民主唔可以當飯食，咁 #雪肌蘭 呢？

《七旬婦被雪肌蘭氹買2000樽保健品？》

— 派嬲定派Like，自己揀😡👍🏻
https://www.facebook.com/squina.hk
http://pili.app/fb/SPYvw4BW

🔎 懶人包：根據《01》個說法，就係懷疑雪肌蘭係咁氹長者買啲唔需要嘅產品，又同佢講唔繼續幫襯就唔幫佢keep貨，買吓買吓就2,000樽，婆婆搵完記者之後，雪肌蘭仲出信話婆婆損害公司商譽，保留追究權利。

📌 《#香港01》今日報導，有位七旬婆婆自十幾年前開始幫襯 #雪肌蘭，至今已經洗咗近200萬，買入超過2,000樽保健產品，如果按照食用說明，每日要食44-150粒產品；

📌 婆婆一開始只係購買產品，後來再購入逾25萬嘅減肥療程，婆婆同家人試完覺得唔啱，打算申請退款被拒，職員提出以補差價嘅方式幫佢買入八種，共330樽嘅保健品；

📌 每次婆婆拎貨嘅時候，職員都會以婆婆好多項指數唔合格，遊說婆婆繼續消費，婆婆表示當時心軟而冇企硬；

📌 婆婆買完多款產品之後，職員又表示婆婆啲貨擺得太耐，要求佢再消費，否則唔會再幫佢keep貨，買吓買吓就買咗成2,000樽，單係魚油產品已經有六種，明目產品都有兩種；

📌 婆婆搵完記者之後，雪肌蘭出咗封信畀婆婆，表示公司已翻查每次銷售錄影紀錄，當中無涉及不法及欺詐行為，又指婆婆嘅言論對公司之專業形象構成嚴重損害，會保留法律追究權利；

📌 01記者翻查資料，發現《#蘋果日報》喺2013年都報導過同類事件，一名七旬老翁以50萬購入700樽雪肌蘭產品，貨品同樣寄存於雪肌蘭倉庫，而佢每次拎貨嘅時候都會繼續俾職員遊說消費；

📌 消委會指出，如商戶知悉消費者因年紀老邁而影響判斷力，仍利用該弱點，使消費者不停進行遠超需要的交易，或可構成《不合情理合約條例》下的「不合情理行為」；

📌 補充資料：雪肌蘭為 #TVB 長期廣告商，亦係TVB台慶、《#獎門人》及《#東張西望》贊助商🔵 不過希望TVB唔好因為雪肌蘭係自己客戶，就有所偏私，期待《東張》團隊聯絡婆婆同雪肌蘭，還原事件真相；

📌 根據「#共業」資料，雪肌蘭股東為劉陳小寶、陳細潔等。劉陳小寶曾任職中國湖北政協、中國全國婦聯香港特邀代表、香港省級政協基金會副主任等。