga shivirlar havo:
-Sotib olgin o'zingga po'stin.
Maosh asta kuylaydi navo:
-Havo uncha sovuqmas, do'stim...
© Bobur Bobomurod

@qofiyaliy

Quduq qazdim, suv tanqis damlar,
Erishdim ham balki yutuqqa.
Cho'ktirdilar lekin odamlar
O'zim qazgan o'sha quduqqa.
©Abdulla Oripov

@qofiyaliy

Qarg'ishni duodek olganlarim bor
G'ayirni tog'a deb borganlarim bor.
O'zmni farishta demayman hech ham.
Bazida shaytondan o'tkanlarim bor...

@qofiyaliy

ONA IBODATI

Qishloqning bir chetida
Pastakkina uy turar,
Sajda qilib shu uyda
Onayizor o'ltirar.

Yolg'iz o'gʻlin eslar u
Yonib achchiq firoqda.
Oʻg'li esa yurt uchun
Jang qiladi yiroqda.

Ona sajda qiladi,
Koʻz yoshlari shashqator.
Bir nuqtaga tikilgan,
Xayolida nelar bor ?

Ko'z oldiga keladi:
Keng dala - jang maydoni.
Jonsiz yotar maydonda
Mard o'g'li - pahlavoni.

Koʻkragida jarohat,
Qop-qora qon har yog'i.
Qolmish jonsiz qoʻlida
Dushmanining bayrog'i.

Ona yuzin qoplar g'am,
Chimirgancha qoshini,
Asta suyar qoʻliga
Oppoq sochli boshini.

Yurak dardi yosh boʻlib,
Toʻlib kelar koʻziga.
Marjon-marjon tomchilar
Oqib tushar yuziga.
©Sergey Yesenin

@Arm_uz

Vatanim

Men dunyoni nima qildim,
O‘zing yorug‘ jahonim.
O‘zim xoqon,
O‘zim sulton
Sen taxti Sulaymonim.
Yolg‘izim, Yagonam deymi,
Topingan koshonam deymi,
O‘zing mening ulug‘lardan
Ulug‘imsan, Vatanim...
Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi,
Onam deymi,
Hamdard-u hamxonam deymi,
Oftobdan ham o‘zing mehri
Ilig‘imsan, Vatanim.
Sen Mashrabsan,
Xalqda tumor,
Balxda dorga osilgan.
Navoiysan, shoh yonida
Faqirni duo qilgan.
Yassaviysan, meniki deb,
Ko‘ringan da’vo qilgan,
Ming bir yog‘i ochilmagan
Qo‘rig‘imsan, Vatanim.
Sen Xo‘jandsan, Chingizlarga
Darbozasin ochmagan,
Temur Malik orqasidan
Sirdaryoga sakragan.
Muqannasan qorachig‘i
Olovlarga sachragan,
Shiroqlarni ko‘rgan cho‘pon:
Cho‘lig‘imsan, Vatanim.
Kim Qashqarni qildi makon,
Kim Enasoy tomonda,
Jaloliddin — Kurdistonda,
Boburing — Hindistonda,
Bu qanday yuz qarolik deb,
Yotarlar zimistonda.
Tarqab ketgan to‘qson olti
Urug‘imsan, Vatanim...
O‘g‘lim, desang osmonlarga
G‘irot bo‘lib uchgayman,
Chambil yurtda Alpomishga
Navkar bo‘lib tushgayman,
Padarkushdan pana qilib
Ulug‘beking quchgayman,
G‘ichir-g‘ichir tishimdagi
So‘lig‘imsan, Vatanim...
O‘tgan kuning — o‘tgan kundir,
O‘z boshingga yetgan kun,
Qodiriyni bergan zamin,
Qodiriyni sotgan kun.
Qo‘lin bog‘lab,
Dilin dog‘lab,
Yetaklashib ketgan kun,
Voh bolam! deb aytolmagan
Dudug‘imsan, Vatanim...
Sen — shoxlari osmonlarga
Tegib turgan chinorim,
Ota desam, O‘g‘lim deb,
Bosh egib turgan chinorim,
Qo‘ynimdagi iftixorim,
Bo‘ynimdagi tumorim,
O‘zing mening ulug‘lardan
Ulug‘imsan, Vatanim!
® Muhammad Yusuf

@Qofiyaliy

Unutmoq osonmas sizlarni !

9-may – Xotira va qadrlash kuni munosabati bilan.

@Arm_uz

Sevsangiz bir umr onani seving.
Onadan o‘zgasi arzimas bunga.
Musoga aytilgan o‘zingni asra deb,
Onasi dunyodan o‘tkanda unga.

@Qofiyaliy

Qorlar yog'di. Qizdirdi oftob.
"Nedir baxt?" deb so'radim.
Biroq O'zi bilan ozi ovora
Baxtiyorlar bermadi javob.

Qorlar bosdi Kuydirdi oftob.
"Nedir baxt?" deb so'radim.
Biroq - O`zi bilan o'zi ovora
Baxtsizlar ham bermadi javob.
®Rauf Parfi

@Qofiyaliy

Mashhur Muhammad - Islom Karimov Xotirasiga bag'ishlanadi.

@Arm_uz

Sadoqat

Keksa qarag'ayning ildizin ochib,
Tortdilar qoʻsh arqon solib belidan.
Lekin u tuproqqa panjasin sanchib,
Sira qoʻzgʻalmasdi Ungan yeridan...
Nihoyat, gurs etib yerga quladi,
Butab, soʻng koʻtarib ketdilar biroq
U o'z panjasida olib joʻnadi
Yashagan yeridan Bir siqim tuproq.
®Erkin Vohidov

@Qofiyaliy

Biz ham yuksaklarga tikkandik ko'zni,
Bizda ham bor edi matonat, bardosh.
Arslon chorlagandi qoshiga bizni,
Lekin qumursqalar bo'ldi safardosh.
Jami tiriklikka tanish shu xatar,
Qumursqa yaralgan yoppa talarga.
Do'stim, alam qilar, arslon bexabar,
Yem bo'lib ketsak shu qumursqalarga.
®Abdulla Oripoy

@Qofiyaliy

Telefonga burildi yuzlar.
Ibodatga yumildi ko'zlar,
Qay tomonga ketyapmiz bizlar?
Nodonda ham ma'noli so'zlar.
@Qofiyaliy

Xamma xokisor deb bilar o'zini !
Xamma bir biriga so‘zlaydi ro‘yo !
Xamma o‘z fikricha aytar so'zini !
Na siz farishtasiz, va na biz avliyo...

@Qofiyaliy

O‘zimni umrimni qotili o‘zim,
Soatga termulib tolipti ko‘zim.
Yoshlik ham mendan ketibdi o'zib,
Oqargan sochimdan qolibman sezib.
O'zimni umrimni qotili o‘zim,
Shaytonga sherik edi ikkala ko'zim.
Nafs ketidan Hobil bo'lgan ham, o'zim,
Javob beradi endi har aytgan so'zim.
®Jahon Jaloiriy

@Qofiyaliy

Oyligim yetmaydi keyingi oyga,
Lek har kun mehnatning gapi shu: yugur.
Hayot bilan o'ynab tinimsiz poyga,
Yutqizganim yo'qdir, Xudoga shukur!
Oy oxri. Cho'ntakning ko'rinar tagi,
Tag'in kreditlar boshda bir talay. Etkazolmasam gar Rossiyadagi
Akam yordam berib turar har qalay...
Nolimayman, ishim bo'lmagan payt hal,
Inson ayb qidirsin avval o'zidan.
Qo'ng'iroqlashganda kuch olgum har gal,
Onamning yaxshiman degan so`zidan.
Hali oy tugamay tugaydi oylik,
She'r yozaman, shu payt yurak sanchadir.
Javobim shu erur husni chiroylik
Hayotim oylikdan oylikkachadir.
®Erkin Hojimuhammad

@Qofiyaliy

Rasulullox s.a.v:
- Butun insoniyat iymoni tarozining bir pallasiga , Abu Bakrni esa boshqa pallasiga qo‘yilsa uning iymoni og‘ir keladi, – deb marhamat qilganlar.

@Arm_uz