▌尋晚(13/7)集《#東張西望》(AKA #廣告雜誌)，用咗超過兩分鐘幫 #美心西餅 賣廣告（時間約為19:39-19:42），仲擺埋QR Code喺度畀人嘟，所謂嘅植入式廣告似乎越嚟越直接。

▌主持人 #黃嘉慧 首先借意訪問途人，問佢哋「天氣咁熱，胃口會唔會差咗」作切入點，然後主持人極度牽強地轉移話題，話「呢個胃冇胃口啫，但唔好忘記喎，有啲時候我哋有兩個胃㗎嘛！」「咩時候？咪就係食甜品嘅時候囉！」之後就影住主持去美心分店提取蛋糕。

▌之後換一換場景，主持人就開始介紹同評價美心西餅產品，包括直接稱呼產品名稱，闡述佢用咗咩食材、食材產地、蛋糕結構等，畫面旁邊亦有美心嘅QR Code畀人嘟。主持人試食蛋糕嘅兩分鐘期間，亦以近乎氾濫嘅形容詞讚揚其產品「口水都流埋呀」、「皮薄爽甜」、「香甜多汁」、「咬落感覺QQ」、「口感非常豐富」、「香噴噴」、「好有口感」、「無理由唔食」、「又甜又大粒嘅荔枝肉」，似乎過份強調產品，以強烈游說觀眾購買該產品。

▌雖然我哋都知道《東張》係TVB嘅「廣告雜誌」，但你都唔好得寸進尺，越賣越離譜吖？

通訊局：《有關間接宣傳及植入式廣告的常見問題》
https://www.coms-auth.hk/filemanager/tc/content_498/TV_FAQ_TC.pdf

—————————————
圖片來源：TVB節目《東張西望》