#網民投稿
我地係一班外來入中大守城既手足，雖然對於棄城呢樣野好撚嬲好似做左condom咁，但我地從來無諗過放棄你地，甚至可以為左你地擋子彈，身為外援都希望將所見所聞講俾中大手足知，做法雖然唔完美但都可以一齊改善，核爆都唔割。

1. Set Deadline

首先，而家係一場真既戰爭，大學係一座城堡，而各位手足打緊既係一場「守城戰」。守，故名思義姐係消耗戰，要守住敵人既攻勢而唔係快閃。

所有入去幫手既手足，咩崗位都好，都必須set個deadline俾自己諗定幾時走，無論有無得打都好，都要有個方向俾自己決定，尤其而家無大台既情況下，更加應該有目的去行事，你唔plan定幾時走而又on99唔知做乜只會消耗入面既資源。而家唔係入渡假村呀！！

2. 自律性

我地勇武一入去打左一轉之後，抖左15分鐘就開始巡邏睇下有無野幫手，其他手足點諗我地唔知，但食得人地捐既飯我地就要對得住人地，我地隊人做哨兵、運物資、rb，甚至連倒垃圾都做埋。

然而，我地見到既情況係好多人入到去未開戰時係乜都唔使做，係度吹水、打波、食煙⋯⋯放鬆下唔緊要，但一定要自律！！尤其係食煙果啲，屌你自己屋企咩周9圍扔啲煙頭搞到周圍污糟哂，成個運動場看台都係煙頭，周圍係樹又扔，甚至2橋成地電油都扔，有無諗過有幾危險？？？出師未捷就燒撚死自己？？

想講既一點就係：唔開戰果陣，盡量點都搵啲野俾自己做下！成幾千人係入面，無大台，如果各位手足都唔自律想點唔亂？大家一齊進化得咁快，火弓遊，投石器都可以整到出黎，呢啲野我地都一定可以做得更好，各司其職，有系統咁事半功倍。

3. 輪班制

咁多手足係入面，有無諗過清晰劃分每個防線既輪更表？我地走果陣崇基門既手足話佢地守左十幾個鐘嗌極都無人去接更，呢樣野我地覺得可以檢討。

成幾千個手足係入面，就算大家崗位唔同都無可能唔夠人，與其咁亂不如分好崗位就制訂更表，好好利用人力資源。

最後，無論係中大手足、前線定後勤既手足都好，大家上得戰場都係搵條命博，係咪應該好好咁檢討下大家犯左咩錯？要記住，今日班狗用2356粒彈都攻唔入一班武器完全唔對等既學生係佢地既恥辱，但我地都唔可以因為咁而驕傲或者因為守唔住而失士氣！！

最重要一點，和勇一家！！後勤未必可以上前線，但前線絕對可以做後勤野！！軍人起床都要自己摺被，呢個係自律性既問題！但不分化不割蓆！！大家做好自己野，一定要對得住支持我地帶物資入黎既其他手足同家長！！只要大家都團結自律，自然有紀律，幾多隻鬼入黎都分化唔到我地！！

我地用條命去死守得一次，就會有第二次、第三次！！光復香港，時代革命！！！！

如果可以既話可唔可以投稿到比各大group等多d手足睇到 大家都可以一齊檢討🙇🏻‍♂️🙇🏻‍♂️🙇🏻‍♂️

#網民投稿
// 我2月7日在中國駐珀斯副總領事王鳳忠面前展示一張A4白紙！並在其講話過程中穿插口號："共產黨下臺"，"Free Tibet", "Free Hong Kong", "Free the Uyghurs"! 現場有超過百位目擊者。

在聽到"共產黨下臺"的口號後，領事有數十秒尷尬時間，現場所有人均有目擊到😄 //

#Perth #白紙革命 #FreeTibet #FreeHongKong #FreeUyghurs #video